Gully Boy (2019) Sinhala Subtitles | රැප් සිහිනයක් හඹා ගිය මුඩුක්කුවා… [සිංහල උපසිරසි සමඟ]

මොකෝ වෙන්නේ බයිස්කෝපියන්ස්? කොහෙන්ද පටං ගන්නේ. කාලෙකිං තමයි සබක් කෙටුවේ, ඒකත් තාරක එක්ක සෙට් වෙලා. දකුනු රටෙන් කොල්ලො දෙන්නෙක් තමයි ඉතිං මේ රැප් ගේමට බැස්සේ. ඔන්න 2020 වෙන්න කලින් ආයෙ ආවා සබ් එකක් අරගෙන. දැන් ඉතින් කාලෙකට සැරයක්නෙ සබ් එකක් කරන්නෙ. වෙනස්ම චිත්‍රපටයක් කියලා ට්‍රෙලර් එකෙන්ම දැක්ක හින්දා හිතුනා වෙනසකටත් එක්ක සබ් කරන්න. ඇත්තටම මට නම් කියන්න දේවල් එන්නේ නෑ. මේ ටිකත් දිග වැඩිද මංදා. ඒ නිසා ඉතිරි ටික කරගෙන යන්න මම තාරකට මයික් එක දෙනවා.

– මම හේවා (ආසිරි ප්‍රියන්ත) –

මේ වසරේ පෙබරවාරි 14 වෙනිදා, එහෙමත් නැත්නම් වැලන්ටයින් දවසෙ තිරගතවීම ආරම්භ කරපු Gully Boy (2019) චිත්‍රපටය මේ අවුරුද්දේදි නිකුත් වෙච්ච තවත් වෙනස්ම සිනමා නිර්මාණයක් කියන්නට පුලුවන්. ඉන්දියානු රුපියල් කෝටි 73ක වියදමින් තැනුනු මේ චිත්‍රපටය මේ වසරේ නිකුත්වුනු සාර්ථකම චිත්‍රපට ගොන්නට එක්ව බ්ලොක්බස්ටර් ලේබලය අලවා ගනිමි ඉන්දියානු රුපියල් කෝටි 237ක ආදායමක් උපයා ගැනිමට සමත්වු‍යේ Zindagi Na Milegi Dobara (2011) , Dil Dhadakne Do (2015) වැනි සිනමා නිර්මාණ රැසක් බොලිවුඩයට දායක කල Zoya Akhtar ගේ අධ්‍යක්ශනයෙන්. iMDB ratings 8./10ක් හිමිකරගන්නට සමත් වුනු මේ චිත්‍රපටය musical drama ඝනයට අයත් වන අතර Excel Entertainment ආයතනය යටතේ Ritesh Sidhwani, Zoya Akhtar සහ Farhan Akhtarගේ නිශ්පාදනයෙන් හැඩවූවක්. Vijay Maurya දෙබස් අලංකරණයෙන් හැඩවුණු ගලිබෝයි චිත්‍රපටයේ සංගීත ඇල්බමය නිර්මාණයට Divine, Naezy, Dub Sharma, Ankur Tewari, Spitfire, Sez on the beat, Rishi Rich, Raghu Dixit, Midival Punditz, Karsh Kale, Chandrashekhar Kunder, Jasleen Royal, Mickey McCleary, Ace, Ishq Bector, Prem-Hardeep, Viveick Rajagopalan සහ Kaam Bhaari වැනි සංගීත නිර්මාණකරුවන් රැසක් දායක වෙලා තියෙනවා. ඇත්තටම එතරම් සංගීත නිර්මාණකරුවන් රැසක් මේ සදහා දායක වන්නට හේතුව මේ චිත්‍රපටයෙ අති විශාල රැප් ගීත සංඛ්‍යාවක් අඩංගු වීම සහ මියුසික් ට්‍රැක් 18 කින් සමන්විත වීමත්ය.

මේ චිත්‍රපටයේ කතාවට පාදක කරගෙන තියෙන්නෙ ඉන්දියාවෙ Dharavi නම් ප්‍රදේශයේ මුඩුක්කු ප්‍රදේශයන්හි සිට රැප් සංගීතය ඔස්සේ රසික හිත් දිනාගත් Gully Gang නම් කන්ඩායමේ Divine සහ Naezy නම් තරුණ හිපොප් රැප් කලාකරුවන් දෙදෙනාගෙ කතාවයි. එහෙමයි කියලා මේක Biography චිත්‍රපටයක් කියල හදුන්වලා කොතනකවත් නැහැ. ඔවුන් දෙදෙනාගෙ ගමන ආශ්‍රය කරගෙන මේකෙ කතාව නිර්මාණය වුනා කියලයි සදහන් වෙන්නෙ.

– Divine සහ Naezy –

මිනිත්තු 143ක් පුරා දිවෙම මේ චිත්‍රපටය සදහා ප්‍රධාන චරිත නිරූපණය කිරීම වෙනුවෙන් මෑත කාලයේ බොලිවුඩයේ සිටින විශිෂ්ඨතම රංගන ශිල්පින් දෙපලක් වන රන්වීර් සිං සහ ආලියා භාත් යොදාගෙන තිබෙනවා. ඊට අමතරව Kalki Koechlin, Siddhant Chaturvedi, Vijay Raaz, Vijay Varma වැනි රංගන ශිල්පීන්ද මේ සදහා රංගන දායකත්වය සපයන අතර රන්වීර් සහ ආලියාගෙ රංගනය අති විශිශ්ඨ මට්ටමක තිබෙනවා යැයි සදහන් කරන්න පුලුවන්. ඒ නිසා අති විශාල විචාරක ප්‍රසාදයක් මේ චිත්‍රපටය සදහා ලැබුනු අතර ඒ නිසාවෙන්ම 69th Berlin International Film Festival සදහාද මේ චිත්‍රපටය තෝරාගෙන ත්බෙනු ලබුවා. එමෙන්ම Rotten Tomatoesහි මේ සදහා 100% අගයක් මේ සදහා හිමිවෙලා තිබෙනවා. ඒ වගේම මේ චිත්‍රපටය සඳහා ප්‍රශංශා එක්කල අය අතර සුපිරි  හොලිවුඩ් නලු”විල් ස්මිත්” ද සිටිනවා.

– Gully Boy චිත්‍රපටය සදහා ලැබුනු විචාරක ප්‍රසාදයන් –

මං කලිනුත් සදහන් කරානෙ මේ චිත්‍රපටය Musical drama ගනයට අයත් එකක් මෙම සිනමා පටයේ තේමාව මුරාද් නැමති තරුණයෙක් සහ ඔහුගේ සිහිනය වටා ගෙතෙනවා. මුරාද් කියන්නේ මුම්බායේ ඉතා දිළිදු පවුලක උපන් තරුණයෙක්. ඔහුගේ පියා වෘතියෙන් රියදුරෙක්. තමන්ට අත්වුණ ඉරණම පුතාට අත්වෙන්න නොදී මුරාද්ගේ අම්මා තාත්තා හොදටම මහන්සිවෙලා වැඩකරන්නේ මුරාද්ව සමාජය පිලිගන්නා තරුණයෙක් ලෙස සමාජයට දායාද කිරීමට. ඒත් මුරාද්ගෙ හීනය වෙන්නෙ වෙනමම එකක් ඔහුට අවශ්‍ය රැපර් කෙනෙක් වෙන්න. ඔහුට ඉක්මනටම වැටහෙනවා ඔහුගෙ අනාගතය තියෙන්නෙ එතන බව.

තමන්ට අකැප සිහිනයක් හඹායන මුරාද් නම් 22 හැවිරිදි තරුණයා ලෝකය පුරාම මෙන්ම මුම්බායිහි වීදි පුරා සීමා බාධක රහිතව පැතිර යන රැප් සංස්කෘතියෙහි පදවැල් වලට ඔවුන්ගේ ප්‍රශ්න, දිලිඳු නමුත් ඔවුන්ගේ පොහොසත් සිහින වල ශක්තිමත්භාවය ගැන එක්කොට මනාවට රැප් පදවැල් වලට ඔවුන්ට සිදුවන අසාධාරනකම් එක්කාසු කරගනිමින් සාර්ථක ගමනක නියැලෙනවා.

• රන්වීර් සහ ආලියා එක්ව රඟන පලමු චිත්‍රපටය මෙය වනවා.
• චිත්‍රපටයේ එන Rap Battle එක එහෙමත් නැත්නම් රැප් ගැටුමේ දර්ශනය සදහා ඉන්දියාවෙ සිටිනා සැබෑ රැපර්ස්ලා යොදාගෙන ඇති අතර ඒ සදහා නලුවන් යොදාගෙන නැත.
• චිත්‍රපටයේ වැඩි කොටසක් ඉන්දියාවේ ධාරාවී මුඩුක්කු ප්‍රදේශයේ රූගත කිරීම් සිදුකර තිබෙනවා.
• චිත්‍රපටය පෙබරවාරි 14 වෙනි වැලන්ටයින් දින ඉන්දියාවෙ රිදීතිර 751ක් සහ විදේශීය රිදීතිර 3350 ඇතුළුව ලොවපුරා රිදීතිරයන් 4101 තිරගතවීම ආරම්භ කරනු ලැබූවා.
• චිත්‍රපටයේ කතාව සදහා යොදාගත් ඉන්දියානු දක්ශ රැප් සංගිත ශිල්පී Divine චිත්‍රපටය අවසානයේ Apna Time Aaega ගීතය සදහා එක්වනවා.

බොහෝවිට හිපොප්, පොප්, රැප්, රෙගේ වැනි කලාවන් ආශ්‍රිත මෙවන් සිනමා නිර්මාණ බිහිවන්නෙ හොලිවුඩයෙන්. බොහොම කලාතුරකින් ඉන්දියානු සිනමාවට දායක වුනු ගලිබෝයි වැනි චිත්‍රපාට ඉන්දියානු සිනමා රසිකයින්ට අලුත්ම අද්දැකීමක් ගෙන දෙනවා නොඅනුමානයි. ඒ වගෙම සාම්ප්‍රදායික සිනමා කලාවෙන් බැහැරව එන මෙවන් නිර්මාණ සදහා සිනමාව තුල විශේෂ තැනක් හිමිවනවා. මේ චිත්‍රපටයද ගොඩක් කාලීන මාතෘකාවන් මත්තෙන් නිර්මාණය වූවක්. මං කලින් සදහන් කලා වගේම මෙහි එන රැප් වල පදවැල් සදහාද යොදාගෙන තිබෙන්නෙ තමන්ට අකැප සිහිනයක් හඹායන තරුණයෙක්ට ඒ හීනය ලගාකරගන්න විදින්න වෙන දුශ්කරතා සහ ඔහු මුහුණදෙන අරගලයන් සම්බන්ධවයි. ඉතින් එක වචනයක් නෑර ඔබවෙත උපසිරසි ගන්වා මෙය රැගෙනවිත් තිබෙන්නෙ ඒ රසය ඔබවෙත නොඅඩුව ලබාදීම වෙනුවෙන් කියලත් ආඩම්බරයෙන් සදහන් කරන්න කැමතියි.

ඉතින් ඔන්න ඕකයි කතන්දරය. ඉතින් අපේ අඩවියේ ප්‍රවීණ හින්දි උපසිරසිකරුවෙක් වෙච්චි හින්දි කිං ආසිරි ප්‍රියන්ත එක්ක එක්කාසු වෙලා තමයි මේ උපසිරසිය ඔබලා වෙත අරගෙන එන්නෙ. වෙනදා වගේ ලේසි උනේ නැහැ උපසිරසි ගන්වන්න මේ චිත්‍රපටය. මොකද චිත්‍රපටයෙන් වැඩි කොටසක්ම රැප් එක්ක යන නිසා. ඉතින් හැම රැප් එකකම පදවැල් එක්ක ඔබට ගෙන ඒම අත්‍යාවශ්‍ය නිසාම බොහොම සංයමයෙන් උපසිරසි ගන්වලා ගෙනාවෙ ඔබ හැමදාමත් බයිස්කෝප් අඩවිය කෙරෙහි තබා ඇති විස්වාසය බිදකින්වත් අඩු නොවිය යුතු නිසාමයි. අපි දන්නවා ඔයගොල්ලො හැමෝම බයිස්කෝප් අඩවිය වෙත පිවිසෙන්නෙ කුමක් හෝ වැදගත්කමක් අපගේ උපසිරසි වල තිබෙනා නිසා කියලා. කලබලේ දෙන්න ඔනෑවට උපසිරසිය දුන්නා නම් චිත්‍රපටයේ රසයට ඔබට ලඟාවන්නවත් ලබෙන්නේ නැහැ. ඉතින් ගොඩක්ම මහන්සිය දරන්න උනේ මේ චිත්‍රපටයේ එන රැප් උපසිරසි ගන්වන්න, සෑහෙන්න කාලයක් වැයවුනා ඒ වෙනුවෙන්. ඉතින් අවසාන වශයෙන් ප්‍රමාදයක් උනානම් සමාවෙන්න කියල ඉල්ලා හිටින ගමන්. වෙච්ච මහන්සියට ආසිරි සහ මං වෙනුවෙන් ඔබේ වචනයකින් හෝ ලැබෙනා කමෙන්ට් එක අදනම් ගොඩක් වටිනවා. මොක්ද ලේසියෙන් අල්ලගන්න බැරි මනුස්සයෙක්ව අල්ලගෙන තමයි මේ උපසිරසිය ගෙනත් තියෙන්නෙ. පහලින් වැටන කමෙන්ට් අනුව කාලෙකින් වෙබ් අඩවියට ගොඩවුනු අපේ හේවගෙන් තවත් උපසිරසි බලාපොරොත්තු වෙන්න පුලුවන් ඉස්සරහටත්. 😉 ඒ වගේම උපසිරසිකරුවෙක් විදිහට අවංකවම ආඩම්බරයි මේ මනුස්සයා එක්ක එකතු වෙලා උපසිරසියක් අරගෙන එන්න ලැබීම සම්බන්ධව. එහෙනම් චිත්‍රපටය අනිවාරෙන්ම නරඹන්න කියලා ආරාධනා කරන ගමන් අපි විසිවෙනවා. සැමට ජයෙන් ජය…

– තාරක නුවන් දිල්හාර –

” එකම එක මගයි තියෙන්නේ…
කට පියාගෙන, ඔලුව කෙලින් තියාගෙන, ඇස් වහගෙන යන්න පුළුවන්..
මිනිස්සු කැප කරනවා තමන්ගේ මුළු ජිවිතයම ඒ ගමන වෙනුවෙන්…
දන්නෙවත් නැහැ.. හිතන්නෙවත් නැහැ.. අහන්නෙවත් නැහැ..
එයාලා ඒ මගෙහි කොහේටහරි යනවා..
නැත්නම් කොහේහරි නතර වෙනවා…
යන ගමන අතරතුර එක අතුරැපාරක් හම්බවෙනවා.
ස්ථිර මාර්ගයෙන් සම්පුර්ණයෙන් වෙනස්..
මොළේ හොඳ නැති කෙනෙක් ඉන්නවනම් ඒ පාරෙ යනවා..
නැත්නම් අනිත් හැමෝම ස්ථිර මාර්ගේ තමන්ගේ මුළු ජීවිත කාලෙම යනවා..
ඔලුව කෙලින් තියාගෙන.. දෙනෙත් පියාගෙන.
සිතුවිල්ලට දඩයම් වීගෙන..
ගමනාන්තය පේන්නේ නැහැ කියලා.
නවතින්න කියලද අපි?
දන්නේ නැහැ කොහේට වෙනකන් යන්න පුළුවන් වෙයිද කියලා.. “

– Apna Time Aaega –
– (අපිටත් කලක් ඒවි) –

 

 

Due to copyright issues, we do not provide any torrent links.

මෙම ලබා දී ඇති උපසිරැසි Hindi Proper HDRip පිටපත සඳහා අදාළ වේ.

 

SUBMAKER RATING BY ADMINS