Stranger Things [S04 : E01] Sinhala Subtitles | හෙල්ෆයර් ක්ලබ් [සිංහල උපසිරැසි]

Stranger Things… ටීවි සීරීස්/ ෆිල්ම් පිස්සො නම් මේ නම අහල නොතිබෙන්න විදිහක් නෑ. 2016 අවුරුද්දේ නෙට්ෆ්ලික්ස් ස්ට්‍රීමින් සර්විස් එකේ ඔරිජිනල් සීරීස් එකක් විදිහට විකාශය වුනු මේ කතා මාලාව මේ වෙද්දී ලෝකය වටා මිලියන ගාණක් රසිකයන් විසින් ආදරයෙක් වැළඳගෙන තියෙනවා. ඒ වගේම තාමත් IMDB හි වැඩිම රේටින් එකක් ලබාගත්ත සීරීස් අතරේ 95 වෙනි ස්ථානයේ තාමත් රැඳී ඉන්නේ 8.7 ක ඉහළ අගයක් එක්කයි. පෞද්ගලිකව Stranger Things කියන්නෙ බලපු පළවෙනි දවසෙ ඉඳන්ම මගේ ආසම සීරීස්වලින් එකක් ❤️

ඉතිං මේ පාරත් උණු උණුවේ අරන් එන්නේ ඒ කතා මාලාවේ අලුත්ම සීසන් එකේ පළවෙනි කොටස.

මේ සීසන් එක නම් එසේ මෙසේ සීසන් එකක් නෙවෙයි. දන්නවද එක කොටසක් හදන්න කීයක් වියදම් වෙලාද කියලා? ඇමරිකන් ඩොලර් මිලියන 30 ක්! සම්පූර්ණ කතා මාලාවටම මිලියන 240+ පිරිවැයක්. මොකද මේකේ 80 ගණන්වල දේවල් යලි නිර්මාණය කරන්න වගේම විශුවල් ඉෆෙක්ට්ස්වලටත් ලොකු වියදමක් යනවා. හොලිවුඩයේ මෑත කාලයේ සමහර චිත්‍රපටවලටවත් මේ තරම් වියදමක් දරලා නැහැ. ඉතිං කොලිටි එක ගැන අමුතුවෙන් කියන්න ඕනෙ නැනේ.

ඒ වගේම මේ සීසන් එකේ තුන්වෙනි කොටස ඇරෙන්න අනිත් හැම කොටසකම ධාවන කාලය විනාඩි 70 ට වඩා වැඩියි. අවසන් කොටස වෙන නවවෙනි කොටස පැය දෙක හමාරකට වැඩි රන් ටයිම් එකකින් සමන්විත වෙනවා.

කතා මාලාවේ නිර්මාතෲවරුන් වෙන ඩෆර් බ්‍රදර්ස්ලා මීට මාස කිහිපයකට කලින් නිල වශයෙන් ප්‍රකාශ කළා Stranger Things කොටස් දාසයකින් සීසන් පහකින් අවසන් වෙනවා කියලා. ඒ වගේම මේ හතර වෙනි සීසන් එකෙන් තමයි කතා මාලාවේ අවසන් අදියරට පදනම දැමෙන්නේ.

(කතා මාලාව අවසන් වෙන බවට ඩෆර් බ්‍රදර්ස්ලා නිල වශයෙන් අන්තර්ජාලයට නිකුත් කළ ලියුම)

කලින් සීසන් තුනේම කොටස් ඔක්කොම එකම දවසෙ නෙට්ෆ්ලික්ස්ලා රිලීස් කළත් මේ සීසන් එක නිකුත් වෙන්නේ Vol. 1 සහ Vol. 2 කියල කොටස් දෙකකට. කොටස් හතකින් සමන්විත පළවෙනි Vol එක මැයි 27 රිලීස් වුනා. කොටස් දෙකකින් සමන්විත වෙන Vol. 2 රිලීස් වෙන්නේ ජූලි මාසෙ පළවෙනිදා. ඉතිං කොටස් හතක් බලල ඉතුරු ටික බලන්න ඔන්න මාසයක් ඉන්න වෙනවා.

හරි එහෙනම්, කලින් සීසන් එක ගැනත් ටිකක් මතක් කරගෙන ඉමු. තුන්වෙනි සීසන් එකේ සිදුවීම් වෙන්නේ 1985 සමර් එකේ. මේ කාලෙදි හෝකින්ස්වල ස්ටාකෝට් කියල දැවැන්ත සුඛෝපභෝගී වෙලඳසැලක් ආරම්ඹ වෙලා. මේ අතරතුර රුසියාවෙ ආයෙත් වතාවක් හෝකින්ස්වල අප්සයිඩ් ඩවුන් එකට දොරටුවක් විවෘත කරනවා. මේ නිසා මයින්ඩ්ෆ්ලෙයර් මතුපිට ලෝකයට ඇවිල්ල ලොකු කලබගෑනියක් කරනව ඔයාලට මතක ඇතිනේ. ඉතිං මයින්ඩ්ෆ්ලෙයර් නවත්තන්න ගන්න උත්සහය අතරතුර එල්ගේ බලයන් නැති වෙනවා. ගොඩක් කල් හතුරෙක් විදිහට හිටපු මැක්ස්ගේ සහෝදරයා බිල් වීරයෙක් වගේ මිය යනවා. රුසියන් කාරයින් නවත්තන්න ගන්න උත්සහය නිසා ජිම් හොපරුත් ජීවිතයෙන් සමුගන්නවා (?) ඉතිං මේ හැමදෙයකටම පස්සේ ජොයිස්, විල්, එල් සහ ජොනතන් හෝකින්ස්වලින් යන්න යනවා. ඔය විදිහට තමා සීසන් 3 ඉවර වුනේ.

හතර වෙනි සීසන් එකේ සිදුවීම් වෙන්නේ 1986 වසන්ත නිවාඩුව අතර තුර.

මේ සීසන් එකේදි තවත් වැදගත් චරිතයක් හඳුන්වා දෙනව. ඒ තමා ප්‍රධානම විලන් කෙනෙක් වෙන වෙක්නා. වෙක්නා ගැන තොරතුරු ඉදිරියේදී බලාගන්න ලැබේවි.

එහෙනම් ස්ට්‍රේන්ජර් තින්ස් සීසන් 4 එකත් ඔයාලට සුපුරුදු පරිදි පුලුවන් ඉක්මණින්ම බයිස්කෝප් අපි අරගෙන එනවා. මේ කතා සමයේ හැම එපිසෝඩ් එකකම වගේ සබ්වල ලයින් 1000 ට වඩා වැඩියි. ඉතිං වෙනද සීසන් කරනවට වඩා මෙදා පාර සීසන් එක කරන එක සාපේක්ෂව කාලය වැඩියෙන් ගත වෙන දෙයක්. ඒත් උපසිරැසිකරුවන් හැම කෙනෙක්ම වගේ පුලුවන් ඉක්මණින්ම මේ සීසන් එකත් ඔයාලා වෙනුවෙන් අරගෙන ඒවි.❤️ මාවත් මේ වැඩේට එකතු කරගත්‍ත චාමර සම්පත් අයියට ස්තූති කරන ගමන් මම සමුගන්නවා. ආයෙත් දවසක මේ වගේම ලස්සන වැඩකින් හමුවෙමු.

See you on the OTHER SIDE…

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරසිය WEB පිටපත් සඳහා අදාළ වේ.

 

Subtitle Contributor Rank

BRONZE MEMBER
JOINING DATE – 2017-12-12
SUBMAKER RATING BY ADMINS