Scorpion [S02 : E10] with Sinhala Subtitles | උපත සහ විපත ලෝක දහමයි. [සිංහල උපසිරැසි සමඟ]

පසුගිය සතියේ කතාව ඊයේ තමයි දුන්නේ. තරහෙන් වගේ ලිපිය ලිව්වේ. ඒත් ඉතිං කට්ටිය කමෙන්ට් දාලා තිබුණු නිසා ඒ තරහා නිවිලා ගියා. බලන අය කතාව ගැන මොනවද හිතන්නේ කියන එක ගැන කුතුහලයක් තියාගෙන තමයි අපි මේ සබ් දාන්නේ. ඒක නිසා කමෙන්ට් එකක් අනිවාර්යෙන්ම ඕනේ. මම මේක මේ උපසිරැසි නිර්මාණය කරන එක කමෙන්ට් බලාගෙනම කරන දෙයක් නෙමෙයි. ඒත් කමෙන්ට් ඕනේ එක අනිවාර්ය අංගයක්. නැතිනම් මේ වැඩේ බීරි අලින්ට වීනා ගැහුවා වගේ වෙනවා. අපි දන්නේ නෑ කට්ටියට ඇහෙනවද නැද්ද කියලවත්.

කොහොම වුනත් අද කතාව පුරුදු විදියටම ටොරන්ට් එක ආපු දවසේම ගෙනාවා. අද කතාව බොහෝම වැදගත් කතාවක්. ඒකට හේතුව නම් ඔයාලට කතාව බලලම දැනගන්න වෙනවා. ඒ ගැන මම කියන්න යන්නේ නෑ. ඒ වගේම කියන්න ඕනේ අද කතාව බොහෝම සංවේදී කතාවක්. අද වෝල්ටර්ගේ අම්මයි තාත්තයි දෙන්නා තමුන්ගේ මව් රටේ ඉඳලා මේගන්ව බලන්න ඇමරිකාවට එනවා. මේගන් බොහෝම අසාධ්‍ය තත්වයේ තමයි ඉන්නෙ. ඒ වගේම ඔයාලට මතක ඇති පසුගිය කතාවේදී වෝල්ටර්ට ඕනේ විදියට මේගන්ට ප්‍රතිකාර කරන්න උසාවි නියෝගයකුත් ගත්තා කියලා. නමුත් මේගන් ඒ ප්‍රතිකාර වේදනාකාරී නිසා ඒවට කැමති වුනේ නෑ. මේගන් සිල්වෙස්ටර්ට බැගෑපත් වෙනවා පෙනහලු වලට බට දාන එක නවත්තන්න කියලා. මේ නිසා වෝල්ටර්‘ගේ උසාවි නියෝගය අවලංගු වෙන්න සිල්වෙස්ටර් මේගන්ව ලෙඩ ඇඳේදීම කසාද බඳිනවා. සිල්වෙස්ටර් සති තුනක් පුරාවටම ඉන්නේ මේගන් ලඟ. අද කණ්ඩායමේ හැමෝමත් වෝල්ටර්ගේ දෙමව්පියෝ එක්ක රෝ්හලට යනවා.

මේ අතරේදී අදත් අපේ මොලකාරයෝ කණ්ඩායමට ලොකු අකරතැබ්බ ගොඩකට මුහුණ දෙන්න වෙනවා. මේක පටන් ගන්නේ දිලීරයක් නිසා. කතාවේ පෙන්නන විදියට දිලීරයක් මනුස්සයෙකුගේ ඇඟෙන් පිට වෙලා රෝහල පුරාවටම වේගයෙන් පැතිරෙනවා. රෝහලේ හැම තැනකම මේ දිලීරය කලුපාටින් වර්ධනය වෙනවා. ඒ වගේම තමයි මේ දිලීරයේ ගෑවුනු සැනින්ම ඒ කෙනාගේ සිහිය නැතිවෙනවා. ඒ වගේම තමයි එහෙම සිහිය නැතුව ඉඳලා පැය කිහිපයකට පස්සේ මරණයට පත්වෙනවා. මේක සනීප කරන්න ඉන්න වෛද්‍යවරුත් දිලීරයේ ප්‍රහාරයට පත්වෙනවා. මේ නිසා මෙයාලාට ගොඩක් ලොකු අකරතැබ්බයකට මුහුණ දෙන්න වෙනවා.

ඔය විදියේ දේවල් අතරේ මම නොකියපු ගොඩක් දේවල් සිද්ධ වෙනවා. මේ සමයේ තවත් එක කතාවයි තියෙන්නේ. තුන්වෙනි කතා සමය දක්වා අලුත් කරලද කියලා දන්නේ නම් නෑ. කලින් කිව්වත් වගේ අද බොහෝම සංවේදී කතාවක්. පෞද්ගලිකවම කතාව බලලා මටත් යන්තමට ඇඬුනා. ඒක නිසා ගොඩක් හැඟීම්බර අය කඳුලු හලන්න බකට් එකක් ලඟින් තියාගෙනම කතාව බලන්න සූදානම් වුනොත් හොඳයි. 🙂

සිංහල උපසිරැසි මෙතනින් බාගන්න

13730 downloads