Man on Fire (2004) with Sinhala Subtitles | දැවෙන මිනිසා.. [සිංහල උපසිරසි සමඟ]

බයිස්කෝප් සිංහලෙන් හොඳ රසිකාවියක් උන මන් දැන් ඔන්න ඔයාලගේ පවුලේ කෙනෙක් වෙන්න යන්නේ. හැමදාම චිත්‍රපට රස විඳ විඳ ඉන්නේ නැතිව රසවින්දනයක් ලබා දෙන ගමන් ටිකක් දැනුමත් වර්ධනය කර ගන්න හිතුවා. ඉස්සෙල්ලා මන් ගැනත් පොඩ්ඩක් කියන්නම්කො. මවක් බිරිදක් විදිහට යුතුකම් වගකීම් ඉටුකරන අතර තුර ලැබෙන පුංචි ඉඩ කඩින් මේ වගේ නිර්මාණයක් කරන්න ලොකුම දිරිගැන්වීම උනේ මගේ මහත්තයා (හසන්ත වික්‍රමරත්න). නැත්නම් කවදා වත් මේ විදිහේ දෙයක් කරන්න මම හිතන එකක් නෑ. මේක කරගෙන යන ගමන් ටිකක් හිර වෙන තැනක් හම්බ උනාම ඒක ලෙහා ගන්න වගේම අඩු පාඩු පෙන්නමින් නියමාකාරයෙන් උපසිරැස නිර්මාණය කරන්නත් කියා දෙන්න උපදේශකයෙක් ගෙදරම හිටපු නිසා අවුලක් උනේ නෑ.

ඒවා දැන් ඇති. ඔයාලට දෙන්න යන චිත්‍රපටය ගැනත් ටිකක් කියන්නම්කො. ජාත්‍යන්තර චිත්‍රපට දර්ශකයේ ලකුණු 7.7 ලබා ගත් මෙම චිත්‍රපටය තුල රංගනයෙන් Denzel Washington, Christopher Walken, Dakota Fanning, Radha Mitchell සහ ප්‍රසිද්ධ ගායක Marc Anthony මෙහි දැක ගන්න පුළුවන්. මේක ඒක කාලයක මෙක්සිකෝ නගරය තුල උන වු පැහැර ගැනීමක් වටා ගෙතුන කතාවක්. මෙක්සිකෝව කියන්නේ මේ වගේ පැහැරගැනීම් සහ කප්පම් සිද්ධි වලට නම් දරාපු තැනක්. ලස්සන පුංචි කෙල්ලක් හා ඇයගේ ආරක්ෂකයා වටා ගෙතුන කතාවක්. දවසක් මේ පුංචි කෙල්ලව පැහැර ගෙන ගිහින් කප්පම් ඉල්ලනවා. ඇගේ තාත්තා කප්පම් සල්ලි දුන්නත් ඒක වෙන කට්ටියක් හොරකම් කරනවා. ඒ සල්ලි හොරකම් කරන්නේ කවුද? ඊටපස්සේ පැහැර ගත්ත අය මේ පුංචි කෙල්ලව මරයිද? ඒක දැනගන්න මේක ඔයාලට බලන්නම වෙනවා.

මේක බලන්න ගන්න ගමන් මම මේ වගේ දෙයක් කරන්න ගත්ත උත්සාහය ගැනත් පුංචිවට හරි යමක් කියල යන්න අමතක කරන්න එපා. මොකද ඒක තවත් නිර්මාණයක් කරන්නට රුකුලක් වේවි. එහෙනම් හැමෝටම සුබ දවසක්!!!

Due to copyright issues, we do not provide any torrent link.

මෙම ලබා දී ඇති උපසිරසි BR පිටපත් සඳහා වලංගු වේ.

මේ ලබා දී ඇති සිංහල උපසිරැසි පිළිබද “රුමේෂා ජයසේකර” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.