Oh My Ghostess (2015 – ) [E01] with Sinhala Subtitles| මගේ හොල්මන් කෙල්ල. [සිංහල උපසිරැසි සමඟ]

ආයුබෝවන් හැමෝටම! මගේ පළවෙනි උපසිරැසියෙන්ම මම අරගෙන ආවේ අලුත්ම අලුත්, ලස්සනම කොරියන් කතාවක්. ඇත්තටම කිව්වොත් කොමඩි, හොල්මන් කතාවක් කිව්වොත් හරි. හැමෝම පරණ කතා අරගෙන එන අතරේ මම හිතුවා අලුත්ම කතාවක් ගෙනත් බලන්න. මේ කතාව දකුණු කොරියාවේ tvN නාලිකාවේ, ගියවසරේ 2015 ජුලි 3 තමයි මුලින්ම විකාශණය ආරම්භ උනේ. එතැන් පටන් මුළු දකුණු කොරියාවක්ම හොල්මන් කළ මේ කතාව 2015 අගෝස්තු 22 දක්වා විකාශණය වෙනවා. මමත් දැනට දකුණු කොරියාවේ ජීවත් වෙන නිසා හොදින්ම දන්නවා. තවමත් කොරියානුවන් කතාකරන, ලොකු පොඩි කා අතරත් මුවග මුමුණන මේ කතාවේ සමහර සිදුවීම් කවදාවත් මතකයෙන් අමතක කරන්න බැරි වේවි. ඒකට හේතුවකුත් තියනවා. මේකේ කතාවේ නායිකාව වෙන්නේ නා බොං සොන්. නා බොං සොන්ට රංගනයෙන් දායක වෙන්නේ සම්මාන ගණනාවකින් පිදුම් ලබපු ජනප්‍රිය නිලි Park Bo-young. දකුණු කොරියාවටම ඉන්න හුරතල්ම කෙල්ල කිව්වොත් හරියටම හරි, ඒක කොච්චර දුරට ඇත්තද කියලා ඔයාලම බලන්න. රංගනය ඒ තරම් සුවිශිෂ්ඨයි.

දැන් කතාව පැත්තට හැරුනොත්,
නා බොං සොන් කියන්නේ කිසිම ආත්ම විශ්වාසයක් නැති, දුර්වල, ජීවිතේ එපා උන කෙල්ලෙක්. එයාට එහෙම වෙලා තියෙන්නේ හොල්මන් නිසා. ඔව්, එයාට ඇත්තටම හොල්මන් පේනවා. නා බොං සොන් වැඩ කරන්නේ රෙස්ටුරන්ට් එකක. ඒකේ අයිතිකාරයා තමයි කං සොන් වූ චෙෆ්. රංගනයෙන් දායක වෙන්නේ Jo Jung-suk. මේ කං සොන් වූ කියන්නේ තමා ගැන වර්ණනා කරගන්න හරිම ආඩම්බර චරිතයක්. කොහොම උනත් නා බොං සොන්ගේ හිතේ ඉන්නෙත් මේ කං සොන් වූ ම තමයි. මේ අතරේ ඉන්නවා කන්‍යාවක් වෙලා මැරුණ නිසා දිව්‍යලෝකෙට යන්න බැරුව සැරිසරන ආත්මයක්. ඒ තමයි ශින් සුන් හේ. මේ හොල්මනට රංගනයයෙන් දායක වෙන්නේ Kim Seul-gie. ඉතින් ශින් සුන් හේ ට මේ හොල්මනෙන් ගැලවෙන්න නම් පිරිමියෙක් එක්ක ඉන්නම වෙනවා. හැබැයි සමාන්‍ය පිරිමියෙක් මෙයාව සිපගත්ත තමන්ම ඇග සීතල වෙලා ගිහින් හුස්ම ගන්න බැරිවෙනවා. ඉතින් කොහේ කරන්නද?.. ඒ නිසා මෙයාට හොයාගන්න වෙනවා ඒවට ඔරොත්තු දෙන ජෛව බල පිරිමියෙක්. ඒත් එහෙම අය ඉන්නේ මිලියනයකට එකයි. . ඒ නිසා මෙයා ලස්සන ගැහැණුන්ගේ ඇගවල් වලට රිංගලා ජෛව බල පිරිමියෙක් හොය හොය යනවා. මෙයාට එහෙම කෙනෙක් හොයාගන්න පුළුවන් වේවිද? ඒ කවුරු වේවිද?.

දවසක් අහම්බෙන් මේ හොල්මන නා බොං සොන්ගේ ඇගට ඇතුළු වෙනවා. එතන ඉදන් තමයි මේ හැමදේම වෙනස් වෙන්න පටන් ගන්නේ. කොහොම හරි ආඩම්බරකාර කං සොන් වූ චෙෆ්, නා බොං සොන්ට ආදරය කරන්නත් පටන්ගන්නවා. ඒත් ප්‍රශ්ණයක්?? චෙෆ් ආදරය කරන්නේ ඇත්තටම නා බොං සොන් ටද, නැත්තම් ඇගට ආවේශවෙලා ඉන්න හොල්මනටද? මේ ශින් සුන් හේ කියන හොල්මන මැරුණෙ කොහොමද? අභිරහසක්ද? ඒකට චෙෆ් එක්ක තියන සම්බන්ධය මොකද්ද? කතාව බලන්නම වෙනවා නේද? ඇත්තටම, ඉවරඋනොත් අපරාදේ කියලා හිතෙන එක හුස්මට බලන්න හිතෙන ආදරය, භීතිය, දුක, සතුට එකට කැටි උන ලස්සන කොමඩි ලව්ස්ටෝරියක්. imdb අගය 8.4ක් උන මේ කතාවේ එක කොටසක් ඔයා බැලුවොත් ඔයාටම තේරෙයි.

ආ, විශේෂයෙන් කියන්න දෙයක් තියනවා. මම මේකෙ උපසිරසි කරන්න පටන්ගන්නකොට හරියට ටොරන්ට් එකක්වත් තිබුනෙ නෑ. ඔක්කොගෙම අඩුපාඩු. මේ ටොරන්ට් එක පස්සේ ළගදි දාපු එකක් නිසා යාළුවෝ බාගෙන ඉවර උනාම අනිත් අයටත් බලන්න සීඩ් වෙන්න ඉඩදෙන්න කියලා ඉල්ලනවා. මගේ පළවෙනි උපසිරසිය නිසා අඩුපාඩු ඇති. ප්‍රස්ථා පිරුළු කෑම වර්ග වගේ සමහර දේවල් ඒවිදියටම සිංහලට පරිවර්තනය කරන්න බැරි අවස්ථා ගොඩක් තියනවා. කොරියන් දන්නඅය ඉන්නවා නම් අඩුපාඩුත් කියලා දෙන්න. බලන අය හැමෝම හොදද නරකද කියලාවත් යන්න. ස්තූතියි. ජයෙන් ජය.

6.08 GB (Completed) සම්පූර්ණ ගොණුව මෙතනින් බාගන්න

මේ ලබා දී ඇති සිංහල උපසිරැසි පිළිබද “චලිත ජයමාල්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

                                                               All Episodes                                Next Episode>>