Loveless (2017) AKA Nelyubov Sinhala Subtitles | වරද කාගෙද? [සිංහල උපසිරැසි සමග] (18+)

පසුගිය මාර්තු මාසයේ පැවති 90 වැනි ඇකඩමි සිනමා සම්මාන උළෙලේ හොඳම විදේශීය චිත්‍රපටය සඳහා නිර්දේශ වූ Loveless හෙවත් Nelyubov චිත්‍රපටය, සම්මානනීය රුසියානු චිත්‍රපට අධ්‍යක්ෂක Andrey Zvyagintsev ගේ නිර්මාණයක්. ලොව පුරා සිනමා සම්මාන උළෙල රැසක් නියෝජනය කරමින් සම්මාන රැසකින් පිදුම් ලද මෙම සිනමාපටය, 2017 ජූනි මස 01 වන දා සිට රුසියාව ඇතුළු ලොව පුරා රටවල ප්‍රදර්ශනය ආරම්භ කරනවා. Maryana Spivak, Aleksey Rozin, Matvey Novikov, Marina Vasileva, Andris Keiss ඇතුළු නළු නිළියන්ගේ රංග ප්‍රතිභාවයෙන් හැඩ ගැන්වුණු මෙහි කැමරාකරණය, ආලෝකකරණය හා අධ්‍යක්ෂණය ඉතා ප්‍රශස්ත මට්ටමක පවතින බව සඳහන් කළ යුතුයි. මිනිත්තු 127 ක කාලයක් පුරා දිව යන, Drama කාණ්ඩයට අයත් මෙම සිනමාපටයට IMDB දර්ශකයේ 7.7 ක ඉහළ අගයක් ද හිමි වී තිබෙනවා.

අතුරුදහන් වූ දරුවෙක්, අසාර්ථක විවාහයක් හා වාර්ගික අර්බුදයක් පිළිබඳව සාකච්ඡා කෙරෙන සම්භාව්‍ය මට්ටමේ සිනමා කෘතියක් වන Loveless චිත්‍රපටයෙහි තිර රචනය, කුඩා දරුවෙකු වටා ගෙතුන ද එය වැඩිහිටියන්ට පමණක් සීමා වූ චිත්‍රපටයක් බව සිහිපත් කළ යුතුයි. විවාහ වී සිටින හා විවාහවීමට බලාපොරොත්තුවෙන් සිටින අයට මෙම සිනමා නිර්මාණයෙන් ලබාගත හැකි ආදර්ශය නම් ඉතා ඉහළ එකක්.

වයස අවුරුදු 12 ක දරුවෙකු වන අල්යෝෂාගේ දෙමාපියන් දික්කසාද විමට තීරණය කරනු ලබනවා. ඔවුන් දැනටමත් ඔවුන්ගේ සහකරුවන් සොයාගෙන අවසන්. නමුත් මේ බවක් අල්යෝෂාගේ දෙමාපියන් තවම අල්යෝෂාට පවසා නැහැ. එහෙත් ඔවුන්ගේ කතාබහට රහසින් ඇහුම්කන් දෙන අල්යෝෂා, තම දෙමාපියන්ගේ වෙන්වීමේ තීරණය අසා දැඩි ලෙස කම්පාවට පත්වෙනවා. සිය දෙමාපියන්ගේ රණ්ඩු සරුවල් අතර කල් ගෙවන අල්යෝෂා හිටිහැටියේම නිවසින් අතුරුදහන් වෙනවා. ඔහු නිවසින් පලා ගියා ද? කවුරුන් හෝ පැහැරගෙන ගියා ද? මේ ප්‍රශ්නවලට පිළිතුරු සොයාගන්න නම් ඔබට මෙම චිත්‍රපටය බලන්නම වෙනවා.

ඔබට ජය!

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ අසංක දිසානායක ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2018-09-12
SUBMAKER RATING BY ADMINS