Sense8 [EP12] |සිත් බැමි සංග්‍රාමය… [සිංහල උපසිරසි සමඟ]

පසුගිය කතාවේ නම් ගොඩක් දේවල් සිද්ධ වුනා. සන්ට දැනගන්න ලැබුණා තමුන්ගේ මල්ලි විසින් තමුන්ගේ තාත්තා මරලා දැම්මා කියලා. මේ නිසා සන් කවදාවත් නැති තරහක් හිතට ආපු නිසා, හිර කූඩුවේ බිත්තියට අතින් තඩිබානවා. මේ අස්සේ තමයි කෆියස් මැරයෝ ලඟට ගිහිල්ලා උන්ට මුහුණ දුන්නේ. කබාකාගේ දුව අරගෙන ආවේ නැති නිසා, උන්ට තියෙන ණය ගෙවන්න කෆියස්ගේ අතින් කබාකාව මරන්න කියලා මැරයොන්ගේ නායකයා කිව්වා. ඒ වෙලාවේදීම තමයි සන් කෆියස්ගේ මනසත් එක්ක සම්බන්ධ වෙන්නේ. ඒ වෙලාවේදී සන්ට අවස්ථාව ලැබෙනවා තමුන්ගේ මල්ලි තාත්තාව මරපු එකේ තරහා මැරයෝ ටික මරලා පිටකරගන්න. ඒ වගේම තමයි නෝමි විල් එක්ක එකතු වෙලා කොහොමහරි රයිලිව බේරගන්නයි හදන්නේ. මේක කරන්න නෝමිට තමුන්ගේ යාලුවා වන, බග් ගේ උදව්වත් ලැබුණා කියලා ඔයාලට මතක ඇති.

අද කතාවේදී වුල්ෆ් ගැන්ග් තමුන්ගේ මාමාව මරලා එයාගෙන් පලිගන්නයි සූදානම් වෙන්නේ. ඒ වගේම මේ අතරේ විල් ගුවන් යානාවක නැගලා රයිලිව බේරගන්න අයිස්ලන්තයට යනවා. නෝමි තමුන්ගේ පෙම්වතිය එක්ක එකතු වෙලා එයාට කරන්න ඕනේ දේවල් ගැන තොරතුරු සැලසුම් ලබා දෙනවා. මේ අතරේ රයිලිව බේරගන්න හැමෝම එකට එකමුතු වෙලා වැඩ කරනවා. ගහගන්න ඕනේ තැනකදී සන් සටන් කරන්න උදව් කරනවා. මිනිස්සුන්ගෙන් ගානට තොරතුරු ලබාගන්න ඕනේ වෙලාවට ලීටෝ ඇවිල්ලා රඟපෑම් හැකියාව දාලා තොරතුරු ලබාගන්න උදව් කරනවා. වාහන හොරකම් කරන වැඩ වලට එහෙම කැෆියස්ගේ උදව් ලැබෙනවා. ඒ වගේම , කලා, වුල්ෆ්ගැන්ග් මේ දෙන්නත් අවශ්‍ය වෙලාවට ඇවිල්ලා රයිලිව බේරගන්න උදව් කරනවා.

අද කතාව තමයි කතා මාලාවේ සුපිරිතම කතාව. විල්ට රයිලිව බේරගන්න ගන්න පුළුවන් වේවි ද? අර දොස්තරයාට රයිලිගේ ඇස් දෙක දිහා බලලා විස්තර දැනගන්න පුළුවන් වේවි ද? 8 දෙනාගෙන් කවුරුවත් මැරේවි ද? ප්‍රශ්ණ ගොඩයි. 🙂

මේ ගැන දැනගන්න නම් ඔයාලට කතාව බලන්නම වෙනවා. ඉදිරියට මට වැඩ වැඩිවෙන නිසා තවත් කතා ගේන්න නම් හැකියාවක් ලැබෙන එකක් නෑ. ඒත් වෙලාවක් තිබුනොත් බලමු. කතාව හොඳින් රසවිඳින්න කියලා හැමෝටම ආරාධනා කරන ගමන්ම, මම Sense8 පලමු සමයෙන් සමුගන්නවා.

                                          ☀ ආයු – බෝ – වේවා !!! ☀

සියළුම කොටස් ඇතුලත් 5.6 GB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “ප්‍රණිත් රණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                        All Episodes