Singularity (2017) Sinhala Subtitles | ප්‍රවේසම්වන්න! මානව වර්ගයා සමූල ඝාතනය කෙරේ.. [සිංහල උපසිරැසි සමඟ]

බයිස්කෝප් සිංහලෙන් අඩවියට පැමිණි ඔබ සැමට ආයුබෝවන්! ඔන්න හා හා පුරා කියලා මාත් මගෙ පළවෙනි උපසිරැසිය අරගෙන ඔබ හමුවට එනව. සබක් කරද්දි ඒකට යන වෙලාව තමා ලොකුම අභියෝගය. කොහොම හරි පළවෙනි සබ සුපිරියටම කරන්න තිබ්බ උවමනාව නිසා දහසකුත් වැඩ රාජකාරි මැද්දෙ රෑ 2 ක් තිස්සෙ නිදි මරාගෙන සබ පුලුවන් උපරිමෙන්ම කරා. එහෙනං ඉතිං වැඩිය කතා නැතුව ෆිලුම පැත්තට යමු. මේක මගෙ පළවෙනි සබ්ටයිටල් එක උනාට ෆිල්ම් එක නම් සුපිරිම විද්‍යා ප්‍රබන්ධයක්. මේකෙ කතා තේමාව ටිකක් පොදු එකක් උනාට චිත්‍රපටියේ අන්තර්ගතය නම් වෙනස්ම මගක් ගන්නව. මේ ෆිලුම රිලීස් වෙන්නෙ 2017 නොවැම්බර් මාසෙදි.

මොකක් හරි හේතුවක් නිසා ෆිලුම පටන් ගන්නෙත් 2017 න්මයි. මෙන්න මේකයි වෙන්නෙ, 2017 දී VA(වී ඒ) ඉන්ඩස්ට්‍රීස් කියලා සමාගමක් නවීන රොබෝවරුන් නිෂ්පාදනය කිරීමට පටන් ගන්නව. මේක කොච්චර සාර්ථක වෙනවද කිව්වොත් 2019 වෙද්දි මෙයාලා යුධ කටයුතු සදහා යුධ රොබෝවරුන් නිපදවන්නත් පටන් අරන්. දැං ඉතිං වෙන දේ කියන්න ඕනෙ නෑනෙ. ලෝකය පුරා යුධ ගැටුම් උත්සන්න වෙලා මේ සමාගමට විරුද්ධව විශාල ජනමතයක් ගොඩනැගෙනව. මෙන්න මෙතනදි තමයි මං කිවුවා වගේ පොදු කතා තේමාව එලියට එන්නෙ. Artificial Intelligence !! කෘතිම බුද්ධිය !! කොහෙන්ද මේ එක පාරටම කෘතිම බුද්ධියක්?? සමහර අයට එහෙම හිතෙනව ඇති. මේ වී අයි(VI) කාරයො කොහෙන් හරි කෘතිම බුද්ධියකුත් හදල ඒ කෘතිම බුද්ධිය මිනිස්සුන්ව යටත් කරගන්නව ඇති.. සමහර අයට එහෙම හිතෙන්නත් ඇති. එහෙම හිතුන නම් ටිකක් විතර හරි. හැබැයි ඉතිං යටත් කරගැනීමක් නම් නෙමෙයි. එහෙනම් මොකද්ද?? තනිකරම සමූල ඝාතනයක්!!!! අන්න එතනදි තමයි මේ පොදු කතා තේමාව ඔස්සේ යන චිත්‍රපටියේ අන්තර්ගතය වෙනස් වෙන්න පටන් ගන්නෙ. ඇයි මේ Artificial Intelligence එක මිනිසුන්ව ඝාතනය කරන්නෙ?? මොකද්ද හේතුව?? මිනිස්සුන්ට බේරෙන්න පුලුවන් වෙයිද?? ඒවට උත්තර හොයාගන්න එක මම ඔබට බාර කරනව.

චිත්‍රපටිය ගැන තව ටිකක් කියනව නම් මේකට IMDb 5.3/10 ක සැලකිය යුතු මට්ටමේ අගයක් ලැබිල තියනව. IMDb වල එහෙම උනාට Rotten Tomatoes Average Rating එක විදිහට 7/10 ක් වැනි ඉහල අගයක් ලබාගන්න මේ පිලුම සමත් වෙලා තියන බව නම් කියන්නම ඕනෙ. කොහොමත් සමහර හොද චිත්‍රපටි වල IMDb අගය අඩුයි කියල(හේතුව නම් මම දන්නෙ නෑ ඔන්න) චිත්‍රපට ලෝලීන්ට අමුතුවෙන් කියන්න ඕනෙ නෑනෙ. මේකත් ඒ වගේ එකක්..ඒ නිසා මේ පිලුම බලන්න කියල හැමෝටම ආරාධනා කරනව..එහෙනං ඊලග උපසිරැසියෙන් අනිවාර්යයෙන්ම හමුවෙමු..පුලු පුලුවන් අය පුලු පුලුවන් විදියට පහළින් කොමෙන්ටුවකුත් දාගෙන ගියොත් ඊලග උපසිරැසියට ඒක ලොකු හයියක් වෙයි කියල හිතනව.. සබ් එකේ අඩුපාඩු තියනවනම් අනිවාර්යෙන්ම කියන්න ඕනෙ..එහෙනං ඔන්න මං ගියා.. හැමෝටම සුබගමන්!

සිංහල උපසිරැසි මෙතනින් බාගන්න

2578 downloads