Saturday , July 24 2021
Breaking News

The Forever Purge (2021) Sinhala Subtitles | නීතියේ පහස ලද අපරාධ රාත්‍රියේ අවසන් දිගහැරුම [සිංහල උපසිරසි]

Rating: 8.4/10. From 22 votes.
Please wait...

කොහොමද ඉතින් හැමෝටම? දුකක් කරදරයක් නැතිව ඉන්නවා ඇති කියලා හිතනවා. හැමෝටම පේනවානේ, අද මේ අරගෙන ඇවිත් තියෙන්නේ ගොඩක් අය නොඉවසිල්ලෙන් බලාගෙන හිටපු චිත්‍රපටයක්. මේ අවුරුද්ද ටිකක් Horror චිත්‍රපට වලටම වෙන්වුණු අවුරුද්දක් කියලා තමා පුද්ගලිකව මට නම් හිතෙන්නේ. මොකද අතිශය ජනප්‍රිය Horror චිත්‍රපට බහුතරයක් මේ වසරේ දි බලන්න ලැබෙයි වගේම, සමහර ඒවා දැනටමත් ගොඩක් අය බලලා ඉවරයි. ඒ වගේම තව කිහිපයක් ඉදිරියේදි නිකුත් විමටත් නියමිතයි. ඒත් දැන් Forever Purge චිත්‍රපටයට යන්න කලින් දෙයක් කියන්න තියෙයි. ඒ් මේ චිත්‍රපට මාලාව බලලා නැති කෙනෙක් ඉන්නවා නම් The Purge (2013) ඉඳලාම පිළීවෙලින් බලලා එන එක වඩාත් හොඳයි මොකද එතකොට ඔබට මේ චිත්‍රපට මාලාව ගැන මනා අවබෝධයක් බලාගන්න පුලුවන් වෙනවා. මුල ඉඳලා බලාගෙන ආපු අය දැන් මෙහෙමම ඉස්සහට යමු.

ඇත්තටම මොකක්ද මේ Purge කියන්නේ? මං Purge රැය ගැන කියන්න යන්නේ නෑ. මොකද හසන්ත අයියා ඒ ගැන ප්‍රමාණවත් හැඳින්වීමක් දීලා තියෙනවා පළවෙනි චිත්‍රපටයේදිම. මං කියන්න අවශ්‍ය වුණේ මේ Purge චිත්‍රපට සංකල්පය ගැන. මේ චිත්‍රපට මාලාව නිපදවෙන්නේ James DeMonaco කියන අධ්‍යක්ෂකවරයාගේ අදහසකට අනුව. ඉතින් මේ පවිත්‍රකරණ රැයේ අර්ථය ඉහළ යන අපරාධ අනුපාත, විරැකියාව සහ සමාජ නොසන්සුන්තාවයට විසඳුම් වශයෙන් ඇමෙරිකානු රාජ්‍ය බලය හිමි දේශපාලන පක්ෂයක් විසින් නිර්මිත දෙයක් බව තමයි මෙහි නිර්මාතෘ අධ්‍යක්ෂක James DeMonacoගේ අදහස. කලින් ෆිල්ම් බලලා තියෙයි නම් ඔයා දන්නවා ඇති මුල් චිත්‍රපට තුනේ අධ්‍යක්ෂනය හා රචනය නිර්මාතෘ James DeMonaco විසින්ම සිදුකල බව. පුරුදු ලෙස මෙවරත් James DeMonacoගේ තිර රචනයෙන් හැඩවුණු The Forever Purge චිත්‍රපටය නිර්මාණය වෙන්නේ නවක අධ්‍යක්ෂකවරයෙකු වන Everardo Goutගේ දෘෂ්ඨි කෝණයෙන්. මං මේ ගැන විශේෂයෙන් කිව්වේ මොකද කිව්වොත්, සඟරාවකට අදහස් දක්වමින් අධ්‍යක්ෂක DeMonaco පවසා තිබුණේ මේ The Forever Purge (2021) චිත්‍රපටය එයාගේ Purge චිත්‍රපට මාලාවට විශිෂ්ඨ අවසානයක් ලබා දෙයි කියලා ඔහු අපේක්ෂා කරන බව. පුද්ගලිකව ෆිලුම බැලුවම මටත් හැඟුනේ ඒ විදිහටම තමයි. ඉතින් එහෙනම් ඒ්ක ටිකක් දැනගන්නත් එක්ක දැන් අපි සිදුවීම් පෙළගැස්ම වෙත යොමුවෙමු.

මේ චිත්‍රපට මාලාවට අනුව මේ පවිත්‍රකරණ සංකල්පය ගොඩනගන්නේ NFFA නම් ඇමෙරිකානු දේශපාලන පක්ෂයක් විසින්. අපි දැක්කා Election Year චිත්‍රපටයේදි New founding Fathers of America (නව ඇමෙරිකානු ප්‍රාරම්භක පියවරුන්) පක්ෂය ජනපතිවරණයෙන් අන්ත පරාජයක් ලබනවා. ඉන් පසුව එහි ස්ථාපිත වුණේ පවිත්‍රකරණයට තිත තැබූ නව ඇමෙරිකානු රජයක්. ඉතින් යථෝක්ත සිදුවීමෙන් මැතිවරණ සමයන් දෙකකට පසු කාල වකවානුවක් නිරූපණය වන මේ නව චිත්‍රපටයේ දී නැවතත් NFFA පක්ෂය බලයට පත්වී සිටන අයුරු අපට දැක ගන්නට ලැබෙනවා. ඉතින් ගහට පොත්ත වගේ NFFA ආවා කියන්නේ නැවතත් පවිත්‍රකරණ (Purge) රැය ලැබෙන බව තමා. සුපුරුදු නාගරීකරණ සිදුවීම් වලින් බැහැරව මෙවර චිත්‍රපටයට පසුබිම් වෙන්නේ තරමක් වෙනස් භූමි ප්‍රදේශයක්. එක්සත් ජනපදයේ අසල්වැසි රාජ්‍ය වන මෙක්සිකෝවේ ඇතිවන මාෆියා තත්වයන් ඉහළ යාම නිසා මෙක්සිකෝ ජාතිකයන් බොහෝමයක් ඒක්සත් ජනපදය වෙත සංක්‍රමණය වනු මේ ෆිලුමේ අපිට දක්නට ලැබෙනවා. හ්වාන්, අඩේලා හා ටී.ටී කියන්නේ මෙලෙස ඒක්සත් ජනපදයට සංක්‍රමණය වුණු මෙක්සිකෝ ජාතිකයන් තිදෙනෙක්. මෙක්සිකෝවේ බහුතරයක් ජනගහණය කතා කරන්නේ ස්පාඥ භාෂාව නිසා මේ චිත්‍රපටයේ තරමක් කතා බස් අපට අහන්න ලැබෙන්නේ ස්පාඥ බසින්. එතකොට ඩිලන් ටකර් කියන්නේ කැලේබ් ටකර් නම් ඉස්තාල හිමියාගේ එකම පුතා. ඩිලන්ගේ නැ‌ගෙණියගේ නම හාපර්. ඩිලන්ගේ බිරිඳ කැසිඩි මේ වෙනකොට ඔවුන්ගේ කුළුඳුල් දරුවා අපේක්ෂාවෙන් තමයි ඉන්නේ. ඉතින් මේ කැලේබ් ටකර්ගේ ඉස්තාලයේ තමා ඇමරිකාවට සංක්‍රමණය වුණු හ්වාන්, ටී.ටී දෙදෙනාම රැකියාව කරන්නේ. කැලේබ්ගේ පුතා ඩිලන් ටකර් නම් මේ මෙක්සිකානු ජාතිකයන් දෙදෙනට වැඩි මනාපයක් නෑ. කොහොමෙන් කොහොම හරි පවිත්‍රකරණ රැය එළඹෙනවා. මුල් චිත්‍රපට වල අපි දැක්කා පවිත්‍රකරණ රැය උදෙසා නිර්මාණය කල ආරක්ෂක පද්ධති, පවිත්‍රකරණ රැයේදි පළමු පන්තියේ උදවිය පවිත්‍රකරණයේ යෙදෙන ආකාරය වගේ දේවල්.

ඉතින් මේ චිත්‍රපටයෙන් ඔයාලට බලාගන්න පුලුවන් සාමාන්‍ය මධ්‍යම පාන්තික ජනතාව කොහොමද පවිත්‍රකරණ රැයේදි සිය ආරක්ෂාව සලසා ගන්නේ කියලා. කෙසේ හෝ පවිත්‍රකරණය ඇරඹුණු පසුව එහි පාලනය ඇමෙරිකානු රජය අතින් ගිලිහී යන්නේ මනාව සංවිධානය වුණු Ever After Purge නම් ක්‍රියාවලියේ ආරම්භය නිසා. නිමාව සනිටුහන් කරන නළාහඬට පසුව පවා පවිත්‍රකරුවන් දිගින් දිගටම පවිත්‍රකරණයේ යෙදෙනු අපට මේ චිත්‍රපටයේ දක්නට ලැබෙනවා. Forever (හැමදාටම) කියන නමින්ම ඒ ගැන දළ අදහසක් ලබා දිමට චිත්‍රපටයේ නිමැවුම් කරුවන් කටයුතු කර තිබෙනවා. අනපේක්ෂිත ලෙස මෙලෙස සංවිධානය වුණු Ever After Purge ප්‍රචණ්ඩක්‍රියා නිසා සාමාන්‍ය ජනයා බොහෝ දෙනෙකුට මරු තුරුලට යන්න සිදුවෙන්නේ ඉතාම කණගාටු දායක විදිහට. ඉතින් මේ නොනවතින පවිත්‍රකරණය ගැන හාංකවිසියක්වත් නොදැන සිටි ඩිලන් ඇතුලු ටකර් පවුලේ අය මින් බේරෙන්න ලැබෙයිද? නිදහස් දිවියක සිහිනය ඇතිව ඇමෙරිකාවට සංක්‍රමණය වුණු හ්වාන්, අඩේලා, ටී.ටී ඇතුලු මෙක්සිකානු ජාතිකයන්ට මොකද වෙන්නේ? ඩිලන් ඔවුන්ට උදව් කරයිද? මේක මීට පෙර දක්නට ලැබුණු Purge චිත්‍රපට වලට වඩා හාත්පසින්ම වෙනස් මුහුණූවරක් තමයි ගන්නේ. මෙය ඔබට අපූරු වෙනස්ම අත්දැකීමක් වෙන බවනම් පැහැදිලිවම කියන්න පුලුවන්.

චිත්‍රපටයේ තිරය පිටුපස ගැන කතා කලොත් අපිට දකින්න ලැබෙනවා තරමක් ජනප්‍රිය රංගන ශිල්පීන් මෙවර Purge චිත්‍රපටයට රංගනයෙන් දායක වෙලා තිබෙන බව. Ana de la Reguera, Josh Lucas, Leven Rambin, Cassidy Freemon, Will Patton යනු ඉන් කිහිපදෙනෙක්. Army of the Dead (2021), Cowboys and Aliens (2011), Jessabelle (2014) චිත්‍රපට නැරඹූ අය Ana de la Reguera අනාවරෙන්ම දැකලා ඇති. ඒ් වගේම ඔස්කා සම්මාන ලාභී A Beautiful Mind (2001) චිත්‍රපටය නැරඹූ අයට Josh Lucas නම් හොඳින්ම මතකයේ ඇති. මොකද එම චිත්‍රපටයේ Martin Hansenගේ චරිතයට පණ පොවණු ලැබුවේ Josh Lucas විසින්. ඒසේම Percy Jackson; Sea of Monsters (2014), Lost Child (2017), The Big Ugly (2020) වැනි චිත්‍රපට හරහා Leven Rambin වත් ඔබ අනිවාරෙන්ම දැකලා ඇති. ඉතින් පේනවිදිහට රංගධරයන්ගෙන් නම් Forever Purge චිත්‍රපටයට කිසිම මදිපාඩුවක් සිදුවෙලා නැහැ. ඒ්වගේම ජනප්‍රිය අධ්‍යක්ෂක Michael Bay හා Jason Blum ඇතුලු Andrew Form, Brad Fuller, Sébastien K. Lemercier යන පිරිස තමා මේ චිත්‍රපටයේ නිෂ්පාදකවරු ලෙස දායක වෙලා තිබෙන්නේ. ඇමරිකන් ඩොලර් මිලියන 18ක අයවැයකින් තමයි මේ චිත්‍රපටය නිෂ්පාදනය වෙන්නේ. Purge චිත්‍රපට පෙළේ අනෙක් චිත්‍රපට වලට සාපේක්ෂව Forever Purge චිත්‍රපටයට තරමක් වැඩි පිරිවැයක් දරා ඇති බව පේනවා. සුපුරුදු පරිදි මේ ෆිලුමත් Universal Studios ආයතනයේ ඉදිරිපත් කිරීමක්. මේ ෆිලුම මේවෙනකොට IMDb දර්ශකයේ 5.6ක අගයකුත්, 53ක Metascore අගයක් හා Rotten Tomatoes 49%ක Tomato Meter අගයක් හා 79%ක Audience Score අගයක් ලබාගෙන තිබෙනවා.

ඉතින් අවසාන වශයෙන් කියන්න තියෙන්නේ මේ තමයි Purge නාමය යටතේ නිකුත් වන අවසාන චිත්‍රපටය. 2013 වසරේ පටන් දිගහැරුණු The Purge චිත්‍රපට මාලාව මේ චිත්‍රපටයෙන් නිමාවට පත් වෙනවා. ඉතින් තවත් ලිපිය දිගුකරන්න අපේක්ෂාවක් නෑ. ඒවගේම ඔබේ අදහසත් පහලින් තියෙන කමෙන්ට් බොක්ස් එකේ හලාගෙන යන්න කියලා ඉල්ලිමක් කරන අතරම මට චිත්‍රපට භාර දීපු තිසර අයියටත් ස්තූතිය ප්‍රකාෂ කරනවා. එහෙනම් හැමෝටම සුභ දවසක් ප්‍රාර්ථනා කරනවා. ඒ්වගේම මේ අවසන් Purge චිත්‍රපටය සියලු දෙනාටම වෙනස්ම අත්දැකීමක් වෙයි කියලා මං විශ්වාස කරනවා! ඒ් නිසා තවත් කල් මරන්න එපා.

Go on, lets Purge!!

 

 

 

 

 

Due to copyright issues, we do not provide any torrent links.

ලබා දී ඇති උපසිරසි WEB පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “විහඟ පියුමාල්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2018-03-24
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

 

Check Also

Kudi Yedamaithe (2021-) [S01 : E03] Sinhala Subtitles | අතුරුදහන් වූ පෙම්වතා [සිංහල උපසිරසි]

Lucia (2013), U Turn (2016) වගේ ජනකාන්ත ජනප්‍රිය නිර්මාණ බිහි කරපු පවන් කුමාර් අධ්‍යක්ෂකතුමාගේ මීළඟ …

Leave a Reply

Your email address will not be published.

14 comments

  1. Thanks….jayawewa….!

  2. thanks..

  3. බොහෝම ස්තූතියි සහෝ

  4. සබ් එකට බොහොම ස්තූතියි සහෝ….!

  5. Supun Kaushalya

    තෑන්ක්ස් සබ් එකට සහෝ

  6. Thank you very much!

  7. සිංහල උපසිරැසියට ස්තූතියි

  8. Purge tv series ekata sub one sago

  9. supiri sahoo..me wage aluthma film enakal balan inne..

  10. Thanks සහෝ

    Rounders 1998 movie එකේ sub ගේන්න පුලුවන්ද

  11. උපසිරැසියට ගොඩක් ස්තූතියි සහෝ.

    තව හොඳ හොල්මන් චිත්‍රපට උපසිරැසි දෙන්න සහෝ. අලුත් පරණ ඕනම හොල්මන් ෆිල්ම් එකක් හොඳයි. පැරණි හොල්මන් ෆිල්ම් නම් නියමයි.

error: Alert: Content is protected !!