Men Behind the Sun (1988) | දෙවන ලෝක යුද්ධයේ බිහිසුණු වෛද්‍ය පරීක්ෂණ. [සිංහල උපසිරසි සමඟ]

මේ පාර මං ඔයාලට අරගෙන ආවෙ ඉතාම දුර්ලභ ගණයේ සිනමා පටයක් , දෙවන ලෝක යුද සමයේදී ” Unit 731″ නමින් හදුන්වන ජපන් හමුදා ඒකකයෙහි වෛද්‍යවරුන් විසින් මිනිසුන් යොදා සිදුකළ පරික්ෂණ හා අත්හදා බැලීම් ගැන කියවෙන චිත්‍රපටයක් තමයි මේ. ජපානය විසින් අල්ලා ගත් චීනයේ ප්‍රදේශයක පිහිටා තිබුණ මෙම 731 ඒකකයෙහි ප්‍රධාන අරමුණ ජීව විද්‍යාත්මක හා රසායනික අවි නිපදවීම. ඒ හරහා දෙවන ලෝක යුද්ධය ජය ගැනීම. හිරබාරයට ගත් චීන හා රුසියානු මිනිසුන් තමයි මෙලෙස පරීක්ෂණ ෂධයා යොදා ගැනෙන්නෙ. 1935 සහ 1945 වසරත් අතර කාලය තුළදී ගොඩනැගිලි ඇතුළත සිදුකළ පරික්ෂණ වලදී 3000 කට අධික පිරිසක්ද එළිමහන් පරීක්ෂණ වලදී 10000 කට අධික පිරිසක්ද මියගිය බව තමයි සදහන් වෙන්නෙ.

මම කලින් දීපු Horses of the god චිත්‍රපටයට යහපත් ප්‍රතිචාර ටිකක් ලැබුණා. ඒ අදහස් දැක්වූ සියලු දෙනාට ස්තුතී කියලා කියන්න කැමතියි. ඒක මග ඇරුණ අය ඉන්නවනම් කැමතිනම් ගිහින් බලන්න.

චිත්‍රපටයේ කතාව ටිකක් කියන්නම්කෝ එහෙනම් :
චිත්‍රපටය ආරම්භ වෙන්නෙ 1945 පෙබරවාරියේදි දොස්තර ඉසී කියන පුද්ගලයා මෙම ඒකකයේ නායකයා ලෙස පිටත් කර යවන තැන සිට. මොහුගේ චරිතය නම් කොයි පැත්තෙන් බැලුවත් ඉතාම නරක එකක්. මේත් සමගම අඩු වයස් ජපන් සොල්දාදුවන් පිරිසකුත් මේ ඒකකය සදහා පිටත් කර යැවෙනවා. මෙම ළමා සොල්දාදුවන්ගේ ක්‍රියාකාරකම් සහ හිරබාරයට ගත් චීන හා රුසියානුවන් යොදා සිදුකළ වෛද්‍ය හා වෙනත් පරික්ෂණයන් චිත්‍රපටයේ දැක ගන්න පුළුවන්. 1945 අගෝස්තු මාසයේ ඇමරිකානුවන් ජපානයට පරමාණු බෝම්බ දැමිම සමග මෙම ඒකය විසුරුවන්න විධාන ලැබෙනවා. එහිදී රහස් රැක ගැනීම පිණිස, ප්‍රධානියා වන දොස්තර ඉසී මෙම ඒකකයෙහි සියලුම සාමාජිකයන්ට හා ඔවුන්ගේ පවුලේ අයට සිය දිවි නසා ගන්න කියලා යෝජනා කරනවා. මිනිසුන් දහස් ගණන් මරපු මේ අය දිවි නසාගන්න කැමති වේවිද?

චිත්‍රපටයකට අදාළව කථාවෙහි සිදුවීම් මනාව ගළපලා තියෙනවා. අධ්‍යාපනික වශයෙනුත් වැදගත් චිත්‍රපටයක් උණත්, එල්ල වන චෝදනා තමයි සමහර දර්ශන ඉතා භයානක ස්වරූපයකින් නිර්මාණය කර ඇති බව. ජපන් ජනතාවගේ හඩ නැගීම් මත මෙහි අධ්‍යක්ෂක වරයාට මරන තර්ජන පවා එල්ල වුණා කියලයි සදහන් වෙන්නෙ. හදිසි කම්පනයන්ට ලක්වෙන අය හා ගොඩක් සන්වේදි අය මෙය නොබැලුවොත් තමයි හොද. අනිත් අයට, චීනයත් හොන්කොන් රටත් එකතුවෙන් කරපු මේ අපූරු සිනමා පටය අමතක නොවන හොද සිනමා අත්දැකීමක් වේවි. IMDB අගය 6.2 / 10 ඉන්ග්‍රීසි හඩකවපු පිටපතේ torrent එකක් තමයි දීල තියෙන්නෙ. මං ගාව තියෙන්නෙත් ඒක. දීල තියෙන torrent එකේ මොනවා හරි අවුලක් නම් මේ torrent එක ගන්න. සබ් එක තිබුණේ මේ නමින් නිසා මෙයටත් උපසිරසිය ගැලපේවි. පුළුවන් කෙනෙක් ඉන්නවනම් චෙක් කරලා comment එකක් දාන්න.

ගොඩක් මහන්සි වෙලා තමයි සබ් එක ඔයාල අතට පත් කරලා තියෙන්නෙ. චිත්‍රපටය බැළුවනම් ආයෙත් ඇවිල්ල චිත්‍රපටය ගැන මොනවහරි comment කරලා යන්න අමතක කරන්න එපා. ඉදිරියේදි උපසිරසි යොදන චිත්‍රපට සදහා ඒව ලොකු උපකාරයක්. අපි ගියා එහෙනම්. ජය වේවා…

698 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “නිරෝශන් හේවගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.