Ronaldo (2015) With Sinhala Subtitles| පාපන්දුවේ නොමැකෙන රන් නාමය [සිංහල උපසිරසි සමඟ]

ළඟදි අළුතින්ම නිකුත් වුණ, ගොඩක් කට්ටිය බලන් ඉඳපු චිත්‍රපටියක් උණු උණුවෙන්ම මං දැන් අරගෙනයි ආවෙ. මේක බයිස්කෝප් වෙබ්අඩවිය සඳහා මං විසින් කරපු පළමුවෙනි උපසිරුසි නිර්මාණය. ලොව එදාමෙදාතුර බිහිවූ අති විශිෂ්ට පාපන්දු ක්‍රීඩකයෙකු වන ක්‍රිස්ටියානෝ රොනාල්ඩෝගේ සම්පූර්ණ ජීවිත කතාව මේ ච්ත්‍රපටියෙන් විදහා දැක්වෙනවා. රොනාල්ඩෝ, ඔහුගේ පවුලේ අය වගේම තවත් ඔහුට නොදෙවනි තරුවක් වන ලියොනල් මෙසී හා තවත් පාපන්දු තරු රැසක්ද ද මීට තම රංගන දායකත්වය ලබාදෙනවා.

ලංකාවෙ ලොකුම පාපන්දු ලෝලීන්ට නම් මේක කියවන්නත් කලින් බලන්නම හිතෙයි. එත් පාපන්දු ලෝලීන් නොවන අයටත් මේක චරිත කතාවක් විදිහට ජීවිතයට ආදර්ශයක් ගන්න ගොඩක් දේවල් තියෙන චිත්‍රපටියක්. දුප්පත්, කටුක ජීවිතයක් ගෙවමින් දුක් විඳිමින් ඉඳපු කෙනෙක් තමන්ගෙ දක්ෂතාවයෙන් ඉදිරියට ඇවිත් ලෝකෙම ජය ගත්ත කතාවක් නිසාම මේකෙන් චරිත කතාවක් විදිහට හැම කෙනෙක්ටම ආදර්ශයක් ගන්න පුළුවන්. රොනාල්ඩෝගෙ නම කිව්වම ලෝකෙ නොදන්න කෙනෙක් නැති තරම් වුණත් ඔහුගේ මේ ජීවිත කතාව ගැන අහුවම නම් ගොඩක් අයට පුදුම හිතේවි. දැනට මෙම චිත්‍රපටයේ IMDB අගය 6.5ක් ලෙස සටහන් වන අතර මෙය ඇන්තනී වෝකි නැමති අධ්‍යක්ෂකවරයා විසින් අධ්‍යක්ෂණය කරලා තිබෙනවා.

මදේරා කියලා පුංචි දූපතක ඉපදිලා දුප්පත් පවුලක හැදීලා වැඩිලා, මුල් කාලයෙදි රොනාල්ඩෝ කටුක ජීවිතයක් ගතකරලා තියෙන්නෙ. ඔහුට අවුරුදු 11ක් තරම් පොඩි වයසකදි ගෙදරින් අයින්වෙලා, තනියම වෙනත් නගරෙකට යන්න වෙලා තියෙන්නෙ පාපන්දු නිසාමයි. ඒ වගේ අඩු වයසකදි තමන් පවුලෙන් ඈත්වුණ නිසා තරමක් මානසික පීඩනයකිනුයි ඔහු මුලදි ඉඳලා තියෙන්නෙ. ඒ විදිහට දුක් වින්දත් ඔහු මුල් කාලෙ ඉඳන්ම විශේෂිත දක්ෂතාවයන් දක්වපු නිසා තමන් මුල් කාලයේදී ක්‍රීඩා කළ කණ්ඩායම් වලින් කැපීපෙනෙන ලෙස ඉස්මතු වෙමින් ඉදිරියටම ආවා. ඔහුගේ මේ අසාමාන්‍ය දක්ෂතාවයන් නිසා ඔහුට අවුරුදු 18 වෙද්දි මැන්චෙස්ටර් යුනයිටඩ් ක්‍රීඩා සමාජය සමඟ යුරෝ මිලියන 15ක වාර්තාගත ගිවිසුමක් සඳහාද ඔහුව 2003 වසරේදී තෝරාගත්තා. එම කාලයේදීම ඔහු පෘතුගාල ජාතික කණ්ඩායමටත් තෝරාගනු ලැබුවා. අවුරුදු 22 වන විට කණ්ඩායමේ නායකත්වයද ලබාගත් ඔහු තම තනි උත්සාහයෙන් පෘතුගාල කණ්ඩායම ඉදිරියට රුගෙන ආවේ මුළු කණ්ඩායමේම බර තනි අතට ගනිමින්. 2009 වසරේ සිට ඔහු රියල් මැඩ්රිඩ් ක්‍රීඩා සමාජය සඳහා තෝරාගත්තේ යුරෝ මිලියන 132ක දැවැන්ත ගිවිසුමක්ද සහිතවයි. මේ වන විට තම රට වෙනුවෙන් හා තම ක්‍රීඩා සමාජ වෙනුවෙන් ඔහු ගෝල 500කට වඩා වාර්තා කොට තිබෙනවා. වර්තමානයේ සිටින අංක එකේ පාපන්දු ක්‍රීඩකයාද වන රොනාල්ඩෝ ලොව හොඳම පාපන්දු ක්‍රීඩකයාට වසරක් පාසා පිරිනැමෙන FIFA Ballon d’Orසම්මානය තුන් වතාවක්ම දිනාගැනීමටද සමත් වුණා.

ඔහුගේ ක්‍රීඩා ජීවිතයට අමතරව ඔහුගේ පවුල් ජීවිතය හා අනෙකුත් පෞද්ගලික විස්තරද මෙහි අන්තර්ගත වෙනවා. ඊට අමතරව ඔහුගේ තිබෙන ජනප්‍රියතාවය නිසා තම රසික රසිකාවියන් ඔහු කෙරෙහි ආකර්ෂණය වී තිබෙන හැටි, මාධ්‍යව්දීන්ගෙන් ඔහුගේ නිදහසට එල්ල වෙන බලපෑම්, තම රටේ සමහර ක්‍රීඩාලෝලීන්ගෙන් එල්ල වන විවේචන ගැනද මෙහි සඳහන් කොට තිබෙනවා. ඒ ගැන ඔහු දැඩි කණස්සල්ලකින් ඉන්නවා කියලා මේකෙ පෙන්නලා දීලා තියෙනවා.  (සමහර විට එගොල්ලොත් අපේ රටේ සමහර ක්‍රිකට් ප්‍රේක්ෂකයො වගේ “රටට වඩා සල්ලි වලට සෙල්ලම් ලොකුයි, රියල් මැඩ්රිඩ් වලට වදින ගෝල් පෘතුගාලෙට ගහද්දි වදින්නෙ නැත්තෙ ඇයි” වගේ ඒවා කියනවා වෙන්නත් බැරි නෑ. )

725 MB (720p BRrip) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “ නිර්මාණ දුලාංජල” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.