Sherlock Holmes (2009) | එළ වැඩකරු.. [සිංහල උපසිරැසි සමඟ]

කොහොමද යාළුවනේ? ඔන්න ඉතින් ආයෙත් මාසෙකට විතර පස්සේ එළ බයිස්කෝප් එකක් අරන්, “Saver-බේරන්නා” ආවා. “බේරන්නා” ට බේරිල්ලක් නැති වුණු නිසා වගේ ම, “බයිස්කෝප්” පෙළක එකක් විතරක් දීලා හිතට හරි මදියි කියලා හිතුණු නිසා තමයි මේක අරන් එන්න වුණේ. මගේ කලින් එකට ප්‍රතිචාර දුන්නු, බාගෙන බලලා මට පින් දුන්නු හැමෝටම ස්තූතියි. දෙවනි එක නිසා, දන්න ශිල්ප සේරම දැම්මා.

කථාව ගැන කිව්වොත් ඉතින් කිසි ම කුතුහලයක් නෑ.මේක අළුත් ම කථාවක්.චිත්‍රපටය IMDB Ratings වල 7.6/10 ක්, විතර අරන් තියෙනවා. කෙසේ වෙතත් දෙවැනි කොටසට වඩා මේක හොඳයි කියලා තමා ගොඩාක් දෙනා කියන්නේ. මේ චිත්‍රපටයේ ප්‍රධාන චරිතය වන “ෂර්ලොක් හෝම්ස්” ගේ චරිතයට සුප්‍රකට නළු “Robert Downey Jr.” (Iron Man, Due Date, Tropic Thunder) විසින් ද, “ෂර්ලොක් හෝම්ස්” ගේ සහායක වන “දොස්තර වොට්සන්” ගේ චරිතයට සුප්‍රකට ඉංග්‍රීසි නළු “Jude Law” (Rise Of The Guardians) විසින් ද පණපොවනු ලබයි. කථාවේ එන මීළඟ ප්‍රධාන චරිතයට පණ පොවන්නේ සුප්‍රකට ඉංග්‍රීසි නළු “Mark Strong” (Tinker Tailor Soldier Spy, Green Lantern, John Carter) විසිනි. අයරීන් ඇඩ්ලර්ගේ චරිතය සුප්‍රකට කැනේඩියානු නිළි “Rachel Mcadams” (The Notebook, The Vow) විසින් නිරූපණය කරනු ලබයි.

මට මේකට සබ් දානකොට ලොවෙත් නැති අකරතැබ්බ තමයි මට වුණේ. (ඒවත් කියන්න එපැයි). මේකේ ඉංග්‍රීසි සබ් එක දාපු පොරට, සමහර වචන මඟ හැරිලා. මම ඉතින් රේඩියෝ අහනවා වාගේ තමයි සබ් දාන්න වචන හෙව්වේ. අන්තිම මොහොතේ මට තිර පිටපත ලැබුණා ම මම ආයේ හරි-වැරදි බැලුවා. ආවට-ගියාට සබ් දෙන්න බැහැනේ. ඒ නිසා මේකේ සබ් ගැන සම්පූර්ණ වගකීම මම බාර ගන්නවා වගේම, ඔයාලාගේ ප්‍රතිචාර බලාපොරොත්තු වෙනවා.

සබ් එකට උදව් දුන්නු වාසල සහෝ ඇතුලු සහෝලට ස්තූතිවන්ත වෙනවා. මේක නියම බයිස්කෝප් එකක්. සබ් එක්ක බැලුවාම මේ පාර තවත් නියමෙට තියෙයි කියලා හිතනවා.
එහෙනම් ඔබට ජය වේවා!!!

මීට පෙර පළකල ලිපිය…

මෙන්න කට්ටිය පුන පුනා බලන් හිටිය මරු බයිස්කෝප් එකක් මම අරගෙන ආවා. මේක නිකුත් වෙලා දැන් පැය 24ක් පහු වුනා විතරයි. ඊයේ පැවතුනු Goldern Globe සම්මාන උළෙල නිසා මේකෙ හොඳ කොපියක් නිකුත් වුනේ. විචාරකයන්ට ලබාදෙන ඉතා හොඳ පිටපතක්. ඒ නිසා මේකෙ තත්වය ගැන දෙවරක් හිතන්න එපා. බාන්න.

මේ කතාව ගැන කට්ටියට වැඩි විස්තර කියන්නම ඕනෙද කියල මට හිතාගන්න අමාරුයි. මොකද ෂර්ලොක් හෝම්ස් ගැන කවුද නොදන්නේ? Sir Arthur Cannon Doyleගේ සුප්‍රකට රහස් පරීක්ෂක කතා මාලාවේ ප්‍රධාන චරිතය වන ෂර්ලොක් හෝම්ස් ගේ චරිතයට පණ පොවන්නේ අතිදක්ෂ නළු Robert Downey, Jr. Iron Man, Tropic Thunder සහ The Soloist වැනි නිර්මාණ වලින් අපි අතරට පැමිණි හේ මේ චරිතයට ඉතා හොඳ සාධාරණයක් ඉෂ්ඨ කර තිබෙනවා. ෂර්ලොක් ගේ සහයක වන දොස්තර වොට්සන්ගේ චරිතයට පණ පොවන්නේ Jude Law. The Notebook චිත්‍රපටියේ අපි දුටු සුරූපී නිළි Rachel McAdamsත් මෙහි රංගනයේ යෙදෙයි.

මේ ලබා දී ඇති සිංහල උපසිරැසි පිළිබද “සවීන් පෙරේරා(SAVER)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.