Mosul (2019) Sinhala Subtitles | අරමුණ නොදත් මෙහෙයුමක්! මොසූල්! [සිංහල උපසිරසි]

සුභ දවසක් බයිස්කෝප්වාසී සියලු දෙනාටම! මුලින්ම කියන්න ඕනේ මම මේ සැරේ නම් දිග ලිපියක් ලියන්න බලාපොරොත්තු වෙන්නෙ නෑ මොකද මේ ෆිල්ම් එකට සබ් කරන්න බාර අරගෙනත් දැන් සෑහෙන කාලයක් වෙනවා. ඒ නිසා ලිපියත් ඉක්මනටම ඉවරයක් කරල මේල් එක දාන්න ඕනේ. හැබැයි මේකෙ සබ්ටයිටල් වලින් අන්තිම lines දහය ට්‍රාන්ස්ලේට් කරන්න සති ගාණක් ගියා කිව්වොත් ඕගොල්ලො විශ්වාස කරන එක්කුත් නෑ. 😅😅

හැබැයි ඉතින් කියන්න කණගාටුයි ඇත්තටම ඒම එකක් උනා. ට්‍රාන්ස්ලේට් කරගන්න බැරුව ඒම නෙමේ. හැබැයි තිබුණු අධ්‍යාපන වැඩ කටයුතුත් එක්ක හුස්ම ගන්නවත් වෙලාව තිබුණෙ නැති තරම් කාල වකවානුවක් ආවා මට පහුගිය සති කීපෙදී. ඕකත් එක්ක අන්තිම ලයින්ස් ටික ඉවරයක් කරන එකට යන චූටි වෙලාව ගැනවත් හිතන්න විදිහක් තිබුණෙ නෑ මට. කෝම හරි ඔන්න අද අන්තිමට මේකට අවසානයක් දෙන්න ඕනෙ කියන බලාපොරොත්තුව ඇතුව වැඩේ ඉවරයක් කරන්න යන්නේ.

අරමුණ නොදත් මෙහෙයුමක්! මොසූල්! ඔව් මොසූල්! නම ඇහෙද්දිත් ඛේදවාචකයක ඉරණමක් තම දෛවයේ ලියාගත් හැබැයි කාලයක් ලෝකයේ බොහොම ධනවත්ව තෙදවත්ව සිටි නගරයක් ඔයාලගෙ සිහියට එනවනම්, ඔබ හරි. ඒ තමා මොසූල්!

ඉරාකයේ අගනගරය වන බැග්ඩෑඩ් නුවර සිට කිලෝ මීටර් 400 ක් උතුරු දිගට වෙන්න පිහිටා තිබෙන මේ නගරය කාලයක් ලෝකයේ ප්‍රසිද්ධම වෙළඳ නගරයක් විදිහට වැජඹුණා. හැබැයි ඒ හැමදේම 2014 ජූනි මාසේ 4 වෙනිදා දක්වා විතරයි. ISIS ත්‍රස්ථයන් ගේ ප්‍රබල ප්‍රහාර වලට ලක්වුණු ඉරාක හමුදා පසුබසිමින් සිටි කාලයයි ඒ. 2014 ජූනි 10 වනදා වන විට හමුදා පාලනයෙන් මුලුමනින්ම තොර වූ මොසූල් නගරය අත්පත් කරගැනීමට ISIS ත්‍රස්ථයන් සමත් උනා. පලා යාමට නොහැකි වුණු නගරයේ රැඳී සිටි තම විරුද්ධවාදීන් සමූල ඝාතනය කරමින් ත්‍රස්ථයින් ගෙන ගිය කෲර වැඩ පිලිවෙලට එරෙහි වීමට කිසිවකුත් නොමැතිව, සියළුම හමුදා නගරය අතහැර ගොස් සිටි මොහොතක, එක් නිර්භීත පොලිස් කණ්ඩායමක්, SWAT Team (Special Weapons And Tactics Team), පලා නොගොස් නඟරය තුලම වෙසෙමින් හැකි පමණ ISIS ත්‍රස්ථයින් දඩයමේ යෙදුණා. මොසූල්! මේ ඔවුන්ගේ කතාවයි…

සත්‍ය සිදුවිම් පාදක කරගනිමින් නිර්මාණය කර ඇති මේ චිත්‍රපටිය අරාබි භාෂාවෙන් නිර්මාණය කරන ලද්දක්. හැබැයි කොලිටිය ගැන කියන්න ඕනෙ නෑ Netflix නිෂ්පාදනයක් කියල කිව්වම හිතාගන්න පුලුවන්නේ. IMDb 7.2 කුත් කුණු තක්කාලී 84% කුත් රේටින්ග්ස් ගන්න සමත් වීම මේ චිත්‍රපටයේ සාර්ථකත්වය ඔප්පු කරන තව සාධකයක්. ඉතින් බාගෙන බලන්න. නොබල ඉන්න එපා කියන අහිංසක අවවාදය දෙන්න ඕනෙ හමෝටම. මොකද මගේ අදහස හැටියට නම් මේක ජීවිත කාලෙ කොයිම මොහොතක හරි නරඹන්න ඕනෙ චිත්‍රපටියක්. හරි, ලිපිය ඉවරයි.. මගේ වැඩ කොටස මෙතනින් හමාරයි. දැන් ආරම්භ වෙන්නේ ඔබේ වැඩ කොටස. බාගෙන බලන්න. 😅😅

හැබැයි ඊට කලින් පුංචිම පුංචි දෙයක් හරි මේ SWAT ගැන කිව්වෙ නැත්නම් ලිපිය අසම්පූර්ණයි. පටන් ගත්තේ වැඩි දෙයක් කියන්නෙ නෑ කියල කියාගෙන උනාට ඒක ඇත්ත්ක කරන්න බැරි වෙයි වගේ මේ යන විදිහට නම්. 😅😅 පුලුවන් තරම් කෙටියෙන් කියන්න බලන්නම්.

ගොඩාක් යුධ හෝ ආරක්ෂාව සම්බන්ධ දේවල් ලෝකයට හඳුන්වල දුන්න ඇමරිකා එක්සත් ජනපදයෙන්ම තමා මේ SWAT පොලිස් බලකායත් ලෝකයට හදුන්වල දෙන්නේ. අපරාධකරුවන් මර්දනය, කැරලි මර්දනය සහ ප්‍රචණ්ඩ ගැටුම් පාලනය කිරීම සඳහා 1960 ගණන් වලදී මුලින්ම නිර්මාණය කළත්, 2001 සැප්තැම්බර් 11 ලෝක වෙළඳ මධ්‍යස්ථානයට එල්ල වූ ප්‍රහාරයෙන් පසුව SWAT බලකාය ඉතා ප්‍රභල විශාල බළඝනයක් විදිහට සංවිධානය වුණා. මෙයාලට සාමාන්‍ය පොලිස් පුහුණුවට එහා ගිය මිලිටරි පුහුණුවක් තමා ලබා දෙන්නේ. ඉරාකයේ SWAT බලකායත් මේ ඇමරිකානු SWAT බලකායේ අධීක්ෂණය යටතේ තමා පුහුණු වෙන්නේ.

SWAT ඒකක බොහෝ විට ස්වයංක්‍රීය හා විශේෂිත ගිනි අවි වලින් සමන්විත වෙනවා. Machine guns, Sub-machine guns, Assault rifles, සහ Sniper rifles ඇතුලු ඕනෑම වර්ගයක ගිනි අවි හැසිරවීමේ හැකියාවක් ඔවුන්ට තියනවා. ඊට අමතරව, රහසිගත ඇතුල් වීම් සඳහා විශේෂ පුහුණුවක්ද, තාප සහ රාත්‍රී දෘෂ්ටි උපකරණ සහ චලන අනාවරක ඇතුළු විශේෂ උපකරණ හා සන්නද්ධ වාහන භාවිතා කිරීමේ විශේෂ පුහුණුවකින්ද මොවුන් සමන්විතයි. ත්‍රස්ථප්‍රහාර මැඩපැවැත්වීම, ප්‍රාණ ඇපකරුවන් බේරා ගැනීම සහ සාමාන්‍ය නීතිය ක්‍රියාත්මක කිරීමේ අවස්ථාවන්ගෙන් ඔබ්බට ගිය අධි අවධානම් අවස්ථාවන්වලදී මොවුන්ගේ සේවය ඉතාම අනගි මෙහෙයක් ඉටු කර තිබෙනවා.

ඉතින් එක්සත් ජනපදයෙන් හදුන්වා දුන් මේ ක්‍රමවේදය ක්‍රියාත්මක කරමින් අනෙකුත් රටවලුත් SWAT බලකායට සමාන වූ පැරාමිලිටරි පොලිස් ඒකක පවතවාගෙන යනවා. ඒම කිව්ව ගමන් ඔයාලට මතක් වෙන දේ මට හිතාගන්න පුලුවන්😄. Special Task Force, ඒම නැත්නම් STF. ඔව් ඒ හිතුන දේ තරමක් දුරට හරි. ශ්‍රී ලංකාවට සිටින ඉතා වැදගත් වගේම ආසියාවේ හොදම counter-terrorism strike force (ප්‍රති-ත්‍රස්ත ප්‍රහාරක බලකාය – සිංහලෙන් කියන්නෙ මේම වෙන්නෝනේ 🤔) එකක් විදිහට සැලකෙන අපේ STF එක. හැබැයි ඔයාල දන්නවද මේ STF එකෙනුත් වෙනම පිරිසක් තෝරගෙන අති විශේෂ පුහුණුවක් ලබා දීලා SWAT බලකායක් ශ්‍රී ලංකාව තුලත් පවත්වා ගෙන යනවා කියලා. 2005 දි තමා මේ බලකාය ආරම්භ කරල තියෙන්නේ. ආඩම්බරයි නේද!!

හරි SWAT ගැන ඒ ඇති!

සමුදෙන්න කලින් චූටි කතාවක් කියන්නම්.

මේ මොසූල් කඩා වැටෙන කාලයේම ඉරාකයේ තරුණ පොලිස් නිලධාරියෙක් හිටියා. නම “කාවා”. මෙයාගේ මාමාත් පොලිස් නිලධාරියෙක්. එක දවසක් මෙයාලට ලැබෙනවා නගරේ ත්‍රස්තවාදීන් පහර දෙන ප්‍රදේශයකට ගිහින් අපරාධකරුවන් දෙදෙනෙක් අල්ලගෙන එන්න. සාර්ථකව අපරාධකරුවන් අත්අඩංගුවට ගන්න සමත් උනත් ඔවුන්ව පොලිස් ස්ථානයට රැගෙන ඒමට නම් මේ මාමයි බෑණයි සමත් වෙන්නෙ නෑ. මොකද අතරමඟදී ත්‍රස්තවාදීන් කණ්ඩායමක් මොවුන්ට පහර දෙන නිසා. මේ මෙහෙයුමට “කාවා” සහ ඔහුගේ මාමා සමඟ තවත් පොලිස් නිලධාරියෙක් සම්බන්ධ වෙලා ඉන්නවා. ත්‍රස්තවාදීන් සමඟ වන සටනේදී “කාවා” ගේ මාමා මරුමුවට පත් වෙලා “කාවා” අනෙක් නිලධාරියා සමඟ තනි වෙනවා. ඉතින් පිරිසෙන් වැඩි, ත්‍රස්තයන් සමඟ සටනේදී තමන්ගේ උණ්ඩ සියල්ලම අවසන් වෙලා මරණය බලාපොරොත්තුවෙන් ඉන්න අවස්ථාවක මොවුන්ගේ උදව්වට පැමිණෙන්නේ පලායාමට නොහැකිව මිය ගියා කියල මොවුන් සිතාගෙන සිටි SWAT සොල්දාදුවන්. ත්‍රස්තවාදීන් පිරිස මරා දමන මේ SWAT කණ්ඩායමේ නායකයා “කාවා” ගෙන් සහ අනෙක් නිලධාරියාගෙන් පොදුවේ ප්‍රශ්න දෙකක් අහනවා.

1. ISIS ත්‍රස්තයින් නිසා කවද හරි තුවාල ලබල තියනවද?

2. ISIS ත්‍රස්තයින් නිසා පවුලේ කවුරු හරි මිය ගිහින් තියනවද?

මේ දෙකම සිද්ද වෙලා තියන “කාවා” ට SWAT කණ්ඩායම් නායකයාගෙන් හරි අපූරු තෑග්ගක් ලැබෙනවා. ඒ SWAT සාමාජිකයෙක් ලෙස බඳවාගත් පසු පමණක් යමෙකුට ලබා දෙන SWAT නම සඳහන් කැප් එකක්!!!

මොකද්ද මම මේ කිව්වේ කියල තේරෙන්නෙ නෑ නේද?? ෆිල්ම් එක බලන්න එතකොට තේරෙයි.. 😁 😉

කෙටියෙන් ලියන්න ගිය ලිපිය මං හිතන්නෙ දිග ලිපියක් උනා අන්තිමට. කමක් නෑ. හිතට එන හැමදේම කිව්වේ නැත්නම් සබ කරාට ඒකෙ තියන ගැම්ම ඇඟට දැනෙන්නෙ නෑ. ඔන්න දැන් ඒකත් හරි ඒනම්. ෆිල්ම් එක බලන්න නොඉවසිල්ලෙන් ඉන්න ඔයාව තව දුරටත් රස්තියාදු කරන්නෙ නැතුව මම නවතිනවා. ආයුබෝවන් සියලුම දෙනාට! 🙏

“උං හැමෝම අපරාධකාරයෝ මංකොල්ලකාරයෝ, උංට එකතු වෙන්න ISIS එකක් තියෙන්න කලින්”

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

 

Subtitle Contributor Rank
BRONZE MEMBER
JOINING DATE – 2018-05-15
SUBMAKER RATING BY ADMINS