Sherlock [S04 : E03] with Sinhala Subtitles | අවසන් ගැටළුව (සහෝදරිය) [සිංහල උපසිරැසි සමඟ]

කොහොමද කස්ටියට… ඔන්න මම අවසාන කොටස අරගෙන ආවා….හම්මේ.. මට පලු යන්න බනින්න ඇති නේද? ඇත්තටම පුද්ගලික වැඩක් වැටිලා සතියක්ම මාව ඒකට හිර උණු නිසා තමයි මේ පාර දෙන්න පරක්කු උනේ. වෙන කෙනෙක්ට දෙන්න හදලත් මමම පරක්කුවෙලා දෙන්නම් හරි කියලා තීරණය කළා.. ඉතින් කතාව අරගෙන සිංහල උපසිරැසිය දෙනකන් බලාගෙන හිටපු හැමෝටම ගොඩක් ස්තුතියි… එහෙනම් අපි යොමුවෙමු කතාව දිහාවට.

දෙවෙනි කොටස අවසාන වෙන්නේ ෂර්ලොක් හෝම්ස් ට සහ මයික්‍රොෆ්ට්ට තවත් සහෝදරියක් ඉන්නවා කියන එක කියමින් වගේම ඇය ජෝන් වොට්සන්ට වෙඩි තබමින්. ජෝන් ට මොකද උනේ? ඇත්තටම ජෝන් ට වෙඩි තිබ්බේ තුවක්කුවකින් නෙමෙයි. විදුලි තුවක්කුවකින්. ඒ නිසා ජෝන් මැරෙන්නේ නැහැ. හැමෝටම තිබුණු ලොකුම ප්‍රශේනේ ඕකනේ? එතකොට කවුද මේ සහෝදරිය? සර් ආතර් කෝනර් ඩොයිලි මහත්තය ලියපු කතාවල නම් එහෙම කෙනෙක් ගැන සදහන් වෙන්නේ නැහැ. ඒ උනාට සැගවුණු සහෝදරයෙක් ගැන කියලා තමයි මයික්‍රොෆ්ට්ව පොත් වලින් හදුන්වා දෙන්නේ. ඒ සිද්ධාන්තය ඔස්සේ යමින් තමයි මේ රුපවාහිනී කතා මාලාවේදී ඇයව හදුන්වා දෙන්නේ. ඉතින් මෙයා මෙච්චර කල් කොහෙද හිටියේ ? ඒ ගැනත් පොඩි දෙයක් කියන්නම් මම. කතා මාලාව යන අතරමගදී මයික්‍රොෆ්ට් කතා කරනවා ශේරින්ෆෝඩ් කියලා තැනකට. මතක් උනා ද එහෙම තැනක්? අන්න හරි. එතන තමයි එයාව තියාගෙන ඉන්නේ.. ඉතින් ඇයි එයාව එහෙම තියාගෙන හිටියේ? ඇයි ෂර්ලොක් එයා ගැන දන්නේ නැත්තේ? මයික්‍රොෆ්ට් හංගන රහස මොකක්ද? ඒ රහසින් තියාගෙන හිටපු තැනින් කොහොමද සහෝදරිය එළියට ආවේ? එයා මොනවගේ කෙනෙක් ද? එකී මෙකි නොකී හැම දෙකටම උත්තර දැනගන්න අද ඔයාලට පුළුවන්.

මේ කතාව අවසන් ගැටළුව කියලා තමයි නම් කරලා තියෙන්නේ. ඒ උනාට ඒක ගැටළුවක් නෙමෙයි. ගැටළු රාශියක එකතුවක් විදියට තමයි අද කතාව ඇවිල්ලා තියෙන්නේ. දුකින් උනත් කියන්න ඕනේ ඉතින් මේකේ නැවත කොටසක් එන්නේ නැහැ කියලා නිවේදනය කරලා තියෙනවා. 2010 දී කතාව එළිදක්වලා 2014 දී තුන්වෙනි වෙළුම එවලා නැවත වසර තුනක් ප්‍රේක්ෂකයන්ට බලාගෙන ඉන්න සලස්වලා හතරවෙනි වෙළුමට කොටස් තුනක් පමණක් දීල ඉවර කරන අපුරු කතා මාලාවක් තමයි මේ විදියට ඉවර වෙන්නේ. හැබැයි ඒ වෙනුවෙන් උපරිම සාධාරණය කරලා කියලයි මට හිතෙන්නේ. එසේනම් නැවතත් තවත් කතා මාලාවකින් හෝ චිත්‍රපටියකින් හමුවෙමු. එතෙක් ජයවේවා!!

Due to copyright issues, we do not provide any torrent links.

Sherlock.S04E03.HDTV.x264-BRISK

Sherlock.S04E03.720p.HDTV.HEVC.x265-RMTeam

Sherlock.S04E03.720p.HDTV.2CH.x265.HEVC-PSA

ලබා දී ඇති උපසිරසි ඉහත පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “දසන් බුද්ධික” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

  << Previous Season                   All Episodes                        Next Episode >>