Speed (1994) | තවත් ඇදහිය නොහැකි වීර ක්‍රියාවක්. [සිංහල උපසිරසි සමඟ]

වීර ක්‍රියා ත්‍රාසජනක ගණයට අයත් වන මෙම සිනමා පටය 1994 දී අති සාර්ථකව ප්‍රදර්ශනය වූවක්. බොහොම දෙනෙක් මෙම සිනමා පටය ගැන අසා ඇතිවා මෙන්ම නරඹාද ඇති. දිමුතු තරංග ඉලුක්කුඹුර සහෝගේ කමෙන්ට් එකකදී මෙයට උපසිරැසි ලබා දෙන්නයි ඉල්ලීමකුත් තිබුණා. පොඩි විවේකයක් ලැබුණු නිසා ඒකට අවස්ථාවක් ලැබුණා.

මෙයට ලැබී ඇති IMDB රේටින් එක 7.2 ක අගයක්. මෙම සිනමා පටය අති සාර්ථකත්වයට පත් වූ නිසා “SPEED 2” පසු කලක නිපදවූවා. ඉක්මනින් එයටද උපසිරැසි ලබා දෙන්නම්. මෙහි ප්‍රධාන චරිතය රගපාන්නේ MATRIX, THE DAY THE EARTH STOOD STILL, 47 RONIN, වැනි සිනමා පට වල රග පෑ සුප්‍රකට නළු KEANU REEVES’ ය.

දැන් අපි මේ සිනමා පටයේ කතාව ගැන ටිකක් බලමු. ලොස් ඇන්ජලීස් නගර මධ්‍යයේ ඉතා උස් ගොඩනැගිල්ලක ඇති සීඝ්‍රගාමී මගී ඔසවනයක සිටින මගීන් 13 දෙනෙකු ප්‍රාණ ඇපයට ගන්නා බෝම්බ කරුවකු, ඩොලර් 3.7 ක කප්පමක් ඉල්ලා සිටී. එය නොලැබුණහොත් ඔසවනයේ කේබල් පුපුරුවා හැර, එය මගීන් සමග කඩා වැටීමට සලස්වන බවට තර්ජනය කරයි.

පොලිස් නිලධාරීන් වූ, ජැක් ට්‍රවාන් හා ඔහුගේ සගයා, හැරී ටෙම්පල් ඇතුළු කණ්ඩායම එම උත්සහය ව්‍යවර්ථ කර මගීන්බේරා ගනී. මින් කුපිත වන බෝම්බ කරු, එයට ප්‍රතිචාර දක්වන්නේ බසයක් පුපුරුවා හරිමිනි. ඒ සමගම දුරකථනයෙන් ජැක් හා සම්බන්ධ වන බෝම්බ කරු, තවත් බසයක බෝම්බයක් අටවා ඇති බවත්, හැකිනම් එම බෝම්බයෙන් මගීන් බේරා ගන්නා ලෙසත් අභියෝග කරයි. බස් රථයේ වේගය පැයට සැතපුම් 50 ඉක්මවු විට එම බෝම්බයේ ක්‍රියාකාරිත්වය ආරම්භ වන බවත්, ඉන්පසු කුමන මොහොතකදී හෝ එම වේගය පැ. සැ. 50 ට වඩා අඩුවූ විට එය පුපුරා යන බවත් බෝම්බකරු ජැක්ට පවසා සිටී. ඔහු තව දුරටත් අනතුරු හගවමින්, මගීන් කිසිවෙකු හෝ බසයෙන් ඉවත් කිරීමට කටයුතු කල හොත් තමා විසින්ම එය පුපුරුවා හරින බවද ප්‍රකාශ කරයි. මෙම තත්වය වළක්වා ගැනීමට නම් තමාට මුලින් ඉල්ලා සිටි ඩොලර් මිලියන 3.7 මුදල දෙන ලෙස ඉල්ලා සිටී.

මේ අවස්ථාවේදී ජැක් බසය පසුපස හඹා ගොස් එහි වේගය පැ.සැ.50 ට වඩා වැඩි වීම වළක්වා ගැනීමට උත්සහ කළත් එය අසාර්ථක වේ. මේ අතරතුර නියමිත වේගයට බසය ලගා වීම නිසා බෝම්බය ක්‍රියා කිරීම ආරම්භ වේ. වේගයෙන් ධාවනය වන බස් රථය තුළට ඇතුළු වීමට ජැක්ට හැකියාව ලැබේ. මෙහිදී සිදුවන යම් සිදුවීමකදී බසයේ රියැදුරා තුවාල ලබයි. එම අවස්ථාවේ ඇනී නම් තරුණියට බසයේ පාලනය භාර ගැනීමට සිදුවේ. බසය පෑ. සැ. 50 ට වඩා වේගයකින් වාහන තදබදය මැද ධාවනය කිරීමේ වගකීම ඇයට පැවරේ. අනිවාර්යෙන් පසුකර යා යුතුව ඇති, ඉදිරියේ ඇති ඉදි කිරීම් ආරම්භ කර නැති, පාලමක් සදහා වෙන් වූ අඩි 50ක් පමණ පුළුල් කපොල්ල ගමන අවසන් කරාවිද? ඉන්ධන අවසන් වී ගෙන යන බැවින් බසය නියමිත වේගයෙන් තවදුරටත් ධාවනය කල හැකි වේද? ජැක්ට බෝම්බය නිෂ්ක්‍රිය කරන්නට හැකි වේද? බෝම්බකරු කොටු කර ගැනීමට ජැක්ගේ සගයන්ට හැකි වේද?

සිනමා පටය නරඹලා, උපසිරැසි වල ගුණ දොස් කියලා පොඩි කමෙන්ට් එකකුත් දෙන්න පුළුවන්නම් හොදයි නේද?

751 MB කොපිය මෙතනින් බාගන්න

1.6 GB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “ SIRIJAYA ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.