Made in China (2019) Sinhala Subtitles | පාරිබෝගිකයා යනු…? [සිංහල උපසිරැසි සමඟ]

අපේ ඉන්දියානුවෝ සෙක්ස් ගැන විසිහතර පැයේම හිතනවා…
ඒත් ඒ ගැන කිසි වෙලාවක කතා කරන්නේ නැහැ…
සාකච්ඡාවක් වෙන්නේ නැහැ…
අපේ රට ලෝකයේ ජනගහනයෙන් සමූහයක්ම ඉන්න රටක්…
ඒත් සෙක්ස්.. ඔවුන්ගේ ලොකුම අවශ්‍යතාවයක්..

පාරිභෝගිකයාගේ අවශ්‍යතාවය හරියට අගුලක් වගේ..
කෙනෙක් ඒ අගුලේ යතුර හොයාගත්ත දවසක..
එයාට පත්වෙන්න පුළුවන් ව්‍යවසායකක් බවට…

ගෙවී ගිය වසරේ ආපු තවත් ආදර්ශමත් සිනමා සිත්තමක් අරගෙන එන්නයි මේ සූදානම. පිටපත් නිකුත් වෙලා ටික දවසක් ගත වූවත් වැඩ අස්සේ උපසිරැසි ගන්වලා දැනුයි ඔන්න අරගෙන එන්නේ. රාජ්කුමාර් රාවෝ ගැන ඉන්දියානු සිනමාව ගැන දැනුමක් තියෙන කෙනෙක් බොහොම හොඳින් දන්නවා ඇති. සාමාන්‍ය සිනමා රටාවෙන් වෙනස් වුනු අවදානම් සහගත සිනමා නිර්මාණයන් වලට අත තියල සිනමාව පැත්තෙන් ඉතාමත් සාර්ථක ප්‍රතිඵල නෙලාගත් කෙනෙක් තමා රාජ්කුමාර් කියන්නේ. අතිදක්ෂ නළුවෙක් වන රාජ්කුමාර් බොලිවුඩ් සිනමාවේ පහුගිය කාලයේ ලොකු පෙරලියක් ඇති කරන්නට සමත් වූවා. පහුගිය වසර කිහිපයේම ඉතාමත් උසස් තත්වයේ තාත්වික සිනමා නිර්මාණ කිහිපයකටම දායක වෙමින් ඉහල විචාරක ප්‍රසාදයන් සහ සම්මානයන් රැසකට බඳුන් වුනු නළුවෙක් තමයි ඔහු. එමෙන්ම තිරපිටපත් තෝරා ගැනීම අතින් හොඳම තිරපිටපත් තෝරා ගැනීමක් තියෙන නළුවෙක් විදිහට ඔහුව හඳුන්වන්න පුළුවන්. අමීර්කාන්, නානි, අයුශ්මාන් යනු එවන් තිරපිටපත් තෝරාගැනීම් අතින් හොඳ නමක් දිනාගත් තවත් නළුවන් තිදෙනෙක්.

මේ දිනවල වඩාත් කතාබහට ලක්වන මාතෘකාවක් ප්‍රධානකොටගෙන තැනුණු Made in China චිත්‍රපටය නිකුත් වන්නේ පසුගිය ඔක්තෝම්බර් 25 වැනිදා. ඒ Mikhil Musaleගේ අධ්‍යක්ෂණයෙන්. රාජ්කුමාර්ට අමතරව Mouni Roy, Boman Irani, Amyra Dastur, Paresh Rawal, Gajraj Rao යන අතිදක්ෂ නළුනිලි කැලද මේ සඳහා තම රංගන දායකත්වය එකතුකොට තිබෙනවා. චිත්‍රපටය බොක්ස් ඔෆිස් අතින් නම් එතරම් සාර්ථකත්වයක් ලබන්නට සමත් වුනේ නැහැ. නමුත් විචාරකයින්ගේ පැසසුමට Made In China චිත්‍රපටය ලක්වූවා. මෙය Parinda Joshi රචනා කල Made In China ග්‍රන්ථය අනුසාරයෙන් තැනු චිත්‍රපටයක් විදිහට සඳහන් වෙනවා.

කතාව ගැන කියනවනම් අහමදාබාද් වල වාසය කරන රඝු මෙහෙතා නම් ව්‍යාපාරික තරුණයෙක් වටා තමයි මේ කතාව ගෙතිලා තියෙන්නේ. ඔහුට විවිධ ආකාරයේ ව්‍යාපාරික අදහස් පහල වුවත් ඒ හැම එකක්ම අසාර්ථක වීම ඔහුගේ ලක්ෂණයක් වූවා. නමුත් හදිසියේම ඔහුගේ ඥාති සොයුරෙක් සමග ව්‍යාපාරික ගණුදෙනුවක් සඳහා යෙදුනු චීන සංචාරයකදී ඔහුට අපූරු ව්‍යාපාරිකයෙක් මුණ ගැහෙනවා. ඉන් පසු ඔහුට සිදුවන දෙය තමයි මුළු කතාව පුරාවටම දිවෙන්නේ. නමුත් වගකීමෙන් කියන්න පුළුවන් මේ චිත්‍රපටය ඔබට හොඳ ආදර්ශයක් ලබාදේවි. හොඳ විනෝදාත්මක අද්දැකීමක් ලබාදේවි.

වැඩි දෙයක් කියන්න යන්නේ නැහැ, මගහැරගන්නේ නැතුව නරඹන්න කියා ආරාධනා කර සිටිනවා. සාමාන්‍ය සිනමා රටාවෙන් වෙනස් වුනු සමාජීය වැදගත්කමකින් යුතු සිනමා නිර්මාණයක් නිසාවෙන් ඔබට අලුත් අද්දැකීමක් එකතු කරනු ඇති. ලස්සන සින්දු දෙක තුනක් එහෙමත් චිත්‍රපටයේ තියෙනවා. සිද්ධ වුනු ප්‍රමාදයට නැවතත් සමාව ඉල්ලා සිටින අතර චිත්‍රපටය ලබාදුන් ඇඩ්මින් මණ්ඩලයට ස්තුතිය පල කර සිටිනවා. එමෙන්ම එදා සිට අද දක්වා අපහා එක්ව සිටින ප්‍රේක්ෂක ඔබ සැමවත් මේ මොහොතේ මත කර සිටින අතර ඉදිරියටත් බයිස්කෝප් අඩවිය සමගින් රැඳී සිටින්න ආරාධනා කර සිටිමින් අපි විසි වෙනවා. ජයෙන් ජය.!

Due to copyright issues, we do not provide any torrent link.

මෙම ලබා දී ඇති උපසිරසි Proper HDRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “තා‍ර‍ක ‍නු‍වන්‍ ‍දිල්‍‍හා‍ර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
GOLD MEMBER
JOINING DATE – 2014-11-10
SUBMAKER RATING BY ADMINS