Interstellar (2014) with Sinhala Subtitles | සුපිරිම සුපිරි විද්‍යා ප්‍රබන්ධය. (300) [සිංහල උපසිරසි සමඟ]

ගොඩ දෙනෙක් බලාගෙන උන්න තවත් සුපිරි චිත්‍රපටියක් එක්ක මේ ඔබව හමුවෙන්න මම ආවේ, බයිස්කෝප් සිංහලෙන් නම් මේ සොඳුරු කොටිවලිගයේ තවත් එක සංධිස්ථානයක් පහුකරන්නයි. මේ තමා මගේ 300 වෙනි සිංහල උපසිරැසිය. ඒ වගේම ගොඩ දෙනෙක් නොදන්නවා වුණත් මම අද මේ තැන පහු කරන්නේ වෙනදා වගේ විදේශගතව නොව නිවාඩුවකට ලංකාවට ඇවිල්ලා කියන එකෙනුත් මට හොඳට මතක හිටින දවසක් බවට අද පත්වේවී.

හැමදාම වගේ මගේ උපසිරැසිකරණයේ දින වකවානු පොඩ්ඩක් මතක් කරන්නම්.

01 – 2009 ජූනි 26 වැනිදා බයිස්කෝප් අඩවියෙන් මුලින්ම නිකුත් කරපු උපසිරසිය.
50 – 2012 අගෝස්තු 18.
100 – 2013 ජනවාරි 21.
150 – 2013 සැප්තැම්බර් 02.
200 – 2014 ජනවාරි 20.
250 – 2014 අගෝස්තු 18.

ඇත්තටම දැන් බොහෝ දෙනෙක් ළඟට වෙබ් අඩවිය සමීප වෙද්දි කුහක සුළු පිරිසක් බාල්දි පෙරළන්න දතකන මේ කාලේ හැමදාම වගේ කමෙන්ට් එකක් දාන්න වෙලාව කැපකරන අතලොස්ස ගැන මට තියෙන්නෙ පුදුම තෘප්තියක්. ඒ වගේම හැමදාම වගේ තමුන්ගේ පෞද්ගලික වැඩ වලට පොඩ්ඩකට හරි විරාමයක් දීලා සයිට් එකේ පෝස්ට් ටික හදන්නම සෑහෙන වෙලාවක් වැයකරන ඇඩ්මින්ලා සෙට් එකටත් බොහොම ස්තූතියි. ලංකාවෙදි වෙනදා වගේ වෙලාව කැපකරන්න වෙලාවක් වගේම හැකියාවක් නැති වුණත්, ඒ අඩුව පුරවන්න අනික් සෙට් එක සෑහෙන කට්ටක් කන බව නම් කියන්නම ඕනා.

ඉතින් මම ස්තූතිය පළකළ යුතු අය අතරට මගේ මේ කරන කාලය වැය කිරීමට උපේක්ෂාවෙන් ඉවසන පවුලේ අයටත්, මට විශාල වශයෙන් උපකාර කරන සහෝදර ඇඩ්මින්වරුන්ට හා විවිධ අංශ වලින් වෙබ් අඩවිය පවත්වාගෙන යන්න තම නොමසුරු දායකත්වය දෙන සියලුම දෙනාට වගේම මේ අවුරුදු 6 පුරාවටම එක වචනයකින් හෝ මහා ශක්තියක් වෙමින් කමෙන්ට් මඟින් අදහස් දැක්වූ සියලු දෙනාම අයිති වෙනවා. කියන්න අවශ්‍ය නැහැනේ. මේ අපි දාන උපසිරසියකින් කවුරුන් ආර්ථික ලාභ ලැබුවත් මම ලබන එකම ලාභය නම් ඔබ ඉතිරි කර යන කමෙන්ට් එක පමණයි.

මම අවසාන වශයෙන් ඉල්ලන එකම දෙය නම් නිකන්ම නිකන් බාගත කරගෙන යන්නෙ නැතුව විනාඩියක් නැවතිලා අදහසක් දක්වලා යන්න කියන එකයි. මොකද හරිහමන් විදියට උපසිරසියක් දාන්න නම් ඒ වෙනුවෙන් සෑහෙන වෙලාවක් ඕනම කෙනෙක් වැයකළ යුතු වෙනවා. ඒ මහන්සිය දන්න නිසාම තමා මම අලුත් පරණ කාට වුණත් එක වචනයකින් හරි ස්තූතියි කියලා කමෙන්ට් එකක් දාන්න මැලි නොවෙන්නේ.

අපි කතාව දිහාට හැරුණොත් මුලින්ම අපි මේකේ අධ්‍යක්ෂකවරයව මතක් කර ගම්මු. අහල තියෙනවද ක්‍රිස්ටෝෆර් නෝලන් ගැන? හෙහ් පිස්සු හැදෙයි නේද? හොඳයි දන්නවනම් කියන්න බලන්න මේ අධ්‍යක්ෂකවරයගේ චිත්‍රපට වලින් IMDB හොඳම චිත්‍රපට 250 ශ්‍රේණීගත කිරීමේ ලයිස්තුවට ආවෙ නැත්තෙ චිත්‍රපට කීයද කියලා? මම මෙතන කියන්න ඕනා නෑ. ඔයාලම හොයල බලන්න. එතකොට මෙයා ගැන තේරේවී. ඇත්තටම මේ චිත්‍රපටිය තිරගත වෙච්ච ගමන්ම වගේ කොච්චර ඉහළට ආවද කියන එකට වඩා දැන් ඉන්නෙ 17 වෙනි ස්ථානයේ කියන එකෙන්ම මේ කතාවෙ සුපිරි බව වැටහේවි. බලපුවම තවත් පත්තියන් වේවී. ඒ වගේම ළඟ එන ඔස්කාර් සම්මාන උළලේ සම්මාන 05 කට නිර්දේශිත වෙච්ච මේ චිත්‍රපටියේ පහුගිය අවුරුද්දේ හොඳම නළුවාට හිමි ඔස්කාර් සම්මානය දිනාගත්ත Matthew McConaughey, වගේම ඔස්කාර් සම්මාන ලාභී Anne Hathaway, Matt Damon වගේම Jessica Chastain රංගනයෙන් දායක වෙනවා.

මම කතාව ගැන සුළුම සුළු දෙයක් කියන්නම්. අනාගතයේ එක දවසක වායුගෝලයේ නයිට්‍රිජන් ප්‍රතිශතය ඉහළ ගොස් ඒ මත යහමින් යැපෙන දීලීර නිසා බොහෝ වගා පාළුවෙනවා. ඉතින් දැන් මේ කාලේ තියන ලොකුම ප්‍රශ්නේ තමා කොහොමද කෑම ටික හොයාගන්නෙ කියන එක. දවසින් දවස ආහාර වර්ග වඳවෙනවා. මේ වගේ ලෝකයක තවත් එක පවුලක අසාමාන්‍ය කතාවක් තමා මේ කියවෙන්නෙ. බාගෙන බලන්නකෝ.

කමෙන්ට් එකක් දැම්මට මම තරහ වෙන්නෙ නම් නෑ. එහෙනම් නැවත හමුවෙමු.370

Due to copyright issues, we do not provide any torrent links.

Interstellar (2014) 720p BrRip x264 – YIFY

Interstellar 2014 BRRip x264-RARBG

මෙම ලබා දී ඇති උපසිරසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.