අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Kireedam (1989) Sinhala Subtitles | මිනීමරු ඝාතකයෙකුට එරෙහි පිය සෙනෙහස [සිංහල උපසිරසි]

Rating: 8.0/10. From 14 votes.
Please wait...

Top Rated ඉන්දියානු චිත්‍රපට අතුරින් 08වන ස්ථනයේ පසුවන,
Top Rated මලයාලම් චිත්‍රපට අතුරින් පළමු ස්ථානයේ වැජඹුණු,
වියදම මෙන් 13ගුණයකටත් වඩා වැඩි ආදායමක් ලබාගන්න සමත් වුනු,
භාෂා 06කට ප්‍රතිනිර්මාණ (Remake) වෙමින් වාර්තාවක් පවා තබපු,
ඉන්දීය ජාතික සම්මානයෙන් පවා පිදුම් ලැබූ,
මෙතෙක් ලොව විශිෂ්ටතම ඉන්දීය සිනමාපට සියය අතරට එකතු වුණු,
එදා මෙදාතුර, ඉන්දියානු සිනමා ඉතිහාසයෙන් බිහිවුණු විශිෂ්ටතම Evergreen Classical සිනමාපටයක් බලන්න ලෑස්තිද?
2020-2021 වෙනුවට චිත්‍රපටියේ නමට පිටිපස්සෙන් 1989 තියෙනවා කියලා මේක මඟහැර ගන්නද හදන්නේ?
නියමයි, හැබැයි ඊට කලින් මේ විස්තරේ කියෝලම ඉමුද?
වාක්‍ය ටිකක් කියෙව්වා කියලා කිසි පාඩුවක් වෙන්නෑනේ!

මෙතනින් එහාට විස්තරේ කියවනවා නම්, ලොකු කතන්දරයක් කියවන්න ලෑස්ති වෙන්න. මලයාලමට ලව් කරන්නේ නෑ වගේනම්, මේ ඡේදේ අතෑරලා දෙවෙනි ඡේදෙන් පටන් ගන්නකෝ. හැබැයි මේ බොරු අතිශයෝක්තතියක් කියලා තීරණේ කරන්න කලින් IMDb වගේ පැත්තකට ඔලුව දාලාත් එන්න. හරි එහෙමනම්, පටන් ගමු කතාන්දරේ!

කේරළය බේස් වුණු මලයාලම ඇතුළේ මේ වෙලාවේ Meanstream එක රන් කරන නලුවෝ දෙන්නෙක් ඉන්නවා. ස්ටාර්පවර් හා ආදායම් වාර්තා අතින් මෝහන්ලාල් පළවෙනි තැන ඉද්දි චරිත විවිධත්වය වගේ පැතිවලින් අද මුල් තැනට පත් වෙලා ඉන්නේ මමූති. ගොඩක් මලයාලම් රසිකයොන්ට තියෙන ප්‍රශ්නයක් තමයි කවුද මේ දෙන්නගෙන් පළවෙනියා? පලවෙනියා හොයන්න ඕනෙ නම් මේ ඩබලගේ 2010න් පස්සේ චිත්‍රපටි ටිකට ලිම්ට් වෙන්නෙපා. පොඩ්ඩක් 80-90 කාලෙටත් ඔලුව දාලා එන්න. මලයාලමේ විතරක් නෙමෙයි, මුලු ඉන්දීය සිනමාවෙම ස්වර්ණතම දශකයන් විදිහට හඳුන්වන ඒ කාලෙට සමකාලීනව කේරළයෙන් බිහිවුනු Masterpiece එකක් (ඒ වචනේ මෙතනට ගැළපෙනවා කියලා මට විශ්වාසයි) තමයි මේ…

1989 ජූලි 07වෙනිදා තිරගත කිරීම ආරම්භ කරපු Kireedam සිනමාපටය, සිබී මලයාලි කියන විශිෂ්ටතමයාගේ නිර්මාණයක්. රංගනයෙන් මෝහනලාල්ට අමතරව තිලකන්, මෝහන් රාජ් වගේ දකුණු ඉන්දීය සිනමාවේ ඒ කාලේ දැවැන්තයෝ එකතු වෙලා ඉන්නවා. ඒ කාලේ කල්ට් එකට ආස කරන අයට නම් හොඳට දැකලා පුරුදු මූණු ටිකක් වෙන්නෝනේ. මේ වෙද්දි 6000කට ආසන්න මනාප සංඛ්‍යාවකින් IMDb අගය 8.8ක් වගේ අතිශය ඉහළ මට්ටමකට ගිහින් තියෙනවා. ඒ වගේම තමයි අන්තර්ජාලය පුරා දකින්න තියෙන රිවීව්ස්! මන් කියනවට වඩා හොඳයි ඔයලම ගිහින් කියෝලා එන එක… එතකොටම තේරේවි මේ නිර්මාණයේ වැදගත්කම!

Kireedam (1989) චිත්‍රපටිය මිස් වුණොත් ඔය කියන තරම් අපරාදයක්ද? කියලා කවුරුහරි ඇහුවොත් මන් කියන්නේ ඔව් කියලා. ඒ මේ..මේ… හේතු නිසා කියලා විශේෂ කරලා කියන්න මට තේරෙන්නෙ නැහැ. හැබැයි විශේෂයෙන්ම මලයාලම් සිනමා රසිකයෙක් විදිහට මේක මිස් කරගත්තොත් නම් ලොකු අඩුවක් විදිහටයි මන් දකින්නේ. ’80 දශකයෙදි රංගනයට ඇවිත් 90- දශකය වෙද්දි තමන්ටම කියලා ස්ථාවරත්වයක් ගොඩ නඟාගෙන, මේ වෙලාවේ මුලු ඉන්දියාවෙම ඉන්න දැවැන්තම රංගන පෞරුෂයන් අතළොස්ස අතුරින් කෙනෙක් වුණු මෝහන්ලාල්ගේ හැරවුම් ලක්ෂයක් වෙන මේ සිනමාපටය මලයාලම් ලෝලීන් නම් කොහොමටවත් අත හැරගන්නෙපා කියලයි ආපහු ඉල්ලන්නේ.

චිත්‍රපටියේ අන්තර්ගතයට හැරුණොත්, අචුතන් නායර් කියන්නේ අකුරට වැඩ කරන පොලිස් නිලධාරියෙක්. මෝහනලාල් රඟන ඔහුගේ පුතාගේ චරිතය සේතු තමයි කතා නායකයා. අචුතන්ට අවශ්‍ය වෙන්නේ තමන්ගේ පුතාවත් පොලිස් නිලධාරියෙක් කරන්න. මෙන්න මේ කාලෙදි තමයි සේතුටයි පවුලෙ අයටයි තමන්ගේ ගෙවල් අතහැරලා රාමපුරම් නගරයට යන්න වෙන්නේ. රාමපුරම් කියන්නේ මිනීමැරුම්වලටම ප්‍රසිද්ධ වුණු මැරයෝ පිරුණු ප්‍රදේශයක්. ඉතින් මේ වගේ ප්‍රදේශයට එන අවංක පොලිස් නිලධාරී අචුතන්ටයි පුතාටයි මොනවා වෙයිද…?
කතාවේ හොඳ twists වගයක් තියෙනවා. ඒවයින් කතාවම වෙනස් වෙනවා. ඒ නිසයි මන් ඔච්චර හරි කිව්වේ කතාව ගැන..! එහෙනම් ඉතුරු ටික දැනගන්න, බලලම ඉන්න!!

මේ චිත්‍රපටිය මන් බැලුවේ දැනට මාස කීපෙකට කලින් වුණත් ළඟදි අදහසක් ආවා මේ වගේ දැවැන්ත නිර්මාණයකට උපසිරැසත් කළොත් හොඳයි නේද කියලා. ඉතින් වැඩිය හොයන්නෙ බලන්නේ නැතිව උපසිරැස කරන්න බාරගත්තට පස්සේ තමයි දැක්කේ ඉංග්‍රීසි උපසිරැසි ගොනුවක් නෑ වගේ කියලා. කරන්න දෙයක් නෑ, බාරගත්ත නම් කරපන් පූසෝ!! කියාගෙනම පුලුවන් විදිහට ටයිම් ලයින් හදාගෙන අසා ලිවීමක් කරමින් හිටියේ. හා හා පුරා කියලා එහෙම පළවෙනි වතාවට මලයාලම් අසා ලියනකොට තමයි දැක්කේ මෙන්න ඉංග්‍රීසි උපසිරැසියක් තියෙනවා නේන්නම් කියලා. මගෙ අතපසුවීමකින් මිස් වෙලා. ඒකෙත් කාල රාමු වෙනස් නිසා, ආයෙම කාල රාමු ටික හදාගෙන අසා ලියපු බාගේ ඉතුරු ටිකත් කම්ප්ලීට් කරලා තමයි මෙහෙම ගෙනාවේ. හිතුවට වඩා මිෂන් එකක් :)) උපසිරැසියේ සමහර තැන් පුරවගන්න උපකාර කරපු, නොදුටු කේරළ මිත්‍රයා ගෝකුල්ටත් ස්තූති කරන්න ඕනේ.

මේ සිනමාපටයට ලැබුණු සම්මාන ලැයිස්තුව අතුරින් ඉන්දීය ජාතික සම්මාන ඇගයුම විශේෂයි. ඒ වගේම Kireedam (1989) සිනමාපටයේ රංගනය වෙනුවෙන් මෝහන්ලාල්ට ලැබුණු මේ සම්මානය තමයි, ඔහුගේ පළවෙනිම ඉන්දීය ජාතික සම්මානය වන්නෙත්. නමුත් මේ වෙනකොට ජාතික සම්මාන පහක් ඔහු සතුයි. ඒ වගේම කේරළ ප්‍රාන්තීය සිනමා උලෙලේ හොඳම පසුබිම් ගායනයට හිමි සම්මානය දිනාගත්තෙත් Kireedam (1989) සිනමාපටයමයි. ඊටත් අමතරව Kerala film critics Awards උලෙලදී Best Screenplay සම්මානය දිනා ගැනීමටත් මෙයට හැකි වුණා. ආදායම් වාර්තා පැත්ත බැලුවොත් සාර්ථක විදිහට බොක්ස්-ඔෆිස් ආදායමකට ලඟා වෙන්නට හැකිවෙලා තියෙනවා. කොහොමත් ’80 අග සහ ’90 මුල කාල කියන්නේ මෝහන්ලාල් නලුවෙක් විදිහට ඉස්මතු වුනු කාල පරිච්ඡේදය කියලයි බොහෝ දෙනා කියන්නේ. චිත්‍රපටිය නිෂ්පාදනයට වැය වෙලා තියන ලක්ෂ 23ක මුදලට සාපේක්ෂව ලක්ෂ 315ක ආදායමක් ලබා ගනිමින් වසරේ වැඩිම ආදායම්ලාභී මලයාලම් චිත්‍රපටය අතරටත් එකතු වුණාලු.

තවත් විශේෂ කාරණයක් තමයි මෙහි ප්‍රතිනිර්මාණ ප්‍රමාණය… 1989දි තිරගත වුනු මෙම නිර්මාණයට, 2007 වසරේදී නව වාර්තාවක් තියන්න ලැබුණා භාෂා 06කට ප්‍රතිර්මාණය වුණු දෙවන ඉන්දියානු චිත්‍රපටිය විදිහට! තෙළෙඟු, බෙංගාලි, කන්නඩ, හින්දි, බංග්ලාදේශ් ආදියට නිර්මාණය වුණු මෙහි Remakes අතරින් වැඩිම ජනප්‍රියත්වයට පත් වුනේ 2007 වසරේදී තල අජිත් සහ ත්‍රිෂාගේ රංගනයෙන් නිර්මාණය වුණු Kireedam (2007) චිත්‍රපටිය. හැබැයි මේ ඔරිජිනල් ෆිල්ම් එකේ ෆීල් එකට ළංවෙන්නවත් ඔය කිසි දේකට බැරි වුණා කියලා ප්‍රවීණයෝ අදහස් දක්වලා තියෙනවා.

මේ සිනමාපටයත් එකක් මලයාලමේ යූත් එකේ අලුත් රැල්ලක් වගේ ජනප්‍රිය කල්ට් එකක් බිහි වුණාලු. මෝහන්ලාල්ගේ විදිහට කොණ්ඩේ කපාගන්න තරුණයෝ පොර කද්දි සිනමාපටයේ දෙබස් පවා හරිම ජනප්‍රිය වෙලා තියෙනවා. චිත්‍රපටියේ රූගත කිරීම් වෙනුවෙන් යොදාගත්තු පාලමක් එදා ඉඳන් හඳුන්වලා තියන්නේ “කීරේදාම් පාලම” විදිහටලු. කොටින්ම, චිත්‍රපටියේ නිෂ්පාදකවරයා වුණු උන්නිව ජනප්‍රිය වෙලා තියන්නෙත් “කීරේදාම් උන්නි” කියලා. දවස් 300ක් එකදිගට ප්‍රදර්ශනය කරමින් එකල වාර්තාවකුත් අලුත් කරලා. 2009දි මෙහි තිරපිටපත පොතක් විදිහට මුද්‍රණය කරන්නත් පෙලඹිලා තියෙනවා. මොකද, මේ පිටපත මලයාලම් සිනමාවෙන් බිහි වුණු හොඳම පිටපත් අතුරින් එකක් බවටයි සැලකෙන්නේ.

එහෙනම් කතා කළා ඇතිනේ. මට හොයාගන්න පුලුවන් වුණු හැම තොරතුරක්ම ආටිකල් එකට දැම්මා. ඉතිරිය බාර ඉතින් ඔයාට! ආටිකල් එක කියවද්දි චිත්‍රපටිය ගැන අදහසක් හිතුණා නම් බලන්න පටන් ගන්න. 2021-2020 වෙනුවට 1989 කියලා තිබුණට මේ ගෙනත් තියන්නේ ඉන්දියාවෙම ෆිල්ම් අතරේ මැණිකක්! වෙනසකටත් එකක් බලන්න, බෝරින් වෙන ඩ්‍රාමා කැටගරියට නෙමෙයි, හොඳ ඇක්ෂන් සීන්ස් පවා තියෙන Revenge Storyයක් මේ…

 

 

Due to copyright issues, we do not provide any torrent links.

මෙම ලබා දී ඇති උපසිරසි WEBRip පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ කවිනු වීරක්කොඩි ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2018-08-25
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

 

20 thoughts on “Kireedam (1989) Sinhala Subtitles | මිනීමරු ඝාතකයෙකුට එරෙහි පිය සෙනෙහස [සිංහල උපසිරසි]

  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • ස්තුතියි කළුීනු…
    මලයාලමක් දාලා තියෙන්නේ කාලෙකට පස්සෙ…

    Reply
  • මලයාලම් ඩවුන්ලෝඩ් කරන්න් පුලුවන් සයිට්ස් මොනවද

    Reply
  • මේ ලිපිය ලියලා තියෙන විදිහ ගැන කියන්න වචන නෑ ආ..

    Reply
  • බොහෝම ස්තූතියි උපසිරැසියට…

    Reply
  • තෑන්ක්ස් සහෝ මේ වගේ පරණ, සුපිරි ෆිල්ම්වලට සබ් කරනවට…… ඉදිරියටත් පුලුවන් වෙලාවට මේ වගේ ෆිල්ම්වලට සබ් කරන්න

    Reply
  • නියම වැඩක් කවිනු මල්ලි. අපේ මලයාලම් සිංහල ආරට අඩුවට තිබුණු සබ් එකක්. ජයම වේවා කියලා ප්‍රාර්ථනා කරනවා .ඉල්ලීමක් කරනවා මම්මුතිගේ Munnariyippu (2014) ෆිලුමට සබ කරන්න ආරාධනා කරනවා. ජය

    Reply
  • meka enakan balagena hitiye

    hithuwe na ei kiyala moko 1989 ekk nisa

    godak thanks obata

    me karana sathkarayata

    Reply
  • ක්ලැසික්ස්…..මාත් බලලා නෑ…බලන්න ඕනේ…. ස්තූතියි මල්ලි

    Reply
  • සහෝ දීලා තියන කොපිය කොලිටිද????
    පරන ඒවායි කොපි බාලයිනේ ඒකයි
    පොඩ්ඩක් කියනවද ඒ ගැන

    Reply
  • බොහොම ස්තූතියි මෙවැනි වටිනා පැරණි මලයාලම් චිත්‍රපටි අපිට බලන්න අවස්තාවක් හදලා දෙනවට.

    Reply
    • මලයාලම් සිනමාවෙ ක්ලැසික්ස් වලටත් අත ගහපු එක සුපිරි වැඩක් කවිනු.
      මලයාලම් රසිකයන් මඟනොහැරිය යුතු චිත්‍රපටියක්. ලිපියත් මරු . ඉස්සරහටත් මේවගේ සබ් දෙන්න ජය !

      Reply
    • උපසිරැසියට ගොඩක් ස්තූතියි මල්ලි. අදයි බලන්න හම්බ උනේ.

      Reply
  • ස්තුතියි මලයා.ජයෙන් ජය !

    Reply
  • අයියෝ මේකෙ සිංහල සබ් නැති නිසා මාස තුනකට විතර කලින් english sub එක්ක බැලුවෙ.සුපිරි ෆිලුමක් ආයෙ.මේකෙ අනිත් ෆිල්ම් එකටත් සබ් දෙන්න.මං ඒකත් බැලුවෙ english එක්ක සිංහල නැති නිසා.තව පරණ හොඳ ෆිල්ම් ගොඩක් තියෙනවා මලයාලම්,කමල් හාසන් ගෙ.ඒවටත් සබ් දෙන්න ට්‍රයි එකක් දෙන්න.

    Reply
  • සුපිරියක් වගේ
    දිගටම මේ වගේ action,thriller ෆිල්ම් දෙමු
    ජය වේවා

    Reply
  • උපසිරැසියට බොහොම ස්තූතියි.

    90s වල හින්දි ෆිල්ම් ටිකක් දෙන්න පුලුවන්ද?

    Request …

    Raja – 1995
    Hero No 1 – 1997

    Reply

Leave a Reply

Your email address will not be published. Required fields are marked *