Sleepy Hollow [S02 : E18] | අවසානය… [සිංහල උපසිරැසි සමඟ]

කාලයක් ඉවරකරන්න පෙරුම් පිරුව වැඩක් ඉවර කරන්නයි ලෑස්තිය. මගේ 11 වෙනි උපසිරැසියත් එක්ක මේ කතා සමයත් අවසන් වෙනවා.කොටස් 18ක් විකාශය වුන ස්ලීපි හොලෝ දෙවෙනි කතා සමයේ අවසන් කොටස තමයි අද ගේන්නෙ. වැඩේ ඉවර කරන්න හදන වෙලාවෙ අමතක කරන්න බැරි අය කීප දෙනෙක්ම ඉන්නවා.එයාලවත් මතක් කළොත් හොඳයි කියලා හිතුනා.මුලින්ම මේ කතාවෙ මුල් කොටස් අපි වෙනුවෙන් අරන් ආව යුශාන් පියුමාල්, කල්හාර ප්‍රසාද්, අදිත ප්‍රවීන්, චලිඳු දේශාන්,ශාන් විමුක්ති සහෝදරයන්ව අමතක කරන්නම බෑ. ඊළඟට මේ කතාව මට කරන්න ඉඩ දුන්න බයිස්කෝප් කණ්ඩායමේ අයටත් ගොඩක් ස්තුතියි. ඒ වගේම මගේ අතින් වැඩේ ටිකක් ප්‍රමාද වුනත් මට බනින්නෙ නැතිව අදහස් දක්වලා මාව දිරිමත් කරපු හැමෝටම බොහොම ස්තූතියි. ඔයාලා නිසා තමයි මට මේක දිගටම කොහොමහරි කරලා ඉවරකරන්න ශක්තිය ලැබුනෙ.

2014 සැප්තැම්බර් 22 වෙනිදා විකාශය වෙන්න පටන්ගත්ත ස්ලීපි හොලෝ දෙවෙනි කතා සමය 2015 පෙබරවාරි 24 වෙනිදා අවසන් වුනා. පළවෙනි කතා සමය තරම් ප්‍රේක්ෂක ආකර්ෂණයක් දිනාගන්න දෙවෙනි කතා සමයට හැකියාවක් නොලැබුනු නිසා මේකෙ තුන්වෙනි කතා සමයකුත් නිෂ්පාදනය කරනවද කියන එක ගැන සැකයක් තිබුනත් දැන් තුන්වෙනි කතා සමයකුත් නිෂ්පාදනය කරන්න තීරණය වෙලා තියෙනවා. මං හිතන්නෙ ඒක ලංකාවෙ ස්ලීපි හොලෝ රසිකයන්ටත් සුභ ආරංචියක් වේවි.නමුත් ඒ කතා සමයෙදි කට්‍රිනාවත් කැප්ටන් අර්වින් වත් අපිට දැකගන්න නොලැබෙන බව තමයි ආරංචිය. කොහොම නමුත් තුන්වෙනි කතා සමය විකාශය වෙන්න පටන්ගත්ත ගමන්ම අපිට බයිස්කෝප් වෙබ් අඩවියෙන් (මේ වගේ ප්‍රමාද නොවී 🙂 ) දැකගන්න ලැබේවි.

අද කතාව ගැන කිව්වොත් පහුගිය කොටස් වල ටිකක් නීරස ගතියක් දැනුනත් අද කතාවෙන් ඒක නැති වෙලා යනවා. කට්‍රිනාගෙ පස්සෙන් අතීතයට යන ඇබීට මූණදෙන්න වෙන කරදර ගොඩකින් බේරිලා ඇබී ලෝකය බේරගන්න උත්සහ කරන හැටි තමා අද කතාව. වැඩිය කිව්වොත් කතාවෙ රසය නැති වෙනවා. ඉතින් හැම උපසිරැසියක්ම මට පුළුවන් උපරිම හොඳින් කරලා ඔයාලට අරන් එන්න මං පුළුවන් තරම් උත්සාහ කළා. ඒත් මගේ උත්සහය කොච්චර සාර්ථකද කියලා දන්නෙ කතාව බැලුව ඔයාල තමයි. තිබුන වැරදි අඩුපාඩු වලට සමාවෙන්න. ජය!

130 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “සසිනිකා කුලතුංග” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

<< Previous Episode                     All Episodes                     Season 3 >>