Il Mare (2000) AKA Siworae Sinhala Subtitles | පෙනෙන නොපෙනෙන දුරක ඉදන් [සිංහල උපසිරසි සමඟ]

” අපිට අත් අල්ල ගන්න බැරුව ඇති,
ඒත් අපි ඇවිදන් යමු…
අපිට හැබෑ කර ගන්න බැරුව ඇති,
ඒත් අපි හීන දකිමු…
අපිට හිනා වෙන්න බැරුව ඇති,
ඒත් අපි අඩන් නැතුව ඉමු…
අපිට අපේ වෙන්න බැරුව ඇති,
ඒත් අපි එහෙම වෙන්න ප්‍රාර්තනා කරමු… “

මුලින්ම ස්තූතිවන්ත වෙන්න ඕනෙ මම කලින් කරපු ” Never Look Away (2018) සිත්තරා අහිමි සිතුවම්… ” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

මේ වතාවේ උපසිරැසියක් කරන්න තෝර ගත්තේ මටත් හරිම අහඹු විදියට බලන්න ලැබුන කොරියානු සිනමා සිත්තමකටයි. මම මෙහෙම අහන්නම්කෝ, 2006 අවුරුද්දෙදි තිරගත උන ලොව පුරා සිනමා ලෝලීන් ආදරයෙන් මත් කරපු Keanu Reeves සහ Sandra Bullock රඟපාපු ” The Lake House ” ෆිල්ම් එක බලල තියෙන්නෙ කවුද? දැනගෙන හිටියද ඒක ඇත්තටම කොරියානු ෆිල්ම් එකක රීමේක් එකක් බව…? මාමත් බොහොම මෑතකදී ඒ බව දැනගත්තෙ මුහුණු පොතේ තිබුන සටහනකිනුයි. ඒ විතරක්ම නෙමෙයි ඒ කොරියානු සිනමා සිත්තම ලොව පුරා සිනමා ලෝලී ආදරණීය හදවත් විසින් මොන තරම් තදින් වැළඳ ගත්තාද කියනවා නං හොලිවුඩයේ විතරක්ම නෙමෙයි අසල්වැසි ඉන්දියාවේදී පවා නැවත නැවතත් ප්‍රතිනිර්මාණය වනවා. රී මේක් එක එහෙම නං ඔරිජිනල් එකේ රහ කොහොම ඇද්ද…? ඒ කොහොම උනත් ඒ රී මේක් එකද, නැත්තං ඔරිජිනල් එකද වඩාත් හොඳම කියලා තෝරා බේරා ගැනීම මම මේ ලිපිය කියවන ආදරණීය හදවත් හිමි ඔබටම බාර කරනවා…

සෙයුන් හයූන් කියන්නෙ ගෘහ නිර්මාණ ශිල්පියෙක් වීමේ සිහිනය අත ඇරල දාලා ඉදිකිරීම් වැඩ බිමක රස්සාවක් කරන්න ආපු තරුණයෙක්. දවසක් දා එයාගෙ තැපැල් පෙට්ටියට අහම්බෙන් වගේ අලුත් අවුරුදු සුබ පැතුම්පතක් ලැබෙනවා. හැබැයි හරිම පුදුම විදියට ඒකෙන් සුබ පතල තිබුනේ තව අවුරුදු දෙකකින් අනාගෙතේදි උදාවෙන්න තියෙන අවුරුද්දකටයි… එහෙමත් වෙන්න පුලුවන්ද…? දිනේ වැරදිලාවත්ද…? නැත්තං ඒක ඇත්තටම අනාගතෙන් එවපු සුබ පැතුම්පතක්ද…? IMDb දර්ශකයේ 7.6ක් වගේම rotten tomatoes දර්ශකයේ 89%ක් ලබා ගත්තු මේ සිනමා සිත්තම රසනොවිඳි දෑසක් කුමට…? මම මේ සිනමා සිත්තමේ කතාව වැඩිය නොකියා ඉන්නම්, මොකද මම හැමදාමත් කියනවා වගේම මේකත් නරඹලා මිස කියවලා රසවිඳිය නොහැකි හරි ආදරණීය සිනමා සිත්තමක්ම වන නිසා… තිරගත වෙලා තියෙන අවුරුද්ද පරණයි කියලා නං හිතන්න එපා. මොකද ආදරය කවදාවත්ම වයසට යන්නෙ නෑනෙ. අනික ” ඕල්ඩ් ඊස් ගෝල්ඩ් ” නේ… The Lake House දැනටමත් බලල තියෙන අය නං දැනටමත් රහ දන්නව ඇතිනේ… එහෙම නැති අය වගේම කොරියන් ෆිල්ම් නොබලන අයත් මේක මග ඇර ගන්න නං එපා. ඔබට මග ඇරෙන්නේ සිනමා ලෝකයේ නිර්මාණය උන හරි ආදරනීයම සිනමා සිත්තමකුයි…

සුන්දර ජර්මානු සිනමා සිත්තමක උපසිරැසියක් සමඟින් නැවත හමුවෙමු…!
ඔබට ජය….!

ප.ලි
සබ් කරන්න මග ඇරුන අලුත්, පරන, භාෂා බේදයක් නැතුව හොද ෆිල්ම් එහෙම තියෙනවා නං පහලින් කමෙන්ට් එකක් දාලා යන්න. පුලුවන් විදියකට කරන්නම්.

ස්තූතියි…!

Due to copyright issues, we do not provide any torrent link.

මෙම ලබා දී ඇති උපසිරසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-01-07
SUBMAKER RATING BY ADMINS