Onward (2020) Sinhala Subtitles | පිය සෙනෙහෙ වෙනුවෙන් වීර චාරිකාවක [සිංහල උපසිරැසි සමඟ]

කොහොමද හිතවතුනි.. අපිව මතකද දන්නෙත් නෑ.. සෑහෙන කාලෙකට පස්සේ තමා ඔන්න මේ සබ් එකක් අරගෙන ආවේ. හොදයි එහෙමනම් අපි බලමු ෆිල්ම් එක ගැන.

DISNEY ආයතනයේ සිනමාපටයක් වෙන ONWARD සිනමාපටය තිරගත විම් ආරම්භ කරන්නේ 2020 පෙබරවාරි 29 වැනිදා ඩෙන්මාර්කයෙන්. මේ වන විට ඇමෙරිකානු ඩොලර් මිලියන $103.2ක ආදායමක් ඉපයීමට සමත්ව ඇති මෙම සිනමාපටය ලබා ඇති IMDB දර්ශක අගය 7.6ක් ලෙස සනිටුහන් වෙනවා. එසේම කුණු තක්කාලි දර්ශකයේ 87%ක් වැනි ඉහළ අගයක් ලබාගන්නටත් සමත් වෙලා තියෙනවා. මෙහි අධ්‍යක්ෂණය DAN SCANLON විසින් සිදුකොට ඇති අතර හඩකැවීම් කාර්‍යය සදහා TOM HOLLAND, CHRIS PRATT වැනි නළුනිලියන් දායක වී තිබෙනවා.

ඉතින් කතාව මෙහෙමයි. ඉයන්, එහෙමත් නැත්නම් ඉයන්ඩෝර් ලයිට්ෆුට් කියන්නෙ අවුරුදු 16ක වැඩිය සමාජයට හුරු නැති පිරිමි ළමයෙක්. ඒ වගේම මේ ඉයන්ට ඉන්නෙ එයාගේ අයියා වෙන බාර්ලියි එයාගේ අම්මයි විතරයි. ඉතින් උපන්දා ඉදලා තමන්ගෙ තාත්තාව දැකලා නැති මේ ඉයන්ට තමන්ගෙ 16වැනි උපන්දිනය දවසේ අපූරු අවස්ථාවක් ලැබෙනවා. ඒ තමයි තමන්ගෙ මිය ගිහිල්ලා ඉන්න තාත්තව හැබැහින්ම දැක බලාගැනීමේ අවස්ථාව. ඒ අවස්ථාව ලැබෙන්නෙත් ඉයන්ගේ තාත්තාගෙන් ලැබෙන උපන්දින තෑග්ගක් මාර්ගයෙන්. ඉතින් ඉයන්ට ලැබෙන තෑග්ග වෙන්නෙ මායා යෂ්ටියක් සහ යළි පනදීමේ මන්තරයක්.

ඉතින් තමන්ගෙ තාත්තට පණ දෙන්න උත්සහ කරපු ඉයන්ට ඒ වැඩේ හරියාකාරව කරගන්න බැරි වෙනවා. කොටින්ම මන්තරේ සම්පූර්ණ කරන්න බැරි වෙනවා. ඉතින් මේ ඉයන්ට මන්තරේ සම්පූර්ණ කරන්න ලැබෙන්නෙ පැය 24ක කාලයක් විතරයි. ඒ කාලේ ඇතුළත මන්තරේ සම්පූර්ණ කරන්න ඉයන්ට සහ බාර්ලිට සිද්ධ වෙනවා දුර්ලභ මැණිකක් හොයාගෙන යන්න. ඉතින් මේ මැණික හොයන්න යන වීර චාරිකාව, නැත්නම් වික්‍රමය තමයි ONWARD සිනමාපටයේ කතාව වෙන්නෙ.

එහෙමනම් ඉයන්ටයි බාර්ලිටයි පැය 24ක් ඇතුළත මැණික හොයාගෙන මන්තරේ සම්පූර්ණ කරලා තමන්ගෙ තාත්තව දැක බලා ගන්න අවස්ථාව ලැබෙයිද? ඒ ගමනෙදි මොන වගේ අභියෝගවලට මූණ දෙන්න වෙයිද කියලා ඔයාලම බලන්නකො එහෙනම්.

එහෙනම් මේ ව්‍යසනකාරී සමයේ පරිස්සම් වෙලා ඉන්න. සෞඛ්‍ය උපදෙස් පිළිපදින්න කියන ගමන් මා සමුගන්නවා.

Due to copyright issues, we do not provide any torrent links.

මෙම ලබා දී ඇති උපසිරසි WEB / Blu-Ray පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

PLATINUM MEMBER
JOINING DATE – 2015-04-19
SUBMAKER RATING BY ADMINS