You dont have javascript enabled! Please download Google Chrome!
Thursday , April 9 2020
Breaking News
Home / All / Street Dancer 3D (2020) Sinhala Subtitle | නර්ථනයෙන් අසීමිතව උන්මාදයට පත්වූවන්… [සිංහල උපසිරැසි සමඟ]

Street Dancer 3D (2020) Sinhala Subtitle | නර්ථනයෙන් අසීමිතව උන්මාදයට පත්වූවන්… [සිංහල උපසිරැසි සමඟ]

Rating: 7.7/10. From 92 votes.
Please wait...

” වැරදි වෙන්නේ මිනිස්සු අතින්…
ඒත් ඒ වැරදි නිවැරදි කිරීමේ හැකියාව තියෙන්නේ දෙවියන්නට නෙමේ..
ඒකට හැකියාව තියෙන්නෙත් මිනිස්සුන්ටමයි… “

බයිස්කෝප්වාසී සහෘදයින් සියලු දෙනාට සුභ දවසක්.. පොඩි නිහැඬියාවකට පස්සේ තමයි ඔබ හමුවට ආයෙත් මේ ගොඩවදින්නේ. නර්ථනය කියන්නේ හරිම සුන්දර දෙයක්. ඕනම කෙනෙක් ආදරෙන් වැළඳගන්නා දෙයක්. ඉන්දියානු සිනමාව ගත්තම නර්ථනය සහ සංගීතය කියන්නේ ඔවුන්ගේ සිනමාවේ අනන්‍යතාවයක් ගොඩනැංවීමට මහඟු ලෙස දායක වූ කලාවක්. සංගීතය මදකට පැත්තකට කරලා අපි නර්ථනය පැත්තට හැරුනොත් ඕනම චිත්‍රපටයක නර්ථන අංග නිර්මාණය කරන්නේ නර්ථන නිර්මාණකරුවා එහෙමත් නැත්නම් Choreographer (කොරියෝග්‍රැපර්) විසින්. සාමාන්‍යයෙන් චිත්‍රපටයක් ජනප්‍රිය වෙද්දී බොහෝ වෙලාවට කතා බහට ලක්වන්නේ එහි නළු නිළියන් සහ අධ්‍යක්ෂකවරයා ගැනයි. සමහරවිට චිත්‍රපටයේ ගීත සෙට් එක ජනප්‍රිය වුවහොත් එහි සංගීත අධ්‍යක්ෂකවරයා ගැන සහ ගායක ගායිකාවන් ගැන කතා බහට ලක්වනවා. නමුත් ලස්සන නර්ථනංග සහිත ගීතයක් ජනප්‍රිය වුවහොත් වැඩි දෙනා කතා වෙනුයේ ඒ නර්ථන ශිල්පියා සහ ගීතය ගැන මිසක නර්ථන නිර්මාණකරුවා(Choreographer) ගැන කතාබහට ලක්වනවා බොහොම අඩුයි. (උදාහරණයක් ලෙස පසුගිය වසරේ ශ්‍රීලාංකිකයන් අතර පවා අතිශය ජනප්‍රියත්වයට පත් Rowdy Baby ගීතයේ Choreographer ප්‍රභූදේවා බව දන්නේ කීයෙන් කී දෙනාද. ගොඩ දෙනෙක් කතා බහ කරනු ලැබුයේ දනුෂ් සහ සායි පල්ලවී ගැනයි. සංගීත අධ්‍යක්ෂක යුවන් ශංකර් රාජා ගැනත් තරමක් කතාබහට ලක්වූවා. නමුත් එහි නර්ථන අංග සහ එම ගීතය රිදී තිරයට නැංවීමේ කන්සෙප්ට් එක නිර්මාණය කරනු ලබන්නේ එහි Choreographer විසිනි. නමුත් ගීතය රසවිඳ එය වර්ණනා කල අයගෙන් ප්‍රභූදේවා ගැන කතා කරන්නට ඇත්තේ කීයෙන් කී දෙනාද? )

 

– ප්‍රභුදේවා රවුඩි බේබි ගීතය රූගත කිරීම් අතරතුරදී –

Choreographer වරු ගැන කතාකරොත් ඉන්දියානු සිනමාවට නර්ථන ආභාෂය ඈඳුණු දවසේ පටන්ම අතිදක්ෂ නර්ථන නිර්මාණකරුවන් ඔවුන්ගේ සිනමා කර්මාන්තය නර්ථන කලාවෙන් වර්ණවත් කරන්නට දිවි හිමියෙන් ඇපකැප වෙන්නට ඇති. නමුත් ඒ කලාකරුවන්ගේ මොනතරම් දක්ෂයින් සහ ඔවුන්ගේ කැපකිරීම් මොනතරම් ශ්‍රේෂ්ඨ වුවත් ඔවුන්ගේ නාමයන් මිනිසුන් අතරට යාම හරිම කලාතුරකින් සිදුවන්නක්. එදා සිට අද දක්වා සිනමාව තුල මොනතරම් Iconic ගීත නිර්මාණයන් බිහිවුවත්, මොනතරම් Iconic ඩාන්සින් ස්ටෙප්ස් බිහිවුවත් බොහෝ දෙනෙක්ගේ හිතේ රැඳී තිබෙනුයේ එය රඟ දැක්වූ නළුවා හෝ නිළියගේ ඡායාව මිසක ඒවාගේ නිර්මාණකරුවා නොව. ඒ නිසාවෙන් සිනමා ලොවේ කිරුළු නොපැලඳු සුපිරි තරු ලෙසින් එම නර්ථන නිර්මාණකරුවන් (Choreographers) හඳුන්වන්නට පුළුවන්.

– බොලිවුඩයේ මුල් පෙළ නර්ථන අධ්‍යක්ෂකවරුන් කිහිපදෙනෙක් –
(මේ ලයිස්තුවේ නොමැති තවත් බොහෝ දෙනෙක් සිටී)

ඉතින් බොලිවුඩයේ (Choreographers) ලා ගැන කතා කරොත් රමේෂ් ගෝපී එහෙමත් නැත්නම් Remo D’Souza ගැන අමතක කරන්න බැහැ. සිහින සැබෑ කරන නගරය වන මුම්බායි වෙත ගමේ ඉඳන් පැමිණෙන රෙමෝ සිනමාවට ඔලුව දාන්නේ අමිර්කාන්, උර්මිලා රඟපෑ රංගීලා චිත්‍රපටයේ එන “යයි රේ යයි රේ ජෝර් ලගාකේ නාචේ රේ..” (Rangeela re) ගීතයේ පසුබිම් නර්ථන ශිල්පියෙකු වශයෙන්. එවකට එම ගීතයේ Choreographer වූ අහමඩ් කාන් විසින් රෙමෝව උර්මිලා සමග පසුබිම් නර්ථනය සඳහා තෝරාගනු ලබනවා. එදා පසුබිම් නර්ථන ශිල්පියාගේ පටන් අද චිත්‍රපට අධ්‍යක්ෂකවරයෙක් දක්වා වන ගමන රෙමෝ ඩී සවුසා එන්නට ඇත්තේ මහත් කටුක අද්දැකීම් මධ්‍යයෙන් බව නිසැකයි. පසුබිම් නර්ථනයෙන් පසු ඔහු නර්ථන නිර්මාණකරණයට(Choreography වලට) යොමු වූ අතර ඔහු අතින් බොලිවුඩයේ අතිශය ජනප්‍රිය ගීතයන් රැසකට නර්ථනඅංග නිර්මාණය වී තිබෙනවා. මෑත කාලයේ පැමිණි ඒවායින් උදාහරණයකට ගතහොත් Disco Deewane, BadtameezDil, Balam Pichkar, Sunn Saathiya, Deewani Mastani, Pinga, Ghar More Pardesiya යනු රෙමෝ නර්ථන අධ්‍යක්ෂණය කල ජනප්‍රිය සම්මානලාභී ගීත කිහිපයකි. පහතින් දැක්වෙන්නේ ඔහු නර්ථන අධ්‍යක්ෂණය කල ගීත අඩංගු චිත්‍රපට ලැයිස්තුවයි.

– රෙමෝ ඩී සවුසා සහ ඔහු නර්ථන අධ්‍යක්ෂණය කල චිත්‍රපට ලැයිස්තුව –

මං කලිනුත් කිව්වනේ බොලිවුඩයේ Choreographer ලාට තියෙන තැන ටිකක් අඩුයි කියලා. නමුත් ඇගයීමක් ලැබෙන්න අවශ්‍ය දෙයක් හැමදාමත් සැඟවී තිබෙන්නේ නැහැ. කවදා හෝ එය නැගී සිටිනවා නිසැකයි. ඒ බව පසක් වූයේ 2000 දශකයේ අවසන් සමයේ ඉන්දියානු ටෙලිවිෂන් කලාවට පැමිණි රියැලිටි උණුසුම නිසාවෙන්. ඉන්දියානු රියලිටි කලාවට එකතු වුනු Dance India Dance තරඟාවලිය ඉන්දියානු ටෙලිවිෂන් රියලිටි කලාව උඩු යටිකුරු කරන්නට සමත් වූවා. එහි විනිශ්චය කටයුතු සඳහා රෙමෝ සමගින් බොලිවුඩයේ අතිදක්ෂ නර්ථනනිර්මාණකරුවන් දේපලක් වන ගීතා කපූර් සහ ටෙරන්ස් ලුවිස්ට අවස්ථාව හිමිවූවා. එමෙන්ම එහි Grand Master ලෙසින් කටයුතු කරනු ලැබුයේ මිථුන් චක්‍රබෝර්ති විසින්. ඉතින් මෙවන් රියලිටි තරඟාවලි වලදී දේශයේ අති දක්ෂ නර්ථන ශිල්පීන්ව හඳුනාගන්නට ලැබෙනවාට අමතරව බොලිවුඩ් දක්ෂ නර්ථන අධ්‍යක්ෂකවරුන් තුන්පලක් වූ රෙමෝ, ගීතා, ටෙරන්ස් තිදෙනාගේ නර්ථන නිර්මාණයන්ද එම තරඟකරුවන්ගේ ඉදිරිපත් කිරීම් හරහා ප්‍රේක්ෂකයින්ට දැකගන්නට ලැබෙනවා. එමෙන්ම මොවුන්ගේ අදහස්, නවකයින්ට දක්වන ගෞරවය නිසාවෙන් ඔවුන් ඉතා ඉක්මනින් රූපවාහිණිය ඉදිරිපිට සිට බලාසිටිනා ප්‍රේක්ෂකයින්ගේ සිත් තුලට ගමන් කරනු ලැබුවා. ඇත්තටම රෙමෝ, ගීතා ටෙරන්ස් වැන්නන් ගැන මිනිසුන් බහුල වශයෙන් හඳුනාගනු ලැබූයේ මෙම රියලිටි තරඟාවලිය නිසාවෙනි. මෙම තරඟාවලි මාලාවෙන් පසුව බොලිවුඩයේ Choreographer වරුන්ට මිනිසුන් තුල තිබු ගෞරවය වැඩි වන්නට වූවා මෙන්ම මෙවන් පිරිසක්ද ක්ෂේත්‍රයේ සිටින බව මිනිසුන්ට හඳුනාගන්නට ලැබුනා. එමෙන්ම රෙමෝ, ගීතා, ටෙරන්ස් වැන්නන් කොතරම් නිහතමානීද කියනවානම් මෙම තරඟාවලි වලින් ඉදිරියට පැමිණෙන දක්ෂ නර්ථන ශිල්පීන්ගේ දුෂ්කරතාවයන් වලට ඔවුන් පෞද්ගලිකව මැදිහත් වෙමින් මෙන්ම එම තරඟාවලි වලින් පසුව ක්ෂේත්‍රයේ තමන්ගේ අනන්‍යතාවයක් ගොඩනංවා ගැනීම සඳහා අවශ්‍ය දොරටුන්ද විවර කර දෙන්නට මොවුන් කටයුතු කරනු ලැබුවා. අද වනවිට Dance India Dance, Dance Plus වැනි මෙම රියලිටි තරඟ වලින් ඉහලට ආ තරුණයින් බොලිවුඩ් ක්ෂේත්‍රයේ දක්ෂ නළුවන්, නර්ථන ශිල්පීන්, නර්ථන නිර්මාණකරුවන් බවට පත්වී ක්ෂේත්‍රයේ ඉහල තැන් වල වැජඹෙනු දකින්නට ලැබෙනවා. රාහුල් ශෙට්ටි, පියුෂ් බගත්, ධර්මේෂ්, පුනීත්, රාඝව් ජුයාල්, සල්මන් යුසුෆ්, ශක්ති මෝහන්, ස්නේහා කපූර්, තුශාර් කල්ලා, අමර්දීප් සිං ආදී අති විශාල තරුණ නර්ථන නිර්මාණකරුවන් රැසක් මේ වනවිට ඔවුන් විසින් වර්තමානයේ ක්ෂේත්‍රයට හඳුන්වාදෙනු ලැබ තිබෙනවා.

– Dance India Dance සහ Dance Plus තරඟාවලි වල නිල ලාංඡන –

රියලිටි තරගාවලියක් පැවැත්වීමේ අරමුණ හොඳින්ම අවබෝධ කරගත් පිරිසක් ලෙස රෙමෝ, ගීතා, ටෙරන්ස් හඳුන්වන්න පුළුවන්. සාමාන්‍යයෙන් රැල්ලට ගහෙන් ගෙඩි එන්න වගේ වර්තමානයේ රියලිටි තරඟාවලි බිහිවූවත් එයින් ජයගන්නා හෝ අවසන් වට වලට පැමිණෙන තරඟකරුවන් රියලිටි තරඟාවලිය අවසන් වූවායින් පසු දැල් දමාවත් සොයාගන්නට බැරි වනවා. ඔවුන්ට SMS කරපු මිනිස්සුන්ටත් ඒ අයව අමතක වී ගොස් ඔවුන්ටත් එය තවත් එක ඉවෙන්ට් එකක් වෙන එක තමයි සාමාන්‍යයෙන් බහුතරයක් රියලිටි තරඟාවලි වලින් පසුව වන දේ සහ ලංකාවේ අපිට නම් හුරු දේ. නමුත් මොවුන් මුල් පුටු හෙබවූ DID තරඟාවලිය පැවති සමයේ එම තරඟාවලිය ඉතාමත් ගුණාත්මක අන්දමින් පැවති අතර රටේ නන්දෙසින් පැමිණි දක්ෂයින් එයින් ඉස්මතු වූ අතර ඔවුන්ව ක්ෂේත්‍රය තුල අද වනවිට කොතරම් ස්ථාවරව සිටිනවාද කියනවනම් ලංකාවේ පවා ඔවුන්ට රසිකයින් සිටිනු දැකීමම ඔවුන්ගේ සාර්ථකත්වයට හොඳම උදාහරණයක්. (රාඝව්, ධර්මේෂ්, පුනීත්, ශක්ති, ප්‍රින්ස්, සල්මන් යූසුෆ් ඊට උදාහරණයක්.) ඊට අමතරව මෙම තරඟාවලි වලින් ඉස්මතු වන දක්ෂ තරුණ කලාකරුවන් මිනිසුන්ට අමතක වී යන්නට මත්තෙන් සිනමා ක්ෂේත්‍රයට රැගෙන එන්නට ඒවයි මුල්පුටු හෙබවූ ජ්‍යෙෂ්ඨ කලාකරුවන් විසින්ම පියවර ගැනීම ඔවුන්ගේ නිහතමානිබව මනාවට විදහා පාන්නක්. එම තරඟ විනිශ්චයට ලැබෙන ගාස්තුව, පෞද්ගලික ජනප්‍රියත්වය, TRP රේටින්, වෙළඳ දැන්වීම්, දුරකථන සමාගම් වලින් ලැබෙන ලාභය වැනි ආත්මාර්ථකාමී අරමුණු වලට මුලා නොවී එයින් එහාට ගිය සමාජීය වැදගත්කමකින් යුතු කාර්යයක් ලෙසින් සලකා එම තරඟ වලින් ඉදිරියට පැමිණෙන දක්ෂ තරුණයින් යලි පරව යන්නට මත්තෙන් සහ ඔවුන්ට මනාප පල කල සහ එම තරඟාවලි වැලඳගත් ප්‍රේක්ෂකයින් ඒ කෙරෙහි තැබූ විශ්වාසයට අසාධාරණයක් නොවන අයුරින් ක්ෂේත්‍රයේ ජ්‍යෙෂ්ඨයින් වශයෙන් එම තරුණයින්ට ක්ෂේත්‍රයේ දොරටු විවෘත කර දීම සහ ප්‍රේක්ෂකයින් හට ඔවුන් ආදරය කල තරඟකරුවන් නැවත දැකගන්නට අවස්ථාව ලබාදීම යුතුකමක් කරගෙන කටයුතු කිරීම ඇත්තටම අගය කල යුත්තක්. ඒ අනුව තමයි රෙමෝ ඩී සවුසා විසින් නර්ථනයම මූලික කරගත් ABCD කතා මාලාව සිනමාවට නැගෙන්නේ..

– ටෙරන්ස්, රෙමෝ, ගීතා කපූර් –

– ABCD: Anybody Can Dance (2013) –
Release Date – 2013 පෙබරවාරි 08
Directed by – Remo D’Souza
Produced By – Siddharth Roy Kapur, Ronnie Screwvala ( Disney – UTV )
Budget- ඉන්දියානු රුපියල් කෝටි 20 යි.
Box office – ඉන්දියානු රුපියල් කෝටි 76 යි.

Dance India Dance තරඟාවලියේ පළමු අදියරයන් කිහිපය ලොවපුරා අතිශය ජනප්‍රිය වන්නට වූවා. එහිදී කැපී පෙනෙන තරඟකරුවන් වූ Salman Yusuff Khan, Salman Yusuff Khan, Dharmesh Yelande, Lauren Gottlieb, Punit Pathak, Noorin Shah, Vrushali Chavan, Bhavana Khanduja, Paulson Thomas, Prince R Gupta, Mayuresh Wadkar, Tushar Kalia, Rahul Shetty යොදාගනිමින් නර්ථනය මූලික කරගත් චිත්‍රපටයක් නිපදවන්නට රෙමෝ ඩී සවුසා තීරණය කරනු ලබනවා. ඒ ඉහත සඳහන් කල රියලිටි තරඟාවලියෙන් පසුව එම තරඟකරුවන් හට සිනමා ක්ෂේත්‍රයේ දොරටු විවෘත කර දීමේ අරමුණින්. ඒ අනුව 2013 වසරේදී රෙමෝ ඩී සවුසා විසින් ABCD: Anybody Can Dance චිත්‍රපටය ඩිස්නි-UTV සමාගම්ද එක්ව නිර්මාණය කරනු ලබනවා. ඒ ඉන්දියානු නර්ථනයේ සුපිරි තරුව ප්‍රභූ දේවා සහ අතිදක්ෂ නර්ථන අධ්‍යක්ෂක ගනේෂ් ආචාර්යා දෙපලගේද රංගන දායකත්වයෙන්. එමෙන්ම කේ කේ මෙනන්, පංකජ් ත්‍රිපාටි එහෙමත් මේ සඳහා රංගන දායකත්වය සපයනු ලැබුවා. මෙය 3D තාක්ෂණයෙන්ද නිකුත් වූ අතර මෙය ඉන්දියානු සිනමාවේ නර්තනය පදනම් කරගෙන නිර්මාණය කෙරුණු පළමු චිත්‍රපටය ලෙස නම් වනවා.

 

– Any Body Can Dance 2 / Disney’s ABCD 2 (2015) –

Release Date – 2015 ජුනි 19
Directed by – Remo D’Souza
Produced By – Siddharth Roy Kapur, ( Walt Disney Pictures )
Budget- ඉන්දියානු රුපියල් කෝටි 52 යි.
Box office – ඉන්දියානු රුපියල් කෝටි 165 යි.

ABCD: Anybody Can Dance පළමුවැන්නෙන් ලබපු සාර්ථකත්වය සහ මිනිසුන් එය වැළඳගත් ආකාරයත් එක්ක ABCD, චිත්‍රපට මාලාවක් ලෙස ඉදිරියට අරගෙන යන්න රෙමෝ තීරණය කරනු ලබනවා. මේ සමය වනවිට රෙමෝ DID තරඟාවලිය විනිශ්චය අවසන් කොට තිබූ අතර ABCD පළමුවැන්නට රංගනයෙන් එක්වූ DID තරඟකරුවන් වූ ධර්මේෂ්, පුනීත් ඒ වනවිට ක්ෂේත්‍රයේ හොඳ නමක් දිනාගෙන සිටියා. එමෙන්ම DID තුන්වන අදියරේදී මුළු ලෝකයේම අවධානය දිනාගන්නට සමත් වුනු ස්ලෝ මෝෂන් කින්ග් රාඝව් ජුයාල්ද ඒ වනවිත ඉහල ජනප්‍රියත්වයකින් යුතුව පසුවූවා. ඉතින් මොවුන්ව සහය නළුවන් ලෙස යොදාගනිමින් වරුන් ධවාන් සහ ශ්‍රද්ධා කපූර් ප්‍රධාන චරිත නිරූපණයෙන් ABCD කතා මාලාවේ දෙවැන්න සිනමාවට නගනු ලැබුවා. මෙහි විශේෂත්වය නම් මෙය සත්‍ය කතාවක් පදනම් කොටගෙන නිර්මාණය කරන ලද්දක් වන අතර ඊට පදනම් කරගෙන තිබුනේ ඉන්දියාවේ Kings United නර්ථන කණ්ඩායමේ නර්ථන අධ්‍යක්ෂකවරයා වන සුරේෂ් මුකුන්ද්, එවකට ඔහු සහ ඔහුගේ මිත්‍රයා වන වර්නන් සමග එක්ව පිහිටුවාගෙන සිටි Fictitious Dance Crew නර්ථන කණ්ඩායම World Hip Hop Dance Championship තරඟාවලියට සහභාගී වී ඉන්දියාවට එහි අටවෙනි ස්ථානය දිනාදීමේ කතාවයි. චිත්‍රපටයේ Sun Sathiya ගීතය මහත් ජනප්‍රියත්වයට පත්වූවා.

එමෙන්ම අමතර කරුණක් වශයෙන් චිත්‍රපටය නිකුත් වීමෙන් කලකට පසු සුරේෂ් සහ වර්නන්ගේ එම නර්ථන කණ්ඩායමද දෙකඩ වී යන අතර සුරේෂ් සහ එහි තවත් සාමාජිකයින් කිහිපයක් එක්ව ඉන්පසු Kings United නර්ථන කණ්ඩායම පිහිටුවන අතර වසර හතරක කටුක කාල සමයකින් පසු ඔවුන් පහුගිය 2019 වසරේදී NBC’s World of Dance නර්ථන තරඟාවලියේදී ලොව සියලුම දක්ෂ නර්ථන ශිල්පීන් අභිබවමින් ශූරතාවය දිනාගනු ලබනවා. මේ වනවිට සුරේෂ් Dance Plus රියලිටි තරඟාවලියේ විනිශ්චයකරුවෙක් ලෙසින් කටයුතු කරනවා.

– Street Dancer 3D (2020)-

Release Date – 2020 ජනවාරි 24
Directed by – Remo D’Souza
Produced By – Bhushan Kumar, Krishan Kumar & Lizelle D’Souza under the banners T-Series & Remo D’Souza Entertainment
Budget – ඉන්දියානු රුපියල් කෝටි 70 යි.
Box office – ඉන්දියානු රුපියල් කෝටි 95.86 යි. (නිල නොලත්)

ABCD දෙවැන්නෙන් පසු රෙමෝ චිත්‍රපටි කිහිපයක්ම සිනමාවට නැගුවත් ඒවා ලොකු සාර්ථකත්වයක් පෙන්වන්නට සමත් වුයේ නැහැ. ABCD2 සිට මේ දක්වා වසර පහක කාලයක් ගතවී තිබෙන අතර ඒ අතරතුර රෙමෝ තමන්ගේ ප්‍රධානත්වයෙන් Star Plus හි Dance Plus නර්ථන තරඟාවලිය මෙහෙයවමින් සිටියා. මේ වනවිට DID තරඟාවලියෙන් ඔහු ක්ෂේත්‍රයට අලුත් මුහුණු කීපයක් හඳුන්වාදී වසර කිහිපයක් ගතවී තිබෙන අතර ඔවුන් ක්ෂේත්‍රය තුල තමන්ගේ අණසක උපරිමයෙන් පතුරවාගෙන සිටියා. ධර්මේෂ්, පුනීත්, ශක්ති මෝහන්, රඝව් ජුයාල්, සල්මන් යූසුෆ් වැන්නන් මේ වනවිට ක්ෂේත්‍රයේ දක්ෂ නර්ථන අධ්‍යක්ෂකවරුන්, රියලිටි වැඩසටහන්වල විනිශ්චයකරුවන්, චිත්‍රපට නළුවන්, රියලිටි වැඩසටහන් මෙහෙයවන්නන්(Anchors) බවට පත්ව තිබුනා. ඊට අමතරව DID තරඟාවලියෙන් ඉදිරියට පැමිණි තවත් තරඟකරුවන් රැසක් ක්ෂේත්‍රයේ විවිධ තැන්වල තමාගේ වෘත්තීමය තත්වයන් නිර්මාණය කරගනිමින් ක්ෂේත්‍රයේ රැඳී සිටියා. ඉතින් මේ කාල සමය අතරතුර පැවැත්වෙමින් තිබුණු Dance Plus තරඟාවලියෙන් නර්ථන ක්ෂේත්‍රයේ මීළඟ පරම්පරාව බිහිවෙමින් තිබුනා. එහි විනිශ්චයන්හි යෙදී සිටියේ DID තරඟාවලින් ක්ෂේත්‍රයට පැමිණ වර්තමානයේ දක්ෂ නර්ථන නිර්මාණ කරුවන සිටින ධර්මේෂ්, පුනීත්, ශක්ති මෙන්ම සුපර් ජජ් ලෙස කටයුතු කෙරුනේ රෙමෝ ඩී සවුසා විසින්.

– ධර්මේෂ්, ශක්ති, පුනීත් –

– Dance Plus Super Judge Remo –

ඉතින් Dance Plus වෙතින් අදියරෙන් අදියර ගතවෙද්දී රටේ නන්දෙසින් පැමිණි දක්ෂයින් එකින් එක ඉස්මතු වෙද්දී 2009-12 සමයේ DID තුලින් ක්ෂේත්‍රයට දක්ෂයින් එක්වූවා මෙන්ම එහි ඊළඟ පරපුර මග එන බවක් දක්නට ලැබුනා. ඒ අනුව රෙමෝ ABCD නර්ථන චිත්‍රපට මාලාවේ ඊළඟ අදියර ඔවුන් සමගින් දිග හරින්නට සැලසුම් කරනු ලැබුවා. නමුත් ABCD (Any Body Can Dance) ටයිටල් නේම් එකේ අයිතිය තිබෙන්නේ Disney ආයතනයටයි. එහෙත් Disney ආයතනය ඉන්දියාවේ තවදුරටත් ව්‍යාපාර කටයුතු කිරීමෙන් ඉවත් වීම නිසාවෙන් රෙමෝට ABCD ටයිටල් නේම් එක මිලට ගැනීම හෝ වෙනත් නමකින් චිත්‍රපටය නිර්මාණය කිරීම යන තීරණ දෙකෙන් එකකට එන්නට සිදු වුනා. Disney සමාගමෙන් ABCD3 නම මිලට ගැනීම විශාල මුදලක් වැය කරන්නට වෙන කාර්යයක් නිසාවෙන් රෙමෝ TSeries ආයතනයේ නිෂ්පාදන දායකත්වයෙන් StreetDancer3D යන ටයිටල් නේම් එකට එන්නත තීරණය කරනු ලබනවා. ඉතින් ඩිස්නිලා නැති වුනත් ABCD3 කියල නම නොතිබුනත් සුපුරුදු අයුරින්ම නර්ථනය ප්‍රමුඛ කරගත් දැවැන්ත චිත්‍රපටයක් බොලිවුඩයට දායක කිරීමට රෙමෝ සැලසුම් කරනු ලබනවා. DID නර්ථන ශිල්පීන්ට අමතරව මේ සඳහා ඔහුගේ ගවේෂණය වූයේ Dance Plus තරඟාවලියෙන් කැපී පෙනෙන දක්ෂතා පෙන්වන තරඟකරුවන්. ඒ අනුව Varthika Jha අති දක්ෂ පොපින් නර්ථන ශිල්පිනිය Dance Plus Season 4 තරඟාවලිය පැවැත්වෙන අතරමගදීම මේ චිත්‍රපටයට තෝරාගන්නට රෙමෝ තීරණය කර සිටිනවා. එමෙන්ම Dance Plus Season 2 හි 4 වන ස්ථානය දිනාගත් අතිදක්ෂ ලිරිකල් ෆීල් ඩාන්සර් කෙනෙක් වන Sushant Khatri ද මෙහි කැපී පෙනෙන රංගනයක නිරත වෙනවා. ඊට අමතරව තවත් Dance Plus හි දක්ෂ නර්ථන ශිල්පීන් රැසක් මෙහි තම රංගන දායකත්වය සපයනවා.

– Varthika Jha සහ Sushant Katri –

ඒ වගේම එයාලට අමතරව ABCD කතා මාලාවේ කලින් චිත්‍රපටිවල හිටපු සල්මන් යූසුෆ්, ධර්මේෂ්, පුනීත්, රාඝව්, සුශාන්ත් පුජාරි ඇතුළු ඒ නළු නිලි සෙට් එකත් StreetDancer3D හිදී ඔබට දැකබලාගන්න පුළුවන්. ඒ මෙන්ම සුපුරුදු පරිදි මේ චිත්‍රපටයෙත් ප්‍රධාන චරිත නිරූපණය කරන්නේ වරුන් ධවාන්, ශ්‍රද්ධා කපූර් සමගින් ප්‍රභූදේවා විසින්. එමෙන්ම අලුතෙන්ම මේ සඳහා වර්තමානයේ බොලිවුඩයේ අයිටම් ක්වීන් නෝරා ෆටේහිද රංගන දායකත්වය සපයනවා.

 

 

විශේෂම කාරණය නම් ලොවක් වැළඳගත් 1994 දී ප්‍රභුදේවා රඟපෑ Kadhalan චිත්‍රපටයේ එන Muqabala Muqabala ගීතය මේ චිත්‍රපටය සඳහා රීමේක් කොට තිබෙනවා.1994 දී අතිදක්ෂ ශංකර් අධ්‍යක්ෂණයෙන් සහ ඔස්කාර් සම්මානලාබී ඒ. ආර්. රහුමාන් සංගීත අධ්‍යක්ෂණය කල කාදලන් චිත්‍රපටයේ ප්‍රබූදේවා සහ නාග්මා රංගනයේ නිරත වූ මුකාබලා ගීතය සහ එහි ප්‍රභූදේවාගේ Dance Steps භාරත සිනමාව තුල එකල අතිශය ජනප්‍රිය වන්නට වූවා. කාදලන් චිත්‍රපටය මෙන්ම ගීත ඇල්බමයද දමිල, හින්දි, තෙලුඟු භාෂා තුනෙන්ම නිකුත් වූවා. ගීත ඇල්බමය වෙනුවෙන් රහුමාන් ෆිල්ම්ෆෙයා හොඳම සංගීත අධ්‍යක්ෂණයට හිමි සම්මානයද දිනාගනු ලැබුවා. එය ගායනා කරනු ලැබුවේ මනෝ, ස්වර්ණලතා සහ රහුමාන් විසින්. පද රචනය වාලි(දමිල), පී.කේ.මිශ්රා(හින්දි), රාජශ්‍රි(තෙලුඟු) විසින්. මෙය ඉන්දියානු සිනමාවේ Iconic ගීතයක් මෙන්ම නර්ථන ක්ෂේත්‍රයේද ප්‍රතිමාදර්ශී Dancing Song එකක් වනවා. ඉතින් මේ ගීතය StreetDancer චිත්‍රපටය වෙනුවෙන් නැවත ප්‍රතිනිර්මාණය(රීමේක්) කර තිබෙනවා. වසර 26 කට පසු යලි ප්‍රභූදේවාම මේ සඳහා නර්ථනයේ යෙදීම විශේෂත්වයක්. අලුත් ගීතය සඳහා Yash Narvekar සහ Parampara Thakur ගායනයෙන් සහ සංගීතය Tanishk Bagchi විසින් සිදු කර තිබෙනවා. විශ්වාසයෙන් කියන්නම් වසර 26 කට පසු වුවද ප්‍රභූදේවා මුඛාබලා ගීතය සඳහා නර්ථනයේ යෙදෙන කොටස ඔබ ඇස් ඉවතට නොගෙන බලා සිටිනු නිසැකයි.

ඒ වගේම දිගටම මියුසික් ඇල්බම් එක ගැන කතා කරොත් මේ චිත්‍රපටයේ මියුසික් ඇල්බම් එකේ තියෙන ගීත දෙකක් තුනක් හැරුණු කොට අනෙක් සියල්ලම පාහේ නැවත ප්‍රතිනිර්මාණය කරපු ගීත වීම විශේෂත්වයක්. ඒත් මියුසික් ඇල්බම් එක ගොඩක් ලොකු එකක්.

ඉතින් මේ හැමදේම එක්කලා අන්තිමට මේ එන්නේ නර්ථනය පදනම් කරගත් ඩාන්සින් මූවි එකක්. ඉතින් ඩාන්සින් මූවි එකක මූලිකම දේ ඩාන්සින් නෙහ්.. නමම අරගත්තොත් ස්ට්‍රීට් ඩාන්සර්. ඉතින් ඔයගොල්ලෝ දන්නවා ඇති, දැකල ඇති, වීඩියෝ බලල ඇති ස්ට්‍රීට් ඩාන්ස් කියන්නේ අපි රියලිටි ෂෝ වලවත් රූපවාහිණි තිරයේවත්, චිත්‍රපටයක දකින විදිහේවත් නර්තනයක් නෙමේ. ස්ට්‍රීට් ඩාන්ස් කියන්නේ එක්තරා උමතුවක්. ස්ට්‍රීට් එක, එක ගොල්ලක්ට අයිති නැහැ. ස්ට්‍රීට් එක හැමෝටම අයිතියි. කාටවත් කියන්න බැහැ මේ හරිය මගේ මේ හරිය අර අයගේ කියලා. මාර්ගය හැම කෙනෙක්ටම අයිතියි. ස්ට්‍රීට් ඩාන්සින් වල ලොකු නිදහසක් තියෙනවා, සීමාවක් නැති සිතුවිලි තියෙනවා, සැලසුම් කරපු නර්ථනයකට වඩා තමන්ගේ හිතට එන ස්ටෙප් එක ගලපලා ගන්න එකයි එතන තියෙන කලාව. අහුවෙන තැනක නටන එක ඒ අයගේ කලාව. වෙලාවකට පාර අයිනේ, වෙලාවකට බීච් එකේ, වෙලාවකට කාර් උඩ, වෙලාවකට පාලම්වල.. ආදී කිසිවකු නොසිතු තැන්වල සීමාවක් නැති, නීතිරීති නැති, නිදහස උපරිමයෙන් විඳිමින් නර්ථනය කරන එක තමයි ස්ට්‍රීට් ඩාන්සර්ස් ලගේ කලාව. ප්‍රකාශ කරන්න තියෙන හැමදෙයක්ම නර්ථනය හරහා ප්‍රකාශ කරන එක තමයි ඒ අයගේ කලාව. Battle එකක් උවත්, සහෝදරකමක් වුවත්, රණ්ඩුවක් වුවත් නර්ථනය හරහා ප්‍රකාශ කරන එක තමයි ස්ට්‍රීට් ඩාන්සර්ස්ලගේ ගතිය. දාඩිය බිඳුවක් තරමේ දෙයක් පවා ඩාන්සින් ස්ටෙප් එකකට ගලපා ගැනීම ඒ අයගේ ටැලන්ට් එක. මේ හැමදේම ගලාගෙන යන්නේ ඒ නර්ථන ශිල්පීන් තුල නර්ථනය කෙරෙහි තියෙන උමතුම මත. නීති හදන එක, නීති කඩන එක, ඒ අයගේ හැටියක්. නමුත් කාරණය නම් සමාජය ඒ අය පිළිගන්නේ නැති එක. ඒ අය තමන්ගේ නර්ථනයෙන් කියා සිටින්නේ බොහෝ වෙලාවට ” අපිව අඳුරගන්න, අපේ හැකියාව අඳුරගන්න, අපිව හඳුනාගන්න, අපිට මෙය විඳින්න ඉඩ දෙන්න… ” කියන කාරණය. නමුත් කිසි කෙනෙක් ඔවුන්ව හඳුනගන්නේ නැහැ. ඒ අය තමන්ගේ අසීමිත කැප කිරීම මතින්ම දෙයක් ගොඩනගා ගන්නවා මිසක ඔවුනට සමාජයෙන් අතහිතක් ලැබෙනවා බොහොම අඩුයි. සොයා බැලුවොත් ඉන්දියාවේ හෝ වේවා ලෝකයේ හෝ වේවා අතිදක්ෂ නර්ථන ශිල්පීන් සියල්ල වසර ගණනක් පුරා නිවසින් කොන්වෙලා සමාජයෙන් කොන් වෙලා තමන්ගේ ටැලන්ට් එක මත පමණක් විස්වාසය තියාගෙන වසර ගණනක් වෙහෙසිලා නර්ථනයෙන් නමක් උපයගත්තු අය. නර්ථනය කියන කලාවෙන් වෘතිමය අනාගතයක් තියෙනවද කියන සැකය දෙමාපියන්ට මෙන්ම මුළු සමාජයටම තියෙන අවිස්වාසයක් නිසා ඔවුන්ට කිසිම තැනක අවස්ථාවක් ලැබෙන්නේ නැහැ හිස ඔසවන්න. ඔවුන් තනිවම තමන්ගේ හැකියාව මත පමණක් විශ්වාසය තබාගෙන නර්ථනයට ඇති උමතුව නිසාවෙන්ම තනිව තමන්ගේ ප්‍රතිරූපය ගොඩනගාගන්නවා. ඔවුන්ගේ ඒ කැපකිරීම්, ඔවුන්ගේ ඒ ගමන, ඔවුන්ගේ ඒ හාඩ්වර්ක්, ඔවුන්ගේ ඒ ටැලන්ට් එක අපි හැමෝටම ආදර්ශයක්…

ඔබ දන්නවා ඇති ඉන්දියාව සහ පාකිස්ථානය කියන්නේ ජාතිවාදය සහ ජාතිකත්වය හිසමුදුනේ තියාගෙන ඉන්න රටවල් දෙකක්. ඒ දෙගොල්ලෝ අතරේ තියෙන ප්‍රශ්නය එදා ඉදන්ම අපිට අහන්න දකින්න ලැබෙනවා. නමුත් දෙකේම ඉන්නේ මිනිස්සු කියන එක පෙනෙන්නේ පිට ඉන්න අපිට විතරයි. මේකයි සීන් එක. ඔය දෙකෙන්ම එංගලන්තයට පැමිණ වාසය කරන ස්ට්‍රීට් ඩාන්සර්ලා සෙට් දෙකක් වටා තමයි මේ චිත්‍රපටයේ කතාව ගොඩනැගිලා තියෙන්නේ. Team Street Dancers සහ Team Rule Breakers තමයි ඔවුන්ගේ අනන්‍යතාවයන්. ස්ට්‍රීට් ඩාන්සර්ස්ලා ඉන්දියාවෙන්, රූල් බ්‍රේකර්ස්ලා පාකිස්ථානයෙන්. ඒ වගේම තමයි මේ දෙගොල්ලන්ගේම පෙලැන්තිය ගත්තොත් ප්‍රධාන චරිත කිහිපය නම් ටිකක් ඉහල පෙලැන්තියේ අය කියල කියන්න පුළුවන්. කාරණය තමයි මේ අය මුණගැහෙන පලවෙනි දවසේ ඉදන්ම ඉන්දියානු-පාකිස්ථානු බේදය ඔලුවේ තියාගෙන නිතරම ගැටෙන එක. ඉතින් චිත්‍රපටිය පුරාවටම ඔබට මෙයාලා නර්ථනයෙන් තම තමන්ගේ ප්‍රකාශනය ඉදිරිපත් කරන හැටි බලාගන්න පුළුවන්..

අද කාලයේ මෙන්ම අතීතයේ පවා සමානාත්මතාවය වගේ දේවල් වචන වලට පමණක් සීමා වුන කාරණාවන් විදිහට හඳුවන්න පුළුවන්. ඉතින් පහලම පන්තියේ සිටින අය විඳිනා දුක් කම්කටොලු මෙතරම් යැයි කියලා මිනුම් කොට දක්වන්නට බෑ, එලෙසින් සැමදා බැට කන පහලම පන්තියෙ බහුතරයක් විදේශ ගතව තමන්ගේ දුක් ගැහැටයනට සහනය ලබාගන්නට උත්සුක වීම සාමාන්‍ය කරුණක්.! මිල්ල සොයා යන්නට සැරසෙන මේ ගමනේදී නීති රීතින්ට තවත් යටත්ව ඒ කරා යාමට උත්සුක වන්නේද නෑ. මොකද කියනවනම් ඔවුන්ගේ අසරණකම ඒ කිසිම ලියකිවිල්ලකින් පෙන්වාගන්න බැරි නිසාවෙන්. මේ ගමන යාමේදි මොවුන් රටක තිබෙන ආගමන විගමන නීතීන්ට ඔච්චම් කරනවා. ඒ නීතී තමන්ගේ සතුරන් ලෙසින්ද දැකීමටත් පෙළඹි සිටිනවා. ඒ ඔවුනට නැතිමදේ මුදල් නිසා. නීතියට පිටින් නීතීරීතී බිඳිමින් තමන්ගේ සහ තම පවුලෙ අභිවෘද්ධිය උදෙසා යන්නට යෙදන මොවුන් නිරායාසයෙන්ම එකාන්තයෙන්ම ජාවාරම්කරුවන්ගේ ග්‍රහනයට අසුවීම සුලබයි, නියතයි.! ජාවාරම්කරුවන්ගේ නින්දිත පහත් ක්‍රියාවන්ගෙ අවසාන ප්‍රථිපලය නම් ගව්ගානක් ඈතක කාත් කවුරුවත් නොදන්නා භූමියක මිනිස්සුන්ට මේ ලෝකයේම තිබෙන මානුෂීය අයිතිවාසිකම් පවා සිහිනයක්ව බියෙන් සැඟවෙමින් එක්තරා ආකාරයක එලිමහන් සිරකරුවන් වී සිටිම පමණි. එවිට ඔවුනගෙ සිත්වල කොතරම් දුකක් ඇතිවෙනවා ඇත්ද.? දුක කෙසේ වෙතත් කුසට අහරක් මිනිසෙකුගේ මූලික අවශ්‍යතාවයන් සනීපාරක්ෂක කටයුතු..? තාඩන පීඩන, මරණ බය එය හුදෙක්ම මිහිපිට නරකාදියක්ම පමණි. එවන් මිනිසුන්ගේ දුක ගැන විමසා බලන්නට කවුරුන් හෝ සිටියි නම් ඔවුන් මනුෂ්‍යයන් නොව මනුෂ්‍ය වේශයෙන් සිටිනා දෙවියන්ය.

මිනිසකු උපතින්ම ශුද්ධවන්තයෙකු හෝ වසලයෙකු වන්නේ නැත. ඔවුන් කරනා ක්‍රියාවෙන් ඔහු ශුද්ධවන්තයෙකු හෝ වසලයෙකු වේ. යථාර්ථය එයයි. එනමුත් ආනාදිමත් කාලයේ සිට මිනිසුන් විසින් උපත්තියෙන්ම කරනා මේ වර්ගීකරණය, එනම් උපදින තැන අනුව ජාතිය නම් වු කාණ්ඩයක් උපයෝගි කරගෙන ගොඩ නගාගෙන තිබෙන ජාතිකත්වය යන කරුණ සමාජයෙ සමානාත්මතාවය බිඳවැටීමට සෘජුව බලපාන පිලිකාවක්.! ඉහත වාක්‍ය කීමේ අරමුණ නම් මනුෂ්‍යයකු වූවාම ඔවුනට ජීවත්වීමට රටක් කතා කිරිමට භාෂාවක් අනන්‍යතාවයට ජාතියක් අනවශ්‍ය බව නොවෙයි. ජාතිය යන වදන තුලින් කැඩී ආ ජාතිකත්වය කියනා වචනයේ නියම අර්ථය අද කාලයේ දන්නෙ කීදෙනාද.? එනම් අද කාලයේ මෙන්ම අතීතයේ පවා ජාතිය යනු ආගම සහ භාෂාව මූලික කොටගෙන සකසාගෙන තිබෙන දෙයක්. ඉතින් ආගම් දෙක තුනක් භාෂා දෙකතුනක් තිබෙනා රටක ඉහත මිනුම් දණ්ඩෙන් මිනිසුන් වර්ග කලහොත් ඇත්තටම ජාතිය කියනා වචනයේ අරුත යටපත් වෙනවා. ඒ ජාතියක් යනු එකම රටක එකම පාලනයක් යටතේ එකම ධජයක් යට එකම අයිතිවාසිකම් භුක්ති විඳින මිනිසුන් කොට්ඨාශයක් ඒ රටෙන් පිට සිටියදි අහවල් ජාතිය අර ජාතිය කියා හඳුන්වන්නට පුලුවන් මෙන්ම ඔවුනට සිය දේශයෙ ජාතිකත්වය ගැන පෞඩත්වයකින් මෙන්ම නිහතමානී ආඩම්බරයකින් ජාතිකත්වය ගැන කතා කරන්නට පුලුවන් නමුත් උපතින්ම ලැබෙන ආගම කතා කරනා භාෂාව අනුව ජාතීන් වෙන්ව සිටියදි ඔවුන් එකම ධජයක් යට එකම පවුලක් මෙන් ජාතිකත්වය ගැන කෙසේ කතා කරන්නද.?

ඉහත ඡේදයන් දෙක කියවද්දී මේ මොන බයිලාවක්ද කියල ඔබට සිතෙන්නට ඇති. එහි අරුත ඔබට මේ චිත්‍රපටය නැරඹීමෙන් අනතුරුව තේරුම් යාවි. නමුත් ඒ සඳහා මේ චිත්‍රපටිය ඇස් පිනවීමට බලාපොරොත්තුවෙන් නොබලා කල්පනාකාරීව බලන්න කියල ඉල්ලා සිටිනවා. ඩාන්සින් චිත්‍රපටියක් නිසා බොහෝ දෙනෙක් බලාපොරොත්තු වන්නේ ඇස් පිනවීමට නළු නිලියෝ ටිකක් ඇඟ පෙන්නගෙන නටලා පැය දෙකහමාරක විනෝදාස්වාදයක් නමුත් මේ චිත්‍රපටියේ ඉන් එහාට ගිය සමාජීය පණිවුඩයක් අප හැමට ලබාදෙනවා නිසැකයි. ඉහත ඡේදයේ පැවසු ආකාරයේ මිනිසුන් වෙනුවෙන් නිරන්තරයෙන් පෙනී සිටින S.W.A.T නම් කණ්ඩායම වෙනුවෙන් තමයි මේ චිත්‍රපටය නිර්මාණය කරන්නේ. ඇත්තටම මේ චිත්‍රපටයත් සත්‍ය කතාවක් සහ සත්‍ය පරිසරයක් පදනම් කරගෙන නිර්මාණය කරන ලද්දක්. චිත්‍රපටයේ අවසන් දර්ශන කිහිපය අනිවාරෙන්ම නරඹන්න කියල ඔබෙන් කාරුණිකව ඉල්ලා සිටිනවා. එහිදී ඔබට දකින්නට ලැබෙන්නේ මේ චිත්‍රපටය නිර්මාණය කිරීම සඳහා පදනම් කරගත් සැබෑම මිනිසුන් කණ්ඩායම පිලිබඳවයි. ඒ වගේම ඇස් පිනවීම පමණක් බලාපොරොත්තු නොවී දෙනෙතින් නරඹනගමන් හදවතින් මේ චිත්‍රපටය අවබෝධ කරගන්න උත්සහ කරන්න කියල ඔබෙන් ඉල්ලා සිටිනවා.

– S.W.A.Tකණ්ඩායම ගැන පළවූ දැන්වීමක් –

චිත්‍රපටය නිකුත් වුනේ මේ වසරේ ජනවාරි මස 24 වෙනිදා. මිනිත්තු 146ක් පුරා දිවෙන Street Dancer 3D චිත්‍රපටය නර්ථනයෙන්, සංගීතයෙන් කිසිම අඩුවක් නැතුව ඔබට රස විඳින්න පුළුවන්. Varun Dhawan, Shraddha Kapoor, Prabhu Deva සහ Nora Fatehi මෙන්ම අතිදක්ෂ රංගනයක නිරතවන Aparshakti Khurana ගේ රංගනය මෙහිදී කැපී පෙනෙන තැනක් ගන්නවා. එමෙන්ම අපර්ශක්තිගේ රංගනය සිනමා විචාරකයින්ගේ දැඩි පැසසුමට ලක්වුවා.

සුපුරුදු පරිදි StreetDancer3D චිත්‍රපටයත් ලොවපුරා සිනමාහල්වල 3D තාක්ෂණයෙන්ද නිකුත් වූ අතර මෙවර චිත්‍රපටය සඳහා දැඩි ප්‍රචාරණ වැඩපිළිවෙලක් ක්‍රියාත්මක වනු දක්නට ලැබුනා. එහි ප්‍රතිඵලයක් ලෙස ඇමරිකාවේ New York නගරයේ Times Square හිදීද මෙහි විශාල දැන්වීමක් ප්‍රදර්ශනය කෙරුනා. එය ඉන්දියානු සිනමාව තැබූ විශාල පියවරක් ලෙස හැඳින්විය හැකි අතර ඉන්දියානු සිනමාව ජාත්‍යන්තරයට රැගෙන යන්නට මෙවන් දේවල් මහඟු පිටුවහලක් වනු ඇති.

– New York නගරය –

අවසානයේ පැවසීමට ඇත්තේ ඕනම චිත්‍රපටයක් වාණිජමය වශයෙන් කුමන ප්‍රතිඵල ලැබුවත් සිනමාවේ නව පියවරයන් තැබීම සහ අලුත් දේවල් කිරීමට ගන්නා උත්සාහයන් කවදාවත් අහක යන දෙයක් නොවන බවයි. නර්ථනයට ඇති උමතුව වෙනුවෙන්ම පමණක් සහ නර්ථනයට උමතු වූවන්හට ක්ෂේත්‍රයේ මගක් විවර කරදීමේ අරමුණ පෙරටුකොටගෙන මේ චිත්‍රපටය වෙනුවෙන් StreetDancer3D කණ්ඩායම කැප කල දේවල් සහ එම නළුනිළියන් ඇතුළු තාක්ෂණික කණ්ඩායම් වල HardWork එක ඔවුන් උගත් පාඩම්වල අලුත් පරිච්ඡේද වශයෙන් ලියවේවි. ඒ හරහා ඔවුන්ගේ ඉදිරි නිර්මාණ මෙන්ම මෙවන් උත්සාහයන් හරහා එම කලාපිය සිනමාකර්මාන්තයන් හට විවරවන නව දොරටු ඉදිරි අනාගතයේදී ඔවුන් මීටත් වඩා හොඳට භාවිතා කරාවි. භය කියන දේ තිබෙන තාක් සිනමාවට හොඳ නිර්මාණ බිහි නොවනු ඇති.

එහෙනම් සමුගන්න අවසරයි අවසාන වශයෙන් මතක් කරන්න ඕන මේ චිත්‍රපටය නර්ථනය මූලික කරගත් චිත්‍රපටයක් වන අතර මෙහි ඇති නර්ථනඅංග බොහෝමයක් Choreograph කරලා තියෙන්නේ වර්තමාන පරපුරේ අතිදක්ෂ තරුණ Choreographer කෙනෙක් වන රාහුල් ශෙට්ටි විසින්. ඔහුද රෙමෝ ක්ෂේත්‍රයට හඳුන්වා දුන් තරුණයෙක් වීමද විශේෂත්වයක්. ඉතිං මේ හැමදේම විඳගන්න ඔබට මෙතැන්සිට බාරයි. ABCD කතා මාලාවේ පළමුවැන්නට උපසිරැසි ගන්වලා අරගෙන ආපු දිදුල KD සහෝදරයාවත් මේ වෙලාවේ මතක් කර සිටිනවා. එමෙන්ම මීට වසර පහකට පෙර ABCD 2 2015 වසරේදී උපසිරැසි ගන්වා රැගෙන ඒමට මෙන්ම මේ චිත්‍රපටයට ද උපසිරැසි ගන්වන්න අවස්ථාව ලබා දීපු ඇඩ්මින්වරුන්ටත් ස්තුතියි. ඇඩ්මින් මණ්ඩලේත් උපසිරැසි කණ්ඩායමේත් ඉදිරි වැඩකටයුතු අති සාර්ථක වෙන්න කියල ප්‍රාර්ථනා කර සිටිනවා. ආයෙත් දවසක ඉක්මණින්ම හමුවෙන බලාපොරොත්තුවෙන් අපි කැපෙනවා. සැමට ජයෙන් ජය!!

නර්ථනයට ආදරය කරන්න, කලාවට ආදරය කරන්න, දක්ෂයින්ට ගරු කරන්න, දක්ෂයින්ව අගය කරන්න…

 

” භෞතික විද්‍යාවේ පැවසෙනවා…
සෘණාත්මක දෙකක් මගින්… ධනාත්මක එකක් නිර්මාණය කල හැකියි…
 
ආර්ථික විද්‍යාවේ පැවසෙනවා…
තනිවම පාඩු ලබනවාට වඩා ලාභය බෙදාගන්න එක සුදුසුයි…
 
නවීන විද්‍යාවේ පැවසෙනවා…
එක්වීමෙන් නැගී හිටින්න පුළුවන්.. වෙන් වීමෙන් කඩාවැටෙන්න පුළුවන්..
 
ඉතිහාසයේ පැවසෙනවා…
පරදේසක්කාරයෝ අපේ රටෙන් පැනලා ගියේ… අපි එකා වගේ ඉඳිද්දී… “

 

 

 

Due to copyright issues, we do not provide any torrent link.

මෙම ලබා දී ඇති උපසිරසි HDRip පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “තා‍ර‍ක ‍නු‍වන්‍ ‍දිල්‍‍හා‍ර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
GOLD MEMBER
JOINING DATE – 2014-11-10
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Leave a Reply

Your email address will not be published.

53 comments

  1. thanx broo

  2. මචන් සුපිරි description එකක්. Remo හිටපු හැම reality එකක්ම මම බලල තියනවා dance india dance season 1 ඉදල. ස්තුතියි සබ් එකට

  3. Thanxxx bro………

  4. lipiyata thanks bro.. godak vatinava <3

  5. දමිත් රත්නායක

    සිංහල උපසිරැසියට බොහොමත්ම ස්තුතියි සහෝ.
    විශිෂ්ඨම ලිපියක්.
    ජයෙන් ජයම වේවා!

  6. mechara liuwata passe comment nokara kohmada patta

  7. බොහොම ස්තූතියි සිංහල උපසිරැසියට. ජය෴෴ 😛 😛

  8. Thanks !!!

  9. isuru srinath sjs

    බොහොම ස්තුතියි සහො සිංහල උපසිරැසියට .. ජය වේවා !!!

  10. mata ba ne movie download karanna

  11. thank you

  12. Lasantharathnasirirox

    TnX තාරක සහෝදරයා සිංහල උපසිරැසියට..ජයවේවා !!

  13. Thanks bro

  14. Asitha.pramoth

    බොහොම ස්තූතියි

  15. මේ වගේ ෆිල්ම්ස් ලංකාවෙත් 3D වලින්ම ගෙන්නල්ලා පෙන්නුවා කියලා ලිපියට දැම්මනම් වටිනවා…
    සබ් එකට තෑන්ක්ස්… 🙂

  16. Gayan_madushanka_

    Thanks bro

  17. thanks a lot..

  18. Thanks for the subtitles. Keep it up the good work.

  19. Thank You

  20. Jagath Dhananjaya

    Film ekata wada dunna wistharayata thanx bro jayawewa
    jayawewa

  21. තෑන්ක්ස්ස් කොල්ලො සබට..

  22. bohoma sthuthi jaya ..

  23. විස්තරය පට්ට. තෑන්ක්ස්.

  24. Thnks mchn

  25. thanks bro sub ekata

  26. bohoma sthuthi saho…

  27. … ගොඩක්ම ස්තූතියි. …
    ඔබට සහ ඔබ පවුලේ සැමට
    තෙරුවන් සරණ ලැබේවා..!

  28. bro <3

  29. ප්‍රශාත් මදුෂංක

    Thank you saho

  30. Thank bokka…fatta aaa

  31. Thank u vry much

  32. රංගික සිනෙත්

    සුපිරියක් . ජය වේවා

  33. arawindasunimal

    thanks wistharayakne deela thiyenne movie eka gana jayawewa budu saranai obata…………..

  34. මයිකි

    සුපිරි ලිපයක් එක්ක ෆිල්ම් එකට සබ දුන්නට තැන්ක්ස් මචො. එලම

  35. Pavara Rashmika

    ammo thanx bro enakanma balagena hitapu film ekak
    thanx

  36. Baiscopedownloads.co වැඩ කරන්නෙ නෑනේ
    ෆිල්ම් එක නැතුව සබ්ටයිටල් මොකටද

  37. සිංහල උපසිරැසියට ස්තූතියි සහෝ

  38. thanks a lot saho sub ekata

  39. Nuwandika Dilshan

    Ela bro. Thanks and good luck

  40. ෆිලුම බලන්න කලින් ගොඩක් දේවල් දැනගත්තා. ලිපියටයි උපසිරැසියටයි ඉක්මනින් දුන්නට තෑන්ක්ස් තාරක අයියා.

  41. is this okay with HD RIP HEVC ?

  42. great brother.. keep it up.

  43. Hashan M. Priyadarshana

    බොහොම ස්තුතියි බ්‍රෝ සබ් එකට 🙂 🙂 …
    ලිපිය නම් සුපිරි ඈ..
    ජය වේවා.!

  44. Ade Patta patta supiri

error: Alert: Content is protected !!