Pink (2016) with Sinhala Subtitles | ජීවිත තුනක් උදෙසා අවනීතිය යටපත්කර, නිතිය ඉස්මතු කළ අයෝමය පුරුෂයා [සිංහල උපසිරැසි සමඟ]

නීතීය….එකිනෙකාගේ ආරක්ෂාව සහතික කොට ගනිමින්, රටක් වශයෙන්, ලොවක් වශයෙන් නැගී සිටීමට මහෝපකාරී වන්නාවූ, ලොව පරම ආයුධය.දුප්පත් පොහොසත් භේදයකින් තොරව, කිසිඳු තරාතිරමකින් තොරවම, දුගී පැල්පත තුළටත්, මහා මන්දිර තුළටත් එබී බලන්නා වූ නීතියේ අදිසි හස්තය….වැරදිකරුවන් කවුරු හෝ වේවා, පසුපස හඹා ගොස දඬුවම් ලබා දෙන්නා වූ සාධාරණත්වයේ ප්‍රතිමූර්තිය….දිව-රෑ, අව්ව-වැස්ස මේ කිසිඳු දෙයක් පිළිබඳව තැකීමකින් තොරව, සෑම නිමේශයක් නිමේශයක් පාසාම, තම රාජකාරිය වෙනුවෙන්ම සැදී පැහැදී සිටින්නා වූ යුක්තියේ ඉෂ්ට දේවතාවන්…දුකකදී, කරදරයකදී, අසාධාරණයකදී, සියළු දෙනා හට පිහිටට සිටිනා එකම පිලිසරණ…නිතිය පමණක්මයි.

අත්වැරදීමකින් එළඹෙන්නාවූ හදිසි තීරණය හේතුවෙන් යළි නිවැරදි කරගත නොහැකි අයුරින් තම ජීවිතය සී සී කඩ විසුරුවා ගන්නා වූ කෙළිලොල් තරුණියන් තිදෙනෙක්….සිය පරම අපවිත්‍ර පහත් ආශාවන සංසිඳුවා ගත නොහැකිව, වියරුවෙන් මෙන් ඉහත කී තරුණියන් පසුපස ලුහුබඳිනා, ධනයෙන් මත්වූ පාපතර තරුණයන් පිරිසක්…කිසිඳු පිළිසරණක් නොමැතිව අන්ත අසරණ තත්වයට පත්වී කර කියාගත දෙයක් නොමැතිව, දෙලොවක් අතරෙහි අතරමංව සිටි තරුණියන් තිදෙනා හට නීතියේ රැකවරණය ලබා දී ඔවුන්ගේ ජීවිත යළිඳු යහපත් සෙවණක් යටතට ගැනීමට අනන්ත අප්‍රමාණ දුක් විඳි, සේවයෙන් විශ්‍රාම ලැබ සිටින අති දක්ෂ නීතිඥවරෙයෙකු….සියළු කරුණු කාරණා පැහැදිලි ලෙසටම විරුද්ධ පාක්ෂිකයින් හට වාසි සහගතව ඇති තත්වයක් යටතේදී, අදාළ කරුණු කාරණා එකිනෙක අතිශය සූක්ෂම අයුරින් බිඳ දමමින්, සියළුම තර්ක විතර්ක සුණු විසුනු කරමින් සාධාරණත්වයක් ලබාදීම සඳහා දර දිය අදින්නාවූ මෙම යුග පුරුෂයාගේ අවසන් ප්‍රයත්නය සාර්ථක වේද….?

බොලිවුඩ් සිනමාවේ යුග කිහිපයක් එකිනෙක යා කරමින්, අයෝමය ප්‍රාකාරයක් මෙන් අදටත් සිය කිර්ති නාමය ඉහලින්ම තබාගනිමින් වැජඹෙන්නා වූ, බොලිවුඩ් සිනමාවේ සදාතනනීය තරුණයා…. Amitabh Bachchan ගේ ප්‍රධාන රංගන දායකත්වයෙන් හැඩ වැඩ ගැන්වී, ප්‍රේක්ෂක ජනතාවගේ දස දහසකට අධික වූ මනාපයෙන් IMDB දර්ශකයේ 8.7 ක් වැනි ඉහලම අගයකින් සමන්විත වන්නාවූ, බොලිවුඩ් පුරවරය කළඹවමින් මෙම වසරේ නිකුත් වූ අනර්ඝතම සිනමා නිර්මාණයක්, ඔබ වෙනුවෙන් ගෙනහැර පෑමට, එසේනම් ප්‍රේක්ෂක ඔබ සැමගෙන් අවසරයි.
තවත් රසබර සිනමා නිර්මාණයකින් හමුවන තුරාවට, සියලු දෙනාටම ජයවේවා!!!

ප. ලි. – නොසිතූ විරූ මොහොතක, චිත්‍රපටය සඳහා සිංහල උපසිරසි ගැන්වීමට අවස්ථාව ලබාදුන්, හසන්ත සොයුරාට විශේෂ ස්තුතිය.

Due to copyright issues, we do not provide any torrent links.

Pink 2016 Hindi 720p Dvdrip X264 -NBY

ලබා දී ඇති උපසිරසි සියලුම  DVDRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.