Snake Eyes (2021) AKA Snake Eyes: G.I. Joe Origins Sinhala Subtitles | ස්නේක් අයිස්ගෙ උපත! [සිංහල උපසිරසි]

සුප්‍රසිද්ධ GI JOE චිත්‍රපටමාලාවේ එක් චරිතයක් වෙන Snake Eyesගෙ මූලාරම්භය පදනම් කරගනිමින් නිපදවෙන Snake Eyes 2021 සිනමාපටයට උපසිරසි තමයි මේ අරන් ආවේ.. ඉතින් ඔයාලා මීට කලින් GI JOE සිනමාපට නරඹලා නැත්නම් දැන්ම ගිහිල්ලා ඒවත් බලලා ඉන්න.

G.I. Joe: The Rise of Cobra
G.I. Joe: Retaliation

ඉතින් මේ සිනමාපටය IMDB අගය 5.6කුත් කුණු තක්කාලි දර්ශක අගය 38%ක් වැනි ප්‍රමාණයකුත් තමයි අරගෙන තියෙන්නෙ. මෙහි අධ්‍යක්ෂණය Robert Schwentke විසින් සිදු කොට ඇති අතර ස්නේක් අයිස් චරිතය සදහා Henry Golding, ස්ටෝම් ශැඩෝ ලෙස Andrew Koji, බැරනස් ලෙස úrsula corberó, මේජර් ඔහේරා ලෙස Samara Weaving යන නලුනිලියන් සිය රංගන දායකත්වය සපයනවා.

මේ චිත්‍රපටයට පාදක වෙන්නෙ ස්නේක් අයිස් GI JOE වෙත එකතු වෙන්න කලින් කාලය සහ ඔහු ස්නේක් අයිස් බවට පත් වෙන්නෙ කොහොමද කියන කාරණය. කුඩා කාලයෙම තමන්ගෙ පියාව මරලා දාන සිදුවීමක් ඇහින් දකින කොලුවෙක් තමන්ගෙ පියාගේ ඝාතකයා විසින් කරන දාදු සෙල්ලමක් මාර්ගයෙන් තමයි ස්නේක් අයිස් කියන නම ලබා ගන්නෙ. එතැන් පටන් ඔහු ඒ නමින් තමන්වම හදුන්වා ගන්නෙ යම් දිනෙක සිය පියාගේ ඝාතකයාගෙන් පළිගන්නා පරම චේතනාවට තමන්වම කැප කරමින්.ඒ වගේම මෙහිදී ඔහු සහ කෝබ්‍රාහි ප්‍රබල සාමාජිකයෙක් වෙන ස්ටෝම් ශැඩෝ සමග සම්බන්ධය සහ ඔහුත් සමග වෛරයක් ගොඩ නැගෙන්න පාදක වෙන සිදුවීම් පෙළත් දැකබලා ගන්න පුළුවන් වෙනවා.

කෙන්ටා ටකමුරා යටතේ යකුසා සමග එකතු වෙලා ඉන්න ස්නේක් අයිස් ටොමී විසින් එහෙමත් නැත්නම් ස්ටෝම් ශැඩෝ විසින් තමන්ට කරන උදව්වක් නිසා ඔහුගෙ ගෝත්‍රය වෙත එක්ක යනවා. ටොමීට අවශ්‍ය වෙන්නෙ ළගම මිත්‍රයෙකු, සහෝදරයෙක් ලෙස ස්නේක් අයිස්ව තම ගෝත්‍රයට එකතු කරගන්න. එහෙත් ස්නේක් අයිස්ගෙ හිතේ තියෙන්නෙ වෙනමම අදහසක්. තමන්ගෙ අරමුණ ඉෂ්ට කරගැනීමේ ටොමීගෙ ගෝත්‍රයෙන් යම් වස්තුවක් සොරකම් කරගැනීමේ ප්‍රයත්නයක තමයි ස්නේක් අයිස් නිරත වෙන්නෙ.

හොදයි, කතාව ගැන වැඩි යමක් කියන්න යන්නෙ නෑ. ඊට වඩා කිව්වොත් ඇත්තටම කතාවම කිව්වා වගේ වෙනවා. එහෙමනම් ස්නේක් අයිස් තම අරමුණ ඉටු කරගනිද? කෙන්ටා ටකමුරා මේ වස්තුව ලබාගන්න හදන්නෙ ඇයි? කෝබ්‍රා සංවිධානය සමග තියෙන සම්බන්ධය මොකක්ද? ස්නේක් අයිස්ට තමන්ගෙ පියාගේ ඝාතකයා සොයාගන්න පුළුවන් වේවිද කියන දේවල් කට්ටිය බලලම දැනගන්න.

Due to copyright issues, we do not provide any torrent link.

මෙම ලබා දී ඇති උපසිරසි WEB / HD / Blu-Ray පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

PLATINUM MEMBER
JOINING DATE – 2015-04-19
SUBMAKER RATING BY ADMINS