Halahal (2020) Sinhala Subtitles | විෂ විෂ විෂ.. ඔඩු දුවනා…!! [සිංහල උපසිරසි සමඟ]

මහ රෑ අන්ධකාරේ
නිහඬතාවය යට කරගෙන
දෙන්නෙක් දුවන සද්දයක් ඇහෙනවා.
දෙන්නා හතිලන සද්දේ ඊටත් එහා
ගෙවල් අතරින් කුඹුරු මැද්දෙන්
දෙන්නෙක් දුවනවා.
තව කට්ටියක් පස්සෙන් පන්නවත් ඇහෙනවා
දුවනවා.. දිගටම දුවනවා..
වෙඩි සද්දයක්…
දුවන දෙන්නා තවත් කලබල උනා
පාර දිගේ ට්‍රක් එකක් ආවා
ඊට පස්සේ…
ගින්නක්..
පහුවදා උදේ ඩොක්ටර් ශිව්ට කෝල් එකක්
ඩොක්ටර් ශිව්!!! මේක අහලා කලබල වෙන්නෙපා..
හෙලෝ…!!!

කොරෝනා වසංගතයත් එක්කම සිනෙමා ශාලා වසා දැමීම හින්දා බොහොමයක් ඉන්දියන් සිනමාපට OTT මාධ්‍යයෙන් තමා එලිදැක්වුණේ. බොහොමයක් හින්දි සිනමාපට මේ අතර තිබුණත් ඒ අතරින් මගේ පුද්ගලික වැඩිම ප්‍රසාදයක් දිනාගත්ත හින්දි චිත්‍රපටිය තමයි මේ Halahal චිත්‍රපටිය. Crime/Thriller/ Drama ශානරයට අයත් වෙන Halahal ජාත්‍යන්තර සිනමා දර්ශකයේ “අව්‍යාජ” විදිහට ලකුණු 7.3ක් අරන් තියෙනවා. Asur තුලින් බොහෝ දෙනා අඳුනගත්තු Barun Sobti එක්ක Sachin Khedekar ප්‍රධාන චරිත රඟදක්වන මේ සලරුව මුල ඉඳන් අග වෙනකම් කිසිම කම්මැලිකමක් නැතුව කුතුහලයෙන් බලන්න පුළුවන් සිනමාපටයක් විතරක් නෙමේ, කටුක යතාර්ථයක් ගෙනැල්ලා අපි ඉස්සරහට අතාරින නියම පැය එකහමාරක්.
ඉතින් මග ඇරගන්න එපා කියලා කියන ගමන්ම, චිත්‍රපටිය බලපු අනිත් අය කියපු දේවලුත් කියවලා ඉන්න.

කතාවට දෙන්නම් 10/10ක්ම. කිසිම කම්මැලිකමක් නෑ.
ඇක්ටින් ගැන කතා කරොත්? කියලා වැඩක් නෑ.
බරුන් නම් හැබෑම පුදුමයක්. මේ අර මෙගා නාටකේ හිටිය නළුවයි කියලා කාටද කියන්න පුළුවන්?
followipk (Rating 10/10)

සුශාන්ත්ගේ මරණය එක්ක ගනුදෙනු කරන මේ වගේ වෙලාවක
Halahal තිත්ත ඇත්තක් එලි කරන ගමන් ශක්තිමත් පණිවිඩයක් ලබාදෙනවා
කිසිම විදිහකින් මග ඇරගන්නෙපා.
ketgup83 (Rating 9/10)

OTT ප්ලැට්ෆෝම් වලට සෙන්සර් බෝඩ් එකක් නැති එකේ වාසිය.
හිටියා නම් මේ චිත්‍රපටියට එලි බහින්න දෙන එකක් නෑ.
චිත්‍රපටිය තව දික් වුණා නම් හොඳයි.
සචින් මහත්තයාගෙන් නළුවෙක් විදිහට ගන්න වැඩ ගොඩයි.
debojyotichakraborty (Rating 7/10)

එදිනෙදා සිද්ධවෙන යතාර්ථය එක්ක සම්බන්ධ කරාටයි
අසමසම පිටපත වෙනුවෙනුයි
බරුන් සහ සචින් සර්ගේ නියම රංගනය වෙනුවෙනුයි
මුල ඉඳන් ඉවර වෙනකම් සීට් එකේම අලවලා තියාගත්තටයි
මං දෙනවා තරු 5න් 4ක්ම.
Deeksha Sharma (Filmi Indian)

Due to copyright issues, we do not provide any torrent links.

 මෙම ලබා දී ඇති උපසිරසි WEB-DL පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
GOLD MEMBER
JOINING DATE – 2014-01-28
SUB MAKER RATING BY ADMINS