Thursday , July 29 2021
Breaking News

The Comeback Trail (2020) Sinhala Subtitles | සිනමා පුනරාගමණය [සිංහල උපසිරසි] (50)

Rating: 10.0/10. From 5 votes.
Please wait...

සුබ දවසක් වේවා ඔයාලා හැමෝටම. ඔයාලට වගේම මටත් අද සුබ දවසක්. ඒ අද මම උපසිරසි 50ක කඩසීමාවට ඇවිත් ඉන්න හින්දා. ඇත්තමයි යාළුවනේ ඒක සුවිශේෂී හැඟීමක්. හිතට පොඩි ගැම්මකුත් එක්ක හීනි ආඩම්බරයකුත් නැත්තෙම නෑ. හිතේ ගොඩක් දේවල් තිබ්බත් කොතනින් පටන්ගන්නද කියලා හිතාගන්න බැරුව ඉන්නෙ. මට හිතෙනවා පටන්ගත්ත තැනින්ම ආරම්භ කලොත් හොඳයි කියල. මුලින්ම කියන්න ඕනෙ මමත් ලොකු චිත්‍රපට රසිකයෙක් බව. පොඩිකාලෙ ඉඳන්ම චිත්‍රපටි වලට තිබ්බ ආසාව හින්ඳම 2015දි මගෙ පළවෙනි ඇන්ඩ්‍රොයිඩ් ෆෝන් එක ගත්තට පස්සෙත් කලේ සිම් එකට ඉන්ටනෙට් පැකේජ් එකක් දාගෙන ෆිල්ම් බාන එක. ෆෝන් එක නැති කාලෙ DVD අරගෙන ඇවිත් බලනකොට වැටෙන උපසිරැසියෙ තියෙනවා ‘බයිස්කෝප් වෙබ් අඩවිය මඟින් නොමිලේ නිකුත් කල උපසිරැසියකි’ කියල. ඇත්තම කියන්න යාළුවනේ මට කිසිම තේරුමක් තිබ්බෙ නෑ ඒක ගැන. මම හිතුවෙ ලංකාවෙ ආයතනයකට චිත්‍රපටි සමාගම සල්ලි ගෙවලා උපසිරසි හදවලා කියලයි. ෆෝන් එක ගත්තට පස්සෙ මගෙ යාළුවො බලන හැම ෆිල්ම් එකකම උපසිරැසි තියෙනවා. මගෙ එකේ නෑ. ඊටපස්සෙයි දැනගත්තෙ බයිස්කෝප් කියන වෙබ් අඩවියට ගිහින් මේවා බාගන්න පුළුවන් කියන එක. එදා ඉඳන් මට රජ මඟුල්. ෆිල්ම් වලට අමතරව ටීවී සීරිස් පවා බාන්න ගත්තා.

ඉතිං ඔහොම කාලයක් යනකොට මම උපසිරසි කරන අයගෙ නම් බලාගෙන මූණුපොතේ හොයලා එයාලට රික්වෙස්ට් දැම්මා. එයාලා එක්කෙනා දෙන්නා ඇඩ් වෙනකොට මට දැනුනෙ ලොකු ආඩම්බරයක්. ඔහොම ඉන්න අතරෙ තමයි M.T. තරිඳු රුක්ෂාන් කියලා කෙනෙක් FB හරහා මට කතා කලේ. ගොඩක් විස්තර කතා කලාට පස්සෙ ඒ සහෝදරයා මගෙන් ඇහුවා සබ් කරන්න කැමතිද කියල. ඇත්තටම ඒ වෙද්දි මම එහෙම දෙයක් ගැන හිතලවත් තිබ්බෙ නෑ. තරිඳුගෙ දිරිගැන්වීම හින්දම මම තීරණය කලා එකක් කරලා බලන්න ඕනෙ කියල. ඒ විදියට තමයි 2017 අවුරුද්දෙ Geo-Disaster කියන ෆිල්ම් එක කරන්න පටන්ගත්තෙ. මේ චිත්‍රපටිය ලෝ බජට් එකක් හින්දා සිසිල ප්‍රසාද් සහෝදරයා කිව්වා මීටවඩා හොඳ එකක් කරන්න කියල. ඒත් ඇත්තටම මට බයක් හිතුනා උපසිරසි ගැලපෙන විදියට කරගන්න බැරි උනොත් අවුල් නේද කියල. ඉතිං දවස් කීපයකට පස්සෙ සයිට් එකේ මගෙ උපසිරසිය පළවෙලා තියෙනවා දැක්කාම ඇතිඋන හැඟීමනම් විස්තර කරන්න වචන නෑ. ඉතිං ඔය විදියට තමයි වැඩේ පටන්ගත්තෙ. එකක් කරලා බලන්න හිතුනත් ඔයාලගෙ කමෙන්ට්, ඩවුන්ලෝඩ් දකිද්දි තව එකක් කරන්න හිතුනා. ඔහොම ඔහොම එකින් එක අමාරුවෙන් හරි කරගෙන ආවා. ඉතිං අද මම මේ කඩඉමේ සීමාවට ඇවිත් ඉන්නවා.

ඇත්තටම යාළුවනේ මේ ගමනෙදි බයිස්කෝප් සොයුරන්ගෙන් ලැබුණු සහයනම් අපමණයි. විශේෂයෙන්ම තරිඳු සහ සිසිල ප්‍රසාද් සහෝදරවරු උපසිරසි ගැන ගොඩක් දේවල් කියලා දුන්නා. ඒ විතරක් නෙවෙයි, මම ඉල්ලන ෆිල්ම් එක කොහොමහරි ලබාදෙන්න තරම් කාරුණික උනා. මට මේ වෙලාවෙ මතක් වෙනවා මම කරපු Million Dollar Baby ෆිල්ම් එක. ඒක 2004 නිකුත්වෙලා තිබ්බත් උපසිරසිය තිබුනෙ නෑ. ඉතිං මම මේ ෆිල්ම් එක ඉල්ලුවත් ඒ වෙද්දිත් ඒක වෙන කෙනෙක් කරන්න බාරඅරන්. ඒත් මගෙ බලකිරීම හින්දම සිසිල සහෝදරයා ඒක ඉල්ලගෙන මටම දුන්නා. ඒකනම් මට කවදාවත් අමතක වෙන්නෙ නෑ. ඒවගේ සොඳුරු සහෝදර කැලක් තමයි එතන ඉන්නෙ. මේ ගමනෙදි මුණගැසුණු අශාන් විමුක්ති, සමීර, තරිඳු රසාංග, මුතූ, ලශේන්, හිරාන් එරන්ද, කාලිංග, සොනාලි, උදයංග යුරාන් ඇතුළු හැමෝම වචනයකින් හරි මේ ගමන එන්න ශක්තියක් වෙලා තියෙනවා. ඉතිං මම ඔයාලා හැමෝටම ගොඩක් ස්තූතියි කියන්න මේක අවස්ථාවක් කරගන්නම්. ඒවගේම බාධක මැද්දෙ වෙබ් අඩවිය කරගෙන යන හසන්ත සහෝදරයටත් ගොඩක් ස්තූතියි. ඒවගේම තමයි අපිට කරදර නොවී ලින්ක් හොයාගන්න උදව් කරන සඳුන් සොයුරාටත් ගොඩක් ස්තූතියි. විශේෂයෙන්ම M.T.තරිඳු රුක්ෂාන් සහෝදරයාට ස්තූති කරනවා, අද මට මෙතෙන්ට එන්න මූලික උනාට. ඒවගේම මාව උපසිකරණයට එකතු කරගත්තට. ඒවගේම ඔයාලා හැමෝටම අනාගත බලාපොරොත්තු සාර්ථකව ඉටුකරගන්න ලැබේවා කියල ප්‍රාර්ථනා කරනවා.

ඒවගේමයි, අපිත් එක්ක එකතුවෙලා ඉන්න ඔයාලත්. ගොඩක් ස්තූතියි ඔයාලටත් හැමදාම අපි එක්ක ඉන්නවට. ඔයාලගෙ ඩවුන්ලෝඩ්, කමෙන්ට් තමයි අපේ ශක්තිය. අද මේ දවසෙ මට ඔයාලගෙන් ඉල්ලන්න විශේෂ ඉල්ලීමක් තියෙනව. ඔයාලා හැමකෙනෙක්ම මොකක්හරි ෆිල්ම් එකකට උපසිරසියක් කරන්න. පටන්අරන් බලන්නකො. ඔයාලටම ආසාවක් ඇතිවෙයි. ෆෝන් එකෙන් කරනවනම් Subber pro ඇප් එක ගූගල් එකෙන් බාගන්න. ප්ලේ ස්ටෝර් එකේ තියෙන්නෙ ට්‍රයල් වර්ශන් එකක්. ඒ ඇප් එක තමයි හොඳ. මොකද අවුල් SRT ෆයිල් ඒකෙ ඕපන් වෙන්නෙ නෑ. අවුල් තියෙන SRT එකකට සබ් කලොත් සබ් එක බාගන්න සමහර අයගෙ ඩිවයිස් වල සබ් එක නොපෙන්වන්න පුළුවන්. ඒවගේම මොනවහරි දැනගන්න ඕනෙ උනොත් [email protected] කියන ලිපිනයට මේල් එකක් දාලා අහන්න. එතන ඉන්න සහෝදරවරු ඕනෙ වෙලාවක උදව් කරන්න කැමැත්තෙන් ඉන්නවා. ඒ ලිපිනයෙන්ම ඔයාලට පුළුවන් ඔයාලා කැමති ෆිල්ම් එක ඉල්ලන්න. හැමදාම රසවින්ඳනයක් ගෙනාව බයිස්කෝප් අඩවියට කරන්න තියෙන ලොකුම ප්‍රතිඋපකාරය තමයි ඒක. එහෙමනම් වැඩේට සුබපතනවා. මම බලාපොරොත්තු වෙනවා ඔයාලා ඒක කරයි කියල. ඒවගේම මමත් හිතාගෙන ඉන්නෙ ඉදිරියටත් ඔයාලා වෙනුවෙන් තවත් උපසිරසි අරගෙන එන්න. මේ දවස්වල නිවාඩුත් තියෙනවනෙ. තව කියන්න දේවල්නම් ගොඩක් තියෙනවා. ඒවා පස්සෙ වෙලාවක කතා කරමු.

අද මම මගෙ 50වෙනි නිර්මාණය විදියට තෝරගෙන අරගෙන ආවෙ 2020 අවුරුද්දෙ නිර්මාණය කරපු සුපිරි කොමඩියක්. අපේ ලෂේන් සහෝදරයා මගෙ 50වෙනි උපසිරසියට මෙවර ඔස්කා සම්මාන ලයිස්තුවෙන් චිත්‍රපටියක් වෙන් කරලා දෙන්න හැදුවත් මට මේක අමතක කරන්න බැරි උනා. මොකද මම බලපු කොමඩි ෆිල්ම් අතරින් හොඳම එකක් කියන්න පුළුවන්. මේ චිත්‍රපටිය 1982 වසරෙ නිපදවපු The Comeback Trail එකේ ප්‍රතිනිර්මාණයක්. ඒකත් ඒ කාලෙ ගොඩක් ජනප්‍රිය වෙලා තියෙනවා. මුල් චිත්‍රපටිය අධ්‍යක්ෂණය කරලා තියෙන්නෙ Harry Hurwitz විසින්. Chuck McCann, Buster Crabbe කියන අය ප්‍රධාන චරිත නිරූපණය කරලා තියෙනවා.

2020 අවුරුද්දෙ නිර්මාණය කරපු මේ චිත්‍රපටිය ප්‍රදර්ශනය සඳහා නිකුත් කරන්නෙ 2021 ජූනි 19 දිනයේ. එතකොට රංඟනයට හොලිවුඩයේ දැවැන්තයන් බොහෝදෙනෙක් දායක වෙනවා. ඒ අතරින් Robert De Niro, Tommy Lee Jones, Morgan Freeman ප්‍රධානයි. ඊට අමතරව Zach Braff, Eddie Griffin, Emile Hirsch, Kate Katzman කියන අයත් ඉන්නවා. අධ්‍යක්ෂණය කරන්නෙ George Gallo විසින්. හයදෙනෙක්ම නිෂ්පාදනයට දායක වෙලා තියෙනවා. මේකට පාදක කරගෙන තියෙන්නෙ 1982දි නිපදවපු අපි කලින් කියපු චිත්‍රපටිය. ඇමරිකානු ඩොලර් මිලියන 25ක දැවැන්ත පිරිවැයක් මත හදපු මේ නිර්මාණයෙ ධාවන කාලය පැයකුත් විනාඩි 44ක්. මේ වෙද්දි IMDb දර්ශකයෙ 5.6ක අගයකුත් ලබාගෙන තියෙනවා.

කතාව මෙහෙමයි: මැක්ස් බාබර් සහ වෝල්ටර් ක්‍රීසන් කියන්නෙ මාමයි බෑණයි උන චිත්‍රපටි නිෂ්පාදකවරු දෙන්නෙක්. මෙයාලා නිෂ්පාදකවරු උනාට වැඩ වලට මුදල් යොදවන්නෙ රෙජී ෆොන්ටේන් කියන මාෆියා නායකයෙක්. එයාගෙන් සල්ලි ගන්න වෙලා තියෙන්නෙ මෙයාලගෙ කලින් කරපු චිත්‍රපටි මතභේදාත්මක උන හින්දා ප්‍රදර්ශනය කරගන්න බැරිවීම නිසා. ඉතිං මේ වෙද්දිත් මෙයාලට රෙජීට ලොකු ණයක් ගෙවන්න වෙලා තියෙන්නෙ. ඔය අතරෙදි මැක්ස්ට දැකගන්න ලැබෙනවා චිත්‍රපටියක රූගතකිරීමක් අතරෙදි එහි ප්‍රධාන නළුවා හදිසි අනතුරකින් මියයනවා. ඒ නිසා චිත්‍රපට නිෂ්පාදක ආයතනයට රක්ෂණ සමාගම් මඟින් අතිවිශාල මුදලක් ගෙවනවා. මේක දකින මැක්ස්ට පහළ වෙන්නෙ මරු අදහසක්. ඒ තමයි එයාගෙ චිත්‍රපටියක් අතරතුර ප්‍රධාන නළුවාව අනතුරක් විදියට පේන්න ඝාතනය කරලා රක්ෂණ මුදල් ලබාගන්න එක. ඉතිං එයා ඒ වෙනුවෙන් දරණ උත්සාහය තමයි චිත්‍රපටියෙ තියෙන්නෙ. මැක්ස්ට එයාගෙ බලාපොරොත්තුව සඵල කරගන්න පුළුවන් වෙයිද කියලා ඔයාලම බලන්නකො. හැමදාම බලන කතා වලට වඩා වෙනස් නිසා සහ කම්මැලිකමක් නැතුව අවසානය තෙක්ම බලන්න පුළුවන් නිසා අනිවාර්යයෙන්ම ඔයාලත් කැමති වෙයි. Comedy සහ Crime යන ඛාණ්ඩ වලට තමයි මේ නිර්මාණය අයිති වෙන්නෙ.

එහෙමනම් මම ඔයාලට ආරාධනා කරනවා මෙය රසවිඳින්න එකඑකතුවෙන්න කියල. ප්‍රශ්න ගොඩක් මැද්දෙ ජීවත් වෙන අපිට මේ වගේ කතාවක් බලලා ලේ ටිකක් පිරිසිදු කරගන්න තියෙන එකත් මොනතරම් දෙයක්ද. එහෙනම් යාළුවනේ ගිහින් තවත් උපසිරැසියක් අරගෙන එන්නම්. එතෙක් පරිස්සමෙන් සෞඛ්‍යාරක්ෂිතව ඉන්න කියලා ඉල්ලනවා.

ඔබට ජය…!

 

 

Due to copyright issues, we do not provide any torrent links.

මෙම ලබා දී ඇති උපසිරසි WEBRip පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ගයාන් චතුරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2017-12-15
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

ද විචර්’ස් ඩයිනර් [S01 : E03] Sinhala Subtitles | මායාකාරියගේ අවන්හල [සිංහල උපසිරසි]

සුභ දවසක්..The Witch’s Diner පසුගිය කොටස් 2 නරඹපු අය දැන් දන්නවනෙ කතාවෙ ප්‍රධාන චරිත කවුද …

Leave a Reply

Your email address will not be published.

20 comments

  1. සබ් එකට බොහොම ස්තූතියි සහෝ….!
    ඒ වගේම 50 වෙනි කඩඉමටත් සුබ පැතුම්….!

  2. Tnx bro…Good Luck…

  3. Buddhika Lakmal

    ♠♣…බොහෝම ස්තූතියි උපසිරැසියට… ♠♦ 50වෙනි උපසිරැසියට සුබ පැතුම් මචං… දිගටම සබ් දෙන්න හැකියාව ලැබේවා කියලා ප්‍රාර්තනා කරනවා….

  4. Thanks bro….Good Luck….

  5. 50වෙනි උපසිරසියට උණුසුම් සුබ පැතුම් සහෝ.
    තව තවත් කඩඉම් ගණනාවක් පහු කරන්න ලැබේව කියලා ප්‍රාර්ථනා කරනවා.
    පුද්ගලික ජීවිතේ කටයුතුත් සාර්ථක වේවා.

  6. Sohan Jayasooriya

    පළමු කඩඉමට හදවතින්ම සුභ පතනව අයියේ.. ගෙට් එකෙන් හම්බෙලා අඳුරගත්ත නිහතමානී චරිතයක්.. තව තවත් සබ් කරන්න කාලය, ශක්තිය ලැබේවා කියලා ප්‍රාර්ථනා කරනවා..

  7. Subapathum sahodaraya…
    Sub ekata sthuthiy.

  8. Gayan Chathuranga

    සුබපැතුම් එකතු කල ඔබ හැමෝටම ස්තූතියි

  9. 50 වෙනි උපසිරැසියට සුභපැතුම් සහෝ.ජය වේවා!

  10. Netflix පිස්සා

    Spanish tv series එකකට සබ් කරන්නකෝ

  11. 50වන උපසිරසගැන්වුම වෙනුවෙන් උණුසුම් සුභපැතුම් ගයාන් අයියෙ 🙂
    නිදහස ලැබුණත් හරි වෙඩි වගේ සබ් බැස්සුවා නේද?
    මේ ගැම්මෙන්ම 100ත් ගහන්න වගේම අනිත් කටයුතු සාර්ථක කරගන්නටත් කාලය සහ හැකියාව ලැබේවා කියා ප්‍රාර්ථනා කරනවා. ❤️
    ජය ✌

  12. සුබ පැතුම් !! ඒ වගේම සබටත් බොහොම ස්තූතියි

  13. නිර්මාල් විමුක්ති

    50 වෙනි කඩයිමට සුබ පතනවා…
    ගයාන් අයියේ……
    ඒවගේම උපසිරසියටත් ස්තූතියි….

  14. 50 වෙනි උපසිරසියට හදවතින්ම සුභ පතනවා…!!!

    … ගොඩක්ම ස්තූතියි. …
    ඔබට සහ ඔබ පවුලේ සැමට
    තෙරුවන් සරණ ලැබේවා..!

  15. Supun Kaushalya

    තෑන්ක්ස් සබ් එකට සහෝ සුබ පැතුම් 50වෙනි සබ් එකට

  16. supiri macho…. digatama sub karanna…
    playstore eke FOXSUB namin app ekak thiyenava… ekath supiri subtitle karanna, video eka dagena sub eka karanna puluwan…

  17. Congrats brother
    Keep it up

  18. සිංහල උපසිරැසියට ස්තූතියි සහෝ
    50 වෙනි උපසිරැසි නිර්මාණයට හදවතින්ම සුභ පතනවා
    ජය

  19. ජය වේවා!!!!.
    තව ඉදිරියට සබ් කරමු.
    100ත් ඉක්මනට කරමු.
    all the best

error: Alert: Content is protected !!