Kaante (2002) – Sinhala Subtitles | කටු…! [සිංහල උපසිරසි සමඟ]

මම මුලින් පොඩ්ඩක් මගේ පම්පෝරිය ගහල ඉන්නම් නේද. ගොඩක් අය මට බනිනවා ඇයි මම අලුත් ෆිල්ම් කරන්නේ නැත්තේ කියලා. මෙහෙමයි මට සාමාන්‍යයෙන් ෆිල්ම් එකක් එලටම කරන්න දවස් තුනක් වත් යනවා. මොකද මගේ ටයිපින් ස්පීඩ් එක ටිකක් මදි වගේම වැඩ නිසා මම රෑට පැයක් දෙකක් තමයි සබ් වලට් කැප කරන්නේ. ඉතින් මම අලුත් ෆිල්ම් එකක් බාර ගත්තොත් එහෙම අපේම ඉන්න සහෝලට ඒක මට වඩා ගොඩක් ඉක්මනට දෙන්න පුළුවන්. අන්න ඒ නිසයි මම පරණ එකක් එහෙම කරලා පාඩුවේ ඉන්නේ. එතකොට, මගේ හිතේ හැටියට කරන්නැ පුළුවන් නිසා. ඔන්න ඕක තමයි මගේ කතාව. දැන් පොඩ්ඩක් ෆිල්ම් එක පැත්තට හැරෙමු නේද.

2002 දෙසැම්බර් 22 නිකුත් උන මෙය සන්ජේ ගුප්තා කියන කෙනා තමයි අධ්‍යක්ෂණය වගේම පිටපත ලියල තියෙන්නේ. imdb හි 6.2 ක අගයක් මේකට ලැබිලා තියෙනවා. මේකේ අමිතාබ් බච්චන්, සන්ජේ දත්, සුනිල් ශෙට්ටි වගේ සුපිරිම නළුවෝ සෙට් එකක් රගපානවා. ඒ වගේම මෙහි ‘බාලි’ ලෙස චරිතය නිරූපණය කරන මහේෂ් මන්ජෙකර් ගේ මුල්ම චිත්‍රපටිය වගේම ඔහු මේකේ විශිෂ්ඨ රංගනයක් ඉදිරිපත් කරනවා. තවත් පොඩ්ඩක් කියනවනම්, මේකේ දෙබස් එහෙම මාරම ලස්සනයි, මම සමහරක් දෙබස් පාට කරල එහෙමත් දැම්මා ඔයාලට බලා ගන්න පහසු වෙන්න. ඒ වගේම මෙය Action, crime, drama ගණයට වැටුනත් මෙහි ඇති සමහර විහිලු ඉතාමත් හොදට, comady ෆිල්ම් එකකට වඩා හොදට තියෙනවා. අනික මම දන්නා විදියට මේක මෙච්චර පරණ වෙලත් ලංකාවේ ටි.වී. චැනල් එකක තවම විකාශය වෙලා නැහැ. මොකද මේ චිත්‍රපටයේ භාෂාව හා තේමාව නිසා වෙන්න ඇති. තවද මෙය තමයි මුල්ම චිත්‍රපටය සම්පූර්ණම රූගත කිරීම් ලොස් ඇන්ජලිස් වල කරපු.

ලොස් ඇන්ජලිස් වල සිදුවන කුඩාම සිදුවීමකට පවා පොලිසියෙන් සැකපිට අත්අඩංගුවට ගන්නේ එහි සිටින ඉන්දියානුවන්ය. මෙලෙස අත්අඩංගුවට පත්වන සිව් දෙනෙකු ඔවුන්ගෙන් පලි ගැනීමට සිතා හිරේ සිටම සැලැස්මක් හදනවා පොලිසියේ අයගේ මාසික වැටුප ගිණුමට බැර වෙන බැංකුවක් වන සේර්විස් ඇමරිකා බැංකුව කොල්ලකෑමට. මොවුන් සිව් දෙනා එය ඉතාම සූක්ෂම ලෙස සිදු කරන අතර බැංකුව කොල්ලකා එලියට එනවාත් සමග පොලිසිය විසින් ඔවුන් වට කරනවා. එයින් බේරී පලා යන ඔවුන්ට දැනගන්න ලැබෙනවා සිව් දෙනා අතරින් කෙනෙකු රහස් පොලිසියේ බව. ඉතින් ඔන්න මම ෆිල්ම් ඒකෙන් බාගයක්ම කිව්වා. අවසානය ඔයාලට හිතා ගන්නවත් බැරි වෙන විදියටයි සිදු වෙන්නේ. ඉතිරි ටිකවත් ඔයාලම බලන්න. පරණයි කියලා නොබලා ඉන්න එපා කියා ඉල්ලනවා. මම ගැරන්ට් කරනවා ඔයාල ඉන්ග්ලිෂ් ෆිල්ම් එකක් බැලුවා හා සමාන වෙයි කියලා. තව දෙයක් ඔයාල කොමන්ට් එකක් එහෙම දාන්න හිතන් ඉන්නවනම්, ෆිල්ම් එක බලල ඉවර වෙලා දාන්න කියල ඉල්ලනවා. එහෙනම් ගිහින් එන්නම්. අහ්හ් මම මේකේ තියෙන සින්දු කාල්ලකින්ම අවසන් කරන්නම්, එතකොට ඔයාලට ෆිල්ම් එකේ අවසානය ගැනත් පොඩි අදහසක් ගන්න පුළුවන් (එතකොට ෆිල්ම් එක බලන්නම ඕනේ නැහැ, සේරම මම කිව්වනේ).

සිතුවෙම නැත දෛවය අපව මෙතනට රැගෙන ඒයි කියා….

අරමුණ වෙත ලගා වෙද්දීම ජීවිතය යන්නට යාවි කියා..

මේ බව අප සිහිනෙකින්වත් නොසිතුවෙමි…

ඒමට ප්‍රථම සතුට යන්නට යාවි කියා…

අප සිතුවේ කුමක්ද? නමුත් සිදු වූයේ කුමක්ද

අපි යන්නටයි සූදානම ලෝකයාට පවසමින්..

මේ කුමක්ද සිදු වූයේ, දෙවියනි?

මේ කුමක්ද සිදු වූයේ, දෙවියනි?

එය නුබගේ හෝ මාගේ වරදක් නොව?

දෙවියනි, මා එතරම් නරක නොවන්නට තිබුනා..

නුබ චපල නොවුවා නම්…

මෙය පමණක් පවසන් මා හට…

නුබට මොනවාද ලැබුනේ කියා?

දුකෙහි කටු මා මාර්ගයේ අසුරා.

මේ කුමක්ද සිදු වූයේ, දෙවියනි?