Pan’s Labyrinth (2006) | වංකගිරියේ කුමාරිකාව…[සිංහල උපසිරැසි සමඟ]

පියවරෙන් පියවර තබලා අද අපේ වෙබ් පිටුව ලොකු කඩ ඉමක් පසු කරන මේ අවස්ථාවේ ඒ කඩඉමට පිය නගන්න මටත් සුළුවෙන් හෝ හයියක් වෙන්න ලැබීම ඇත්තටම ඉමහත් භාග්‍යක් ලෙසින් සලකනවා. මුලින්ම මේ සහශ්‍රය වෙනුවෙන් දරදිය ඇද්ද සොහොයුරන් හැමෝටම මෙය උපහාරයක් ලෙස තිළිණ කරන්න හිතුවේ, එහෙම මට්ටමකට එන්න උපසිරැසි ලබා දීමෙන් හෝ ලබා දුන් උපසිරැසි වල ගුණ දොස් වැයීමෙන් සැපයුවා වූ ඒ හැම ඒ හැම වැලි කැටයක්ම මේ සහශ්‍ර සීමා මාලකයේ සම්පූර්ණ භාරය එකින් එක එකතු කරලා ශක්තිමත් ලෙස අද ආඩම්බරෙන් හිටන් ඉන්න උදව්වක් වෙලා තියෙන හේතුවට. එහෙනම් මේ නිර්මාණය ඒ දරදිය ඇද්දා වූ සෑම කෙනෙකුටම තුති පඬුරක්ම වේවා!

එහෙනම් සුපුරුදු පරිදි කියන්නම් නිර්මාණ වතගොත. මුලින්ම මේ තමයි මම කරන ඉංග්‍රීසි හින්දි ඇරෙන්න කරන අනෙක් භාෂාවක මුල්ම සලරුව. මේ චිත්‍රපටය නමින් Pan’s.Labyrinth නිර්මාණය Guillermo del Toro නම් දක්ෂ අධ්‍යක්ෂකවරයා අතින්. මේ අධ්‍යක්ෂකවරයා විසින් කරන තවත් නිර්මාණයක් 2013 වසර මැද භාගයේදී නැවතත් දැක ගන්න ලැබේවි Pacific Rim යන නමින්. ඒ වගේම Blade II (2002), Hellboy (2004) සහ Hellboy II: The Golden Army (2008) මේ නාමය යටතේ එළිදක්වපු තවත් ජනප්‍රිය නිර්මාණ. 2006 වසරේ තිරගත වූ මේ ස්පාඥ්ඥ බාශා චිත්‍රපටය Drama, Fantasy, War ප්‍රභේද වලට නෑකම් කියන අතරම ජාත්‍යන්තර චිත්‍රපටි දර්ශකයේ 8.3 වගේ ඉහල ලකුණු මට්ටමකට හිමිකම් කියමින් ලොව හොඳම චිත්‍රපට අතර 112 වෙනි ස්ථානයත් දිනා ගන්නට සමත් වෙලා තියෙනවා. ඒ වගේම ඔස්කාර් සම්මාන 3ක් සහ වෙනත් සම්මාන 73 කුත් නාම යෝජනා වලට 63 වතාවකුත් හිමිකම් කියන්න තරම් උසස් ගණයේ නිර්මාණයක් බවත් සනාථ කර හමාරයි.

එහෙනම් බලමු නේද මේ තරම් වටිනා නිර්මාණයට පාදක වූ කතාන්දරය කුමක්ද කියලා. මේ කතාව ස්පාඥ්ඥය තුල 1944 වසර තුල ඒකාධිපති වාදයට එරෙහිව ගෙන ගිය කැරලි සිදුවූ කාලය පදනම් කරගෙන ගෙතුනු කතාවක්. මෙහි ඉන්නවා එක කපිතාන් වරයෙක් බට කණ්ඩායමක් සමඟ ඒකාධිපති ආණ්ඩුවෙන් කරලිකාරයන් මර්ධනය සඳහා යොදවපු “විඩාල්” නමින්. ඔහුගේ බිරිඳ කලින් විවාහයෙන් දියණියක් සිටින සහ දැනට දරුවෙක් ලැබෙන්න ඉන්න කාන්තාවක්. ඇය සහ ඇයගේ දියණිය දරු ප්‍රසූතිය සඳහා පැමිණෙනවා මේ කපිතාන් “විඩාල්ගේ” කඳවුරට. ඇයගේ කලින් විවාහයේ සිටින දුව නමින් “ඔෆෙලියා” සුරංගනා කතන්දර පිස්සියක්. ඇය ඉතාමත් කැමතියි ඒ කතාවලට. මෙහෙම මේ කඳවුරට එන ගමන ඇයට දකින්න ලැබෙනවා අමුතු ගල් කුළුණු සහ පුංචි පියාඹන සත්වයෙක්. එදින රාත්‍රියේදී ඇය වෙත එනවා ඇය හිතෙන් ආදරය කරපු පුංචි සුරංගනාවියක් ලොකු කතන්දරයක් කියන්න. ඒ “ඔෆෙලියා” කියන්නේ කවුද? ඇයගේ නියම නම, හිටපු තැන, තත්වය සහ දෙමව්පියන් ගැන විස්තර. සහ ඇයට තව කෙනෙක් මුණ ගැහෙනවා මේ දේවල් සොයා යන්න උදවු කරන්නත්. ඒ සඳහා ඇයට අවස්ථා තුනක් දෙනවා එකකට එකක් වෙනස් විදිහේ ක්‍රියාකාරකම් තුනක් සහිතව. ඒ ඉලක්ක සපුරා ගත්තොත් තමයි ඇයට ඒ රහස් හෙළි කර ගන්න ලැබෙන්නේ. මේ අතර තුර මේ ප්‍රදේශයේ යුද්ධයකුත් යනවා ඇයගේ සුළු පියා විසින් මෙහෙයවන. ඉතින් මේ ඉලක්ක සපුරා ගන්න පුංචි “ඔෆෙලියාට” මේ යුධ වාතාවරණය මැද්දේ පුළුවන් වේවිද ඇයගේ සත්‍ය තොරතුරු ඇයට දැන ගන්න ලැබේවිද? කියල ඔයාලා හැමෝටම දැන ගන්න එන්න කියලා තමයි මේ ආරාධනය!

යන ගමන් අපේ මේ කඩ ඉම ගැන මේ කතාව ගැන යමක් කියලා යන්න කියලා ඉල්ලන ගමන් හැමෝටම නැවත වරක් ස්තුති කරනවා. මේ දක්වා අප සමඟ එකතු වී සිටීම වෙනුවෙනුත් සහ ඉදිරියටත් අපිත් එක්ක එකතු වෙලා බයිස්කෝප් ලෝකේ සිංහලට හරවන්න හයියක් වෙන්න එන්න කියන ගමන් හැමෝටම ජයෙන් ජයම ලැබේවා කියලා සුපුරුදු ලෙසින් ප්‍රාර්ථනය කරනවා !!!

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.