Sunday , January 23 2022
Breaking News

Most Eligible Bachelor (2021) Sinhala Subtitles | චුට්ටක් වල් විදිහට හිතන්න…! [සිංහල උපසිරසි]

Rating: 7.9/10. From 39 votes.
Please wait...

ආයුබෝවන් කියල පිලිගන්නවා බයිස්කෝප්වාසී සියලුම දෙනාම. සුපුරුදු පරිදි අදත් බයිස්කෝප් අඩවියට ගොඩවෙන්නේ හිස් අතින් නෙමේ. තෙලුඟු රසිකයෙක් නම් ඔබ අනිවාරෙන්ම ඇඟිලි ගනිමින් එනතුරු බලාගෙන සිටි චිත්‍රපටයක් අරගෙන. ඒ වගේම කියන්න ඕන මේ අවුරුද්දේ අති සාර්ථකව තිරගත වෙලා අවසන් වුනු, අතිශයින්ම ජනප්‍රියත්වයක් ලබපු, ලොවපුරා සිනමාහල් වල තිරගත වෙලා හොඳ ආදායමක් උපයාගත්, ඒ විතරක් නෙමේ සිනමාහල් ප්‍රදර්ශනයෙන් අනතුරුව ඩිජිටල් අවකාශයට මුදා හැරීමට පසුවත් මිලියන ගණනින් පිරිසකගේ වාර්තාගත නැරඹුම් සංඛ්‍යාවකට හිමිකම් කියූ අති සාර්ථක සිනමා නිර්මාණයක් අරගෙන තමයි අද ඔබ හමුවට මම මේ එන්නේ. මම කිව්වට මම අපේ ශසිත් සඳරුවන් සහෝදරයත් එක්ක එකතු වෙලා ‘අපි’ විදිහට හෙන කලක් ප්‍රමාදත් වෙලා, හෙන මහන්සියකුත් වෙලා ඔබ වෙත මේ උපසිරැසිය අරගෙන එන්නේ🙂. ඉතින් මුලින්ම හොඳ පිටපතක් නිකුත් වෙලත් උපසිරැසි ඔබවෙත ලඟා කරන්න ප්‍රමාද වීම ගැන සමාව ඉල්ලා සිටිනවා. ඔන්න එහෙනම් නොබලපු අයට සතුටින් රස විඳින්නත්, බලපු අය ඉන්නවනම් ආයෙත් බලලා සැබෑ රසය විඳින්නත්, එනකන් මග බලාගෙන සිටි අයට ඉක්මණට උස්සන් ගිහින් පරක්කු නොකර බලන්නත් මෙතැන් සිට බාරයි.

තෙලුඟු සිනමාවේ රසිකයෙක් නම් මේ ගැන කතා කරන්න දෙයක් නැහැ. තෙලුඟු සිනමාවේ චිත්‍රපට නරඹලා තියෙන අය ඉන්නවනම් නාගර්ජුනව හොඳටම අඳුනනවා ඇති. ඉතින් නාගර්ජුනගේ පවුලේ පුතුන් දෙදෙනාම තෙලුඟු සිනමාව එක්ක සම්බන්ධ වෙලා ඉන්න බවත් ඔබ දන්නවා ඇති. නාගර්ජුනගේ වැඩිමල් පුත් නාග චෛතන්යා නම් සාර්ථක සිනමා දිවියක් මේ වෙද්දීත් ගත කරන ගමන් සිටින අතිදක්ෂ නළුවෙක්. ඉතින් නාගර්ජුනගේ සහ චෛතන්යාගේ අඩි පාරේම යමින් නාගර්ජුනගේ බාල පුතු එනම් අකිනෙනි අකිල්ද තෙලුඟු සිනමාව පිවිසියත් ඔහුගේ ආරම්භය එතරම් හොඳ එකක් වූයේ නැහැ. ඔහු ප්‍රධාන චරිත ලෙස මෙතක් රඟපෑ චිත්‍රපට තුන වන Akhil (2015), Hello (2017), Mr. Majnu (2019) යන චිත්‍රපට තුන සැලකුවහොත් එම චිත්‍රපට තුනම ආදායම් වශයෙන් එතරම් සාර්ථකත්වයක් ලැබීමට සමත් වූයේ නැහැ. නමුත් අසාර්ථකත්වය තමයි සාර්ථකත්වයේ පලවෙනි පාඩම කියල කතාවක් තියෙනවනේ. අමිහිරි ඇරඹුමක් එක්ක ඇරඹුණු අකිල්ගේ සිනමා ගමනේ සාර්ථකත්වයේ නවමු පිටු පෙරලෙන්නට Most Eligible Bachelor චිත්‍රපටයත් සමග සමත් වෙනවා. ඒ ලොවපුරා අති සාර්ථක සාර්ථකත්වයකින් අනතුරු MEB චිත්‍රපටය අකිල්ගේ පළමු බ්ලොක්බස්ටර් චිත්‍රපටය බවට පත්වීමත් සමගින්.

අකිල් සමගින් මෙහි ප්‍රධාන චරිතයේ නිරූපණය කරන්නේ සුරූපී පූජා හෙග්ඩේ විසින්. ඇය මේ වනවිට වර්තමාන දකුණු ඉන්දීය සිනමාවේ ප්‍රමුඛම පෙලේ නිලියක් බවට පත් වෙලා සිටිනවා. ඇය වෘත්තීය ජීවිතේ ඇරඹුමේ සිටම සාර්ථක සිනමා නිර්මාණ රැසකට දායක වෙමින් සාර්ථක සිනමා ගමනක් ගත කරමින් සිටින අතර Aravinda Sametha Veera Raghava චිත්‍රපටයෙන් ඇගේ සිනමා දිවිය වෙත අලුත් පිම්මක් ලැබුනා කිවහොත් නිවැරදියි. Jr NTR සමග ඇය එම චිත්‍රපටයේ රඟපෑ අතර ඉන් පසු මහේෂ් බාබු සමග (Maharshi) චිත්‍රපටයත්, වරුන් තේජ් සමග ( Gaddalakonda Ganesh ) චිත්‍රපටයත්, හින්දි සිනමාවේ ( Housefull 4) චිත්‍රපටයත්, අල්ලු අර්ජුන් සමග රඟපෑ බාහුබලි චිත්‍රපටයෙන් පසු තෙලුඟු සිනමාවේ සාර්ථකම චිත්‍රපටය වන Ala Vaikunthapurramuloo චිත්‍රපටයේත් රංගනයේ නිරත වෙමින් එක දිගට නොනවතින බ්ලොක්බස්ටර් චිත්‍රපට පෙලකම රංගනයේ නිරත වෙමින් සිටියදී තමයි Most Eligible Bachelor චිත්‍රපටය හා එක්වන්නේ. ඉතින් Most Eligible Bachelor චිත්‍රපටයේ සාර්ථකත්වයත් සමග මෙය ඇයගේ පිට පිටම හය වන බ්ලොක්බස්ටර් චිත්‍රපටය ලෙස නම් වනවා. ඇයගේ ඉදිරියේදී නිකුත් වීමට නියමිත චිත්‍රපට පෙළ දෙස බැලු විට ඇය මේ වනවිට ඉන්දීය සිනමාවේ ප්‍රමුඛ පෙලේ සිටින Most Wanted Actress කෙනෙක් ලෙස හැඳින්විය හැකියි. පූජා හේග්ඩේ රංගනයේ නිරත වන චිත්‍රපටය අතරින් ඉදිරියේදී ප්‍රබාස් සමගින් Radheshyam බහු භාෂා චිත්‍රපටයත්, රන්වීර් සිං සමගින් Cirkus හින්දි චිත්‍රපටයත්, චිරන්ජීවී සහ රාම් චරන් සමගින් Acharya තෙලුඟු චිත්‍රපටයත්, විජේ සමගින් Beast දමිල චිත්‍රපටයත්, මහේෂ් බාබු රඟන, ට්‍රිවික්රම් ශ්‍රීනිවාස් අධ්‍යක්ෂණය කරන #SSMB28 චිත්‍රපටය ඇයගේ ඉදිරි චිත්‍රපට පෙළ ලෙස නම් කල හැකියි.

Most Eligible Bachelor චිත්‍රපටය ගැන කතා කලොත් චිත්‍රපටය අධ්‍යක්ෂණය කරන්නේ බාස්කර් විසින්. බාස්කර් කිව්වට කවුරුත් දන්නේ නැති උනාට Bommarillu Baskar කිව්වම තමයි හැමෝම දන්නේ. මොකද ඔහු තමයි තෙලුඟු සිනමාවේ ආදර කතා වල සලකුණක් බඳු Bommarillu චිත්‍රපටය අධ්‍යක්ෂණය කරන්නේ. ඊට අමතරව Parugu , Orange වැනි තෙලුඟු චිත්‍රපට රසිකයින් හට කිසිදා අමතක නොවන ආදර කතා සිනමාවට දායාද කල අතිදක්ෂ අධ්‍යක්ෂක වරයෙක් ලෙස ඔහු හැඳින්විය හැකියි. එම ලයිස්තුවට මෙතැන් සිට Most Eligible Bachelor චිත්‍රපටද මෙතැන් පටන් එක්වනු ඇති. මීට අමතරම රාම් පොතිනෙනි රඟපෑ Ongole Githa චිත්‍රපටයද අධ්‍යක්ෂණය කරනු ලැබුවේ බාස්කර් විසින්. අල්ලු අරවින්ද්ගේ Geetha Arts සමාගමේ සහෝදර සමාගමක් වන GA2 Pictures වෙනුවෙන් බනී වාසු විසින් තමයි මේ චිත්‍රපටය නිෂ්පාදනය කරනු ලබන්නේ. මේ චිත්‍රපටයේ මාරම ලස්සන මියුසික් ඇල්බම් එකක් අන්තර්ගත වෙලා තියෙනවා. Sid SriRam ගායනා කරන Leheraayi ගීතය චිත්‍රපටය නිකුත් වීමටත් පෙර අතිශය ජනප්‍රිය වූ අතර මුළු චිත්‍රපටයේ සියලුම සංගීත අධ්‍යක්ෂණ කටයුතු Gopi Sundar විසින් සිදු කර තිබෙනවා. මිනිත්තු150 ක ධාවන කාලයකින් යුතු සුන්දර ආදර කතාවක් සහිත මෙම චිත්‍රපටය පසුගිය ඔක්තෝම්බර් 15 සිට ඉහල ප්‍රතිචාර මධ්‍යයේ තිරගත වීම ආරම්භ කරනු ලැබුවා.

– චිත්‍රපටය වෙනුවෙන් කළා කරුවන් වෙතින් ලැබුණු ප්‍රතිචාර –

කලින් කිව්වා වගේ මෙහි ප්‍රධාන චරිත අකිනෙනි අකිල් සමගින් පූජා හෙග්ඩේ විසින් නිරූපණය කරනු ලබනවා. ඔවුන් දෙදෙනා හැරුණු විට සහය චරිත ලෙසින් Murali Sharma , Vennela Kishore, Jayaprakash , Aamani , Pragathi, Neha Shetty , Sudigali Sudheer යන රංගන ශිල්පීන් තම රංගන දායකත්වය සපයනවා. ඊට අමතව විශේෂයෙන්ම පැවසිය යුතුයි මේ සඳහා ආරාධිත රංගනයෙන් තෙලුඟු සිනමාවේ අතිදක්ෂ ගයන ශිල්පිනියක් වන Chinmayi Sripada සහ ඇයගේ සැමියා වන චිත්‍රපට අධ්‍යක්ෂකවරයෙක් වන Rahul Ravindranද එක්වනවා. එමෙන්ම ජනප්‍රිය තෙලුඟු නිලියන් දෙදෙනකු වන Eesha Rebba සමගින් Faria Abdullah ද මේ චිත්‍රපටය වෙනුවෙන් ආරාධිත රංගනයෙන් එක්ව සිටිනවා.

කතාව ගැන කිව්වොත්, හර්ෂ කියන්නෙ ඇමරිකාවෙ ජොබ් එක කරන තරුණයෙක්. ඔහු සෑහෙන්න උද්යෝගයෙන් තමන්ගේ විවාහය ගැන ලොකු බලාපොරොත්තුවකින් වගේම සූදානමකින් සිටිනවා. විවාහ ජීවිතේ ඇමරිකාවේ සතුටින් ගත කරන්න අවශ්‍ය සියලු දේ ඔහු එහි සූදානම් කරලා ඔහු ඉන්දියාවට එනවා හොඳ තැනකින් හොඳ ගෑණු ළමයෙක්ව බලල කසාද බඳින්න හිතාගෙන. ගෙදරිනුත් මෙයාට ගැලපෙන ගෑණු ළමයි විස්සක් විතර හොයල කැමති කෙනෙක් තෝරගන්න තැනට හැමදෙයක්ම සූදානම් කරලා තියෙන්නේ. ඔහුට අනුව තමන්ගේ විවාහ ජීවිතේ ගැන හොඳ පැහැදිලි බාවයකින් යුතුව ඔහු සිටින අතර අහඹු සිදුවීමක් හරහා Stand-Up Comedian කෙනෙකු ලෙසින් ඉදිරිපත් කිරීම් සිදු කරන විභා නම් අමුතු අදහස් තියෙන ලස්සන ගෑණු ළමයව හර්ෂට මුණ ගැහීමත් සමග හර්ෂගේ පිළිවෙලට තිබ්බ අදහස් ටිකට බාල්දිය පෙරළෙනවා. හර්ෂව කරකැවිල අත ඇරියා වගේ සිදුවීම් ටිකක් නිසාවෙන් මුළු කතාවම කණපිට පෙරළෙනවා. මේ හැමදේටම මුල වෙන්නේ එක සරල ප්‍රශ්නයක්. ඒක චිත්‍රපටිය බලලම දැනගමු නේද..?

විශේෂ දෙයක් සඳහන් කල යුතුයි මෙහි පූජා හෙග්ඩේ නිරූපණය කරන Stand-Up-Comedian චරිතය වෙනුවෙන් චිත්‍රපටයෙන් පසු ඇය හට මහත් ලෙස පැසසුම් හිමි වූවා. විචාරකයින්, ප්‍රේක්ෂකයින් ඇය රඟපෑ චරිතය අගය කරනු ලබනවා. මන්ද සාමාන්‍යයෙන් කොමඩි කියන්නේ බලල හිනා වෙන්න ලේසි දෙයක් උනාට, කෙනෙක් හිනස්සවන්න එක ලේසි වැඩක් නෙමේ. එමෙන්ම සිනමාවේ ගත්තොත් කොමඩි නළුවන් බොහෝ දෙනෙක් සිටියත් කොමඩි නිලියන් ඉන්නේ අතලොස්සයි. ඉතින් නිලියක් එවන් චරිතයක් නිරූපණය කිරීම තරමක අවදානම් කාර්යයක් ලෙස හැඳින්විය හැකියි. නමුත් මෙම චිත්‍රපටය වෙනුවෙන් පූජා බාරගත් එම අභියෝගය වෙනුවෙනුත්, එම Stand-Up Comedian චරිතය වෙනුවෙන් ඇය ලබා දී තිබෙන ගෞරවය වෙනුවෙනුත්, එයට එක්කල සාධාරණය වෙනුවෙනුත් චිත්‍රපටය නිකුත් වීමෙන් පසු බොහෝ පැසසුම්, අගය කිරීම් ප්‍රසිද්ධියේ ඇයට හිමි වූවා. චිත්‍රපටයේ සාර්ථකත්වයෙන් පසු තිබුණු උත්සවයකදී ඇය පවසා සිටියේද තම වෘත්තීය දිවියේ මෙතෙක් කල් තමන්ගේ චිත්‍රපට වලට පැසසූම්, සාර්ථකත්වයට සුභපැතුම් ලැබී තිබූ නමුත් රඟපෑ චරිතයක් වෙනුවෙන්, සිදු කල Performance එකක් වෙනුවෙන්, ඇයගේ රංගනය වෙනුවෙන් විශේෂයෙන් වෙන්ව පැසසුම් ලැබුනේ පළමු වතාවට බවයි.

– චිත්‍රපටය වෙනුවෙන් ලැබුණු ප්‍රේක්ෂක ප්‍රතිචාර සහ විචාරක පැසසුම් –

2019 දී වැඩ ඇරඹි චිත්‍රපටය 2020 අප්‍රේල් හිදී නිකුත් වීමට නියමිත වූවත්, කොරෝනා වසංගතය පැමිණීමත් සමග චිත්‍රපටයේ වැඩ කටයුතුත, නිකුත් කිරීමත් කල් දමන්නට සිදු වූවා. චිත්‍රපටය 2021 වසරේ මුල් බාගයේ නිකුත් කිරීමට සූදානම් වූවත් නැවතත් දෙවන රැල්ල හේතුවෙන් යලි චිත්‍රපටය කල් දමන්නට සිදු වූවා. කෙසේ වෙතත් අවසානයේ මේ වසරේ ඔක්තෝම්බර් 15 දින තිරගතවීම ආරම්භ කල Most Eligible Bachelor චිත්‍රපටය සාර්ථක ආරම්භයක් සමගින් ලොව පුරා ඉන්දියානු රුපියල් කෝටි අටක ආදායමක් ලබමින් සාර්ථක ඇරඹුමක් ලබා ගත්තා. තෙලුඟු චිත්‍රපට සඳහා ඔස්ට්‍රේලියාව, සහ ඇමරිකාවේ හොඳ බොක්ස් ඔෆිස් මාකට් එකක් තිබෙන අතර මෙම චිත්‍රපටය නිකුත් වී පළමු දින තුනේදී ඔස්ට්‍රේලියාවේ දී ඕස්ට්‍රේලියානු ඩොලර් 60,150 ක මුදලක් උපයන්නට සමත් වූවා. ඇමරිකාව තුලද ඇමරිකානු ඩොලර් ලක්ෂ 5 සීමාවට සතියක් ඇතුලත ලඟා වන්නට මෙම චිත්‍රපටය සමත් වූවා. නිකුත් වී සතියක් ඇතුලත ලොවපුරා ආදායම ලෙස ඉන්දියානු රුපියල් කෝටි 20 සීමාව පසු කරන්නට සතියකින් මෙය සමත් වූ අතර ඉන්දියානු කෝටි 50 සීමාව දින 17 කින් පසු කරමින් Most Eligible Bachelor චිත්‍රපටය බ්ලොක්බස්ටර් චිත්‍රපට ගොන්නට එක්වූවා. එමෙන්ම ඒත් සමගම අකිල්ගේ සිනමා දිවියේ පළමු බ්ලොක්බස්ටර් ලෙසින් ඔහුට අමතක නොවන චිත්‍රපටයක් බවට මෙය පත් වූ අතර, පූජා හෙග්ඩේ ගේ රංගන දිවියේ නොනැවතුණු බ්ලොක්බස්ටර් චිත්‍රපට පෙලට තවත් එක් චිත්‍රපටයක් මෙත් සමගම එක්වනු ලැබුවා.

– චිත්‍රපටයේ බ්ලොක්බස්ටර් වාර්තා සටහන් කීපයක්.-

එතනින් නොනැවතුණු Most Eligible Bachelor චිත්‍රපටයේ වාර්තාගත ගමන් මගේ ඊළඟ කඩයිම චිත්‍රපටය ඩිජිටල් අවකාශයට නිකුත් වීමත් සමග සිදු වූවා. නොවැම්බර් 19 දින සිට Aha හරහා OTT අවකාශයට මුදා හැරුණු මෙම චිත්‍රපටය දින දෙකක් තුල නැරඹුම් මිනිත්තු මිලියන සීයක් වාර්තා කරන්නට සමත් වූවා. මෙම සාර්ථකත්වයත් සමග චිත්‍රපටය තවත් ලොවපුරා ප්‍රේක්ෂකින් අතරට ලඟා කරවීම වෙනුවෙන් Aha සමගින් Netflix අත්වැල් බැඳගත් අතර නොවැම්බර් 23 සිට චිත්‍රපටය Netflix හරහාද ලොවපුරා රසිකයින් හට ඇඟිලි තුඩක දුර සිට චිත්‍රපටය නැරඹීමට අවස්ථාව උදා වනු ලැබූ අතර මේ වනවිටත් චිත්‍රපටය වාර්තාගත සිනමා ගමනක නිරත වෙමින් තිබෙනවා.

– මිනිත්තු මිලියන 100ක වාර්තාගත නැරඹුම් ප්‍රමාණය වෙනුවෙන් නිකුත් වූ පෝස්ටරය –

ඉතින් නරඹන්නට කියා ආරාධනා කර සිටිනවා. මාත් එක්ක සහයෝගෙන් උපසිරැසි නිර්මාණයෙන් එකතු වුනු අපේ මිත්‍ර ශසිත් සඳරුවන් සහෝදරයටත් මුලින්ම මතක් කරනවා. පැය දෙකයි මිනිත්තු තිහක ධාවන කාලයකින් යුතු මේ සුන්දර ආදර කතාවක් මෙන්ම වෙනස්ම ගනයේ ඔබ වෙනදා නොදකින චරිත නිරූපණයන් කීපයක් සමග නිර්මාණය වුනු මේ සිනමාපටය තෙලුඟු සිනමා රසිකයෙකු නම් මග හරින්න එපා කියා ඉල්ලා සිටිනවා. රොම්-කොම් චිත්‍රපටි නරඹන්නෙක් නම් කොහෙත්ම මිස් කරගන්න එපා කියල ඉල්ලා හිටිනවා. එහෙනම් යන්න අවසරයි. ආයෙත් මේ වගේම සොඳුරු බයිස්කෝප් එකක් සමගින් හමුවෙන බලාපොරොත්තුවෙන් සමුගන්නවා. බයිස්කෝප් පවුලේ සහෝදර උපසිරැසිකරුවන් හැමෝමවත් මතක් කරන ගමන් හැමදාම අදහසක් පල කරන සැමට හෘදයාංගම ස්තුතිය පල කර සිටිනවා. ඒ වගේම විවේචනයක්, අගයකිරීමක්, බැනුමක්, දිරිගැන්වීමක්, වැරද්දක්, නිවැරදි කිරීමක් කියන්න තියේනම් අදත් පහල තීරුව විවෘතව තිබෙනවා. උපසිරැසිය අරගෙන හොරා වගේ යන් නැතුව අදහසක් පලකරගෙන එතන පාලු නොකර යන්න ඉල්ලා සිටින අතර ඒ වගේම එතන කියන්න බැරි දෙයක් තියේ නම් [email protected] ඊමේලයට උනත් ඕනම දෙයක් එවන්න ඔබට හැකියාව තියෙනවා. වැරද්දක් තිබේ නම් ඒවා නිවැරදි කරගන්න අප ඕනම වෙලාවක සූදානම්ව සිටින බවත් සඳහන් කරන්න කැමතියි. ඔබට අප හා සමීප වන්නට තවත් ඉඩකඩ වෙන්ව පවතින තැන් කීපයක්ද පහලින් සඳහන් කරන ගමන් අපි සමුගන්නවා.

ඔබට ජයෙන් ජය…!!!

බයිස්කෝප් සිංහලෙන් නිල ෆේස්බුක් පිටුව
බයිස්කෝප් සිංහලනේ නිල ෆේස්බුක් එකමුතුව

ලිපිය – තාරක නුවන් දිල්හාර

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HQ HD පිටපත් සඳහා  අදාළ වේ.

 width=

මේ ලබා දී ඇති සිංහල උපසිරැසි පිළිබද “ශසිත් සඳරුවන් (සඳේ)” සොහොයුරාට සහ තාරක නුවන් දිල්හාර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Lost in Space (2018-2021) [S03 : E01] Sinhala Subtitles | ටයිටේනියම් සොයා… [සිංහල උපසිරසි]

ඔන්න එහෙනම් මේ අරගෙන එන්නෙ තවත් මඟ හිටලා තිබුණු කතාමාලාවක් රැගෙනයි. ඒවගේම කියන්න ඕන මේක …

Leave a Reply

Your email address will not be published.

32 comments

  1. බොහොම ස්තූතියි සිංහල උපසිරැසියට. ජය෴෴ 😛 😛

  2. Lasantharathnasirirox

    බොහෝම ස්තුතියි දෙදෙනාටම..ජයවේවා .!.!.!

  3. thanks..

  4. සිංහල උපසිරසියට ස්තුතියි

  5. Thank you

  6. ස්තුතියි !

  7. වෙනස්ම විදියේ love story යක්
    සබ් එකත් ලෙසටම තිබුනා
    තෑන්ක්ස් බයිස්කෝප් !

  8. Thank you

  9. Thanks machi

  10. Sanketh_Ekanayake

    Film එකත් suberb!
    සබ් එකත් suberb!

    බයිස්කෝප් එකේ දැම්මට පස්සේ තමයි දන්නේ මේ film එක ගැන. ලිපියේ කියලා තිබ්බා වගේ ම සුපිරියක් තමා.
    Thanks Brothers!

  11. තෑන්ක්ස් දෙදෙනාටම
    ඉදිරියටත් අලුත් ෆිල්ම් දෙමු

  12. Thanks both

  13. චුට්ටක් ඉක්මනින් සබ් දුන්න නම් නියමයි මොකද මේකත් බැලුවා වෙන සබ් එකකින්
    Star-malayalam movie එකට සබ් දෙන්නකෝ

  14. උපසිරසියට ස්තුතියි

  15. Paagal 2021 ta sub oni

  16. Paagal 2021 ට සිංහල සබ් ඕන

  17. සබ් එකට බොහොම ස්තූතියි සහෝ….!

  18. තෑම්ක්ස් කොම්ලෝ

  19. Supun Kaushalya

    තෑන්ක්ස් සබ් එකට

  20. සිංහල උපසිරසියට ස්තුතියි දෙදෙනාටම ..!!

  21. උපසිරසියට තුති

  22. Buddhika Lakmal

    ♥♥☻☻…බොහෝම ස්තූතියි උපසිරැසියට…☺☺♥♥

  23. Sub akta thanks

  24. සිංහල උපසිරසියට බොහෝම ස්තුති

  25. Locke & key season 2 dennako plz

  26. ඇගිලි ගනිමින් හිටපු අය නම් මේක බැලුවා බ්‍රෝ
    ඔයාලා පරක්කුයිනෙ

  27. Thanks for sub

error: Alert: Content is protected !!