Sherlock [S01 : E02] | අන්ධ බැංකුකරුගේ අභිරහස. [සිංහල උපසිරැසි සමඟ]

ආයුබෝවන් කිව්වා, කොහොමද කට්ටිය හොදින් ඉන්නවා නේද? ටික දවසකට කලින් මම මගේ පලවෙනි උපසිරැසිය වන sherlock 1×01 The Study in Pink /රෝස හැදගත් කාන්තාවගේ අභිරහස ඕගොල්ලන්ට ඉදිරිපත් කලා. ඔක්කොම ඒක හොදින් රස විදින්න ඇති. බලපු නැති කට්ටිය ඉන්නවනම් බලන්න, ඒක අලුත්ම අත්දැකීමක් වේවි ඕගොල්ලන්ට. ගොඩක් සතුටු හිතෙනවා මහන්සි වෙලා දෙයක් කරලා ඒකට කවුරු හරි අදහසක් දාල යන කොට. ඉතින් ඔන්න පොරොන්දු වෙච්ච විදියටම මම මේ සීරිස් එකේ දෙවෙනි කතාවත් අරගෙනම ආවා. පලවෙනි ඒක බලපු කට්ටිය බලා එන්න නිසා ඉක්මනටම දැම්මා, ඒ වගේම ඒක බලපු නැති කට්ටියටත් මේක රසවිදින්න පුළුවන්. මොකද මේ සීරීස් එකේ සතියෙන් සතියට වෙනස්ම කතා විකාශය වෙන හින්ද..

කතාව පැත්තට පොඩ්ඩක් හැරෙමු, හෝම්ස් ගේ පරණ යාලුවෙකුගේ ඉල්ලීමකට අනුව හෝම්ස් බැංකු ප්‍රධානියෙකුගේ ප්‍රශ්නයක් විසදීමට බාර ගන්නවා. ප්‍රශ්නය තමා පෙරදා රාත්‍රියේ කිසිවෙක් බැංකුවට ඇතුල් වෙලා එහි ප්‍රධානියෙකුගේ කාර්යාලයේ තිබුණු පින්තුරයක කිසියම් කුරුටු ගෑමක් ස්ප්‍රේ තීන්ත වලින් ඇදාල යනවා. මේක ලොකු ප්‍රශ්නයක් විදියට ගන්නේ, එච්චර නවීන ආරක්ෂක ක්‍රම භාවිතා කරන බැංකුව තුලට කොහොමද පිටතින් පුද්ගලයෙකු ඇතුළු උනේ කියලා. හෝම්ස් ගේ යාලු බැංකු කරුවාට මේක උනේ කොහොමද කියලා හොයා ගන්න ඕන, කීයක් ගියත් කමක් නැහැ. ඒත් හෝම්ස් මේ ගැන හිතන්නේ වෙනම විදියකට. ඔහුට පෙනෙන්නේ මේ කුරුටු මරණ තර්ජනයක් විදියට. හෝම්ස් හිතන විදියට මේක ඇත්තටම මරණ තර්ජනයක්ද නැත්තම් වෙනත් පණිවිඩයක්ද. ඇයි එකපාරටම මිනිසුන් කීප දෙනෙක්ම බියෙන් තැති ගෙන මැරෙන්නේ? මේ තරම් ආරක්ෂක පද්ධතියක් බිද ඇතුලට එන්න පුළුවන් කෙනා කව්ද? පියාබන මිනිසෙක්ද? මේක ඉතා සිත්ගන්නා සුළු අපූරු ක්‍රියාදාම ගණයට අයත් කතාවක් කියලා කියන්න පුළුවන්. ඉතින් ඉතිරි ටික කියන්න ඕන් නැහැනේ.. මේක බලලම ඉතිරි ටික දැන ගන්නකො…

ආ…තව පොඩ්ඩෙන් දෙයක් කියන්න අමතක වෙනවා, මේ නිර්මාණයට උපසිරසි දැමීමේදී මට ඉතා විශාල සහයෝගයක් දැක් වූ වාගීශ්වරී ගුණතිලක මගේ නංගියාවත් මතක් කරන්න ඕනා අනිවාර්යෙන්ම.

ඉතිං අයෙත් දවසක ඉක්මනටම අනිත් කොටසේත් උපසිරසි අරගෙනම එන්නම්, බයිස්කෝප් එකේ විකියා ඇතුළු ඔක්කොටම ස්තුතියි, එහෙනම් කට්ටියටම සුභ කිව්වා.

මේ ලබා දී ඇති සිංහල උපසිරැසි පිළිබද “ප්‍රසාද් පෙරේරා (HR)” සොහොයුරාට සහ “වාගීශ්වරී ගුණතිලක” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

<< Previous Episode                            All Episodes                              Next Episode >>