අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Neon Genesis Evangelion: The End of Evangelion (1997) Sinhala Subtitles | මනුෂ්‍යත්වයේ සදාකල්හි සාක්ෂිය. [සිංහල උපසිරසි] (18+)

Rating: 5.8/10. From 6 votes.
Please wait...

අපේ ඇනිමෙ රසිකයො හැමෝටම කොන්නිචිවා කියල කියන ගමන්, ඔන්න පොරොන්දු වුනු විදිහට ඇනිමෙ ස්වර්ණමය යුගයේ නිමවුනු මාස්ටර්පීස් Evangelion Series එකේ අවසානය රැගත් The End of Evangelion චිත්‍රපටයේ සිංහල උපසිරැසියයි මම මේ අරන් එන්නේ. දැන් නම් හුඟ දෙනෙක් Neon Genesis Evangelion Series එක බලල ඉවර ඇති. ඔයා Neon Genesis Evangelion Series එක තාමත් බැලුවෙ නැත්නම් මේ චිත්‍රපටය බලන්න එපා කියල අවධාරණය කරනවා. මොකද ඒ Series එකේ අවසානය තමයි මේ විදිහට චිත්‍රපටයකින් අරන් එන්නේ. ඉතින් ඒ Series එක මුල ඉඳල සම්පූර්ණයෙන්ම බලල ඉවර වෙලා මේ චිත්‍රපටයට එන්න. ඇත්තටම කියනවනම් සීරීස් එක බලල මේක බැලුවත් එක පාරින්ම මේක ටිකක් තේරුම් ගන්න අමාරුයි. කෙටියෙන්ම කිව්වොත් මේක තමයි අපේ භාෂාවෙන් කියනවනම් Confused unga bunga වෙන ජාතියෙ සිදුවීම් දාමයක් අරන් එන කතාව වෙන්නෙ.🤯

ඒ වගේම සීරීස් එකේ ලිපියකදි මේ The End of Evangelion චිත්‍රපටයට කලින් Evangelion:Death & Rebirth කියල චිත්‍රපටයක් නිකුත් වුනා කියලත් ඒකට සිංහල උපසිරැසි නිර්මාණය කරන්නෙ නෑ කියලත් මම කිව්වා. ඒකට හේතුව තමයි මේ Evangelion:Death & Rebirth එකෙන් අරන් එන්නේ සීරීස් එකේ 1-24 දක්වා කොටස් වල Recap එකක්. කොටින්ම කිව්වොත් කතාවෙ සාරාංශයක් තමයි අරන් එන්නෙ. ඉතින් ඒ සිද්ධි ටිකම ඒ දෙබස් එක්කම ඔයා ආයෙත් ඒක බලන එකේ තේරුමක් නෑ වගේම ඒක නොබැලුවා කියල කිසිම පාඩුවක් වෙන්නෙත් නෑ.

තවත් විශේෂ දෙයක් කියන්නම ඕනි. ඒ තමයි, Evangelion සීරීස් එකේ Director Cut Episode 24 දී අන්තිමට පෙන්නපු credit scene එක ඔයාට මතකද? අන්න ඒකෙ පෙන්නපු කිසිම සිදුවීමක් සීරීස් එකේ 25,26 කොටස් දෙකේ වුනේ නෑ කියන එක ඔයාට note වුණාද? එතකොට ඒ credit scene එකට මොකද වුනේ? අන්න ඒ පෙන්නපු credit scene එක තමයි මේ The End of Evangelion චිත්‍රපටයට ඇතුළත් වෙන්නේ. එතකොට සීරීස් එකේ 25,26 කොටස් දෙකේ සිද්ධ වුනු දේවල් මොනවද? ඒ දේවල් අදාළ නැද්ද? ඒකට උත්තරේ මං මෙහෙම කියන්නම්කො… Neon Genesis Evangelion කියල කියන්නෙ Alternate Endings තියෙන කතාවක්. ඈ…ඒ කිව්වෙ? ඒකට පැහැදිලි කිරීම මේ ලිපියෙ යටින් තියෙනවා. ඒක අනිවාර්යයෙන්ම කියවන්න. මොකද ඒක මේ Evangelion Universe එක තේරුම් ගැනීම වෙනුවෙන් අතිශය වැදගත්.

සුපුරුදු විදිහටම Golden Era එකේදීම නිකුත් වුනු මේ චිත්‍රපටය නිකුත් වුනේ 1997 වසරේදීයි. 1997 වසරේ summer season එකේදී නිකුත් වුනු මේ The End of Evangelion චිත්‍රපටය Drama, Sci-fi, Psychological, Mecha යන Genre වලට අයත් වෙනවා. Evangelion Series එක වගේම Avant Garde ඇනිමෙ එකක් බවට පත් වුනු මේ චිත්‍රපටය IMDB දර්ශකයේ 8.1 ක අගයක් වගේම MyAnimeList දර්ශකයේ 8.55 ක අගයක් ලබාගෙන Top Anime ලැයිස්තුවේ 103 වන ස්ථානයේ රැඳෙනවා. මේ චිත්‍රපටය පැය 1 යි මිනිත්තු 26 ක් පුරා ධාවනය වෙනවා. Gainax Studio හා Production I.G Studio දෙක එක්ව ගෙනෙන මේ චිත්‍රපටය R+ Mild Nudity යටතේ Rate වෙලා තියෙනවා. දැන් අර මම කලින් කියපු පැහැදිලි කිරීමට යමු.

Neon Genesis Evangelion හි Alternate Endings පිළිබඳව පැහැදිලි කිරීම.

Evangelion Series එකේ Alternate Endings දෙකක් තියෙනවා කියල මම කලින් මතක කළා. ඒ දෙක තමයි 25,26 කොටස් දෙකෙන් අරන් එන ending එක සහ The End of Evangelion චිත්‍රපටයෙන් අරන් එන ending එක.මෙතනින් පැහැදිලි කරන්නෙ 25,26 කොටස් දෙකෙන් අරන් එන ending එක.මොකද අනිත් ending එක මේ The End of Evangelion චිත්‍රපටය නරඹලා හොයාගන්න පුලුවන්.

දැන් යමු පැහැදිලි කිරීමට… ඔයා දැනටමත් දන්නවා අවසාන ඒන්ජල් විදිහට ආපු “කවොරු නගිසා” මනුෂ්‍යත්වය විනාශ කිරීම වෙනුවට තමන්ගෙ මරණය ශින්ජි ඉකාරි අතින් සිද්ධ වෙන එක ප්‍රාර්ථනා කළා.ඉතින් මේ ඒන්ජල්ගේ මරණයෙන් පස්සෙ “සීලේ” එකේ සැලැස්ම පියවරක් පස්සට යනවා.ඉතින් සීලේ එක එක්ක කමාන්ඩර් ගෙන්දෝ ඉකාරි “මානව උපකරණත්ව ව්‍යාපෘතිය”(Human Instrumentality Project) ක්‍රියාවට නංවනවා. කොටින්ම මේකෙන් කරන්නෙ ‘සියලු මනුෂ්‍යයන් එකම පොදු විඥානයකට මුසු කිරීම’ කියල හඳුන්වන්න පුලුවන්.

සීලේ එක මනුෂ්‍යත්වය පවතින ආකාරයට ජීවත් වෙන්න සුදුසු නොවන බවත්, නව ජීවියෙක් වෙන්න නම් ඒකාත්මික වීමකට භාජනය විය යුතුයි කියලත් විශ්වාස කරන එක තමයි මෙයාලගෙ දැක්ම. කොටින්ම මේක කරන්න හිතන්නෙ බටන් එකක් ඔබල restart කරනවා වගේ එකකින්. ඒ කියන්නෙ “තෙවන ඝට්ටනය හෙවත් Third Impact” එක සිද්ධ කරලා.

සීරීස් එකේ 25 වෙනි කොටසින් ශින්ජි වෙනුවෙන් ඔහුගේම යථාර්ථයට, ඔහුගේ පැවැත්මට සහ ඔහුගේ මිතුරන් අතර ඔහුගේ ස්ථානයට මුහුණ දෙන්න ශින්ජිට බල කරන උත්තරීතර ප්‍රතිකාර වැඩසටහනක් විදිහට මේ ව්‍යාපෘතිය පෙන්වනවා. මොකද ශින්ජි ඒ වෙනකොට ඉන්නෙ එයා නොහිතපු දේවල් ගොඩකට මුහුණ දුන්නට පස්සෙ ලොකු මානසික පීඩනයකින්. ඒකෙන් එයාගෙ අතින් කවොරු නගිසා මැරෙන එක ප්‍රධානයි.

ඉතින් මේ කොටසෙදි අසුකා, රෙයි, මිසාතෝ කියන තුන්දෙනා ප්‍රධාන වශයෙන් ශින්ජිගෙන් ප්‍රශ්න කරනවා. ඒ ප්‍රශ්න කිරීම කරන්නෙ ඇත්තටම තමන් කවුද? ආවෙ මොකටද? ඉන්නෙ මොකටද? කරන්නෙ මොනවද? ඒ දේවල් කරන්නෙ ඇයි? දුක් වෙන්නෙ ඇයි? ප්‍රශ්නවලින් පැනල යන්නෙ ඇයි? සතුටු වෙන්න බැරිද? වගේ දේවල් වලින් ශින්ජිගේ මනස වැටිල තියෙන තැනින් ගොඩගැනීමේ මාර්ගය සැකසීමක් විදිහටයි.

ඊට පස්සෙ 26 වෙනි කොටසෙදි ශින්ජිගේ තෝරාගත්තු මාර්ගය එක්ක සැබෑ ජීවිතයේ කතාවක් ඈඳා ගනිමින් ජීවිතයේ අර්ථයක් ඇති ආකාරය විස්තර කරනවා. ඒ වගේම ගෙන්දෝ ඉකාරි විසින් යූයි සමඟ ප්‍රීතිමත් පවුල් ජීවිතයක් ගෙවන ආකාරයත් ඔවුන්ගේ පුතා වෙන ශින්ජි ඉකාරි එවන්ගැලියන්ලා පදවන්නේ නැති බවත් පෙන්වනවා. ඒකෙදි ශින්ජි, අසුකා, රෙයි කියන හැමෝම එකම පන්ති කාමරයක ඉගෙන ගන්නා ආකාරය පෙන්වනවා. ඒ කියන්නෙ ඒ යථාර්ථය අනුව ශින්ජිට සතුටු ප්‍රීතිමත් ජීවිතයක් ගත කළ හැකි බවත් තමන්ට අවශ්‍ය ආකාරයට තමන්ගෙ ලෝකය හැඩ ගස්වා ගත හැකි බවත් පෙන්වනවා.

උපකරණත්ව ව්‍යාපෘතිය ශින්ජිට ඔහුගේ පුද්ගලික අඩුපාඩු සකසා ගැනීම වෙනුවෙන් සකසා ගත්තු නිසා, අවසානයේදී ඔහු තමා වෙනුවෙන් ජීවත් වීමට අවශ්‍ය බව වටහා ගන්නවා. අවසානයේදී ශින්ජි විසින් තමන් පරිපූර්ණ නොවන බව තේරුම් ගන්නවා. තමාගේම බියට මුහුණ දිය හැකි, තව දුරටත් ප්‍රශ්නවලින් පැන යාමට අවශ්‍ය නැති බවත් ඒවාට මුහුණ දිය යුතු බවත් ශින්ජි තේරුම් ගන්නවා. සියලු මිනිසුන් කරන ආකාරයට ඔහු දිගටම අනිත් අය මත රඳා සිටියත්, ඔහු තමා වෙනුවෙන්ම පැවතිය යුතු බව ශින්ජි තේරුම් ගන්නවා.

අවසාන ජවනිකාවේදී ශින්ජිගේ සියලුම මිතුරන් ඔහු වටා සිටගෙන තමාම මේ නිගමනයට පැමිණීම සහ උපකරණත්වය ප්‍රතික්ෂේප කිරීම ගැන ඔහුට සුබ පතනවා. අන්න ඒ විදිහට හොඳ අවසානයක් Neon Genesis Evangelion Series එකේ අවසානයේදී අපිට දැකගන්න ලැබෙනවා. ඇත්තටම ඒක ශින්ජිට විතරක් නෙමෙයි, කතාව නරඹන අපිට පවා දෙන හොඳ ආදර්ශනයක් කිව්වොත් ඇත්තටම නිවැරදියි. ඉතින් මේ ending එක ගැන ඔයාට දැන් පැහැදීමක් ඇති කියල මම හිතනවා.

ඒත් මේ කිසි දෙයක් සිද්ධ වුනේ නැත්නම්…ශින්ජිට එයාගෙ මානසික පීඩනයෙන් ගොඩ එන්න බැරි උනොත්…මානව උපකරණත්ව ව්‍යාපෘතිය ශින්ජි මත නිසි ලෙස ක්‍රියාත්මක වුනොත් මොකක් වේවිද? අන්න ඒ සිදුවීම තමයි මේ The End of Evangelion චිත්‍රපටයෙන් අරන් එන්නේ.

මම සීරීස් එකේ අන්තිම ලිපියෙදි මෙන්න මේ විදිහට දෙයක් කිව්වා…මං ඒක ආයෙත් මෙතන කියන්නම්. “මළ මුහුදේ ලියවිලි අවසානයිද? කමාන්ඩර් ඉකාරිගේ වෑයම මොකක්ද? අසුකා,රෙයි,ශින්ජිගේ දෛවය ලියවිලා තියෙන්නෙ කොහොමද? මේ වෙන කොට කතාවෙ හුඟක් රහස් එළි වෙලා ඉවරයි. හැබැයි මානව උපකරණත්ව ව්‍යාපෘතිය තවමත් ක්‍රියාත්මකයි! තෙවන ඝට්ටනය සිද්ධ වෙලා මිනිස් සංහතිය විනාශ වීමේ ඉඩ කඩක් තාමත් තියෙනවද? මේ අවසානයම නෙමෙයි…” ඔන්න ඔය ටික කියල තමයි මම සීරීස් එකේ අවසාන කොටස් දෙකටත් උපසිරැසි දීලා අවසන් කළේ. ඉතින් මම දැන් කියන්නෙත් ඒ කියපු ටිකම තමයි… මෙතනින් එහාට කියන්නෙ නෑ.ඒක මේ චිත්‍රපටය අවසානය තෙක් නරඹලා මේ කියන අවසානය මොකක්ද කියල ඔයාම හොයාගන්න.

ඒ වගේම මේ Evangelion Series එක බොහොමයක් ක්‍රිස්තියානි සංස්කෘතියේ symbols දකින්න ලැබෙන ඇනිමෙ කතාවක්. ඒ ගැන මම මීළඟට අරන් එන උපසිරැසි ලිපියෙන් කියන්නම්. මොකද මෙතන කිව්වොත් මේ චිත්‍රපටයත් spoil කරන්න වෙන නිසා.✌️

මේ ending එක කිව්වට Evangelion තාම ඉවර නෑ. ඉවර වුනේ Original Evangelion Series එක විතරයි. මීළඟට අපි මුණගැහෙන්න Rebuild of Evangelion Universe එකෙන්. ඒ movie series එක මම ආයෙත් මතක් කරන්නම්.

01. Evangelion:1.0 You Are(Not)Alone (2007)
02. Evangelion:2.0 You Can(Not)Advance (2009)
03. Evangelion:3.0 You Can(Not)Redo (2012)
04. Evangelion:3.0+1.0 Thrice Upon a Time (2021)

මේ movie series එකෙන් අපිට මුණගැහෙනවා original series එකේ හිටපු නැති වගේම තිබුනෙ නැති අලුත් ඒන්ජල්වරු, එවන්ගැලියන් රොබෝවරු, නියමුවො, අලුත් weapons, අලුත් Battle Tactics,Strategies එක්ක ඇක්ෂන් පැක් එකක්ම. ඉතින් ඒ Rebuild Universe එකට අත් පොත් තියමින්, ඒ සීරීස් එකේ පළවෙනි චිත්‍රපටය වෙන Evangelion:1.0 You Are(Not)Alone චිත්‍රපටයෙන් ළඟදීම මුණගැහෙමු.

මේ The End of Evangelion චිත්‍රපටයේ හොඳ පිටපතක් ඔයාට Animetosho වෙබ් අඩවියෙන් ටොරන්ට් ඔස්සෙ ඩවුන්ලෝඩ් කරගන්නත් පුලුවන්. නම එච්චර හුරු නැතුව ඇති නේද? ඔයාට Golden Era එකේ ඇනිමෙ නරඹන්න ඕනි නම් මේ වෙබ් අඩවිය පාවිච්චි කරන්න සිද්ධ වෙනවා. බයිස්කෝප් ඩව්න්ලෝඩ්ස් වෙබ් අඩවියෙනුත් අදාළ පිටපත් ලබාදේවි.

මේ උපසිරැසිය ගැන පහළින් comment එකක් දාගෙන යන්නත් අමතක කරන්න එපා. එතකන් හැමෝටම ජය වේවා! අරිගතෝ 🙏  Happy Anime ✌️

ලංකන් weebs – උපසිරැසි කණ්ඩායම වෙනුවෙන් – හසරංග නදීෂ

<<< Neon Genesis Evangelion Series 

Evangelion:1.0 You Are(Not)Alone (2007)>>>

 

 

 

  Due to copyright issues, we do not provide any torrent links

ලබා දී ඇති උපසිරසියෙ Bluray පිටපත සදහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ලංකන් Weebs” කණ්ඩායමට අප සැමගේ ස්තූතිය හිමි විය යුතු අතර උපුටාගැනීම් සියල්ලම එම කණ්ඩායමේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2021-02-08
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

15 thoughts on “Neon Genesis Evangelion: The End of Evangelion (1997) Sinhala Subtitles | මනුෂ්‍යත්වයේ සදාකල්හි සාක්ෂිය. [සිංහල උපසිරසි] (18+)

  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • මේ උතුම් සත් කාර්යය වෙනුවෙන්
    මාගේ ගෞරවණීය ප්‍රණාමය ඔබට පුද කරමි
    සිංහල උපසිරසියට බොහොම ස්තුතියි,
    බුදු සරණයි!!ජය වේවා!!!
    අනිත් අය වෙනුවෙන්,තමන්ගේ කාලය කැප කරගෙන මේ කරන වැඩේට
    ආදරෙයි..ආ ..

    Reply
    • බොහොම ස්තූතියි.❤️

      Reply
  • සිංහල උපසිරැසියට බොහොම ස්තූතියි සහෝ. ජයවේවා!

    Reply
    • ස්තූතියි.

      Reply
  • තමුන්ගෙ පෞද්ගලික වැඩ රාජකාරි මැද සිංහල උපසිරැසිය ගේන්න වුන මහන්සියට රෙස්පෙට් මචං….
    ♥♥☻☻…බොහෝම ස්තූතියි උපසිරැසියට…☺☺♥♥

    Reply
    • ස්තූතියි.

      Reply
  • බොහෝම ස්තූතියි.

    Reply
    • ස්තූතියි.

      Reply
  • මෙකෙ ලිපිය ඇතුලට එන්න කලින් එලියෙදි පෙන්නන රූපෙ වැරදියිනෙද. බැනර් එකට දාලා තියෙන්නේ අර වැලන්ටයින් එක දවසෙ දුන්න ෆිල්ම් එකෙ රූපෙ නෙද. හරි එක දාන්නකො. මටත් නම දැක්ක නිසා ඇතුලට ආවෙ. රූපෙ දැක්ක ගමන් අතෑරල යන්න ගියෙ.

    Reply
    • රූපෙ නිවැරදි කරාවි සහෝ.ඔයා ලංකන් Weebs fb page එක fallow කරා නම් ආයෙ හැරිල යන්න දෙයක් නෑ.
      Thank you for the comment.❤️

      Reply
      • ela mama fallow karanam. mata suggest wela na page eka. mama balannam 🙂 🙂 🙂

        Reply
  • මෙවගෙ හොද කතා දානකොට 1080p වලින් තියෙන කොපියකට කරන්නකො. හිගන්නො විතරක් නෙමෙ මෙකෙන් සබ් ගන්නෙ. ඩේට ප්‍රශ්න නෑ අපිට. කලින් ටීවි සීරියස් එකත් 480p ගු කොපියකට දීලා තිබ්බෙ. මම 1080p කොපියක් හොයාගත්තා 7.7GB එකක්. ඒකට සබ් එක පොඩ්ඩක් සින්ක් කරල බලන ගමන් තාම. බයිස්කෝප් ඩවුන්ලෝඩ් එකෙත් 1080p ටොරන්ට් එක දාහන්කො. 2023 ඉන්නෙ දැන්. ඩේට හිගමනයක් නෑ. එහියක් ගහගත්තත් ෆී ඉන්ටනෙට් යන්න පුළුවන්. 1080p ටොරන්ට් එකකට සබ් එක දීලා ඩවුන්ලෝඩ් එකෙත් ටොරන්ට් එක දිහන්කො ඒ ඇති. ඩවුන්ලෝඩ් එකෙ හොස්ට් කරන්න ඕනි නෑ ෆයිල් එක. ටොරන්ට් එකෙ ලින්ක් එක විතරක් දුන්නම ඇති. ඔයාල සයිට් තුනකට විතර ෆයිල් හොස්ට් කලාට මම නම් කවදාවත් ඒවගෙන් බාන්නෙ නෑ කෙලින්ම ටොරන්ට් එක දීලා තියෙනවනම් ඒක ගන්නව නැත්නම් හොයාගෙන ටොරන්ට් එක බානව. ඒ නිසා 1080p දෙන්න මචන්.

    Reply
    • කලින් සීරීස් එකට සබ් දීල තියෙන්නෙ ඔයා ඔය හොයාගත්තයි කියන ටොරන්ට් එකට තමයි.සබ් එකේ නමින් පේනවා ඇතිනෙ.
      මේ ෆිල්ම් එකටත් සබ් දීල තියෙන්නෙ bluray 1080p එකට.
      Baiscope download සයිට් එකේ update කරාවි කොපි එක.

      Reply
      • Sub eke nama nam baluwe na bro. baiscopedownload eke 1080p na. 480p deela thiyenne. mam hoya gaththa eke podi issue ekak thiyenawa. sync kara kara baluwe sub eke time ekai speed ekai. mama dan baluwe sub eka. sub eke namin torrent ekak thiyenawane. ela ela eka bana gaman dan. elama thanks 🙂

        Reply

Leave a Reply

Your email address will not be published. Required fields are marked *