Over the Hedge (2006) | වැටෙන් එහා.. [සිංහල උපසිරසි සමඟ]

ආයුබෝවන් හැමෝටම. ඔන්න ඉතින් වෙනසකටත් කියලා මටත් හිතුනා සිංහල උපසිරැසියක් හදලා දාන්න. හැමදාම සබ් ගත්තට විතරක් හරියන්නෙ නෑනේ අපිත් මොකක් හරි සේවයක් කරන්න ඕනිනේ නේද? ඉතින් මගේ පළමු උපසිරැසිය විදියට මම හිතුවා ඔයාලට ලස්සන Animation එකක් දෙන්න. හැබැයි හැමදේකටම කළින් මම ස්තූති කරන්න ඕනි අපේ හසන්ත සහෝට.

එහෙනම් ඔන්න මම චිත්‍රපටය ගැන කියන්නයි යන්නෙ, මේක 2006 වසරේ නිර්මාණය කරපු Animation, Adventure, සහ Comedy යටතට ගැනෙන මිනිත්තු 83ක් පුරා දිවෙන චිත්‍රපටයක්. Tim Johnson සහ Karey Kirkpatrick විසින් අධ්‍යක්ෂණය කරලා තියන මේ චිත්‍රපටය imdb දර්ශකයේ Ratings 6.8 ක්ම හිමිවෙලා තියනවා. කතාව ගැන කියනවනම්, මේකෙ ප්‍රධාන චරිතය රැකූන් කෙනෙක්. සමහරවිට ඔයාලා දන්නවත් ඇති. මේ රැකූන්ගේ නම RJ.  RJ කියන්නෙ කිසිම පවුලක් නැති, තනියෙන්ම ජීවත්වෙන, යාන්තම් එදාවේල හොයාගන්න හාදයෙක්. එක දවසක් මේ RJ, නිදාගෙන ඉන්න වළහෙක්, එකතු කරගෙන හිටපු කෑම තොගයක් උස්සන්න ගිහින් අහුවෙනවා. කොහොමින් හරි RJ මැරෙන්නෙ නැතුව බේරෙන්නෙ කෑම ටික ආයෙ හොයලා දෙන බවට පොරොන්දුවකුත් දීලයි.

දැන් තමයි හොදම හරිය, ඔලුව හැරිච්ච අතේ යන RJ ට හම්බවෙනවා ශීත කාලෙට නිදාගෙන හිටපු එක එක ජාතියේ සත්තු ඉන්න පවුලක්. මේ පවුල ජීවත්වෙලා ඉන්නෙ පුංචි කැළෑවක. කැළෑවෙන් එහා පැත්තෙ තියන පාරාදීසය ගැන මේගොල්ලො දැනගන්නෙ RJ නිසා. ඉතින් කොහොමහරි RJ ට හිතෙනවා අර සත්තු ටික රවට්ටගෙන කෑම ටිකක් හොයාගන්න. ඉතින් මේගොල්ලො කොහොම කෑම හොයයිද? මේ යාලුවෝ ටික පාරාදීසය එක්ක කොහොම ගනුදෙනු කරයිද? මම මෙහෙම කෙටියෙන් කිව්වට මේ යාලුවො කරන විකාර ජොලි වැඩ වලට ඔයාලට අනිවාර්යෙන්ම හිනා යයි. එහෙනම් ඉතින් ඉතුරු දේවල් දැනගන්න බයිස්කෝප් එක බලන්නකෝ. අවසානයට මම කියන්න කැමතියි මේ චිත්‍රපටය බලද්දී ඔයාලට වැරදි අඩුපාඩු හම්බවෙන්න පුලුවන්. ඉතින් ඔයාලා ඓ් ගැන හිතෙන ඕනිම දෙයක් comment කරන්න. ඒ වගේම ඔයාලගේ අදහස් උදහස් comment කරලා යන්න අමතක කරන්න එපා. ඉතින් බයිස්කෝප් අඩවියට සුභ පතන ගමන් තවත් උපසිරැසියක් ගේන බළාපොරොත්තුවෙන් මම අදට සමුගන්නවා. ඔයාලට සුභ දවසක්.

699 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “ගයාන් ලක්ෂිත (gliger)” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.