Iron Man 3 (2013) | යකඩ මිනිසාට ප්‍රහාරයක්… [සිංහල උපසිරැසි සමඟ]

චිත්‍රපටය ආරම්භ වෙන්නෙ 1999 දි ස්විස්ටර්ලන්තයේ පැවති සාදයක් අතරතුර සිදුවූ සිදුවීමක් මතු කර දක්වමින්. එහිදී “ඕල්ඩ්‍රිච් කිලියන්” නම් ආබාධිත විද්‍යාඥයෙක් “ටෝනි ස්ටාක්ට” (අයන් මෑන්) යෝජනාවක් කරනව තමන් ඔහු සමඟ එක්වී පරීක්ෂණ කිරීමට කැමති බව. නමුත් ටෝනි මේ කෙනා ගැන එතරම් තැකීමක් සිදු කරන්නෙ නැහැ. වසර ගණනාවකට පසු ඇමරිකාවට අලුත් සතුරෙක් ඇති වනවා “මැන්ඩරින්” කියල. එයා ඇමරිකාවට නිතරම ප්‍රහාර එල්ල කරනවා. මැන්ඩරින් ජීවත් වන ස්ථානයක් ගැන කිසිම සඳහනක් නෑ. එයා තාක්ෂණය අතින් ඉතා ප්‍රබලයෙක් බව එයා කරන දේවල් වලින් ලෝකයට හෙලි කරනවා. මේ නිසා “ටෝනි ස්ටාක්” හරිම කේන්තියෙන් ඉන්නෙ. ටෝනි මේ වන විට අයන් මෑන් ඇඳුම් කට්ටල කීපයක්ම නිර්මාණය කරල තියෙන්නෙ. මීට පෙර තිබුනාට වඩා දැන් අයන් මෑන් ඇඳුම හුඟක් ප්‍රබලයි. වැඩ කෑලි ලෝකයයි. ටෝනි කියන්නෙ ටිකක් සෙල්ලක්කාර චරිතයක්නෙ. දවසක් මෙයාට කේන්ති ගිහින් මාධ්‍ය ඉදිරියේ ප්‍රසිද්ධියේම “මැන්ඩරින්ට” තර්ජනය කරනව. තමන්ගෙ ගෙදර ලිපිනයත් කියල පුලුවන් නම් තමන්ගෙ වැඩ පෙන්නන්න කියල අභියෝග කරනව. නොසිතූ විරූ වෙලාවක අයන් මෑන්ගේ නිවසට එයා හෙලිකොප්ටර් මගින් බරපතල ලෙස පහරදීල මුලුමනින්ම විනාශ කරල දානව. මේ අතරෙ අයන් මෑන් “ජාවිස්” එක්ක පැන ගන්නව. “ජාවිස්” කියන්නෙ අයන් මෑන් ඇඳුම, එය කෘත්‍රිම බුද්ධිය සහිත රොබෝ කෙනෙක්. තමන්ට එල්ල වූ ප්‍රහාර නිසා දැන් අයන් මෑන් දරුණු ලෙස තුවාල වෙලා ඉන්නෙ. ඒවගේම තම නිවසින් හැතැක්ම දහස් ගානක් ඈත ඉන්නෙ…

මෙවර අයන් මෑන් ඇඳුමේ අලුත්ම වැඩ කෑලි මොනාද? කවුද මේ “මැන්ඩරින්” කියන්නෙ? අයන් මෑන් කොහොමද මැන්ඩරින්ගෙන් තමන්ගෙ රට බේර ගන්නෙ?… මේ වගේ තවත් අලුත් දේවල් බොහෝමයක් ඔයාලට බලාගන්න පුලුවන් චිත්‍රපටය නැරඹුවොත්. මේ චිත්‍රපටයේ DVD පිටපතක්වත් ඉංග්‍රීසි උපසිරැසිවත් තවමත් නිකුත් වෙලා නෑ. ඒත් යම්තාක් දුරට හොඳ කොපියක් ඇවිත් තියන නිසා අපි තීරණය කරා මේකට සිංහල උපසිරැසි යොදන්න. දෙබස් වලට සවන් දෙමින් සිංහලට පරිවර්තනය කළ නිසා ලොකු වෙහෙසක් දරන්නත් සිදුවුනා. ඒ නිසා හොඳ කොපියක් එනකං ඉන්න බැරි අය බැලුවට වරදක් නෑ. කොහොමත් හොඳ කොපියක් ආ සැනින්ම අපි ඒකට ගැලපෙන සිංහල උපසිරැසිත් ලබා දෙනව.

එහෙනම් මම ගිහින් එන්නම්.. ආයෙත් සුපිරි බයිස්කෝප් එකකින් හමුවෙමු. හැමෝටම ජය වේවා෴