You dont have javascript enabled! Please download Google Chrome!
Thursday , November 21 2019
Breaking News
Home / All / Nerkonda Paarvai (2019) Sinhala Subtitles | එපා කියන්නේ එපා කියන එක. [සිංහල උපසිරසි සමඟ]

Nerkonda Paarvai (2019) Sinhala Subtitles | එපා කියන්නේ එපා කියන එක. [සිංහල උපසිරසි සමඟ]

Rating: 9.0/10. From 54 votes.
Please wait...

බයිස්කෝස් සිංහලෙන් හා අත්වැල් බැඳන් ඉන්නා සියලුම දෙනාට සුභ දවසක්..! වෙනදා වගේම අදත් දමිළ චිත්‍රපටයකට සිංහල උපසිරැසි හදලා අරන් ආවට මටත් අද මේ චිත්‍රපටය ගැන පොඩි දෙයක් කියන්න තියනවා. ඉස්සෙල්ල ඒක කියලම ඉන්නම්කෝ.! අගෝස්තු මාසේ අට වෙනිදා මට විශේෂ දවසක් “තල” ගේ චිත්‍රපටියේ මම ඉන්න ප්‍රදේශයේ මංගල දර්ශනය (උදේ 10.30) බලන්න කිලෝ මීටර් 40 ක් දුර ගෙවාගෙන මමත් චිත්‍රපටය පටගන්නට පැයක් වේලාසනම සිනමා ශාලාවට ගිහින් හිටියා. කොහොමින් හරි ටිකට් ගන්න පෝලිමේ ටිකට් දෙනකන් පැය දෙකටත් වැඩි වෙලාවක් බලාගෙනත් ඉන්න උනා. මොකද 12.15 පමණ වෙනකොටයි චිත්‍රපටිය සිනමා ශාලාවට අරන් ආවේ 😋 එතන හිටියා “තල” ගේ රසිකයෝ ගොඩ දෙනෙක් හරියට ක්‍රිකට් තරඟාවලියක හරි ‍වෙනත් ක්‍රීඩා තරඟයක් බලන්න ගියා වගේ “තල” “තල” “තල” කිය කියා කෑගහන්න ගත්තා. හරියට අජිත් කුමාර් එතෙන්ට ආවා වගේ 😉 විනාඩි 10 ඇතුලත චිත්‍රපටය ප්‍රදර්ශණය කරන්න පටන් ගත්තා.

“තල”ගේ රසිකයො නම් “තල”ගේ නම දාන වෙලාවේ ඉඳන් කෑගහන්නත් පටන්ගත්තා.! ඒත් වෙනදට “තල” ගේ චිත්‍රපටි වල Hero Enters එකෙදි තියෙන දෙයක් තමයි මොකක් හරි ක්‍රියාදාම දර්ශණයකින් එහෙම නැත්තන් වාහනයකින් බැහැල එන දර්ශණයකින් “තල” ඇවිත් “වණක්කම්” කියලා රසිකයින්ට වාඩි වෙන්නයි කියා අතින් සංඥා කරන එක 😊 හැබැයි අ‍ගෝස්තු 08 වෙනිදා චිත්‍රපටයෙ නම් එහෙම දෙයක් උනේ නෑ 😐

“තල” ඒ විදියට ආවෙත් නෑ වණක්කම් කිව්වෙත් නෑ රසිකයෝ දිහා බලලා වාඩිවෙන්න කිව්වෙත් නෑ.ටික වෙලාවක් ගිහින් “තල”නම් වාඩි වෙලා බලන් හිටියා පෙන්නුවා එච්චරයි.! මේ චිත්‍රපටය තිරගත වෙන්න කලින් ගොඩක් අපේ විචාරකයෝ (ලංකාවේ ඉන්න Facebook අය😀 ) ඇතුලු බොහොමයක් දෙනා නම් කිව්වේ මේපාර “තල” අජිත් වැඩේ අනාගත්තා. වේට්ටිය ඇඳපු ගම්බඳ චරිතම කරපු අජිත්ට විතරයි රසිකයෝ කැමති.! ඔන්න ඔය විදියේ ගොඩක් දේවල් කිව්වා. මටත් හැබැයි කලින් ටිකක් විතර එහෙම හිතිලා තිබුනේ 🙄 ඉතින් ඒ කතා බොරුවක්ම බව ඔප්පු කරන්න “තල”ට නම් චිත්‍රපටිය ඇතුලෙදි නම් එච්චර වෙලාවක් ගියේ නෑ කියන කතාව මට වඟකීමෙන් කියන්න පුලුවන්.! මේ වතාවේ “තල”එයාගේ රසිකයින්ට අමුතුම විදියේ අත්දැකීමක් දුන්නා වගේම සමාජෙටත් ලොකු පණිවිඩයක් දුන්නා.! “තල” ගැන කතා කරද්දි මට මතක් වෙන දෙයක් තමයි “තල”තමන්ගේ වයසට සරිලන විදියේ චරිත තමයි රඟපාන්නේ කවදාවත් “තල”කොණ්ඩේ කළු කරලා මේකප් මත යැපෙන කෙනෙක් නෙවෙයි හරිම ස්භාවිකයි වගේම සරලයි.! වෙලාවකට හිතෙනව ඔහු මේ රඟපානවදෝ කියලත්..! චිත්‍රපටයේ පලවෙනි බාගෙදි උපරිම කතාවට ඇතුල්වුනා. දෙවෙනි බාගෙදි සමාජ පණිවිඩෙත් එක්ක හැමෝම අ‍ැ‍ඩෙව්වා.! චිත්‍රපටය ගැන මට කියන්න තියෙන්න මෙච්චරයි අනිත් විස්තර ටිකත් පල්ලහායින් බලාගන්නකෝ 🤗

අද අපි ජීවත් වෙන මේ වත්මන් ලෝකය කොච්චර දියුණු උනත් කාන්තාවට මුළු මහත් ලෝක සමාජයම දීලා තියෙන තැන.!නොහොත් කාන්තාව දාලා තියෙන තැන නම් සතුටු වෙන්න පුලුවන් විදියට නම් නෑ.! ඒ වැඩියක්ම තුන්වෙනි ලෝකයේ රටවල (බටහිර රටවල් වල නම් මේක බොහොම අඩුයි.!) කාන්තාවකට නිදහසේ ගමනක් යන්න බෑ,කා එක්කවත් මනුස්සකමට වත් හිනාවෙන්න බෑ කතා කරන්න බෑ, පිරිමි අයත් එක්ක මිතුරුකම් පවත්වන්න බෑ.! එහෙම හිනාවුනොත් කතා කරොත් පිරිමි වැඩි දෙනෙක් ඒගැන වැරදියට හිතනවා. (ද්විත්ව තේරුම් විදියට භාරගන්නවා) ඔන්න ඔය දේවල් නිසා තමයි කාන්තාවට අද සමාජේ දීලා තියෙන තැන හොඳ නෑ කිව්වේ.! කිසිම සමානාත්මතාවයක් නැහැ. ඉතින් කවදා මේ දේවල් නැති වෙයිද..? කවුද මේ අසාධාරණකම් ගැන අහන්න ඉන්නේ..? ඒ ව‍ගේ අසාධාරණයට,අපවාදයට ලක්වෙන කාන්තාවන් තිදෙනකු වටායි මේ සිනමාපටයේ කතාව ගෙතිලා තියෙන්නේ.! සමාජයට ඉතාමත් ප්‍රභල හොඳ පණිවිඩයක්ද දෙන සිනමාපටයක්.!

ඉන්දීයාවේ බොලිවුඩ් සිනමාවේ බොහොමයක් සුපිරි නළුවන් මසාලා වර්ගීකරණයේ සිනමාපටයන්ම නිර්මාණය කරගෙන එද්දී බොලිවුඩ් නළු අක්ශේ කුමාර් අඩියක් පස්සට තියල දාපු ගියර් එක අමුතු එකක්.! සමාජ ප්‍රශ්න, අපේ කාලේ වීරයෝ ගැන චිත්‍රපට ටිකක් හදාගෙන ආපු අක්ශේ කුමාර්ගේ රැල්ල දැන් නවත්තන්න ඔහුටවත් බෑ. අන්න ඒ වගේ විජයලා, රජිනිලා පවා මසාලා චිත්‍රපට නිර්මාණය කරන අතරතුරෙදි “තල” අජිත් දාලා තියෙන්නෙත් අර අක්ශේ කුමාර් දාපු ගියර් එකමදෝ කියලත් වෙලාවකදි මටත් හිතෙනවා. කොහොම උනත් “තල” වගේ සුපිරි නළුවෙක් මේ වගේ කාන්තාවන්ගේ උන්නතිය වෙනුවෙන් හඬක් නඟන කතාවකින් හෙබි චිත්‍රපටයක් නිර්මාණය කිරිමට තෝරාගැනීම ඉතාමත් අගය කලයුතු දෙයක් බව බොහොමයක් නළුවන් හා විචාරයකයින්ද පවසා තිබුණා.! ඔහුගේ ඒ උත්සහය සාර්ථක බවට සාක්ෂියක් වෙමින් චිත්‍රපටය තිරගත කිරිම ආරම්භ කරේ වැඩකරන දිනයක ‍නොහොත් සතියේ දිනයක් වෙන බ්‍රහස්පතින්දා දවසක උනත් මෙහි පලමු දිනයේම චෙන්නයි හිදි ආදායම ඉන්දීය රුපියල් කෝටි 1.58 ක්.! වෙද්දි සමස්ථ තමිල්නාඩුවේම දල ආදායම ඉන්දීය රුපියල් කෝටි 26ක් බවටද වාර්තා වෙනවා.

චිත්‍රපටය සඳහා ලැබුණු විචාරයන්..!

ප්‍රේක්ෂක අදහස් කීපයක්..!

බයිස්කෝප් සිංහලෙන් රසිකයින්ට මේ අවස්ථාවේ කියන්න ඕන විශේෂම දේ තමයි මේක පින්ක් නම් හිංදි චිත්‍රපටයේම නිල වශයෙන් සිදුවුන ප්‍රතිනිර්මාණයක්.! එහෙම උන පලියට අම්තාබ් සහ අජිත් කුමාර් ගේ රංගනයන් සංසන්දනය කරන්න යන්න එපා. අම්තාබ් ගේ රංගන ප්‍රතිභාවිලාසය වෙනයි.! අජිත් කුමාර්ගේ රංගන ප්‍රතිභාවිලාසය වෙනයි.! දෙන්නට දෙන්න සම කරන්න බෑ. ඒ වගේම මේ චිත්‍රපටය තුලින් සමාජයට ප්‍රභල පණිවිඩයක් දෙනවා.! ඒ කාරණාව තමයි මෙතනදි අපට ගොඩක්ම වැදගත් වෙන්නේ.! කවදාවත් මේක බලන්නම ඕන කියලා බොරුවට ඔප්නංවලා ඔයාලගේ ඇ‍ගේ ගහලා යන්නේ නෑ, කිසිම වෙලාවක චිත්‍රපටයේ ආදායම මෙච්චරයි.! සම්මාන මෙච්චරයි.! ආදායම මෙච්චරයි කිය කියා කොටින්ම කිව්වොත් මේ චිත්‍රපටයේ ආදායම මෙච්චරක් තියෙනවා ඒ හේතුව නිසාම බැලිය යුතුයැයි කියා යෝජනා කරන්නෙත් නෑ.

තවත් චිත්‍රපටි හෑල්ලු කරලා මේක තමයි මේ වසරේ ආපු හොඳම චිත්‍රපටිය කියන්නෙත් නෑ, චිත්‍රපටිය බලලා චිත්‍රපටියේ තියෙන විශේෂ කරුණු හොයලා බලලා සාරංශ ගත කරලා විචාරක ලකුණු සහ විශේෂතම ප්‍රේක්ෂකයින්ගේ ප්‍රතිචාර එකම තැනකට ගෙනැත් පෙන්වා දෙනවා විතරයි.! ඒවා කියවලා බලලා චිත්‍රපටිය බලනවද නැද්ද යන්න ඔබටම තීරණය කරන්න ගන්න පුළුවන්. කිසිම ලාභ අපේක්ෂාවකින් තොරව අපි මේ කරන වැඩේට ඔයාලා දෙන ඉහලම වටිනාකම තමයි Comment එකක් දාලා අපිව දිරිගන්නවන එක.! දවස් ගාණක් අපේ විවේක කාලය කැප කරන් මහන්සි වෙලයි මේ විදියේ උපසිරැසියක් ඔයාලට අපි ගෙනැත් දෙන්නේ..! උපසිරැසිය අරන් ගිහින් චිත්‍රපටිය බලලා රසවිඳලා ආපහු පාරක් මේ පැත්තට ඇවිත් අපේ ඒ මහන්සියට අගයක් නැතිනම් වටිනාකමක් Comment එකකින් දෙන එක බයිස්‍කෝප් සිංහලෙන් රසිකයින් වෙන ඔයාලගෙත් වඟකීමක්..!

මේ චිත්‍රපටයේ නිෂ්පාදනය කලේ Bony Kapoor ය. චිත්‍රපටයේ අධ්‍යක්ෂණය,රචනය H.Vinoth විසින්ය.අජිත් කුමාර් සමඟින් Vidya Balan,Shradda Srinath,Andrea Tarian,Abirami Venkatachalam යන නිලියන් ප්‍රධාන චරිතයන් රඟ දක්වනවා. Yuvan Shankar Raja ගේ මියුරු සංගීතයෙන් අලංකාර වුන. මේ වසරේ දමිළ සිනමා කර්මාන්තයේ තවත් සාර්ථක නිර්මාණයක් වන මෙය “තල” අජිත්ගේ මෙම වසරේ (2019) දෙවන චිත්‍රපටයයි.! සමුගන්නට මත්තෙන් මේ සිනමාපටය සඳහා සිංහල උපසිරැසි ගන්වන්න සහයදුන් ඉන්ද්‍රජිත් කුමාර සොයුරාට වගේම අපට මේ සිනමාපටය සඳහා සිංහල උපසිරැසි නිර්මාණයට අවස්ථාව ලබාදුන් අප අඩවියේ සංස්කාරකවරයකු වන අශාන් විමුක්ති (විමා) සොයුරාට මෙන්ම අප අඩවියේ තවත් සංස්කාරකවරයෙකු සහ සහෝදර උපසිරැසිකරුවන් දෙදෙනකු වන තිසර සහෝට මෙන්ම තාරක නුවන් දිල්හාර,දසන් බුද්ධික යන සොයුරන් දෙ‍දෙනාටද විශේෂ ස්තුතිය පිරිනමනවා. තවත් සිංහල උපසිරැසියක් සමඟින් හමුවීමේ බලාපොරොත්තුවෙන් අදට මා සමුගන්නවා.

ඔබ සැමට කඳ සුරිඳු පිහිටයි..!

 

 

 

Due to copyright issues, we no longer provide any torrent links.

ලබා දී ඇති උපසිරැසි Proper HD පිටපත් සඳහා පමණක් අදාළ වේ.

 width=

මේ ලබා දී ඇති සිංහල උපසිරැසි පිළිබද “ඉන්ද්‍රජිත් උදය කුමාර” සොහොයුරාට සහ M.T.R. තරිදු රුක්ෂාන් පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Leave a Reply

81 comments

  1. thanks for sub

  2. ela bro thanks

  3. Thanks brother …

  4. Thanks bro…. Bs

  5. RuwanLakshan93

    සබට ස්තූතියි සහෝ ජය වේවා…..!

  6. Thnks bro sub ekata

  7. සුපිරි ෆිලුමක් වචනයේ පරිසමාප්ත අර්ථයෙන්ම තල ගෙ සුපිරියක් කිව්වොත් නිවැරදියි. තලට ඇක්ශන් විතරක් නෙමෙයි අනෙකුත් චරිතත් පුලුවන් කියල මේකෙන් පෙන්නනවා.මගේ මතය නම් මේකට තවත් රේටින් දෙන්න පුලුවන්.කාන්තා පාර්ශ්වයට පිරිමි නිස වෙන අසාධාරණකම් පොල්ලෙන් ගැහුව වගේ කෙලින්ම කියනවා.

    එක හුස්මට බලන්න පුලුවන් සුපිරි කතාවක්

  8. Janith.Chathuranga

    Sub ekata thanks bro……

  9. Amaya_maduhansi

    Gurkha 2019 tamil movie akatath sub aka denna saho

  10. Ashan Pramuditha

    Thanks saho..

  11. Thanks bros…

  12. thanks,ජය වේවා

  13. sub ekata thanx bro

  14. Janith Sachintha

    thalage film ekak kiyanne mage collection ekata watennama ona
    sub ekata jaya wewa

  15. Thank you broooo

  16. Thanks mcn

  17. Thank you machan sub ekata.

  18. kasun sudangama

    jaya wewa

  19. කවිනු වීරක්කොඩි

    ඔන්න එහෙනම් බලන්නයි හදන්නේ
    ජය වේවා!

  20. බොහොම ස්තූතියි සිංහල උපසිරැසියට. ජය෴෴ 😛 😛

  21. සිංහල උපසිරැසියට ස්තූතියි සහෝ

  22. බොහොම ස්තූති සහොදරයා…..

  23. බොහොම ස්තූතීයි ….

  24. charith vishwa

    thala look will be ultimate & massy forever..<3
    thanks bro….
    wish u all the best..<3

  25. Thnxxxxxxxxxx

  26. nice combination tnx jayawewa

  27. Good work friend, Thanks for the sub!

  28. Ela brozzzz……….thankz subata

  29. Lasantharathnasirirox

    තරිඳු brooo නියමයි නියමයි… උදය කුමාරටත් බොහෝම ස්තුතියි.. ජයවේවා ,,!

  30. Suresh Madhusanka

    සිංහල උපසිරැසියට බොහොම ස්තූතියි සහෝ ජයෙන් ජය

  31. Nimantha.Chathuranga

    TNx bro

  32. sub ekata thanks machanla

  33. Superi machan

  34. Thank you so much

  35. Tnx bro….️

  36. ස්තුතියි සබ් එකට..
    දෙන්නේ කවදද කියලා බලා හිටියේ…

  37. ස්තුතියි ස්තුතියි ස්තුතියි සහෝ….පට්ට….දෙනකන් බලන් හිටපු ෆිලුමක්…..දිගටම උපසිරැසි කරන්න වෙලාව ලැබෙිවා!!!!දෙවි පිහිටයි…..ජය වෙිවා….මචෝ….

  38. එලම සහෝ…

  39. සබ් එකට ස්තූතියි…..

  40. Thank you bro….

  41. Thank You Dennatama Sub Ekata

  42. thanks bro.. saaho ekath awa gaman ikmanata denna…

  43. Rumesh dhanushka

    Thanks All friends….

  44. Ubala hinda thama bn film akak hariyata balanne

  45. sabata thankz bro

  46. saaho and kaappan movies 2ma me sathiye HDRIP release wei…e films 2tama ikmanatama sub ona…

  47. ස්තූතියි සහෝ

  48. Gathsara Umesh

    Bhom Sathuthi Ayyeee

  49. … ගොඩක්ම ස්තූතියි. …
    ඔබට සහ ඔබ පවුලේ සැමට
    තෙරුවන් සරණ ලැබේවා..!

  50. බොහොම ස්තූතියි. හින්දි ෆිල්ම් එක නම් හොඳටම තිබුනා. මේකත් බලමු. අර කියපු විදිහට මේකේ සමහර අය වැඩි දෙයක් නැති සාමාන්‍ය ෆිල්ම් ආදායම් වාර්තා නිසා සෑහෙන්න උඩ තියනවා. Uri surgical strike, Lucifer වගේ ඒවගේ මාගලක් වාගේ ආදායම් වාර්තා ගැන ලිපි දාල තියෙනවා. බලද්දි මෙලෝ රහක් නෑ.

  51. Oyalage me kapaweemaarama age karanawa brooo

  52. thanks sub ekata

  53. isuru srinath sjs

    බොහොම ස්තුතියි සිංහල උපසිරැසියට…!!

  54. සනිඳු ලක්ඛිත

    බොහොම ස්තූති සහෝ උපසිරසට…එනකම් බලන් හිටපු ෆිලුමක් තමා..ජය වේව..බුදුසරණයි..!

  55. Sub ekata thanx

  56. sub set wenne na

  57. thank you. good luck

  58. Samitha Lakshan

    සබ් එකට ස්තුති සහෝ. නමුත් බයිස්කෝප් ඩවුන්ලෝඩ් එකෙන් ටොරන්ට් දෙන්නෙ නැහැ. හේතුව මොකද්ද දන්නෙ නැහැ.

  59. “තවත් චිත්‍රපටි හෑල්ලු කරලා මේක තමයි මේ වසරේ ආපු හොඳම චිත්‍රපටිය කියන්නෙත් නෑ”….
    ☝️
    සිරා කතාව!!!
    AJITH ගේ සුපිරි රංගනයක් ඇති කොහොමත්
    ජය වේවා සහෝ!!!

  60. thanks saho

  61. සබ් එකට ස්තූතියි .බලමු මේ පාර තලගෙ වැඩ කොහොමද කියලා.

error: Alert: Content is protected !!