Friday , July 30 2021
Breaking News

Midnight, Texas [S02 : E01] Sinhala Subtitles | සෙල්ලම දැනුයි පටන්ගත්තෙ… [සිංහල උපසිරැසි සමඟ]

Rating: 9.4/10. From 22 votes.
Please wait...

ඔන්න එහෙනම් මේ සූදානම් වෙන්නෙ ගිය අවුරුද්දේ ඔයාලට අරගෙන ආපු අපූරු කතාමාලාවක දෙවැනි කතා සමය අරගෙන එන්නයි. Midnight, Texsas පළමු සමය බලපු කෙනෙකුට නම් ඉතින් කතාව ගැන අමුතුවෙන් විස්තර කරන්න ඕනි වෙන නැහැ. ඒත් බලපු නොබලපු හැමෝටම මතක් වෙන්නත් එක්ක, දෙවැනි කතා සමයට මුල පුරන්න කලියෙන් අපි පළමු කතාසමයේ අවසන් කොටස් කීපයේදි සිද්දවුණු දේවල් වල සාරාංශයක් දිහා පොඩ්ඩක් ආපහු හැරිල බලමු…

ඔයාලට මතක ඇතිනේ මිඩ්නයිට් මළවුන්ගේ ලෝකයෙන් වෙන්කරන්න වගේම නපුරු බලවේග වලින් ටවුම ආරක්ෂා කරගන්න Veil එකක් එහෙමත් නැත්නම් ජීවත්වෙන පිරිස මළවුන්ගේ ලෝකයෙන් වෙන්කරල තියාගන්න සීමාවක් තිබුණ කියල. ඉතින් පළමු සමයේ අවසානය වෙද්දි ඒ සීමාව බිඳවැටෙන්න පටන්ගන්නවාත් එක්කම නපුරු බලවේග මිඩ්නයිට් වලට ආපු හැටිත් ඔයාලට මතක ඇති. මේ නපුරු බලවේග නිසා වැඩිම බලපෑමක් සිද්දවුණේ ෆීජිට. ඒ කොල්කනාර් කියල හඳුන්වන බලගතු ඩීමන් කෙනෙක්ට ෆීජිව අල්ලගන්න ඕනිකරල තිබුණු නිසයි. සීමාවේ බිඳවැටීමත් එක්ක ලෙම්ගේ හැසිරීම් රටාවත් වෙනස්වුණු හැටි ඔයාලට මතක ඇතිනේ. හැසිරීම වෙනස් වුණත් එක්කම ඔලිවියායි ලෙමුයි අතරෙ සිද්දවුණු රණ්ඩුව නිසා දෙන්න ටිකක් හිත් අමනාපෙන් තමයි හිටියෙ. අත ළඟම එන මේ ව්‍යවසනයෙන් මිඩ්නයිට් බේරගන්න අස්වාභාවික හැකියාවන් තියෙන සෙට් එක එකතුවෙලා අනාවැකියක් අනුව වැඩ කරන්න පටන්ගන්නවා. අනාවැකියෙ හැටියට නම් සීමාව ආපහු වහන්න නියමිත වෙලා තිබුණෙ අධ්‍යාත්මික හාදයා වුණු මැන්ෆ්‍රෙඩ්ට. සීමාව බිඳවැටීම පටන් අරන් ඩීමන් හමුදාවක් මඟ එන බවට පෙරනිමිති පෙන්වන්න වගේ වැලි කුණාටුවක් පටන්ගත්තම රෙව්,මැන්ෆ්‍රෙඩ්, ලෙම්, ඔලීවියා, බෝබෝ, ෆීජි වගෙම ජෝ ඇරෙන්න අනිත් හැමෝම ටවුමෙන් පිටත් කරල යවනවා. මැන්ෆ්‍රෙඩ්ගෙ කෙල්ල ක්‍රීකුත් ටවුමෙන් පිටත්වෙලා යන්න ගියත් අතරමගදි කාර් එක අනතුරට පත්වෙලා පණගන්වන්න බැරුව යනවා.

ඒත් එක්කම ව්‍රේත්ස්ලා එකා දෙන්නා මිඩ්නයිට් වලට එන්න පටන්ගන්නෙ. ව්‍රේත්ස්ලා කිව්වෙ ඩීමන්ලා මඟ එනවා කියල දැනුම් දෙන දුෂ්ඨ ආත්ම වලට. සීමාව වහල දාන්න නියමිතවෙලා තිබුණෙ මැන්ෆ්‍රෙඩ්ට වුණත් ඒක කරන්නෙ කොහොමද කියල පොරට අදහසක් තිබුණෙ නෑ. ඉතින් අවුරුදු දාස් ගාණකට කලියෙන් සීමාව වහල දාපු කැටෝරි කියන යකදුරෙක් ගැන ජෝ කියන කතාව නිසා මැන්ෆ්‍රෙඩ් තීරණය කරනවා රෙව්ගේ පල්ලිය යට භූමදාන කරල තියෙන කැටෝරිගේ මිනිය ගොඩ අරන් අධ්‍යාත්මිකව ඔහුත් එක්ක සම්බධවෙලා සීමාව වහන ක්‍රමයක් දැනගන්න. ඒත් කරුමෙට වගේ කැටෝරිගේ සොහොනෙ මැන්ෆ්‍රෙඩ්ට පාවිච්චි කරන්න පුළුවන් කිසිම දෙයක් ඉතුරුවෙලා තිබුණෙ නැහැ. ඉතින් කොල්කනාර්ගෙන් බේරෙන්න තිබුණු අන්තිම තුරුම්පුවත් නැතිවුණ නිසා කට්ටියම තීරණය කරනවා ෆීජිව මිඩ්නයිට් වලින් ඈතක තියෙන ආරක්ෂිත තැනකට එක්ක යන්න. හැමෝම ටවුමෙ තිබුණු වැම්පයර් බස් එකට නැග්ගත් මිස්ට ස්නූගල් හොයාගන්න බැරිවුණ නිසා ෆීජි යන්න කැමති වෙන්නෙ නැහැ. ඒ වෙලාවෙ මැන්ෆ්‍රෙඩ් මිස්ට ස්නූගල්ව හොයාගෙ එන්නම් කියල කට්ටියට යන්න කියනවා. කොහොම වුණත් මිස්ට ස්නූගල් හොයාගෙන ආපහු යන්න හදනකොට අනතුරට පත්වෙච්චි වාහනේ හදාගෙන ක්‍රීකුත් යන්න ගිය ගමන නවත්තලා ආපහු හැරිල එතනට එනවා. ඉතින් ඔන්න ඔය විදිහට ආපහු මිඩ්නයිට් සෙට් එකම එකතුවෙලා මිඩ්නයිට් වලින් ආරක්ෂිත තැනකට යන්න පිටත්වෙලා යනවා.

තව දෙයක් තමයි දෙන්නගෙ හිත් වලින් කොච්චර ළංවෙලා හිටියත් ෆීජි බෝබෝට ළංවෙන්න අදිමදි කරන්නෙ ඇයිද කියන කාරණේ අපිට නවවෙනි කොටසෙදි බලාගන්න පුළුවන් වුණානෙ. අවුරුදු දහයකට කලින් මිඩ්නයිට් වලදි මුණගැහුණු පෙම්වතාගෙ මරණෙ තමයි ඒකට හේතුව වුණේ. ඉතින් කෝම හරි ඒ සිද්දියෙන් පස්සෙ වර්තමානය වෙනකල් ෆීජි කන්‍යාවියක් විදිහට තමයි ඉන්නෙ. වැඩියෙන්ම කොල්කනාර්ගෙන් ෆීජිව ආරක්ෂා කරගන්න වගෙම අනිත් හැමෝම බේරෙන්නත් එක්ක මිඩ්නයිට් වලින් කට්ටියම පිටවෙලා ගියත් වැලි කුණාටුව මේ අයගෙ පස්සෙන්ම එන්න පටන්ගන්නවා. ඉතින් ෆීජි තේරුම් ගන්නවා මේකෙන් ගැලවීමක් නැහැයි කියල. කොහොම හරි කට්ටියට කුණාටුවෙන් බේරෙන්න තැනක් හම්බවෙනවා ඒත් ෆීජිට දිගින් දිගටම කොල්කනාර්ගේ දූතයාව පේන එක නම් නතරවෙන්නෙ නැහැ. කොල්කනාර්ට ෆීජිව මේ තරම් ඕනවෙලා තියෙන්නෙ ෆීජී බලගතු කන්‍යා මායාකාරියක් නිසයි. ඉතින් මේ අවුලෙන් බේරෙන්න අන්තිමේදි ෆීජියි මැන්ෆ්‍රෙඩුයි එකතුවෙලා මායාකාරියන්ගේ අඳුරු මායකර්ම සහ අහිගුණ්ඨික අඳුරු මායාකර්ම එකතු කරලා ශාපයක් හදනවා. ඒත් මේ ශාපයෙන් කොල්කනාර්ව නවත්තන්නෙ කොහොමද කියල දැනගන්න නම් ජීවිතයක් බිල්ලට දෙන්න සිද්දවෙනවා. ඉතින් ඒ බිල්ල විදිහට මැරෙන්න සිද්දවෙන්නෙ අර අහිංසක පූස් තඩියා මිස්ට ස්නූගල්ට. කොහොම වුණත් කට්ටිය හිතුව විදිහට මේ ශාපයෙන් උත්තරයක් ලැබෙනවා වෙනුවට මැන්ෆ්‍රෙඩ්ට මැරෙන්න සිද්දවෙනවා. මැරුණු මැන්ෆ්‍රෙඩ්ට මළවුන්ගේ ලෝකයේදි කැටෝරිව මුණගැහෙනවා විතරක් නෙවෙයි කැටෝරි සීමාව වහල දාන්නෙ කොහොමද කියලත් මැන්ෆ්‍රෙඩ්ට කියනවා. ඒ දේ එහෙම සිද්දවුණත් ශාපයෙන් පිළිතුරක් නොලැබුණු නිසා ෆීජී හැමෝමව බේරගන්න කියල හිතාගෙන කොල්කනාර්ගේ දූතයා විදිහට ආපු අවුරුදු දහයකට කලින් ෆීජිගේ ආදරේ නිසා ජීවිතෙන් වන්දි ගෙවපු ජෙරමි එක්ක කොල්කනාර් ගාවට යනවා. ෆීජී කොල්කනාර් ගාවට ගියාට පස්සෙ තමයි මළවුන්ගෙන් පිළිතුරක් අරගත්තු මැන්ෆ්‍රෙඩ් මළවුන්ගෙන් නැගිටින්නෙ.

ෆීජි ජෙරමිත් එක්ක යන්න පිටත්වුණාට පස්සෙ වැලි කුණාටුව පහවෙලා යනවා. ජෙරමි ෆීජිව එක්ක යන්නෙ ආපහු මිඩ්නයිට් වලටමයි. කොල්කනාර්ට ෆීජිගේ බලගතු මැජික් ඕනිකරල තියෙන තරමටම ෆීජිත් එක්ක සංසර්ගයේ යෙදිලා ඩීමන් වර්ගයා බෝකරන අදහසත් තියෙනවා. කොල්කනාර් ෆීජිව මුණගැහෙන්න එන්නෙ රතු හඳ තියෙන දවසක. රතු හඳ තියෙන දවසක් කියන්නෙ අධ්‍යාත්මික වශයෙන් ගොඩක් බලගතු දවසක්. ඉතින් කැටෝරිගෙන් කොල්කනාර්ව නවත්තන්නෙ කොහොමද කියල දැනගත්තු මැන්ෆ්‍රෙඩ් වගෙම අනික් මිඩ්නයිටර්ස්ලත් ෆීජිව බේරගෙන කොල්කනාර්ව පරද්දලා මිඩ්නයිට් බේරගන්න බලාපොරොත්තුවෙන් ආපහු මිඩ්නයිට් වලට එනවා. මේ වෙද්දි මිඩ්නයිට් වල ජීවතුන් අතර ඉන්න කිසිම කෙනෙක් නැහැ. ඉන්නෙ ව්‍රේත්ස්ලා විතරයි. ඉතින් කොල්කනාර්ව නවත්තන්න කලියෙන් මිඩ්නයිටර්ස්ලට සිද්දවෙනවා මේ ව්‍රේත්ස්ලගෙන් බේරෙන්න. ව්‍රේත්ස්ලා එක්ක කරන මේ සටනෙදි ඔලීවියාට ජෙරමිගේ අතින් දරුණු තුවාල සිද්දවෙනවා. ෆීජිගේ බෙහෙත් වලින් ඔලීවියාව සනීප කරන්න අපහසු නිසා ක්‍රීක්ට ඔලීවියාව රෝහලකට අරගෙන යන්න සිද්දවෙනවා. මේ අතරෙ මැන්ෆ්‍රෙඩ් ලෙම්ගේ බිම් මහලේ තියෙන පුරාණ බඩු මුට්ටු වලට අරක්ගෙන ඉන්න ඩීමන් ආත්ම තමන්ට ආරූඪ කරගෙන කොල්කනාර්ව නවත්තන්න සැලසුම් කරනවා. ෆීජී ඊට වඩා වෙනස්ම දෙයක් කරන්න හදනවා. ඒ කොල්කනාර්ට එයත් එක්ක සෙක්ස් කරන්න ඉඩ දීල ඒ අතරෙදි කොල්කනාර්ව මරන්නයි. ඉතින් කරුණු කාරණා මේ විදිහට සිද්දවෙන අතරෙ රතු හඳ පායන රෑත් උදාවෙනවා. ඩීමන් ආවේශයෙන් ඉන්න මැන්ෆ්‍රෙඩ් අපායෙන් මතුවෙන කොල්කනාර් එක්ක සටන් කරද්දි බෝබෝයි ෆීජියි වෙනම සෙල්ලමකුත් කරනවා ඔයාලට මතක ඇතිනේ. කොහොම හරි ඒ වැඩේ නිසා කොල්කනාර්ට කන්‍යාවියක් විදිහට ෆීජිව අරගන්න බැරිවෙනවා. ඉතින් ඒ හේතුව නිසා වියරු වැටෙන කොල්කනාර්ව නවත්තන්න මැන්ෆ්‍රෙඩ්ට පුළුවන් කමක් ලැබෙන්නෙ නෑ. ඒ අතරෙ ලෙම් දෙන මංජුසාවේ හිරවෙලා උන්නු බලගතු ඩීමන් ආත්මයේ පිහිටත් එක්ක කොහොමහරි මැන්ෆ්‍රෙඩ්ට කොල්කනාර්ව විනාශ කරලා සීමාව වහල දාන්න පුළුවන් වෙනවා. හැම දෙයක්ම ඉවරවෙලා මිඩ්නයිට් ආපහු ආරක්ෂිත වුණාට පස්සෙ තමයි ඔලීවියා බේරගන්න බැරි තත්වෙක ඉන්න බව ලෙම් දැනගන්නෙ. ඉතින් කොහොම හරි ලෙම්ගේ වැම්පයර් ලේ වල බලයෙන් ඔලීවියාව සනීප කරගන්නත් හැකිවෙනවා. අන්තිමේදි ලෙමුයි ඔලීවියයි කසාඳත් බඳිනවනේ. හැමෝම සතුටින් හැම ප්‍රශ්නයක්ම ඉවරයි කියල හිත හදන් ඉන්න අතරවාරෙ තමයි මිඩ්නයිට්වල “හෝම් කුකින්” හෝටලය මිළට අරන් අලුත් කට්ටියක් මිඩ්නයිට් වලට එනවා කියන ආරංචිය මිඩ්නයිටර්ස්ලට දැනගන්න ලැබෙන්නෙ.

ඉතින් ඔන්න ඔය විදිහට තමයි පළමු කතා සමය අවසන් වුණේ. සමස්ත කතාමාලාවට 7.5/10ක IMDb අගයක් වගෙම Rotten Tomatoes දර්ශකයේ 63%ක ප්‍රේක්ෂක මනාප ප්‍රතිශතයක් හිමිකරගන්න සමත්වුණු, පුද්ගලිකවම මාත් බොහොම ආසාවෙන් නරඹපු කතාමාලාවක් තමයි Midnight, Texas කියන්නෙ. ඒත් හැමෝම වගේ දෙවන කතාමාලාවක් බලාපොරොත්තුවෙන් උන්නත් කාලයක් යනකන් ඒ ගැන කිසිම ආරංචියක් දැනගන්න ලැබුණෙ නැහැ. ඒ නිසා හැමෝම වගේ හිතුවෙ NBC එකෙන් මේක කැන්සල් කරල කියලයි. ඒත් හදිසියෙම වගේ හැමෝගෙම බලාපොරොත්තු ඉෂ්ඨ කරමින් 2018 පෙබරවාරි 14 NBC නාළිකාවෙන් Midnight, Texas දෙවන කතාමාලාවක් සඳහා දීර්ඝ කරපු බව නිළ වශයෙන් නිවේදනය කළා. ඒත් මේ දෙවන කතාමාලාව කොටස් නවයකට පමණක් සීමා කරලයි තියෙන්නෙ. අද කතාව ගැන නම් විශේෂ විස්තරයක් කරන්න අදහසක් නැහැ. ඒත් මේ වතාවෙ මිඩ්නයිටර්ස්ලා අතරට අලුත් චරිත කීහිපයකුත් එකතුවෙලා තියෙනවා. ඩීමන් ආවේශයෙන් මිදුණත් මැන්ෆ්‍රෙඩ්ගේ හැසීරීමේ ලොකු වෙනසක් අපිට මේ සමයෙදි බලාගන්න ලැබෙයි. ඒ වගෙම තමයි පළමු කතාමාලාවට වඩා මේ වතාවෙ කතාව වෙනස්ම විදිහෙ එකක් වෙන බවත් මෑතකදි නිකුත් වුණු Sneak Peak එකේදි දක්වලා තිබුණු අදහස් නිසා අපිට අනුමාන කරන්න පුළුවන්. කලින් සම්පූර්ණ කතාමාලාවම විකාශය වුණාට පසුව උපසිරසි ලබා දුන්නත් දෙවන කතාමාලාවට රූපවාහිනී විකාශයට සමගාමීව උපසිරසි ලබා දෙන්න බයිස්කෝප් කණ්ඩායමේ උපසිරසිකරුවන් පිරිසක් මේ වෙද්දිත් සූදානම් වෙලයි ඉන්නෙ. ඒ නිසා නොවරදවාම දෙවන කතා සමය සමඟත් රැඳෙන්න කියල ඔයාලට ආරාධනා කරනවා…

ලිපිය ඉසුරු සම්පත් සිරිසේන

***
අද කොටස – “Head Games”
විකාශය වූ දිනය – 2018 ඔක්තෝබර් 26
අධ්‍යක්ෂණය – Tim Andrew
තිර රචනය – Charlaine Harris
මීළඟ කොටස – “The Monster of the Week is Patriarchy”
විකාශය වන දිනය – 2018 නොවැම්බර් 02

ඊළග කොටසින් හම්බවෙනකම් හැමෝටම ජය !!

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HDTV පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “රවිදු රුක්ෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2016-08-20
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Previous BT1

All BT1

Next BT1

 

Check Also

Luca (2021) Sinhala Subtitles | ලූකා! [සිංහල උපසිරසි]

කොහොමද හැම කෙනෙක්ටම, මේ අවුරුද්දේ නිකුත් වෙච්ච හොඳම ඇනිමේෂන් ෆිල්ම් එකක් තමයි අරගෙන ආවේ. සෑහෙන …

Leave a Reply

Your email address will not be published.

23 comments

  1. Thanks ………………………good luck ……………….

  2. thanx bro

  3. බොහොම ස්තූතියි සිංහල උපසිරැසියට. ජය෴෴ 😛 😛

  4. කෞශල්‍ය දුෂ්‍යාන්

    යකෝ මං හිතුවේ මේක කැන්සල කරල කියල.හත්වලාමයි.ඔක්කොම අාපුවාම එක පාර සිරි නරඹනවා.සබට තුති වේවා.සදා ජය. 😛 😛

  5. thanks….

  6. Thank You

  7. Thanks Bro.

  8. Elama bro tnks

  9. Thanks

  10. ස්තූතියි සහෝ..දිගටම සබ් දෙන්නකෝ.නියම කතාවක් මේක ජය වේවා

  11. Sub ekata thanx

  12. නියමයි…සබ් එකට තැන්ක්ස්…
    මේකත් පට්ට කතාවක්..
    දිගටම සබ් දෙමු..

  13. නියමයි සහෝ.හැමදාම ආදරේ කරපු කතා මාලාවක්.නැවතත්.ජය වේවා සහෝ.බෝම තුති සබට

  14. Ammo ❤️

  15. Thanks For Sub….

  16. Thanks sub ekata..!

  17. Eranda Malith 2.0

    සුපිරි ස්තූතියි මචන්
    ජයවේවා !

  18. Thanx sahooo

  19. සිංහල උපසිරැසියට ස්තූතියි සහෝ
    ඊලග කොටසෙන් නැවත හමුවෙමු…
    ජය

  20. Thnx bro….

  21. Bhathiya gamage

    thanks

error: Alert: Content is protected !!