මේ 2015 ජනවාරි මාසයේ 30 වෙනිදා තිරගත වීම ඇරඹුණ විද්‍යා ප්‍රබන්ධ චිත්‍රපටයක්. මේ චිත්‍රපටය 2014 වසරේ නිකුත් කිරීමටයි තීරණය වී තිබුණේ. ඒත් යම් යම් හේතු නිසා ප්‍රමාද වෙලා මේ වසරේ තමයි නිකුත් කෙරුණේ. Fantasy, Thriller, Science Fiction යන කාණ්ඩවලට අයත් වන මේ චිත්‍රපටය Jason Harry Pagan සහ Andrew Deutschman විසින් රචිත තිරපිටපත අනුව අධ්‍යක්ෂණය කළේ Dean Israelite විසින්. මිනිත්තු 106 ක ධාවන කාලයකින් යුතු මේ චිත්‍රපටය Paramount Pictures සමාගම හරහා තමයි ලෝකයට විවෘත වෙන්නේ.

රංගනයෙන් දායක වෙන්නේ Amy Landecker, Sofia Black-D’Elia, Virginia Gardner, Sam Lerner සහ Allen Evangelista යන අය විසින්. ඔවුන්ගෙන් බොහොමයක් දෙනා රූපවාහිනී කතා මාලාවල වැඩි වශයෙන් දක්නට ලැබුණු තරුණ රංගන ශිල්පීන්. සීමිත චරිත සංඛ්‍යාවක් වටා තමයි මේ චිත්‍රපටය ගොනුවෙන්නේ. ඩොලර් මිලියන 12 ක පමණ වියදමකින් නිෂ්පාදනය කර ඇති මේ චිත්‍රපටය මේ වනවිට ඩොලර් මිලියන 32.2 ක පමණ ඉහළ ආදායමක් උපයා තිබෙනවා. ඉහළ ප්‍රේක්ෂක මනාපයකින් IMDb හි 6.3 ක අගයක් ලබාගෙන ඇති මේ චිත්‍රපටය found footage ගණයේ චිත්‍රපට අතර ඉහළින්ම තිබෙනවා .

චිත්‍රපටයේ කතාව ගැන ටිකක් කිවුවොත් , ඩේවිඩ් රස්කින් MIT භෞතික විද්‍යා ශිෂ්‍යත්වයට අයදුම් කරන දක්ෂ ශිෂ්‍යයෙක්. මේ ශිෂ්‍යත්වය ලබා ගන්න MIT එකට පර්යේෂණයක් ඉදිරිපත් කරන්න ඕන. ඩේවිඩ් තමන්ගේ උපරිම ශක්තිය යොදවලා මේ ශිෂ්‍යත්වය ලබා ගන්න උත්සාහ කළත් ඒක ලබාගන්න හැකි වෙන්නෙ නෑ. ඔහුට මේ ශිෂ්‍යත්වය ලබාගන්න එක අත්‍යාවශ්‍ය වෙන්නේ ඔහුගේ පියා මියගිහින් මව ආර්ථික අපහසුතා මැද ඉන්න නිසා. ඒ නිසා තමන් වගේම විද්‍යාව පිළිබඳව දක්ෂයෙක් වුණ තමන්ගේ තාත්තාගේ පැරණි උපකරණ කීපයක් සොයා බලන අවස්ථාවක ඩේවිඩ්ට ලැබෙනවා පැරණි වීඩියෝ කැමරාවක තිබූ ඔහුගේ හත්වන උපන්දිනයේ වීඩියෝ පටයක්. ඔහු බොහොම උද්යෝගයෙන් එය නැරඹීමට සූදානම් වුවත් ඔහු අතිශය විස්මයට පත් වෙනවා. ඒ වසර දහයකට පෙර පටිගත කරගත් වීඩියෝ පටයේ , ඔහු තමන්ගේම රුව දැකීම නිසයි. වසර දහයකට පෙර ලබා ගත් ඒ වීඩියෝ පටයේ අවුරුදු හතක් වයසැති පුංචි ඩේවිඩ් මිස තරුණ ඩේවිඩ් සිටීමට හැකියාවක් නැහැ. වීඩියෝ පටයේ ඩේවිඩ් සිටින ඉරියව්ව අනුව ඔහු තම සොයුරිය සහ මිතුරන් සමග එක්ව බිම් මහලේ තම පියාට අයත්ව තිබූ යන්ත්‍රයක කොටසක් සහ එහි සැලසුම් කීපයක් සොයා ගන්නවා .ඒ සැලසුම් කිහිපය පරික්ෂා කරන ඩේඩිඩ් සහ ඔහුගේ සගයන්ට පෙනීයන්නේ එය DARPA නම් රජයේ රහසිගත කාර්යාංශය මගින් කාලය තරණය කිරීම සඳහා නිර්මාණය කළ මූලාකෘතියක් බවයි. එය කාල යන්ත්‍රයක් බව තේරුම් ගන්නා ඔවුන් එය නැවත ගොඩනැගීමට උත්සාහ කරනවා. මේ කාර්‍යයේදී ඔවුන්ට ජෙසී පියර්ස් නම් තවත් තරුණියක් අහම්බයෙන් එකතු වෙනවා.

මම හිතන්නෙ ඒ ටික ඇති වේවි චිත්‍රපටය ගැන අදහසක් ලබාගන්න. මෑත කාලයේ බලපු හොඳ විද්‍යා ප්‍රබන්ධයක්. හැමෝටම බලන්න කියලා ආරාධනා කරනවා. අඩුපාඩු , යෝජනා , අදහස් දක්වලා යන්න. අවසාන වශයෙන් ප්‍රමාදයට සමාව ඉල්ලනවා. ඒ වගේම පිටපතක් නිකුත් වුණ සැනින් දැනුවත් කරපු හසන්ත අයියාටත් ස්තුතිවන්ත වෙනවා. දිගටම රැඳෙන්න බයිස්කෝප් සිංහලෙන් සමග !

Due to copyright issues, we do not provide any torrent links.

Project Almanac (2014) 720p BrRip x264 – YIFY
Project Almanac (2014) 720p BluRay – x265 HEVC

මෙම ලබා දී ඇති උපසිරසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “අදිත ප්‍රවීන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.