Friday , May 29 2020
Breaking News

Khaleja (2010) Sinhala Subtitles | දෙවියන් සිටිනුයේ මනුෂ්‍ය රූපයෙනි…! [සිංහල උපසිරැසි සමඟ]

Rating: 8.9/10. From 20 votes.
Please wait...

ආයුබෝවන් බයිස්කෝප්වාසී හැමෝටම. අද මම අඩවිය වෙත ගොඩවෙන්නේ පහුගිය දශකයේ තෙලුගු සිනමාවට දායාද වූ සුපිරි චිත්‍රපටයක් අරගෙන. Trivikram’s Khaleja ලෙසින් මේක හඳුන්වන්න පුළුවන්. Ala Vaikunthapurramuloo, Aravinda Sametha Veera Raghava, Agnyaathavaasi, A Aa, S/O Satyamurthy, Attarintiki Daredi, Julai, Athadu, වැනි තෙලුගු සිනමාවේ අසමසම සිනමා නිර්මාණ රැසක් අධ්‍යක්ෂණය කල Trivikram Srinivas විසින් අධ්‍යක්ෂණය කල මේ චිත්‍රපටය ඔහුගේ වෘත්තීය දිවියේ වෙනස්ම ආරක සිනමාපටයක් ලෙසින් හැඳින්විය හැකියි. 2007 දී Athidi චිත්‍රපටයෙන් පසු අවුරුදු තුනකට පස්සේ තමයි මහේෂ් බාබු මේ සමගින් සිනමාවට පිවිසෙන්නේ. ඇත්තටම ඒ අවුරුදු තුන වැය වෙලා තියෙන්නේ මේ චිත්‍රපටිය වෙනුවෙන් කියලයි සඳහන් වෙන්නේ. රූගත් කිරීම් විතරක් නෙමෙයි පූර්ව නිෂ්පාදන, පසු නිෂ්පාදන වැනි වැඩකටයුතු සියල්ලත් එක්ක.

Khaleja චිත්‍රපටය Entertainment චිත්‍රපටියක් විදිහට සලකන්නත් පුළුවන්. බලනව විතරක් නෙමේ නිෂ්පාදක කණ්ඩායම ඒ මාතෘකාවෙන් තමයි මේක හදල තියෙන්නේ. ඒත් ඊටත් වඩා මේකට මහේෂ් සහ ටිවික්‍රම් එකතු වෙලා කරපු Experiment Movie එකක් කියල මේක හඳුන්වන්න පුළුවන්. මේ චිත්‍රපටිය නිකුත් වෙලා මෙච්චර කලක් ගිහිල්ලත් මේකේ තියෙන ආකර්ෂණීය අවස්ථා බොහොම සුළු පිරිසකටයි තේරුම් යන්නේ. ඒ කිව්වෙ Subtext. ඒ වගේ දේවල් වැඩි වශයෙන් මනිරත්නම්ගේ චිත්‍රපටි වල තමයි දක්නට ලැබෙන්නේ. ලඟදි නිකුත් වුනු C/O Kancharapalem චිත්‍රපටයේත් මෙවන් අවස්ථා කීපයක් දක්නට ලැබුනා. චිත්‍රපටය ආරම්භයේම ජනේල හතරක් විවෘත කරන දර්ශනයකින් ඒ චිත්‍රපටය ආරම්භ වෙන්නේ. එහි තේරුම ඔහුගේ ජීවිතයේ පරිච්ඡේද හතරක් ප්‍රේක්ෂකයාට විවෘත කරන බවයි. මේ විදිහේ Subtext ගොඩක් Khaleja චිත්‍රපටයේ දකින්න ලැබෙනවා. ඒ සියල්ලම නැතත් කිහිපයක් මං විස්තර කරන්නම් අන්තිම ඡේදයෙන්. හැබැයි කතාව ස්පොයිල් වෙන්න නම් ඉඩ තියෙනවා.

චිත්‍රපටයේ ප්‍රධාන චරිත සඳහා රංගනයේ යෙදෙන්නේ මහේෂ් බාබු සමගින් අනුෂ්කා ශෙට්ටි. ඊට අමතරව ප්‍රකාශ් රාජ්, බ්‍රහ්මන්නන්දම්, සුනිල්, අලී, වගේ දක්ෂ නළු නිලියන් රැසක් මෙහි සහය චරිත වලින් රංගනයේ යෙදෙනවා. Athadu චිත්‍රපටයෙන් පසුව පළමු වරටයි ටිවික්‍රම්-මහේෂ් එක්ව වැඩ කරන්නේ. චිත්‍රපටයට මූලික වෙන්නේ නීතිවිරෝධී පතල් කැණීම් සහ පරිසර විනාශය නිසා ඇතිවන වසංගත උවදුරක් වටා සහ මිනිසුන්ගේ දේව භක්තිය වැනි කාරණාවන් කිහිපයක්. චිත්‍රපටයට සංගීතය එක් කරන්නේ අති දක්ෂ දකුණු ඉන්දීය සංගීත අධ්‍යක්ෂක මනි ශර්මා විසින්. විශේෂිතම කාරණය මෙහි සිනමාකරණය යාෂ් භාත්, සහ සුනිල් පටෙල් යන දෙදෙනෙක් විසින් සිදු කර තිබීම. මිනිත්තු 164 ක ධාවන කාලයකින් යුතු මෙය 2010 වසරේ ඔක්තෝම්බර් 7 වෙනිදා තිරගත වීම ආරම්භ කරනු ලැබූ අතර ප්‍රේක්ෂක සහ විචාරක විවරණයන්(Reviews) ධනාත්මක මට්ටමක පැවතුනා. නමුත් බොක්ස් ඔෆිස්හි එතරම් පෙරලියක් කරන්නට Khaleja චිත්‍රපටයට හැකියාවක් ලැබෙන්නේ නැහැ. Khaleja චිත්‍රපටය නිකුත් වී සතියකට පසු Brindavanam (2010) චිත්‍රපටය නිකුත් වීමත් කාජල්, NTR Jr, සමන්තා තිදෙනාම එහි රංගනයේ යෙදීම නිසා එය අති සාර්ථක වීමත් Khaleja අසාර්ථක වන්නට බොහෝවිට හේතුවක් වන්නට ඇති. කෙසේ වෙතත් මෙහි ගීත ඇල්බමය සඳහා ෆිල්ම්ෆෙයා සම්මාන දෙකක් එම වසරේදී හිමි වනවා. අද වන විට Khaleja චිත්‍රපටය තෙලුගු සිනමාවේ ඇගයීමකට ලක් නොවූ චිත්‍රපටයක් සහ නැවත වතාවක් වුවද බොක්ස් ඔෆිස් කරලියට ඉදිරිපත් කිරීමට සුදුසු චිත්‍රපටයක් ලෙස සිනමා විචාරකයින් රැසක් නිර්දේශ කරනවා.

සිනමාහල්වල ප්‍රදර්ශනයෙන් ලොකු සාර්ථකත්වයක් නොලැබුවත් අදටත් රූපවාහිණියේ ප්‍රදර්ශනය වන විට, මොනතරම් නැරඹුවත් කම්මැලි නොවන චිත්‍රපටියක් ලෙසිනුයි බොහෝ දෙනා Khaleja හඳුන්වන්නේ. චිත්‍රපටයේ නම, කතාව, තිර රචනය, ගීත ඇල්බමය, දෙබස්, හාස්‍යය, සංගීතය, වීරත්වය, සමාජ පණිවුඩය වගේ මේ හැමදේම එකතු කරහම ප්‍රේක්ෂකයින් පුදුම කරවන මට්ටමක කලෙජා චිත්‍රපටය පවතිනවා. ඒ දේවල් එහෙම වෙලත් මෙය අර්ධ-සාර්ථකත්වයක් ලැබූ චිත්‍රපටයක් වීම පුදුමයට කාරණයක්. එසේනම් චිත්‍රපටය අරගෙනම බලන්න කියල ආරාධනා කර සිටිනවා මුලින්ම මොකද මෙතනින් එහාට කතා කරන්න යන දේවල් ටික නිසා කතාව ස්පොයිල් වෙන්න ඉඩ තියෙනවා. කියවලා බලන්න ගියත් කමක් නැහැ. ඒත් කලින්ම ඔන්න දැනුවත් කරා.

Kheleja කියන නම ගත්තම මේක මාස් ටයිටල් එකක් විදිහට හඳුන්වන්න පුළුවන්. මේක විවිධ ආකාරයෙන් අර්ථකථනය කරත් සැබෑවට ටිවික්‍රම් මේ ටයිටල් එකේ අරුම පුදුම විස්තරයක් හංගලා තියෙනවා. මේ ටයිටල් එක හදල තියෙන්නේ ඉන්දියානු sanskrit (සංස්කෘතික) භාෂාව ආභාෂයෙන්. ඒ සමග සසඳලා බැලුවම Kha = 5, Le = 3, Jha = 4 විදිහට කලෙජා ටයිටල් එක සංස්කෘත භාෂාවේ අංක වලින් දැක්විය හැකියි. චිත්‍රපටියට ගියොත් පාලි කියන ගමනට සීතාරාම් රාජු ගිහිල්ල බේරගන්න ජීවිත සංඛ්‍යාව 534ක්. ඉතින් ඒ සංඛ්‍යාව ටයිටල් එකට දැම්ම කියල සඳහන් වෙනවා. ටිවික්‍රම්ට අනුව චිත්‍රපටයේ නම 534 වනවා. ඊට අමතරව සංස්කෘත භාෂාවේ අක්ෂර වලින් Kha, Le, Jha යන අක්ෂර තුනම චිත්‍රපටයේ විවිධ තැන් වලින් දැකගන්නට ලැබෙනවා.

මීළඟට චිත්‍රපටය ආරම්භයේම සිද්ධා දෙවියන් හොයාගෙන යන ගමන ආරම්භ කරනවා. දින 48ක් ඇතුලත ඔහු දෙවියන් සොයාගන්න අරමුණින් තමයි පිටත් වෙන්නේ. ඔහු පිටත් වෙන්නේ විවිධ සංඥා මගින් දිශාවන් සොයාගනිමින්. ඔහු පිටත් වීමත් සමග රාවෝ රමේෂ් කුමක්දෝ දෙයක් ගහක එල්ලනවා. ඒ මොකද්ද කියල අහපුවම “රුද්‍රකවචම්” කියල පිළිතුරු දෙනවා. ඒ දර්ශනය හරියට බැලුවොත් වම් පැත්තේ මහේෂ් බාබු ඉන්නවා දකින්න පුළුවන්. නාමාවලිය ගොස් අවසානයේ එක දර්ශනයක් තියෙනවා සිද්ධා සූර්යයා පැත්තට ඇවිදගෙන යන. චිත්‍රපටයේ දෙවියන් කියන්නේ සීතාරම් රාජු කියලා නම් කරත් අපිට නිතරම පෙන්වන්නේ සූර්ය දෙවියන්. සීතාරාම් දෙවියන් බව පෙන්වීමට ඒ වෙනුවට සූර්යයා නියෝජනයක් ලෙසින් පෙන්වනවා චිත්‍රපටය පුරාම. මුළු චිත්‍රපටයේම සීතාරම් රාජු දෙවියන් යැයි සලකන දර්ශන සියල්ලේම පසෙකින් සූර්යයා අපිට දකින්න ලැබෙනවා. Sun Reference බහුල වශයෙන් සිනමාකරණය සහ කතාව ගලාගෙන යාමට යොදාගෙන ඇති බව මෙයින් පෙන්නුම් කල හැකියි. ඉතින් අර සිද්ධා සූර්යයා දෙසට යන දර්ශනයේ තේරුම සිද්ධා දෙවියන් සොයාගෙන පියමං කරන්න ගත්තා කියන එක. හරියටම ඒ වෙලාවේ Directed By Trivikram කියලත් වැටෙනවා. මේ චිත්‍රපටය සඳහා මහේෂ් බාබු අවුරුදු තුනක් මහන්සි වෙනවා. අතිදී චිත්‍රපටයෙන් පසු ලැබුණු අතරමැද කාලයේ මහේෂ් සහ ට්‍රිවික්‍රම් එකතු වෙලා මේ කතාව ලිව්වා කියලයි සඳහන් වෙන්නේ. මේ චිත්‍රපටයේ රූගත කිරීම් ඇත්තටම දින 100ක් වගේ සංඛ්‍යාවක්. චිත්‍රපටයේ වැදගත් ස්ථාන රැසක්ම මහේෂ් රචනා කල ඒවා ලෙසිනුයි සඳහන් වෙන්නේ. සීතාරාම් රාජු චරිතය සම්පූර්ණයෙන්ම මහේෂ් විසින් ගොඩනැගුවක් ලෙසිනුයි ට්‍රිවික්‍රම් සඳහන් කරන්නේ. මේ චිත්‍රපටයේදී අපිට වෙනස්ම වූ මහේෂ් බාබු කෙනෙක් දැකගන්නට පුළුවන්. මහේෂ් සැබෑ ජිවිතයේ ගොඩක් විවෘත කෙනෙක් විදිහටයි හඳුන්වන්නේ. ඒ කාරණය තිරයේදී වැඩිය දැකගන්නට නැහැ. මහේෂ්ගේ ඒ ගතිගුණය තිරයට ගේන්න ට්‍රිවික්‍රම්ට වුවමනා වෙලා තියෙනවා. ඒ නිසයි වෙනස්ම මහේෂ් කෙනෙක් ප්‍රේක්ෂකයින්ට දැකගන්නට ලැබෙන්නේ. මහේෂ්ගේ පළමු දර්ශනය ගත්තොත් පීටර් හේන්ස් ඩිසයින් කරපු ජවනිකාවකින් තමයි ඒක ඇරඹේන්නේ. අංශක 57ක ආනතියක සිනමාකරණයකින් යුතු මුල්ම දර්ශනය වැලි සමග වැඩි වශයෙන් රූගත කොට තිබෙනවා.

මහේෂ් බාබු අතීතය මතක් කරන සිද්ධිය ගත්තම ඒ කිසිම ස්ථානයක දෙවියන් ගැන සඳහනක් නැහැ. ඒ නිසා Sun Reference පවා එහි නැහැ. අනුශ්කාගේ නම සුභාෂිණි. මේ දෙන්නා ආදරේ කරත් චිත්‍රපටියේ එකදු හෝ දර්ශනයක ඒ බවක් පෙන්වන්නේ නැහැ. නමුත් එයාල දැක්කම ප්‍රේක්ෂකයින්ට හිතාගන්න පුළුවන් මට්ටමේ ඒක තියෙනවා. ඒ දෙන්නාගේ ආදර කතාව ටොම් ඇන්ඩ් ජෙරී ටයිප් එකේ ගලායාමක් දකින්න ලැබෙන්නේ.

රක්ෂණ ආවරණ සිද්ධිය තමයි රාජුගේ ජීවිතේ කණපිට පෙරලන්නේ. ඒ වෙනුවෙන් පාලි කියන ගමට පා තබනවාත් එක්ක තමයි God References පටන් ගන්නෙ. (දෙවියන් කතාවට සම්බන්ධ වෙන්නේ). නමුත් සිද්ධා හමුවන තුරු ඒ කිසි දෙයක් පටන් ගන්නෙ නැහැ. හරිම වෙලාවට බාබ්ජී පිටවීමත්, රාජු සුබ්බු සමග තනිවීමත්, රාජුට පිහියෙන් ඇනීමත් සිදුවෙනවා. Interval දර්ශනයත් සමග සිද්ධාට රාජු හමුවනවා. මේ අවස්ථාව සඳහා ට්‍රිවික්‍රම් මනිෂර්මාගෙන් දෙවියන්ට පුදන මට්ටමේ පසුබිම් සංගීතයක් ඉල්ලා සිටි බව සඳහන් වෙනවා. හරියටම චිත්‍රපටය ආරම්භක අවස්ථාවේ රාවෝ රමේෂ් පවසන ආකාරයේ සිද්ධීන් සමගින් සිද්ධා හට තමන් සෙවූ දෙවියන් හමුවනවා. Interval Scene එක ඩිසයින් කරලා තියෙන්නේ සටන් අධ්‍යක්ෂක රාම්-ලක්ෂ්මන් දෙපල.

මීළඟට මහේෂ් ගමට එක්කන් ගිහින් ප්‍රතිකාර කරලා ඇහැරුනාම ඉර එලියට මූණ දෙන්න අමාරුවෙනවා. මූණට අත තියලා ඒ හරහා ඉර එලිය දිහා බලනවා. ගෙදරින් එලියට බැහැල යන හැම තැනම මිනිස්සු දණ ගහල වඳින්න ගන්නවා. ඒත් රාජු තාමත් ටැක්සි රියදුරෙක් විදිහට ප්‍රතිචාර දක්වනවා. මෙතන ඉඳන් පසුබිමින් සූර්යයා වැඩිපුර පෙන්වීම පටන් ගන්නවා. අනුෂ්කා විහිලුවට වගේ කියනවා. ” ඒ අය ඔයා දෙවියෝ කියල හිතන් ඉන්නේ.” “ටැක්සි ඩ්‍රයිවර් කෙනෙක් කියල ඔයා කිව්වෙ නැද්ද?” කියල මහේෂ් බාබු අහනවා. ” ක්‍රිෂ්ණ දෙවියොත්, අර්ජුනගේ රියදුරානේ කියල කිව්වා” යැයි අනුෂ්කා පවසනවා. හරියට බැලුවොත් Piliche ගීතයේදී ක්‍රිෂ්ණ දෙවියන්ගේ පිළිමයකට මහේෂ් වඳිනවා අපිට දැකගන්න ලැබෙනවා. හැම දෙබසකටම කොතැනක හෝ සම්බන්ධකමක් ගොඩ නගන්නට ට්‍රිවික්‍රම් සමත් වෙලා තියෙනවා. ට්‍රිවික්‍රම් කියන්නේ කොහොමත් දෙබස් රචනයේ ජීනියස් වරයෙක්. ඔහු සිනමා කර්මාන්තයට පිවිසෙන්නේද දෙබස් රචකයෙකු වශයෙන්. චිත්‍රපට අධ්‍යක්ෂණ වෘත්තියට පෙර සිටම ඔහු දක්ෂ දෙබස් රචකයෙක්. ඉන් පස්සේ රාජු දෙවියන් බව ඔප්පු කරවන දර්ශනය මෙන්ම Sada Siva ගීතය පටන් ගන්නවා. මේ ගීතය අතරතුර චයිතන්‍යා කියන නළුවා මහේෂ්ගේ අත අල්ලගෙන අඬන දර්ශනයක් තියෙනවා. එම දර්ශන රූගත කල 6 වතාවේම(6 Takes) ඔහු ග්ලිසරින් නොමැතිව අඬන ලද බව සඳහන් වෙනවා. එම රංගන කුසලතාව හේතුවෙන් මහේෂ්ගේ ඊළඟ චිත්‍රපට වලද රංගනයට ඔහුට අවස්තාව හිමිවෙනවා. සිද්ධා චරිතය නිරුපනය කරන ශෆී අති දක්ෂ රංගනයක චිත්‍රපටය පුරාම නිරත වනවා. දැවැන්ත දෙබස් කිහිපයක්ම ඔහුට ප්‍රකාශ කිරීමේ අවස්ථාව හිමිව තිබෙන අතර ඒ හැම එකක්ම ඔහු විශිෂ්ඨ අයුරින් ඉටු කර තිබෙනවා දක්නට ලැබෙනවා. මින් පෙර ඔහු රාජමෞලිගේ චත්‍රපති චිත්‍රපටයේ කල රංගනය දැක මේ සඳහා යොදාගත් බවයි සඳහන් වෙන්නේ. ඔහුගේ චරිතය මෙහෙයුම අවසන් කර මියැදෙන ජාතියේ එකක් වීමත් විශේෂත්වයක්. තමන්ගේ මෙහෙයුම අවසන් කර මහේෂ්ගේ ඇස් දෙක දිහා බලාගෙන ගෞරවනීය ආකාරයෙන් ඔහු මියැදෙනවා. මුළු චිත්‍රපටයම ගත්තම මහේෂ් කිසි විටෙක තමන් දෙවියන් කියලා සීරියස් ගන්නෙ නැහැ. ගොඩක් වෙලාවට ඔහු ඒක පාවිච්චි කරත් විහිළුවෙන් පාවිච්චි කරන බවයි දක්නට ලැබෙන්නේ. අවසාන දර්ශන කීපයට ආවොත් ප්‍රකාශ් රාජ්ට රාවෝ රමේෂ් කියපු විදිහටම මරණය ලඟා වෙනව. තවත් විශේෂ කාරණයක් තමයි ට්‍රිවික්‍රම්ගේ චිත්‍රපටි වල දුෂ්ඨයා ප්‍රධාන නළුවාගේ අතින් මැරුම් නොකන එක. එක්කෝ සිය දිවි නසා ගැනීමක්. එක්කෝ සහය නළුවෙක් විසින් මරා දැමීමක්, එක්කෝ එකතු වීමක්, එක්කෝ ස්වාභාවිකව මිය යෑමක්. ඒක ට්‍රිවික්‍රම්ගේ චිත්‍රපටි වල පොදු ලක්ෂණයක් විදිහට හඳුන්වන්න පුළුවන්. මහේෂ්ට හැමෝම වන්දනා කරන දර්ශනය ප්‍රේක්ෂකයින් වැඩියෙන්ම ආකර්ෂණය දිනාගත් දර්ශනය වනවා. අවසානයේ මහේෂ් අත දරුවාගේ අතින් අල්ලනකොටම ඉර බැස යනවා පෙන්වනවා. එමෙන්ම රාවෝ රමේෂ් නිතරම මහේෂ්ට කිව්වෙ ඔබ ජීවිත 534ක් බේරගන්න පැමිණි දෙවියන් ලෙසින්. එහි අර්ථය රාජු චරිතය සාදාකල් දෙවියන් නොවන බවත්, තම රාජකාරිය අවසන් කල පසු ඔහු සාමාන්‍ය පුද්ගලයෙක් ලෙසයි. කතාව මිත්‍යා මට්ටමට යෑම වළක්වන්නයි එසේ සඳහන් කර තිබෙන්නේ. මන්දයත් චිත්‍රපටය පුරාම රාජු කියන චරිතය දෙවියන්, දෙවියන් ලෙසින් හැඳින්වුත් ඔහු සැබෑවටම මනුෂ්‍යයෙක් බවත්, දෙවියන් සිටිනුයේ මනුෂ්‍යයන් තුල බවත් පෙන්නුම් කරන පණිවුඩය අවසානයේ චිත්‍රපටයෙන් අපට හොවා දක්වනවා. ඉතින් මේ චිත්‍රපටයේ කිසිම ෆැන්ටසියක්, මිත්‍යාවක් නැහැ. සැබෑව මත දුවන එකක් විදිහට නම් කරන්න පුළුවන්. චිත්‍රපටය අවසානයේ මෙසේ ශ්ලෝකයක් පෙන්නුම් කරනවා.

“දෙවියන් වහන්සේ සම්පූර්ණයි යන්නෙන් අදහස් කරන්නේ කුමක්ද?
සම්පූර්ණ යන්නෙන් අදහස් කරන්නේ ඔහු හැමදෙයින්ම ස්වයංපෝෂිත බවය.
ඔහු සදාකාලිකය.
ඔහු සෑම විටම අප අතර සිටියි.
දෙවියන්හට සහයෝගය දැක්වීමට ඔහුට බාහිර නියෝජිතයෙක් අවශ්‍ය නොවේ.”

චිත්‍රපටය හරියට බොක්ස් ඔෆිස් තරඟ බිමේ දිව්වේ නැතත්. Khaleja තුලින් අලුත් මහේෂ් කෙනෙක් දකින්න ලැබීමේ තෘප්තිය මහේෂ් රසිකයින් හට තිබෙනවා. මහේෂ් හරියට ඔලුව ඉස්සුවේ Khaleja චිත්‍රපටයෙන් කියල හඳුන්වන්න පුළුවන්. මින් පසුව Dookudu, Businessman වැනි චිත්‍රපට වලින් වාණිජමය වශයෙන් ඔලුව උස්සන්න ඔහු සමත් වෙනවා. ට්‍රිවික්‍රම්ගේ චිත්‍රපට සියල්ලගෙන්ම හොඳම පණිවුඩය ලබාදෙන්නේ Khaleja චිත්‍රපටයෙන් කියල සඳහන් කරන්න පුළුවන්. ” දෙවියන් සිටිනුයේ මනුෂ්‍ය රූපයෙනි. ” මේ එක වාක්‍යය ආදර්ශ රැසක්ම කියා දක්වනු ඇති.

ආයෙත් දවසක හමුවෙමු.
ජය!!!

 

 

Due to copyright issues, we do not provide any torrent link.

මෙම ලබා දී ඇති උපසිරසි Telugu Proper HDRip පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “තා‍ර‍ක ‍නු‍වන්‍ ‍දිල්‍‍හා‍ර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
GOLD MEMBER
JOINING DATE – 2014-11-10
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Better Call Saul [S03 : E09] Sinhala Subtitles | මොළෙන් ගහන ගැටයක්! [සිංහල උපසිරැසි සමඟ]

හොඳයි එහෙනම් මේ ගේන්නේ Better Call Saul තුන්වෙනි කතා මාලාවේ නමවෙනි කොටස. තව එක කොටසකින් …

Leave a Reply

Your email address will not be published.

16 comments

  1. Ravisara Dharmapala

    Sub ekanm pattma eth film eka nm gon part saho

  2. බොහොම ස්තූතියි සිංහල උපසිරැසියට. ජය෴෴ 😛 😛

  3. ඔන්න බෑවා. සබට තුති තාරක සහෝ.

  4. එරංග සඳරුවන්

    මහේශ් බාබු නම් ඉන්නේ අනිවා බලනවා.
    මට නම් තෙලිඟු සිනමාවේ කින්ග් මහේශ්..

    උප සිරැසියට බෝම ස්තූතියි..
    ජය වේවා….

  5. Asitha pramoth

    ස්තූතියි සහෝදරයා

  6. thanx aiyee

  7. vasuki tamil movie eka sinhala sub dennaaaaaaaaaaaaa………………….

  8. isuru srinath sjs

    බොහොම ස්තුතියි සහො සිංහල උපසිරැසියට .. ජය!!

  9. … ගොඩක්ම ස්තූතියි. …
    ඔබගේ සියලු කටයුතු සාර්ථක වේවා..!
    …… බුදු සරණයි – දෙවි පිහිටයි ……

  10. Thnz bn

  11. Lasantharathnasirirox

    ස්තුතියි තාරක සහෝ ස්තුතියි..බලන්න විදිහක් නැතුව හිටියෙ..tnx උපසිරැසියට.

  12. Sub ekata Thanks Saho

  13. බොහෝම ස්තුතියි මේ කරන කැපවිමට. සුපිරි එකකට දිලා නේ නියමයි. දිගටම හැකි වෙලාවට උපසිරැසි දෙන්න .

  14. Nuwandika Dilshan

    Thanks broo

  15. Mn me filuma balala thynwa
    Parana supiri filumak
    Kawruth blnna
    Jaya wewa!!!

  16. thanks..

error: Alert: Content is protected !!