Harry Potter and the Sorcerer’s Stone (2001) AKA Harry Potter and the Philosopher’s Stone Sinhala Subtitles | හැරි පොටර් සහ මායා ගල [සිංහල උපසිරැසි සමඟ]

සහන් කහටපිටිය සොහොයුරාගේ ලිපිය

ආයුබොවන් ඉතින්……

පුරුදු විදියටම අපේ විකියා සහොදරයාගේ උනන්දුව යටතේ සිදුවූ උපසිරැසි ගැන්විමක් විදියට මෙන්න පොඩි අයගේ ලොකෙට ආව තවත් වීරයෙක්ගේ කථා මාලාවක පටන් ගැනිම

මීට අවුරුදු 15කට කලින් බ්‍රිතාන්‍යෙයේ දුප්පත් කාන්තාවක් වන ජේ.කේ රෝලින් අතින් ලියැවුනු පොතක් තමයි හැරී පොටර් කථාව. මේ පොත කොච්චර ජනප්‍රිය උනාද කියනවා නම් අවසානයේ ලොකේ ධනවත්ම කාන්තාවන්ගේ නම් අතර ඇයගේ නමත් ලියවන්න මේ පොත සමත් උනා. විශේෂයෙන් ළමයින් අරමුණුකොට කියවුන මේ කතාව අපි කව්රුත් දන්න මායා ලොකය ගැනයි.මායා ලොකය මොන වාගේද කියන දේ සම්පූර්නයෙන්ම මේ පොතේ තියෙනවා.

මේ කතාවේ හැරි පොටර් ළමයා තමන්ගේ මාමයි නැන්දයි එක්ක ජීවත්වෙන වයස 11ක් වෙන හැමදාම වැඩකාරයෙක් වගේ ගෙදර වැඩ කරන දුකසේ ඉන්න කෙනෙක් දවසක් මෙයාට ලියුමක් ලැබෙනවා. ඒ මායා ලෝකේ මැජික් උගන්වන පාසලකින් ඇත්තෙන්ම මෙයා අයිති මායාකරුවන්ගේ ලොකෙට ගිහින් මායාවන් ඉගන ගන්න අතර බොහො දේවල් සිද්ධ වෙනවා

චිත්‍රපටිය ගැන කියනවා නම් ඩොලර් වලින් 974,755,371ක් ආදායම් අරගෙන තියෙනවාලුනේ රේටින් එකේත් 7.3ක් කියන්නේ.ඉතින් මේක ගොඩක් අය බලලා තියෙනවා. විශේෂයෙන් කියන්න දෙයක් තියෙනවා මේකේ BR Rip කොපිය බලනකොට මම tv එකේ පෙන්නනවාට වැඩි විස්තර දැක්කා ඒ වගේම 2001 හදපු චිත්‍රපටිය උනාට BR Rip කොපිය නියමයි බලන්නකෝ ස්තූතියි

මෙහි කතා මාලාවම ඉදිරි දින කිහිපය ඇතුලත ලබා දෙන බව කියන්න ඕනේ..ඔන්න එක දිගට බලන්න ලේස්ති වෙන්න කට්ටියම මේ සුපිරි බයිස්කෝප් මාලාව …

Extended උපසිරැසිය වෙනුවෙන් කවිෂල් රසින්ත සොහොයුරාගේ ලිපිය

ඔන්න හුඟ දෙනෙක් බැනලා කරලා ඉල්ලලා තිබ්බ හැරි පෝටර් ෆිල්ම් සීරීස් එකේ Extended උපසිරසියක් අරගෙන ඇවිල්ලා තියෙනවා. ඉතින් ලංකාවේ ෆෑන්බේස් අතින් ඉහලින්ම ඉන්න ෆිල්ම් මාලාවක්නේ හැරි පෝටර් කියන්නේ. ඒ නිසා හරියාකාර සබ් එකක් නැති එක ලොකු අඩුපාඩුවක් ඔන්න එහෙනම් ඒක හරි.. ටයිම් සෙට් වෙන්නේ නෑ කියලා හුඟක් අය චෝදනා කරලා තිබ්බා. ෆිල්ම් හතේම වගේ ටයිම් වල අවුල තියෙනවා මොකද සෑහෙන කාලෙකට කලින්නේ ඒවට උපසිරසි ලබාදුන්නේ. ඒ කාලේ උපසිරසි ලබාදුන්න ෆිල්ම් කොපි දැන් හොයාගන්න නෑ, අලුත් කොපි ඇවිල්ලා තියෙනවා ඒවට සබ් එක ගැලපෙන්නේ නෑ. ඒ වගේම මුල් සිනමාපට පහේම උපසිරසි ලබාදුන්නු අය දැන් වෙද්දී වෙබ් අඩවිය එක්ක නැහැ. ඒ නිසා Extended සබ් එක සින්ක් කරන එකට වඩා සබ් එක අලුතින්ම කරන එක හොඳ නිසා මම වැඩේ පටන්ගත්තා. ටයිම් අවුල් නැති වර්තමානයේ තියෙන හොඳම කොපි වලට ගැලපෙන සබ් එකක් මම අරගෙන තමයි මේ ආවේ.

මීට අවුරුදු 23කට කලින් J.K. Rowling කියන කතුවරියගේ හිතේ ඇදෙන අදහසක් ඔස්සේ ගොඩනැගුන හැරීපෝටර් විශ්වය අද වෙනකොට කොතරම් ප්‍රසිද්ධද කිව්වොත් එවකට ඉතා දුප්පත්ව සියදිවි නසාගන්න පවා තැත්කරපු රෝලින් මහත්මිය අද ලෝකයේ වැඩිම දෙනෙක් කතා බහ වෙන වගේම ලෝකයෙ ධනවත්ම පුද්ගලයින් අතර ඉහලින්ම ඉන්න තැනැත්තියක්. ලෝකයේ වගේම ලංකාවේද ලොකුම ෆෑන්බේස් එකක් තියෙන කතාවක් තමා හැරි පෝටර් කියන්නේ. ඉස්සර සිරසේ හැරි පෝටර් කතා පෙන්නනකල් පිස්සුවෙන් වගේ අපි බලාගෙන හිටියා තාම මතකයි. ඉතින් එහෙම නිර්මාණය වුන හැරි පෝටර් ෆිල්ම් මාලාවට පාදක වෙන්නේ රෝලින් මහත්මියගේ…

• The Philosopher’s Stone (1997)
• The Chamber of Secrets (1998)
• The Prisoner of Azkaban (1999)
• The Goblet of Fire (2000)
• The Order of the Phoenix (2003)
• The Half-Blood Prince (2005)
• The Deathly Hallows (2007) කියන ග්‍රන්ථයන් හත.

එසේ නිර්මාණය වුන හැරි පොටර් විශ්වය තවත් ප්‍රසිද්ධියට පත් වෙන්නේ ඒ පොත් මාලාවෙන් සිනමා පට අටක් නිකුත් වීමත් සමඟයි. පොත් හතක් වුනාට, අවසාන පොත කොටස් දෙකකට අරගෙන තමා ෆිල්ම් අටක් වෙන්නේ.

• Harry Potter and the Philosopher’s Stone (2001)
• Harry Potter and the Chamber of Secrets (2002)
• Harry Potter and the Prisoner of Azkaban (2004)
• Harry Potter and the Goblet of Fire (2005)
• Harry Potter and the Order of the Phoenix (2007)
• Harry Potter and the Half-Blood Prince (2009)
• Harry Potter and the Deathly Hallows – Part 1 (2010)
• Harry Potter and the Deathly Hallows – Part 2 (2011)

ඉතින් එහෙම නිර්මාණය වුන හැරි පෝටර් විශ්වය අද වෙනකොට සෑහෙන ලෙස ලෝකය පුරාම පැතිර ගිහින් උන්මාදයක් වෙලා අවසානයි. ඉතින් අද මේ අරගෙන එන්නේ ඒ සිනමා මාලාවේ පලවෙනි කතාව වෙන Harry Potter and the Sorcerer’s Stone ෆිල්ම් එක.. හැරි පෝටර් සිනමා මාලාවේ ආරම්භය සනිටුවහන් කරපු ඒ සිනමා පටය.. අමුතුවෙන් මේ සිනමා පටය ගැන දේවල් කියන්න දෙයක් නෑ. ඔයාල දැනටමත් නොදන්නේ මොනවද මේවා ගැන නේද! මටත් වඩා දන්නවා ඇති. ඉතින් වැඩි දෙයක් ඕන නෑ. අපේ පුංචි කාලේ වර්ණවත් කරපු මේ සිනමාපටයට රංගනයෙන් දායක වෙන අයව පොඩ්ඩක් මතක් කරන්නම්.

• Richard Harris ඇල්බස් ඩම්බල්ඩෝර් විදිහට
• Maggie Smith මහාචාර්‍ය මැගෝනිගල් විදිහට
• Robbie Coltrane හැග්රිඩ් විදිහට
• Daniel Radcliffe හැරි පෝටර් විදිහට
• Fiona Shaw පෙට්‍යූනියා නැන්දා විදිහට
• Harry Melling ඩඩ්ලි විදිහට
• Richard Griffiths වර්නන් මාමා විදිහට
• Ian Hart මහාචාර්‍ය ක්විරල් විදිහට
• Rupert Grint රොන් වීස්ලි විදිහට
• Emma Watson හර්මයිනි ග්‍රේන්ජර් විදිහට
• Tom Felton ඩ්‍රෙකෝ මැල්ෆෝයි විදිහටත් අපිට මුණගැහෙනවා.

මීට අමතරව IDMb දර්ශකයේ 595,000+ අධික මනාප සංඛ්‍යාවකින් 7.6ක තරම් ලොකු අගයක් ලබාගෙන තියෙනවා මේ සිනමා පටය. ඒ වගේම Fantasy / Narrative / Adventure කියන catagories වලට මේ සිනමා පටය අයත් වෙනවා.

නවතම Extended Bluray පිටපත් සඳහා මෙම උපසිරසිය ගැලපෙන බවද මතක් කරනවා. ඊළග ෆිල්ම් ටිකත් හැකි ඉක්මනින් මේ විදිහට නවතම පිටපත් වලට ගැලපෙන්න ගුණාත්මක බවින් යුක්ත්ව රැගෙන එන පොරොන්දුව ඇතුව මම ගිහින් එන්නම්. ඒ වගේම මට මේ ෆිල්ම් මාලාවට මේ විදිහට උපසිරසි කරන්න ලබාදුන්න තිසර අයියට බෙහේවින්ම ස්තූතිවන්ත වෙනවා, මොකද මේක මට ලොකු ජයග්‍රහණයක් වගේ දැනෙන නිසා. එහෙනම් පැය දෙකයි විනාඩි හතලිස් ගානක් පුරාවට ආයේත් වතාවක් බලපු නොබලපු හැමෝම පිය මනින්න ලෑස්ති වෙමු එහෙනම්. ජය වේවා…!!

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි සියළුම BR / EXTENDED BR පිටපත් සඳහා අදාළ වේ.