Ong Bak (2003) Sinhala Subtitles | තායි රණකාමියා.. [සිංහල උපසිරසි සමඟ]

කොහොමද යාළුවනේ, ඔන්න එහෙනම් තවත් සුපිරිම බයිස්කෝප් එකක් එක්ක මං ඔයාල හමුවට ආවා. මේ බයිස්කෝප් එක ගැන නම් ඉතින් අපේ යාළුවන්ට අලුතෙන් හඳුන්වලා දෙන්න ඕනේ නෑ කියලයි මට හිතෙන්නේ. මේක අපේ සටන් චිත්‍රපට වලට ප්‍රියකරන යාළුවො හැමෝම දන්න කියන චිත්‍රපටියක්. ඒත් මේකේ සිංහල උපසිරැසි අන්තර්ජාලේ කිසිම තැනකින් මට හොයාගන්න ලැබුනේ නෑ. ඒ නිසයි හැමදෙනාගේම රසවින්දනය සඳහා මේ සුපිරි සිනමා සිත්තම සිංහල උපසිරැසිත් එක්කම ඔයාලට දෙන්න මං තීරණය කළේ.

ගොඩක් අය මේ චිත්‍රපටිය ගැන දන්නවා උනාට නොදන්න අය වෙනුවෙන් මං පොඩි හැඳින්වීමක් කරන්නම්. මේක Prachya Pinkaew විසින් අධ්‍යක්ෂණය කරන ලද IMDb ශ්‍රේණිගතකිරීම් වල 7.2ක් ලබාගන්න සමත් වුනු සුපිරි තායි සටන් චිත්‍රපටයක්. මේකේ ප්‍රධාන චරිතයට පණපොවන්නේ අතිදක්ෂ සටන් නළුවෙක් වන Tony Jaa විසිනුයි. ඔහුගේ තාත්වික සටන් ජවනිකා ගැනනම් කතා කරන්න දෙයක් නෑ. සුපිරිම මට්ටමේ තියෙනවා. කතාව ගෙතිලා තියෙන්නේ තායිලන්තයේ ඉතාම දුප්පත් අසරණ ගැමියන් වාසය කරන්න කුඩා ගම්මානයක් වටායි. මේ ගමේ පන්සලේ හැදෙන වැඩෙන අනාථ කොල්ලෙක් (Tony Jaa) ඉන්නවා. ඔහු Muay Thai සටන් කලාවෙන් ඉහළටම පැමිණි කෙනෙක්. දවසක් මේ පන්සලේ තියෙන බුදු පිළිමේ හිස හොරුන් විසින් අරගෙන යනවා. මේ මුළු ගමේම ඉරණම රැඳිලා තියෙන්නේ මේ බුදු පිළිම වහන්සේ මතයි. පිළිමේ හිස හොරකම් කරගෙන ගිය දවසේ ඉඳන් ගමට ලොකු නියගෙකට මුහුණදෙන්න වෙනවා. දුප්පත් ගැමියන්ට බොන්න වතුර ටිකක්වත් ඉතුරුවෙන්නේ නෑ.

ඉතින් තමන්ගේ අසරණ ගම්වාසීන්ව මේ දුකෙන් මුදවාගන්න අර අනාථ කොල්ලා ඉදිරිපත් වෙනවා. ඔහු පිළිම වහන්සේගේ හිස ආපහු අරගෙන එන්න ඔහු කිසිදාක ගිහින් නැති බැංකොක් අගනුවරට යනවා. එහෙදි ඔහුට බැංකොක් පාතාලයේ ඉන්න හොඳම සටන්කරුවන් එක්ක ගැටෙන්න වෙනවා. එතන ඉඳල තමයි අපිට මේ අනාථ කොල්ලගේ හැකියාවන් දැකගන්න ලැබෙන්නේ. මේ අනාථ කොල්ලට පිළිම වහන්සේගේ හිස ආපහු ගමට ගෙනිහින් අසරණ ගම්වාසීන්ව බේරගන්න ලැබෙයිද? බැංකොක් පාතාල කල්ලි වලට එරෙහිව ඔහුට තනියම මුහුණදෙන්න පුළුවන් වෙයිද? අවසානයේ මේ අනාථ කොලුවට මොනවා වෙයිද? මේ හැමදේකටම පිළිතුරු මේ සිනමාපටයේ තියෙනවා.

එහෙනම් හැමෝම අරගෙන බලන්න. කලින් බලලා නැති අයනම් මේක අනිවාර්යෙන්ම නැරඹිය යුතු සිනමා සිත්තමක්. ඉස්සර බලල තියෙන අයත් අරගෙන බැලුවට කිසිම පාඩුවක් නෑ. සිංහල උපසිරැසිත් එක්කම බලන්න ලැබෙන්නේ පළවෙනි වතාවටනේ. ඉදිරියේදී මේ චිත්‍රපට මාලාවේ දෙවැනි කොටසත් සිංහල උපසිරැසිත් එක්කම දෙන්න බලාපොරොත්තු වෙනවා. එහෙනම් හැමෝම මේක රසවිඳින්නකො. ගිහින් එන්නම්. ඔබට ජය!

Due to copyright issues, we do not provide any torrent link.

මෙම ලබා දී ඇති උපසිරැසි DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “එරංග දර්ශන විජේතුංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
NEW MEMBER
JOINING DATE – 2012/12/02