The Amazing Spider-Man (2012) Sinhala Subtitles |අරුම පුදුම මකුළු මිනිසා…[සිංහල උපසිරැසි සමඟ]

ටික දවසකින් පස්සේ අපේ බයිස්කෝප් හිතවතුන් වෙනුවෙන් 2012 වසරේ නිමවුන සුපිරිතම චිත්‍රපටයකට උපසිරැසි අරගෙන ආවා. මෙය බොහෝ දෙනෙකුගේ අවධානය දිනා ගත්තෙ මෙම චිත්‍රපටය නිර්මාණය කරන්නටත් පෙරාතුව සිටයි. ස්පයිඩර් මෑන් චිත්‍රපට පෙල නැරඹුවේ නැති අයෙක් සොයා ගන්න නැති තරම්. මේ ගැන නොදන්න කෙනෙක් නැති තරම්… ඒ තරම් ජනප්‍රියතාවයක් ස්පයිඩර් මෑන් චිත්‍රපට මාලාවට හිමිව තිබෙනවා. මේ ස්පයිඩර් මෑන් චිත්‍රපට මාලාවේ නවතම නිකුතුවයි.

මීට පෙර තිර ගත වූ ස්පයිඩර් මෑන් චිත්‍රපට පෙළෙහි කථා තේමාව හැමෝම දන්නවා ඇතැයි සිතනවා.. ඒ නිසා ඒ ගැන සඳහනක් කරන්න අවශ්‍ය වෙන්නෙ නෑ. කෙසේ වෙතත් මෙය පෙර චිත්‍රපටවලින් පැවත එන කොටසක් සේ නිර්මාණය නොකොට එයින් බැහැරව අළුතින් සම්පූර්ණ කථාවක් ලෙස ගොඩනගා කර තිබෙනවා. සුපුරුදු පරිදි “පීටර් පාකර් ” වටා මේ කථාව නිර්මාණය වී තිබෙන්නෙ. ඔහු එක්තරා පිරිසකට පමණක් වෙන් වූ යම් ප්‍රදර්ශනයක් නැරඹීම සඳහා හොරෙන් ඇතුළු වනවා. ඒ අතුළුවීමේදී ඔහුට මකුණකු දෂ්ඨ කරනු ලබනවා. ඉන් පසුව ඔහුගේ ශරීරයේ ඇතිවන වෙනස් වීම රටක් බේරා ගැනීමට ඉවල් වනු ඇති බව ඔහුට ඒ මෙහොතේ නොසිතෙන්නට ඇති. පීටර් පාකර් යනු මිතුරන්ගේ උසුළු විසුළු වලට නිරන්තරයෙන් මුහුණ දෙන අහිංසක සිසුවෙක්. ඔහුට පාසලේදී හිතවතියක් මුණ ගැසෙනවා.. ඒ හිතවත්කම ආදරයක් දක්වා දුර දිග යනු ඇතැයි විටක සිතේ.. එය බිඳ වැටෙන්නෙ මන්ද..? කුඩා කලදීම දෙමාපියන්ගෙන් වෙන්වූ පාකර් හැදී වැඩෙන්නේ තම මාමා සහ නැන්දා සමගින්. ඔහුගේ පියා ජාන පිළිබඳ කීර්තිමත් විද්‍යාඥයෙක්. පියාගෙන් මොහු වෙන් වන්නේ ඇයි..? ඒ පිළිබඳව පාකර් දැන සිටියේ නැහැ.. නමුත් තම මාමා සමඟ යම් කටයුත්තක් කරන අවස්ථාවකදී ඔහුට වැදගත් ලියවිලි කිහිපයක් හමුවනවා. එම ලියවිලි පිළිබඳව විස්තර පැහැදිලි කර ගැනීමට පීටර් උත්සාහ දරන්නෙ අපූරු වෛද්‍යවරයෙකුගේද උපකාර ඇතිවය. එම විස්තර වෛද්‍යවරයා අතට පත්කිරීමෙන් මහා විනාශයක් සිදුවීමට අඩි තාලමක් දැමුවායැයි පීටර් පාකර් දැන සිටියේ නැත. කෙසේ හෝ අවසානයේ බිහිවන විකාරූපී අතිභයංකර සත්වයෙකු සමඟ සටන් කර මහජනතාව බේරා ගැනීටම ඉදිරිපත් වීමට සිදුවන්නේ පීටර් පාකර් හටය.. එනම් ස්පයිඩර් මෑන් හටය..

ඔහුට සටන ජය ගත හැකිවේද.. ඔහුගේ සහායට කිසිවෙකු සිටීවිද.. ඔහුගේ ආදරයට කුමක් සිදුවේද.. ඔහුගේ පියාට සිදුවූයේ කුමක්ද.. ගැටළු රාශියකි.. ත්‍රාසය, භීතිය හා කුතුහලය සේම ආදරයද සමසේ කැටිකරගත් මෙය මුල සිට අග දක්වාම එක දිගට නැරඹිය හැකි චිත්‍රපටයක් බව නොකියා සිටිය නොහැක. මෙය සැමට නැරඹිය හැකි අතර යම් දර්ශන පෙලක් ළමුන්ට ඒ තරම් සුදුසු නොවන බවද සිහිපත් කරමි. මේ උපසිරැසි ගැන්වීම සඳහා ශක්තියක් වූ විකියා සහ වාසල සොයුරන්ට මාගේ ස්තූතිය හිමිවේ. ඔබගේ අදහසක් හැකිනම් තබා යන්න. නැවතත් සිංහල උපසිරැසි ගැන්වූ චිත්‍රපටයක් රැගෙන එන බලාපොරොත්තුවෙන් සමුගනිමි. සැමට ජය!!!

Due to copyright issues, we do not provide any torrent link.

මෙම ලබා දී ඇති උපසිරැසි BR / DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “දිනේෂ් ගමගේ දෙල්ලව” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2011/01/25