Outlander [S01 : E14] |ඔහු සොයා.. [සිංහල උපසිරැසි සමඟ]

හරි. මේ අරගෙන එන්නේ Outlander කතා මාලාවේ පළමු කතා සමයේ 14 වන කතාංගයයි. පොරොන්දු වුන දිනේටම 14 හා 15 කොටස් අරගෙන එන්න හැකි වුණේ නැති එක කණගාටුයි. කොහොම වුනත් 16 වන, එහෙම නැත්නම් කතා සමයේ අවසාන කොටස විකාශය වෙන්නේ මේ මස 30 වෙනිදා. (ලබන සතියේ) ඒ නිසා ඊට කලින් 15 කතාංගයට උපසිරැසි අරගෙන එන්න පුළුවන් වෙයි. ඒ අනුව 16 වන කතාංගය සඳහා සමගාමීව උපසිරැසි ලබා දෙන්න අවස්ථාව ලැබෙයි කියලා හිතනවා. අද දිග ලිපියක් ලියන්න හිතන්නේ නැහැ.

ගියවර කොටසෙන් අපිට දකින්න ලැබුණා, ලැලීබ්රෝක්හ් වෙත රැකවලුන් පැමිණි බව. ඒ වගේම ජෙනී සහ ඉයන් ඔවුන්ව සාදරයෙන් පිළිගනිමින් නවාතැන් දුන්නු බව. නමුත් මේ වැඩ පිළිවෙලට ජෙමී කැමැත්තක් දක්වන්නේ නැහැ. නමුත් කළ හැකි දෙයක් නොවන නිසා ඔහු කට පියාගෙන ඉන්නවා. නමුත් රැකවලුන්ගේ ප්‍රධානියා ලෙස කටයුතු කළ මැකෝරී ජෙමී පිළිබඳ හාරවුස්සන්නට පෙළඹෙනවා. නමුත් ඔහුට වැඩි යමක් දැනගන්නට ලැබෙන්නේ නැහැ. කොහොම නමුත් කතාව ගමන් මාර්ගය වෙනස් වෙන්නේ, හොරොක්ස්ගේ පැමිණීමත් එක්ක. හොරොක්ස් කියන්නේ, ජෙමීට පැටවිලා තියෙන මරණ දඬුවමෙන් බේරෙන්න ඔහුට උදව් කරන්න හැකියාව ඇතැයි කියලා ජෙමී සිතූ කෙනෙක්. නමුත් පළා යන ඉංග්‍රීසි භටයෙක් නිසාවෙන් ජෙමී ඔහු පිළිබඳ විශ්වාසයක් තබන්නේ නැහැ. ඒ වගේම අවස්ථාවෙන් ප්‍රයෝජන ගන්නා හොරොක්ස්, ජෙමීට තර්ජනය කරමින් ඔහුගෙන් මුදල් ලබාගන්න උත්සහ කරනවා. නමුත් එය අවසන් වන්නේ, හොරොක්ස් ඉයන් අතින් ඝාතනය වීමත් සමඟින්. මැකෝරීගේ කණ්ඩායමේ සාමාජිකයෙක් වුනු හොරොක්ස් තමන් අතින් ඝාතනය වූ බව ජෙමී පිළිගන්නවා. නමුත් ඒ පිළිබඳ මැකෝරී තරහක් ඇති කරගන්නේ නැහැ. ඒ වෙනුවට ඔහු ජෙමීට ඔහු සමඟ මංකොල්ලයක් වෙනුවෙන් පැමිණෙන්න බලකර සිටිනවා. ඒ වෙනුවෙන් පිටත්වන ජෙමී ඇතුලු පිරිස අවසානයේදී ඉංග්‍රීසි හමුදාව විසින් සැඟව සිට එල්ල කළ ප්‍රහාරයකට ගොදුරු වෙනවා. අපිට දැකගන්න ලැබුණ හැටියට ගියවර කොටස අවසානයේ එයින් බේරී නැවත පැමිණියේ ඉයන් සහ තවත් එක් රැකවලෙක් පමණයි. එහෙනම් අද කතාව නරඹන්න . අදහස් පළ කරන්න කතාව ගැන. එලස්ස්ස්.. ජයම වේවා..!

446 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “යශෝධ ශ්‍රීමාල් අතුරැලියගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                          All Episodes                        Next Episode >>