Friday , May 29 2020
Breaking News

My Story (2018) Sinhala Subtitles | මගේ ආදර කතාව [සිංහල උපසිරැසි සමඟ]

Rating: 9.3/10. From 25 votes.
Please wait...

සුවහසක් මලයාලම් රසිකයන් බැලිය යුතුම කතාවක් !

සුබ දවසක් හැමෝටම ! ඔන්න මගේ 39 වන සිංහල උපසිරසි ගැන්වීම විදියට තවත් සුපිරිම මලයාලම් චිත්‍රපටයකට සිංහල උපසිරසියක් රැගෙන ආවා. කතාවේ ප්‍රධාන නළුවා වෙන්නේ මලයාලම් රසිකයන්ගේ ආදරය දිනාගත් , මලයාලම් සිනමාව තුල කවදත් වෙනස් දෙයක් කරන සුවිශේෂී , ප්‍රතිභාපූර්ණ රංගධරයා “Prithviraj Sukumaran“.

එහෙනම් මුලින්ම දැනගම්මු අපි Prithviraj Sukumaran සිනමාවට පිවිසි විදිය ගැන.

ප්‍රිත්විරාජ් ගෙ තාත්තා (Late. Sukumaran Nair) , අම්මා (Mallika Sukumaran) සහ අයියා (Indrajith Sukumaaran) මලයාලම් සිනමා කර්මාන්තයේ සුප්‍රසිද්ධ නළුවන් සහ සිනමා නිෂ්පාදකයන් , ප්‍රිත්විරාජ්ගේ රඟපෑමේ නිපුනතාවය ඔහුගෙ ලේ වලම තියෙනවා කියලා කීවත් නිවැරදි. ප්‍රිත්විරාජ්ගේ පළමු චිත්‍රපටය 2002 වසරේ තිරගතවූ ‘Nandanam’ නන්දනම් (මල් වත්ත) චිත්‍රපටය. (හැඟුම්බර ලස්සන ආදර කතාවක්) මේ ෆිල්ම් එකේ කතානායකයා තෝරා ගැනීමේ (Hero) Screen Test එක පැවරිල තියෙන්නේ සුප්‍රසිද්ධ සිනමා අධ්‍යක්‍ෂක ෆාසිල්ට (Director Fazil) (ෆහඩ් ෆාසිල්ගේ පියා). ස්ක්‍රීන් ටෙස්ට් එකට සැහෙන්න කට්ටිය ආවා, නමුත් අධ්‍යක්‍ෂක ෆාසිල් සෑහීමකට පත් උනේ නැහැ.. එවර ඔහුට ඔහුගේ මිත්‍රයාගේ බාල පුතාව මතක් උනා. ඒ තමයි අපේ නළුවා. ඒ දවස් වල ප්‍රිත්විරාජ් ඔහුගේ උපාදිය හදාරමින් සිටියේ ඕස්ට්‍රේලියාවේ “University of Tasmania” කැම්පස් එකේ. ඔහු රඟපෑම ගැන එතරම් උනන්දු වූයේ නැහැ. ඉතිං කොහොම හරි අධ්‍යක්ෂ ෆාසිල්ගෙ ඕනෑකම මතයි ප්‍රිත්විරාජ් සිනමා කර්මාන්තයට පිවිසෙන්නේ. අන්තිමට Nandanam චිත්‍රපටය 2002 වසරේ හොඳම චිත්‍රපටය ලෙස සම්මානයන් 2ක් සහ තව සම්මාන 3ක් දිනා ගත්තා. ඔහු ඊළඟ වසරවල සාර්ථක ප්‍රමුඛ නළුවෙකු ලෙස පෙනී සිටියේය. 2006 දී ඔහු ආදර චිත්‍රපටයක් වන Classmates හි රඟපෑ අතර එය ඒකල ආදායම් වාර්තා තැබූ මලයාලම් චිත්‍රපටයකි.එම වසරේදීම ඔහුට Vaasthavam හි රඟපෑම වෙනුවෙන් හොඳම නළුවාට කේරළ ප්‍රාන්ත සිනමා සම්මානය දිනා ගත් අතර වයස අවුරුදු 24 දී මෙම සම්මානය ලබාගත් ලාබාලම තැනැත්තා බවට පත්විය. 2009 දී ක්‍රියාදාම චිත්‍රපටයක් වූ Puthiya Mukham හි රංගනයට අමතරව පසුබිම් ගායකයෙක් ලෙස ද ඔහු ප්‍රථම වරට පෙනී සිටියේය.ඔහු 2012 දී යළිත් වරක් හොඳම නළුවාට කේරළ ප්‍රාන්ත චිත්‍රපට සම්මානය දිනා ගත්තේ වෛද්‍ය නාට්‍යයක් වන Ayalum Njanum Thammil සහ චරිතාපදාන චිත්‍රපටයක් වූ Celluloid සඳහා ය.

2010 දී ඔහු August Cinema නම් නිෂ්පාදන ආයතනය සඳහා චිත්‍රපට නිෂ්පාදනය කිරීම ආරම්භ කළේය. ඔහු Urumi චිත්‍රපටයට රංගනයෙන් හා නිෂ්පාදනයෙන් දායක විය.

ඔහු Indian Rupee නම් social drama ගණයේ චිත්‍රපටයේ සම-නිෂ්පාදනය හා රඟපෑ අතර ඒ සඳහා මලයාලම් හි හොඳම චිත්‍රපටය සඳහා වූ ජාතික චිත්‍රපට සම්මානය සහ හොඳම චිත්‍රපටය සඳහා කේරළ ප්‍රාන්ත චිත්‍රපට සම්මානය ද ඔහුට හිමි විය. 2014 දී Kaaviya Thalaivan චිත්‍රපටයේ රඟපෑම වෙනුවෙන් හොඳම දුෂ්ටයා ලෙස තමිල්නාඩු ප්‍රාන්ත චිත්‍රපට සම්මානය දිනා ගත්තේය.එසේම 2013 දී ඔහුට Celluloid චිත්‍රපටයේ රංගනයට හොඳම නළුවාට විචාරක සම්මානය – South යන ෆිල්ම් ෆෙයාර් සම්මාන (South) යද දිනාගත්තේය.

Prithviraj Sukumaran ගේ අවුරුදු 15ක සිනමා ජීවිතය තනි ඡායාරූපයකින්.

ඒ වගේම ඔහුගේ වයස දැන් 38ක් වෙනවා. (October 16, 1982). ඔහුගේ සිනමා ජිවිතයේ පලමු අධ්‍යක්ෂණය තමයි Lucifer. එහි දෙවන කොටසක්ද පැමිණීමට නියමිතයි ආරංචි වල හැටියට. දැන් බලමු අපි Prithviraj Sukumaran ගේ පවුල සිනමාවට ලබාදී ඇති දායකත්වය. ඒ වගේම ඔහු තමා Kerala State Film Award සම්මානයෙන් පිදුම් ලද ලාබාලම නළුවා.

Sukumaran & Prithviraj Sukumaran , Indrajith Sukumaran රඟපෑ චිත්‍රපට කෙටියෙන්,

  • Sukumaran ( Father – තාත්තා )
    Vilkkanundu Swapnangal, Aavanazhi , Jagratha , Kazhukan , Kottayam Kunjachan
  • Prithviraj Sukumaran ( Son – පුතා )
    Amar Akbar Anthony , Lucifer , Ayyappanum Koshiyum , Driving Licence , Nine(2019) , Ranam , My Story , Adam Joan , Pavada , Ennu Ninte Moideen , Ivide , Picket 43, තව ගොඩක් තියෙනවා.මේ ටිකක්…
  • Indrajith Sukumaran ( Son – පුතා )
    Thakkol , Amar Akbar Anthony , Tiyaan , Lucifer , Mohanlal , තව ගොඩක් තියෙනවා.මේ ටිකක්.

  • ඔහුගේ මව Mallika Sukumaran වන අතර ඇයද නිළියකි. පියා Sukumaran වන අතර ඔහු ද නළුවෙකි.තවද ඔහුගේ වැඩිමහල් සහෝදරයා වන Indrajith Sukumaran ද නළුවෙකි. ඔහුගේ නෑනා වන Poornima Indrajith ද නිළියෙකි.
  • ඔහු රඟපෑ Ennu Ninte Moideen (2015) චිත්‍රපටය , Ezra (2017) සහ Lucifer (2019) යන චිත්‍රපට මෙතෙක් වාර්තා වූ ඉහළම ආදායම් ලැබූ මලයාලම් චිත්‍රපට දහය අතර වේ.
  • ඔහු 2017 August Cinema සමඟ ඇතිකරගත් හවුල්කාරිත්වය අවසන් කළ අතර 2019 දී 9 (Nine) චිත්‍රපටය සමඟ ආරම්භ වූ ස්වාධීන නිෂ්පාදන ආයතනයක් වන Prithviraj Productions ආරම්භ කළේය.
  • ප්‍රිත්විරාජ්ගේ මූලික පාසල් අධ්‍යාපනය චෙන්නායි හි දී සිදු කරන ලද්දේ ඔහුගේ පවුලේ අය එවකට එහි පදිංචි වූ බැවිනි. කෙසේ වෙතත්, 1997 දී සුකුමාරන්ගේ මරණය හේතුවෙන් ඔවුන් පසුව කේරළයට මාරු විය.
  • මොහුව මලයාලම් හි Superstar ලෙසද හදුන්වනවා.මොහු බොලිවුඩයට පිවිසියේ Aiyya (2012) චිත්‍රපටයත් සමඟය. එහි ප්‍රධාන චරිතය රඟපෑවේ රාණි මුකර්ජි ය. පසුව Aurangzeb ( 2013) හා Naam Shabana (2017) යන චිත්‍රපටවලද රඟපෑවේය.

(මේ කරුණු සියල්ල උපුටා ගන්නේ ලද්දේ ෆේස්බුක් එකේ තියෙන “සොඳුරු මලයාලම් සිනමාව හා අසිරිමත් කේරළය – Mollywood & Gods Own Country Kerala” ගෘප් එක ආධාර කොටගෙනය. ඒ වගේම Danitha Aminda සහෝදරයාගේ ලිපියක් ආධාර කොටගෙනය. කරුණු ලබාදුන් සියල්ලටම ස්තුතියි)

ප්‍රධාන නළුවා කව්ද කියලා හැමෝම දන්නවනේ. නිළිය වෙන්නේ මලයාලම් සුපිරි තරුව Parvathy Thiruvothu. හැමෝම ආදරය කරන Charlie, Ennu Ninte Moideen යන චිත්‍රපට වලට ප්‍රධාන නිළිය ලෙස දායකත්වය ලබාදුන්නා වගේම Virus, Uyare, Koode, Take Off ඇතුළු තවත් විශාල චිත්‍රපට ප්‍රමාණයකට රංගනයක් දායකත්වය සැපයුවා.

මේ චිත්‍රපටය ඉන්දියාවේ කල චිත්‍රපටයක් නොවේ. පෘතුගාලයේ අගනුවර වන ලිස්බන් වල තමා නිර්මාණය වුණේ. ලස්සන කතාවක් ලස්සන රටක. මම කැමතිම චිත්‍රපටයක් වූ මෙය සියළුම මලයාලම් රසිකයන් සමග බෙදාහදාගැනීමේ ආශාව මත මෙයට සිංහල උපසිරැසිය නිර්මාණය කළා.

එහෙනම් අපි චිත්‍රපටය ගැන දැනගනිමු. මේ කතාවේ තියෙන්නේ ලස්සන ආදර කතාවක්. ඒ වගේම හිතන තරම් ලස්සන වෙන්නේ නැහැ මේ ආදර කතාව.වැඩිය ඕනේ නැහැ සරලවම හිතුවොත් කරදර ප්‍රශ්න නැති ආදර කතා මේ ලෝකේ කොහෙවත් නැහැ. හැබැයි ඒ දේවල් එක්කම තමා ඉස්සරහට යන්න ඕනා. එතකොට තමා ඕනෑම කතාවක් ලස්සන වෙන්නේ. මේ කතාවේ ප්‍රතිරාජ් , ජයි කියන චරිතයෙන් ද , ප්‍රධාන නිළිය වන Parvathy Thiruvothu, තාරා සහ හිමා යන චරිත දෙකම රගපානවා. ඒ කියන්නේ අපේ භාෂාවෙන් ඩබල් ඇක්ටින්. ජයි කියන්නේ පොඩි කාලේ ඉදන්ම රගපාන්න ආසාවෙන් ඉන්න කෙනෙක්. උත්සාහා කරලා කොහොම කොහොම හරි ජයිට ෆිල්ම් එකක් හම්බවුනා රගපාන්න. ඒ ෆිල්ම් එකේ ප්‍රධාන නිළිය වෙන්නේ තාරා. එතකොට තාරා කියන්නේ සිනමාවේ ඉන්න දැවැන්තම චරිතය. තාරා අලුතෙන් සිනමාවට එන ජයිට ආදරය කරනවා. ඒ ආදරය කරන්නේ ගොඩක් ප්‍රශ්න මැද. ජයිට ආදරය කරන්න ලැබෙන්නේ නැහැ ඔහුගේ ජිවිතයේ තියෙන ප්‍රශ්න එක්කම. ඒ උනාට ජයි තාරා හින්දම ඒ හැම එකම විසදගන්නවා. කතාව පටන් ගන්නේ ඔන්න ඔහොම ඒ කියන්නේ මුල. ඊට පස්සේ ලස්සනට කතාව ගලාගෙන යනවා.මලයාලම් රසිකයන් අනිවාර්යයෙන්ම බලන්නම වටිනා වගේම බැලිය යුතුම කතාවක්.

එහෙනම් මම අදට සමුගන්නවා. තවත් උපසිරසියකින් ලගදීම හමුවෙමු. ඔබට ජය !

 

 

Due to copyright issues, we do not provide any torrent links.

මෙම ලබා දී ඇති උපසිරැසි HQ DVD පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ නවින් නිසල් ධනුෂ්ක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-11-03
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Better Call Saul [S03 : E09] Sinhala Subtitles | මොළෙන් ගහන ගැටයක්! [සිංහල උපසිරැසි සමඟ]

හොඳයි එහෙනම් මේ ගේන්නේ Better Call Saul තුන්වෙනි කතා මාලාවේ නමවෙනි කොටස. තව එක කොටසකින් …

Leave a Reply

Your email address will not be published.

16 comments

  1. බොහොම ස්තූතියි සබ් ටයිටල් වලට..Thakkol කියන මලයාලම් චිත්‍රපටියටත් සබ් එකක් කරන්න කියලා පුංචි ඉල්ලීමක් කරනවා..බුදු සරණයි ඔයාලට..❤

  2. බොහොම ස්තූතියි සිංහල උපසිරැසියට. ජය෴෴ 😛 😛

  3. bohoma sthuthi

  4. නියමයි සහෝ…<3

  5. එහෙනම් දිගටම මලයාලම්ම ගේන්න ට්‍රයි කරමු ඈ…
    ජය වේවා!

  6. Prasanna Indunil

    thank you for the subtitle Naveen

  7. Hemantha De Silva

    ස්තුතියි නවීන්…
    ප්‍රියතම නලු නිළි දෙපළක් එක්ක ප්‍රියතම සිනමාව.

  8. isuru srinath sjs

    ස්තුතියි සිංහල උපසිරැසියට.. ජය!!

  9. … ගොඩක්ම ස්තූතියි. …
    ඔබට සහ ඔබ පවුලේ සැමට
    තෙරුවන් සරණ ලැබේවා..!

  10. -චානක ඉඳුනිල්-

    Thanks for sub

  11. thanks..

  12. malithmadhushan45

    යකෝ මූ දැන් මලයාලම් වලට බැහැලනේ එල එල. පට්ට මචං අනිවා බලනව. සබ් එකට ස්තුතියි

  13. Hashan M. Priyadarshana

    බොහොම ස්තුතියි සබ් එකට බ්‍රෝ

  14. shihanamarakoon

    Thank you so much bro film eka download karan sub ekak enakan balan hitiye

error: Alert: Content is protected !!