Sunday , October 17 2021
Breaking News

Outbreak (1995) Sinhala Subtitles | මාරාන්තික වෛරසය [සිංහල උපසිරසි]

Rating: 8.9/10. From 14 votes.
Please wait...

ආයුබෝවන්.. සුවදායි දවසක් හැමෝටම..

ඔන්න මං අරන් ආවා අද අපි මුහුණ දීලා ඉන්න තත්වයට සමාන කතාවක් තියන චිත්‍රපටයකට සිංහල උපසිසරසි. මේ චිත්‍රපටය මට මුලින්ම හඳුන්වලා දුන්නේ සොහාන් ජයසූරිය සහෝදරයා. ඔන්න මල්ලි මං ඔයා කියපු චිත්‍රපට දෙකම අද සම්පූර්ණ කලා.

බටහිර සිනමාවෙන් මෙතෙක් අපි අහලා තිබ්බ නිරෝධායන, හුදකලා යන වචන අද වන විට අපිත් එක්කම බද්ධ වෙන්න තරමටම සමීප වෙලා. ඒ අපි මේ දවස් වල මුහුණ දීලා ඉන්න කොඩිඩ් වසංගතයත් එක්ක. අවුරුද්දකටත් වැඩි මේ වෛරසය එක් එක් අවස්ථාවන් වලදී ආයෙත් පැණ නැගුනේ අළුත් ප්‍රභේද විදිහටයි. මුලින්ම නම් කිව්වේ මේක චීනාගේ අත්හදා බලපු ජීව විද්‍යාත්මක ආයුධයක් කියලයි. කොහොම නමුත් අද වෙනකන් මේ වෛරසයට බෙහෙතක් හොයාගෙන නෑ. ඒත් ප්‍රතිජීවක ඖෂධ එක්ක තරමක් පාලනය කරගෙනයි යන්නේ.

Outbreak 1995

1967 කිසංගානි කැරැල්ල අතරතුර අප්‍රිකානු වනන්තරයේ මොටාබා නම් වෛරසයකින් මාරාන්තික උණක් ඇතිවී මිනිසුන් මිය යනබව සොයාගන්නවා. මේ වෛරසය රහසක් විදිහට තියාගන්න ඇමරිකානු හමුදාවන් විසින් මුළු කඳවුරම විනාශ කරනවා. අවුරුදු 28කට පස්සේ ආයෙත් ඒ වගේම වෛරසයක් පැතිර යාම පිළිබද සොයාබැලීමට වෛරස් පිළිබඳ විද්‍යාඥයෙක් යවනවා. නමුත් එහිදී වෛරසය පැතිර යාමක් සිදු නොවන බව පැවසුවත් නව ප්‍රභේදයක් විදිහට මේ වෛරසය කවුරුත් නොසිතපු වෙලාවක මුළු නගරයක්ම වෙලා ගන්නවා. හමුදාවේ දැඩි නියෝග, රාජ්‍ය රහස් මැද ජීවිත දහස් ගණනකගේ ජීවිත බේරගැනීම මේ චිත්‍රපටයෙන් දිගහැරේ..

කලක් විදෙස් මාධය වලින් හා ලංකාවෙත් කතා බහට ලක්වූ ඉබෝලා නම් වෛරසය ගැන තමයි මේ චිත්‍රපටයෙන් කියවෙන්නේ. අවාසනාවේ තරම කියන්නේ මේ චිත්‍රපටය එලිදක්වන කොට සයිරේ වල ඉබෝලා වෛරසය ඇත්තටම පැතිරිලා තියනවා. 1994 වසරේ දී Richard Preston විසින් රචිත The Hot Zone නම් කෘතිය පාදක කරගනිමින් Laurence Dworet සහ Robert Roy Pool තිර රචනා කල චිත්‍රපටය තමයි මේ. Gail Katz, Arnold Kopelson, Anne Kopelson නිෂ්පාදනය කල මෙම චිත්‍රපටයේ අධ්‍යක්ෂණය Wolfgang Petersen විසිනි. මෙහි රංඟනයෙන් Dustin Hoffman, සුරූපී Rene Russo, Morgan Freeman, Donald Sutherland, Cuba Gooding Jr., Patrick Dempsey සහ Kevin Spacey දායක වේ.

– පෘථිවිය මත මිනිසාගේ අඛණ්ඩ ආධිපත්‍යයට ඇති ලොකුම තර්ජනය වන්නේ වෛරසයයි. –
යනුවෙන් නොබෙල් ත්‍යාගලාභී Joshua Lederberg ගේ කියමනකින් ඇරඹෙන මෙම චිත්‍රපටය විනාඩි 128 ක ධාවන කාලයකින් යුක්තය.

1995 මාර්තු 10 වන දා එක්සත් ජනපදයේ තිරගත වීම ආරම්භ කල මෙම චිත්‍රපටයේ නිෂ්පාදන වියදම ඇ. ඩොලර් මිලියන 50කි. බොක්ස් ඔෆීස් ආදායම ඇ. ඩොලර් මිලියන 190ක් පමණ වේ. New York Film Critics Circle Awards සහ Society of Texas Film Critics Awards යන සම්මාන උළෙල දෙකෙහිම චිත්‍රපටය වෙනුවෙන් හොඳම සහය නළුවාට හිමි සම්මානය Kevin Spacey දිනාගෙන තියනවා. ගිය වසරේ මාර්තු 13 වන දා කොවිඩ් 19 වසංගතය අතරතුර නෙට්ෆ්ලික්ස් හී වැඩිපුර වාර ගණනක් විකාශය වූ සිව්වන චිත්‍රපටය ලෙස මේ චිත්‍රපටයේ ජනප්‍රියත්වය ආයෙත් වැඩි වෙලා තියනවා. Outbreak චිත්‍රපටය සඳහා IMDb දර්ශකයේ 6.6ක්, Rotten Tomatoes 59% ක් සහ Google පරිශීලිකයින්ගෙන් 88%ක කැමැත්ත ලැබී ඇත.

සොහාන් ජයසූරිය සහෝදරයට මගේ විශේෂ ස්තුතිය පිරිනමනවා මට මේ චිත්‍රපටිය ගැන කිව්වට. බොහොම ස්තූතියි සොහාන් මල්ලී..

එහෙනම් අදට මං ගිහින් එන්නම්. ආපහු දවසක මේ වගේම තවත් චිත්‍රපටයකට සිංහල උපසිරසියක් අරන් එනකන් ඔයාල හැමෝටම නිදුක් නිරෝගී සුව දවසක් වේවා…

~ ජය වේවා ~

 

 

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2019-03-30
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

The Serpent (2021) [S01 : E04] Sinhala Subtitles | කනික් නිවස ගැන ඔත්තු බැලීම [සිංහල උපසිරැසි සමඟ]

කොහොමද කට්ටියට.. මේ ටිකේ බයිස්කෝප් අඩවියෙ උපසිරැසිකරුවො එකතු වෙලා කතා මාලාවන් කිහිපයකටම උපසිරැසි කරන ගමන් …

Leave a Reply

Your email address will not be published.

12 comments

  1. Thanks for sub!

  2. thank you bn..

  3. Thankz….

  4. Buddhika Lakmal

    ♠♣…බොහෝම ස්තූතියි උපසිරැසියට… ♠♦

  5. උපසිරැසියට බොහෝම ස්තුතියි

  6. සබ් එකට බොහොම ස්තූතියි සහෝ….!

  7. රොෂාන් සමීර ජයසිංහ සොයුර,
    ඔබේ මෙම සිංහල උපසිරසියටත් ස්තුතියි, බලන්න සබ් එක ඩවුන්ලෝඩ් කළා.
    හැකිනම් තුර්කි, ඉතාලි, ප්‍රංශ, ඉරාන සම්මාන ලාභී ඒවාටත් සබ් දෙන්න. ස්තුතියි ඔබේ වෙහෙසට!!!

  8. Supun Kaushalya

    තෑන්ක්ස් සබ් එකට

  9. ගොඩාක් ස්තූතියි සහෝ ආදරෙයි ජය

  10. උපසිරැසියට බොහොම ස්තූතියි සහෝ.

    හැකිනම් Who Framed Roger Rabbit – 1988 ෆිල්ම් එකට සබ් දෙන්න පුලුවන්ද?

    Trailer එක බලලා හොද නම් විතරක් සබ් දෙන්න.

  11. Brooklyn nine nine සිංහල සබ් පුලුවන් නම් දෙන්නකෝ,
    නියම කතාවක් sub oni❤️

  12. Sohan Jayasooriya

    අම්මෝ ස්තූතියි අයියේ සබ් එකට.. මේක ඔයා දෙනකම් බලාගෙන හිටියේ.. කලින් බැලුවා තිබ්බ හදිස්සියට.. කොරෝනා වගේ සීන් තියෙන ෆිල්ම් හොය හොය බැලුවේ.. දැන් සිංහල සබ් එකත් එක්ක ආයෙ බලන්න පුලුවන්.. මට මතක විදියට 2019 ද කොහෙද Hot Zone කියලා මිනි සීරීස් එකකුත් ආවා ඉබෝලා ගැන.. එහෙනම් ඒකත් මේ නවල් එකෙන් හදපු එකක් වෙන්නැති.. ගොඩක් ස්තූතියි අයියෙ සබ් එකට ගොඩක් වටිනව මේ කාලෙ මේ වගේ සබ් කරන එක..ජය වේවා..

error: Alert: Content is protected !!