Scorpion [S02 : E11] with Sinhala Subtitles | යමල්ලා ඉස්කෝලේ. [සිංහල උපසිරැසි සමඟ]

අදම කතාව දෙනවද නැද්ද කිය කියා හිත හිතා ඉඳලා හෙට ශිල්ඩ් එක දෙන්න තියෙනා නිසා බැරිමරගාතේ උපසිරැසිය හැදුවේ. මේ කතාවේ දැන් මල විකාර වැඩි නිසා හින්දි චිත්‍රපටියකටත් වඩා ලයින් තියෙනවා පරිවර්ථනය කරන්න. බාගයක් යනකොට නිදිමත ඇවිල්ලා නවත්තන්න බැරි තැන තරහා පිටකරගත්තේ කතාවේ ඉන්න චරිත වලින්. ඒක නිසා කතාව බලාගෙන යද්දී විකාර වගේ දැනුනොත් කමෙන්ට් එකක් කාරිය දාලා ඒ ගැන කියන්න හොඳේ. 🙂

කොහොමහරි අද කතාව සාමාන්‍ය විදියට ගලාගෙන යන කූල් ඩවුන් කතාවක්. හැබැයි ඉතිං මෙයාලට නවත්තන්න වෙලා තියෙන්නේ ඇමරිකාවේ ආර්ථිකේ සම්පූර්ණයෙන්ම බිඳ වැටෙන්න නොදී බේරගන්න වෙන සිදුවීමක්. හැබැයි මේකට මෙයාලට කොලේජ් එකට අන්ඩකවර් යන්න වෙනවා. දන්නවා ඇතිනේ මොලේ විතරක් තියෙන දුවන්නේ පනින්නේ නැති අයට ඉස්කෝලේ ළමයි නෝන්ඩි කරනවා කියලා. ඉතිං ස්කෝපියන් එකේ ඉන්න කට්ටියට වැඩිය කොලේජ් එකේ තියා ඉස්කෝලේවත් කිසිසේත්ම සොඳුරු මතකයන් නෑ. ඒත් ඉතිං රටේ ආර්ථිකේ බේරගන්න ඕනේ නිසා මෙයාලට ඒක කරන්න වෙනවා. ලොකු ලොකු ආතල් සිද්ධි අස්සේ වෙනදා වගේ ත්‍රාසජනක දේවල් පවා සිද්ධ වෙනවා. අද මෙයාලට මුහුණ පාන්න වෙලා තියෙන්නේ Ransomware කියන ජාතියේ පරිගණක වැඩසටහනකට එරෙහිව. Hidden Tear කියලා ප්‍රසිද්ධ මෘදුකාංගයක් ගැන අහලා ඇතිනම් ඒකත් මෙන්න මේ කතාවේ කියන ජාතියේ මෘදුකාංගයක්. ඉතිං මේ මෘදුකාංගයෙන් වෙන දේ උපසිරැසියෙත් පැහැදිලි කරලා ඇති. කෝකටත් මම මෙතන හොඳට පැහැදිලි කරන්නං. මේ මෘදුකාංග වලින් වෙන්නේ කෙනෙකුගේ පෞද්ගලික පද්ධතියක් හෝ පරිගණක යන්ත්‍රයක් පිටතින් ඇතුල් කරන ලද මෘදුකාංගයක් හරහා ලොක් කරනවා. ඒ වගේම තමයි ඒ අගුලු ඇරලා තමුන්ගේ පරිගණකයට ප්‍රවේශ වෙන්න නම් තමුන්ට අන්තර්ජාලය හරහා මෘදුකාංගය හෝ අදාල රහසිගත කෙනෙකු විසින් පෙන්වන ගිණුමට මුදල් බැර කරන්න වෙනවා. ඒ කියන්නේ ඒ මෘදුකාංගය තමුන්ගේ පරිගණකය හෝ පද්ධතිය ඇපේට අරගෙන ඒකේ තියෙන දේවල් ලබාදෙන්න නම් කප්පමක් ඉල්ලනවා. කප්පමට කියන්නේ Ransom  කියලා. අංග කෑල්ලට අගට එන විදියට ware කෑල්ල දානවා.

ඔන්න ඉතිං ඔහොම දේකට තමයි අද ස්කෝපියන් කණ්ඩායමට මුහුණ දෙන්න වෙන්නේ. අපි බලමු නේද අද කතාවේදී මොනවායින් මොනවා වේවිද කියලා. මේ සීසන් එක ඉවර වෙන්න තව එක කතාවයි තියෙන්නේ. මට නම් හෙන සතුටුයි.

සිංහල උපසිරැසි මෙතනින් බාගන්න

14114 downloads