Majili (2019) with Sinhala Subtitles | ආදරය කොතැනද වේදනාව එතනයි! [සිංහල උපසිරැසි සමඟ]

මේ ලෝකේ ගොඩක් අයට අමතක කරන්න බැරි ආදර කතා තියෙනවා, ඒ සමහර ආදර කතා කාලයත් එක්ක හදවතින් මැකිලා යනවා. සමහර ආදර කතා ජිවිත කාලයටම අමතක කරගන්න බැරුව හිතේ හිරකරලා තියාගන්නවා. ඒ විදිහට තමන්ගේ පලවෙනි ආදරය අමතක කරගන්න බැරුව විඳවන තරුණයෙක් තමයි පූර්ණ කියන්නේ. එයාගේ අවාසනාවට එයාගේ පලවෙනි ආදරේ එයාට නැති වෙලා ගියත් මොකද්දෝ වාසනාවකට ඔහුට හොඳ බිරිඳක් ලැබෙනවා. එයා තමයි ශ්‍රාවනි. ඒත් එයාට හොඳ සැමියෙක් වෙන්න පුර්ණට හැකි වෙන්නේ නැහැ. ඒ වුනත් පුර්ණට කිසිම අඩුවක් කරන්නෙ නැතුව ඇය සලකනවා. ඒත් පූර්ණ එයාගේ පලවෙනි ආදරේ ආපහු එයාව හොයාගෙන එයි කියල හීන දකිනවා. ඒ හීනය සැබෑ වෙයිද?

මේ චිත්‍රපටය තිරගත වුනේ මේ අව්රුද්දෙ අප්‍රියල් මාසයේ. පැය දෙකකුත් මිනිත්තු 34ක් පුරාවට මේ චිත්‍රපටය දිව යනවා. මෙය අයත් වන්නේ Drama හා Romance වර්ගයටයි. චිත්‍රපට අධ්‍යක්‍ෂණය ශිවා නිර්වාන විසින්. මේ චිත්‍රපටයට 7.6ක ඉහළ Imdb අගයක් ලැබිලා තියෙනවා. මෙහි ප්‍රධාන චරිත වලට රංගනයෙන් දායකත්වය සපයන්නේ, Samantha Akkineni හා Naga Chaitanya, ඒ වගේම නවක නිළි Divyansha Kaushik. Samantha හා Chaitanya එක්ව රඟන 4 වෙනි චිත්‍රපටය මෙයයි. ඒවගේම ඒ දෙදෙනාගේ විවාහයෙන් පසුව එක්ව රඟපාන ප්‍රථම චිත්‍රපටය මෙයයි. ඒවගේම කියන්න ඕනේ චිත්‍රපටය ඉන්දියාවේ ඉතා සාර්ථකව තිරගත වුන අතර, විචාරකයන්ගේ පැසසුමටද ලක් වුනා.

ඒවගේම චිත්‍රපටයේ ප්‍රචාරක කටයුතු අතරතුරදී Samantha හා Chaitanya සහභාගී වූ සම්මුඛ සාකච්චාවකදී නිවේදකවරයා අසනවා, “මේ චිත්‍රපටය අනෙකුත් ආදර කතා අතුරින් වෙනසක් ගන්නේ ඇයි ?” මේ පැනයට පිළිතුරු දෙමින් Samantha පැවසුවේ,

“මම මේ චිත්‍රපටයට කැමති වුනේ, විවාහයෙන් පස්සේ ජීවිතය හරිම වෙනස්. ඒවගේම වගකීම් ආදරය, ඔබ තව දුරටත් පුද්ගලයන් දෙදෙනෙක් නෙමේ, ඔබ අනෙත් කෙනාව විශ්මයට පත් කරන්නේ නැහැ. දෙදෙනාම ක්‍රියා කරන්නේ එක් පුද්ගලයෙක් හැටියට, අනෙකාගේ පරාජය ඔබෙත් පරාජය, අනෙකාගේ සාර්ථකත්වය ඔබෙත් සාර්ථකත්වය, අනිත් කෙනාගේ සතුට ඔයාගෙත් සතුට. ඒක තව දුරටත් දෙදෙනෙක් නෙමේ, විවාහයට කලින් හිටියා වගේ. විවාහයට කලින් හරිම කෙළිලොල් ,නිදහස් අනෙකාගෙන් මොනවහරි දෙයක් බලාපොරොත්තු වෙනවා. එතකොට පුද්ගලයන් දෙදෙනෙක්. මට මේක දැනුනේ හරියට ඉතාමත් ආරක්ෂාකාරී විදිහට, හරිම නිවුණු දෙයක් විදිහට, මම හිතුවා දෙවියනේ ඇයි කිසි කෙනෙක් මේ වෙනකන් මේ වගේ කතාවක් කිව්වේ නැත්තේ? ඇයි කව්රුත් කතා නොකරන්නේ විවාහයෙන් පස්සේ ආදරය ගැන, මොකද්ද එහි අරුත, ස්වාමියා හා බිරිඳ අතර තියෙන. මට හරිම සතුටුයි අධ්‍යක්ෂක ශිවා මේ අදහස ලස්සනට තිරයට ගෙනාව එකට, මම හිතන්නේ එක තමයි මම මේ කතාවට කැමති වෙන්න හේතුව හා මම දකින වෙනස.”

තවත් කියන්න ඕනේ මේ චිත්‍රපටයේ සිංදු 6ක් අඩංගු වෙනවා. මෙහි සංගීත අධ්‍යක්ෂණය කරලා තියෙන්නේ ගෝපි සුන්දර්. ඒවගේම ගීත රචනය රචකයන් කිහිප දෙනෙක් අතින් සිදු වෙලා තියෙනවා.  ඒ සින්දු ලස්සන නිසාම සින්දු සේරටමත් මම සිංහල උපසිරැසි ගැන්වූවා.

එහෙමනම් එන්න විඳින්න ආදරයේ වේදනාව.

Due to copyright issues, we do not provide any torrent links.

ලබා දී ඇති උපසිරසි Proper HDRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ ගයේෂා සත්සරණී ” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2013-12-01
SUBMAKER RATING BY ADMINS