Maleficent: Mistress of Evil (2019) Sinhala Subtitles | නපුරට අධිපතිනිය! [සිංහල උපසිරැසි සමඟ] 100*

Sleeping beauty නැත්නම් නිදන කුමරිය විදිහට අපි දන්න කතාව තමයි Disney සමාගම මගින් fantacy ෆිල්ම් එකක් විදිහට නිෂ්පාදනය කරන්නෙ. ඒකෙ පළවෙනි කොටස තමයි 2014 වර්ෂයේ Maleficent ලෙස නිකුත් වුණේ. Imdb 7/10ක අගයක් ලබලා තියන ඒ ෆිල්ම් එකේ සාර්ථකත්වය නිසාම ෆිල්ම් එකේ 2 වනි කොටස විදිහට Maleficent the mistress of evil කියන ෆිල්ම් එක 2019 ඔක්තෝම්බර් 19 වෙනිදා රිලීස් වුණා. අන්න ඒ ෆිල්ම් එකට තමයි මම ඔයාලට මේ උපසිරැසිය අරගෙන ආවෙ.

Fantacy/ Action ගණයට අයත් වන මේ ෆිල්ම් එක අධ්‍යක්ෂණය කරලා තියෙන්නෙ Joachim Ronning විසින්. ඔහුට මෙය නිෂ්පාදනය කරන්න Joe Roth, Duncun Henderson සහ මෙහි Maleficent චරිතයට පණ පොවන Angelina jolie යන පිරිස තම දායකත්වය ලබා දීලා තියනවා. කතාවේ තිර පිටපත Linda Woolverton, Noah Harpster සහ Micah Fitzerman-Blue යන පිරිස විසින් රචනා කරලා තියනවා.

මෙම චිත්‍රපටයේ දක්නට ලැබෙන චරිත හොයාගෙන තියෙන්නෙ පැහැදිලිවම Disney’s sleeping beauty කතාවෙන් වගේම Charles Perraultගෙ La Belle au bois dormant කියන කතාවෙන්.

මෙහි එන නළු නිළියන් ගැන හැදින්වීමක් කළොත්,

1. Maleficent ගේ චරිතය කළින් කිව්වා වගේම ජනප්‍රිය නිළි Angelina jolie විසින් තමයි ඉදිරිපත් කරන්නෙ.
2. Elle Fanning- ආවුරෝරා කුමරිය
3. Chiwetel Eijofor – කොනල්
4. Sam Riley – දීවල්
5. Ed Skrein – බෝරා
6. Imelda Staunton – Knotgrass ගේ හඩ ලබාදීම සිදුකරලා තියනවා.
7. Juno Temple – Thistlewit ටත්
8. Lesley Manville – Fittle ටත් හඩ දායකත්වය ලබා දීලා තියනවා.
9. Harris Dickinson තමයි ෆිලිප් කුමරාගෙ චරිතයට පණ පොවන්නෙ.

මෙම චිත්‍රපටයේ සංගීතය නිර්මාණය කොට තිබෙන්නේ Geoff Zanelli විසින්. චිත්‍රපට සංස්කරණය Laura Jennings සහ Craig Wood විසින් සිදු කරලා තියනවා. Imdb අගය ලෙස නැවතත් 7/10ක අගයක් ලබාගෙන ඇති මෙම චිත්‍රපටය පැය 1 මිනිත්තු 58ක කාලයක් දිව යනවා. මෙම චිත්‍රපටය නිෂ්පාදනය කරන්න ඇමරිකානු ඩොලර් මිලියන 185ක් වැයවී තිබෙනවා වගේම නැවත ඇමෙරිකානු ඩොලර් මිලියන 484.9ක් උපයා ගැනීමට සමත් වෙලා තිබෙනවා. මේ අලංකාර නිර්මාණය අපවෙත ගෙන එන්නේ අපි කවුරුත් දන්න Walt Disney Pictures සහ Roth Films කියන ආයතන විසින්.

කතාව මුලින් පටන් ගන්නකොට ආයෙමත් Maleficent දුෂ්ට රැජිණක් විතරයි කියන කට කතාව හැමතැනම පැතිරිලා ගිහින්. ඔය අතරෙ ෆිලිප් කුමාරයා ආවුරෝරාට විවාහ යෝජනාවක් කරනවා. ආවුරෝරා එය පිළිගන්නවා. මේ විවාහයට ෆිලිප් කුමාරයගෙ අම්මා ඉන්ග්‍රිත් රැජිණ කැමති නැහැ. ඒක විනාශ කරන්න ඇයට හේතුවක් තියනවා. ඉතින් චිත්‍රපටය දිගටම නරඹනකොට ඒ දේත් දැනගන්න ඔයාලට පුළුවන් වෙයි. තාමත් මේ කතාව බැලුවෙ නැත්නම් සිංහල උපසිරැසියත් එක්කම බලන්න කියලා ආරාධනා කරනවා.

මේ මගේ 104 වෙනි උපසිරැසි නිර්මාණය. මගේ 100 වෙනි කඩයිමට මේ චිත්‍රපටය කරන්න කියලා ආරාධනා කළේ ශාන් විමුක්ති සහෝදරයා. වෙනදා වගේම මට ඒ වෙනුවෙන් උදව් කළාට ඔහුට ස්තූතිවන්ත වෙනවා. ඒ වගේම මම 100 වෙනි කඩයිම පසු කරන මේ අවස්ථාවේදී මතක් කළ යුතුම කෙනෙක් ඉන්නවා. ඒ තමයි මගේ අක්කා. ගයේෂා සත්සරණි. මාව උපසිරැසි කරන්න හදුන්වලා දීලා මට උපසිරැසි කරන්න මුලින්ම කියලා දුන්නෙ අක්කා තමයි. ඉතින් ඇයට විශේෂ ස්තූතිය පිරිනමන්න කැමතියි.

අවසාන වශයෙන් හැමදාම බයිස්කෝප් වෙබ් අඩවිය සමග රැදිලා ‘බයිස්කෝප් සිංහලෙන්’ උපසිරැසි මත විශ්වාසය තබන ඔබටත් ස්තූතිවන්ත වෙනවා.

ලබන්නාවූ 2020 නව වසර සුභම සුභ නව වසරක් වේවා කියලත් ප්‍රාර්ථනා කරනවා!

දිගටම බයිස්කෝප් සමග රැදෙන්න. ජය!

 

 

 

Due to copyright issues, we no longer provide any torrent links.

ලබා දී ඇති උපසිරසි WEB / HD / Blu-Ray පිටපත් සඳහා අදාළ වේ.

 

Subtitle Contributor Rank

GOLD MEMBER
JOINING DATE – 2016-06-13
SUBMAKER RATING BY ADMINS