Taxi 5 (2018) Sinhala Subtitles | නව පරම්පරාවේ ටැක්සිය [සිංහල උපසිරසි සමඟ]

ටැක්සිය, සාමාන්‍යයෙන් අපි ටැක්සියක් භාවිතා කරන්නෙ හයර් එකට අරගෙන ගමන් බිමන් යන්න. ඒත් මර්සීල් වලදිනම් මේ කතාව වෙනස් වෙනව. මොකද මර්සීල් වල ටැක්සිය භාවිතා කරන්නෙ ජාත්‍යන්තර අපරාධකාරයන්ව අල්ලන්න. Taxi (1998), Taxi 2 (2000), Taxi 3 (2003), Taxi 4 (2007) කියන ෆිල්ම් ඕගොල්ලො බැලුවනම් ඔයාලට ඒක තේරෙයි. මෙන්න මේ ටැක්සි ෆිල්ම් සීරීස් එකේ පසෙනි ෆිල්ම් එක එහෙමත් නැත්තන් Taxi 5 (2018) කියන ෆිල්ම් එකට තමයි මම අද උපසිරසිය අරගෙන ආවෙ. පොඩි පොඩි කරදර වගයක් වුණ හින්ද සබ් එක කරන්න ටිකක් කල් ගියා. මොකද අපේ සීයගෙ අයිය නැති වුණා. ඉතින් මළ ගෙදරට එහෙ ගියා. හත් දවසෙ දානෙත් දීල තමයි ගෙදර ආවෙ. ඒවගේම මට ඉංග්‍රීසි උපසිරසියක් රිලීස් වෙලා කියල මතක් කරපු හසන්ත වික්‍රමරත්න අයියටත් ස්තූතිකරනව. හරි දැන් ෆිල්ම් එක පැත්තට හැරෙමු.

මේ ෆිල්ම් එක 2018 අප්‍රේල් 11 වන දින තමයි රිලීස් වුණේ. Action, Adventure, Comedy ගණයට අයත් වෙන මේ ෆිලුම IMDb 4.9 ක අගයක් ලබා ගෙන තියෙනව. ඒවගේම මේක පැය එකයි විනාඩි හතලිස් දෙකක් පුරා දිවෙනව. Franck Gastambide කියන අධ්‍යක්ෂකවරයා අතින් තමයි මේ ෆිල්ම් එක අධ්‍යක්ෂණය වෙලා තියෙන්නෙ. මෙයා හොද අධ්‍යක්ෂකවරයෙක් වගේම හොද රංගනශිල්පියෙක්. මොකද මේ ෆිල්ම් එකේ ප්‍රධාන චරිතය වෙන සිල්වාන්ට රගපාන්නෙත් මෙයාමයි. Porn in the Hood (2012), Pattaya (2016) කියන ෆිල්මුත් මෙයා තමයි අධ්‍යක්ෂණය කරල තියෙන්නෙ.

මෙන්න මේ කට්ටිය තමයි මේ ෆිල්ම් එකට රංගනයෙන් දායක වෙලා තියෙන්නෙ.

Franck Gastambide – සිල්වාන් මැරට්
Malik Bentalha – එඩී මැක්ලොෆ්
Bernard Farcy – ගුබර්ට්
Salvatore Esposito – ටෝනි ඩෝග්
Sabrina Ouazani – සැමියා
Sand Van Roy – සැන්ඩි

මේ ෆිල්ම් එකේ කතාව පැත්තට හැරුනොත් එක පොලිස් නිළධාරියෙක් පැරීසියේ ඉදල මර්සීල් වලට ස්තාන මාරු කරනව. ඊට පස්සෙ එයා ඩැනියල්ගෙ බෑණත් එක්ක එකතුවෙලා ඩැනියල්ගෙ ටැක්සියත් අරගෙන ඒක මොඩිෆයි කරල ඉතාලි මංකොල්ල කාරයො වගයක් අල්ලන හැටි තමයි ෆිල්ම් එකේ තියෙන්නෙ.

පරණ ටැක්සි ෆිල්ම් ටික බලපු අය දන්නවනෙ ෆිල්ම් සීරීස් එක කොහොමද කියල මේකත් සුපිරි. මැරෙනකන් හිනා යනව. ඒවගේම තමයි Action එහෙමත්. එහෙනම් බාගෙන බලන්න. තවත් උපසිරසියකින් හමුවෙමු. මතක ඇතුව කමෙන්ටුවකුත් දාගෙනම යන්න. හැමෝටම බුදු සරණයි.

– LA RELEVE –

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

 

 

Subtitle Contributor Rank

BRONZE MEMBER
JOINING DATE – 2017-01-25
SUBMAKER RATING BY ADMINS