M.S. Dhoni: The Untold Story (2016) with Sinhala Subtitles | සුපිරි පිතිහරඹයක නො ඇසූ කතාව… [සිංහල උපසිරසි සමඟ]

ඉන්දියාවෙ තියෙන දුප්පත්ම සහ දුශ්කරම ප්‍රාන්තයක් තමයි බිහාර් කියන්නෙ. දැනට දශක දෙකකට විතර කලින් ඒ කියන්නෙ90 දශකයේ මුල් භාගයේ මේ ප්‍රාන්තෙ වැඩි පහසුකමක් නෑ. ක්‍රීඩා පහසුකම් නෑ. මේ ප්‍රාන්තෙ පොඩි ගමක් තියෙනව රාංචි කියල. මේ ගමේ තියෙනවා පොඩි ඉස්කෝලයක්. මේ ඉස්කෝලෙ ක්‍රිකට් කන්ඩායමේ විකට් කීපර් ගෙ තැන හිස් වෙලා. ක්‍රිකට් පුහුනුකරු  කීපර් කෙනෙක් හොයද්දි දකිනව පොඩි කොලු ගැටයෙක්. එයා තමයි ඒ ඉස්කෝලෙ ෆුට්බෝල් කන්ඩායමේ ගෝල් කීපර්. ඉතින් මෙයා මේ ළමයව ගෙනල්ල පුහුනු කරවනවා. ඒකෙන් තමයි ඒ ළමයට ක්‍රිකට් පිස්සුව හැදෙන්නෙත්. හැබැයි බැට් එකක් අතින්වත් අල්ලන්න දෙන්නෙ නෑ. ඒත් මේ ළමය හොරෙන් හොරෙන් බැට් කරනවා. හයේ ඒවම තමයි ගහන්නෙත්. ඔහොම අවුරුදු ගානක් සෙල්ලම් කරනවා. හැමදාම බැට් කරන්න දෙන්නෙ අන්තිමට. ඒත් හයේ ඒව ගහල කොහොම හරි කණ්ඩායම දිනවනවා. ඔහොම ගිහිල්ල අන්තිමේදි 19න් පහල ඉන්දියානු කණ්ඩායමට තෝරන දවස එනවා. කොච්චර හොඳට බැට් කලත් කොච්චර බලාපොරොත්තු තියාගෙන හිටියත් ඒ කණ්ඩායමට ඇතුල් වෙන්න ලැබෙන්නෙත් නෑ. මේ අතරෙ මේ තරුණයට දිලිප් කුසලානෙට තරඟ කරන්න එනවා. ඒත් ඒක දැන ගන්නෙ ඊට දවසකට කලින්. රෑ එලි වෙනකන් ගියත් කල්කටා වලට යන්න ලැබෙන්නෙ නෑ. ඔක්කොම බලාපොරොත්තු අතැරල ඉන්න වෙලාවෙ මෙයාට හදිසියේම දුම්රිය දෙපාර්තුමේන්තුවට එකතු වෙන්න්න අවස්තාවක් ලැබෙනවා. ඒ ටිකට් පරීක්ශක වරයෙක් ලෙස වැඩ කරන ගමන් ක්‍රිකට් ක්‍රීඩා කරන්න. එතනදි නම් වෙන්නෙ නියම වැඩ තමයි.පලවෙනි දවසෙම කෝච්චියක් මග ඇර ගන්නවා. දුම්රිය ක්‍රිකට් කණ්ඩායමට ඇතුල් වෙන්න ලැබුනට මෙයාට හිතේ හැටියට සෙල්ලම් කරන්න හම්බ වෙන්නෙ නෑ රස්සාව නිසා.ඒ හින්ද අවුරුදු දෙකකින් ඒකත් දමල ගහල එනව. ඊටත් පස්සෙ මෙයාට අවස්තාවක් ලැබෙනවා ජාර්කන්ඩ් කණ්ඩායමට සෙල්ලම් කරන්න. ඒකෙදි දක්වපු දක්ශතා නිසා මෙයාව ඉන්දියානු A කණ්ඩායමේ සිම්බාබ්වේ සහ කෙන්යා  සංචාරයට තෝර ගන්නවා. ඒ 2003/04 කාලයෙදි. මේ අතරෙදි ඉන්දියානු තේරීම් කමිටුව විසින් පවත්වන රැස්වීමකදි මේ තරුණයා ගැන කතා වෙනවා. ඒ විතරක් නෙවෙයි, ඔහුට ඉන්දියානු සංචිතයට ඇතුල් වීමට අවස්තාවක්ද හිමි වෙනවා. ඒ බංග්ලාදේශය සමගයි. එහෙත් ඔහු සාර්තක වන්නේ නෑ. ඊට පසු ඔහුට නැවත අවස්තාවක් ලැබෙනවා පාකිස්තානය සමග සංචාරය හා එක් වීමට. එතැන් සිට තමයි වර්තමාන ඉන්දීය කණ්ඩායමේ නායකත්වය දක්වා දිවෙන ඔහුගේ විශ්මයජනක පිතිහරඹය ආරම්බ වන්නේ.

ඒ වෙන කවුරුවත් නෙවෙයි මහී, MS, කැප්ටන් කූල් ලෙසින් හඳුන්වන මහේන්ද්‍ර සිං ධෝනි. එයා ගැන නම් ඉතින් දන්නවනෙ. කට්ටිය ගොඩක් කැමතියිනෙ එයාට.

මහේන්ද්‍ර සිං ධෝනි ගේ ජීවිත කතාව ඇසුරින් නිපදවූ මේ චිත්‍රපටිය අධ්‍යක්ශනය කරල තියෙන්නේ  Neeraj Pandey. Sushant Singh Rajputධෝනි ලෙසත්, Kiara Advani ධෝනි ගේ බිරිඳ ලෙසත් රංගනයෙන් දායක වෙනවා. මීට අමතරව BhumikaChawla, Disha Patani,Anupam Kher, Rajesh Sharma,Kumud Mishra යන අය රංගනයෙන් දායක වෙනවා.

Neeraj චිත්‍රපටිය ආරම්බ කරල තියෙන්නෙ 2011 ලෝක කුසලානෙ අවසාන මහා තරඟෙන්. (මතක ඇතිනෙ අන්තිමට ධෝනි හයක් ගහල මැච් එක දිනපු හැටි.) ධෝනි පිටියට පිවිසීමත් සමග කතාව අතීතයට ගෙන යනවා. ධෝනි ගේ උපත, ඔහුගේ පාසල් කාලය, ඔහුගේ සම්බන්දතා, ඔහු ක්‍රිකට් ක්‍රීඩාව ආරම්බ කල මොහොතේ සිට නැවතත් 2011 ලෝක කුසලානය දක්වා කතාව දිව යනවා. ඒ වගේම සොඳුරු ආදර කතාවකුත් මේ අතරින් පෙන්වනවා.

එහෙනම් ධෝනි ගේ ජීවිත කතාවේ අප නොදන්නා පැත්තක් බලන්න ඔයාලට අරාධනා කරනවා. ගිහින් එන්නම්. ඊළඟ උපසිරැසියෙන් නැවත මුණගැහෙමු.

Due to copyright issues, we do not provide any torrent links.

M.S.Dhoni.The.Untold.Story.2016.720p.WEB-DL.H264.ESub.AAC2.0-DDR

M.S.Dhoni.The.Untold.Story.2016.Hindi.720p.HDRiP.x265.ShAaNiG

M.S. Dhoni The Untold Story [2016] Hindi 720p HDRip x264 AC3 5.1 1.4GB ESubs

M.S. Dhoni The Untold Story [2016] Hindi HDRip x264 700MB ESubs

මෙම ලබා දී ඇති උපසිරැසි ඉහත පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “දහරා මුතු අමා” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.