The Fountain (2006) with Sinhala Subtitles | අමරණීයත්වය සොයා… [සිංහල උපසිරැසි සමඟ]

මේ මගේ හත්වෙනි උපසිරැසි නිර්මාණයයි. මේක ටිකක් සාමාන්‍ය රීතියෙන් වෙනස්ව නිපදවුණු විද්‍යා ප්‍රබන්ධ චිත්‍රපටයක්. මේ චිත්‍රපටය මුල්වරට තිරගත වුණේ 2006 නොවැම්බර් 22 වැනිදා. IMDb දර්ශකයෙ 7.3/10 ක අගයක් ලබාගෙන ඇති The Fountain (2006) ඇමරිකන් ඩොලර් මිලියන 35ක ඇස්තමේන්තුගත වියදමක් දරා නිපදවා තිබෙනවා.

රංගන ශිල්පීන්:
Hugh Jackman – තෝමස්/ ටොමී/ ටොම් ක්‍රියෝ
Rachel Weisz – ඉසබෙල්/ ඉසී ක්‍රියෝ
Ellen Burstyn – වෛද්‍ය ලිලියන් ගසෙටි
Mark Margolis – ඇවිලා පියතුමා
Stephen McHattie – පර්යේෂකයා

The Fountain චිත්‍රපටය අධ්‍යක්ෂණය කලේ Darren Aronofsky විසින්. අධ්‍යක්ෂක Darrenට අවශ්‍ය වුණේ විද්‍යාව සහ තාක්ෂණයට පමණක් සීමා වුණු කතාවන් අන්තර්ගත සාමාන්‍ය විද්‍යා ප්‍රබන්ධ චිත්‍රපටයක් නිපදවනවාට වඩා ඉන් ඔබ්බට ගිය ආදර අන්දරයක් පිළිබඳ විද්‍යා ප්‍රබන්ධ චිත්‍රපටයක් නිර්මාණය කිරීමටයි. එහි ප්‍රතිඵලයක් ලෙස දිගහැරෙන මෙම චිත්‍රපටය අතීතයෙත් වර්තමානයෙත් අනාගතයෙත් සිදුවන කතාවන් තුනක ඡේදනයක් ලෙසයි දිගහැරෙන්නේ. වර්තමානය – නූතන විද්‍යාඥයෙකු වන ටොම් ක්‍රියෝ සහ ඔහුගේ පිළිකා රෝගී බිරිඳ ඉසී ක්‍රියෝ අතීතය – රණශූරයෙකු සහ ඔහුගේ රැජිණ අනාගතය – තම අහිමි වූ ආදරය මනසින් දකින අභ්‍යාවකාශයේ සැරිසරන අධ්‍යාත්මික සංචාරකයෙක්.

තම පිළිකා රෝගී බිරිඳ සුවපත් කර ගැනීමට අමරණීයත්වය ලබා ගැනීමට පර්යේෂණ කරන තරුණ විද්‍යාඥයා එක්තරා ගසකින් ලබා ගන්නා යුෂයකින් වයස්ගත වීම පාලනය කිරීමේ සාර්ථකත්වය අබියස සිටියි. ඔහුට තම බිරිඳ මරණයෙන් ගළවා ගැනීමට හැකිවේද? ඇවිලා පියතුමාගෙන් ලබා ගන්නා තොරතුරකට අනුව ස්පාඥ්ඥ රාජ්‍යයේ රැජිණ මායාවරුන්ගේ එක්තරා රහසක් දැනගනියි. ඇ‍ය කුමන්ත්‍රණ කරුවන්ගෙන් රාජ්‍යය බේරා ගැනීමට සටන් කරන රණශූරයෙකු හට අමරණීයත්වයේ ඖෂධය ලබා ගැනීමේ වගකීම පවරයි. ඔහුට එය ඉටු කිරීමට හැකිවේද? තම ආදරවන්තියගේ වෙන්වීමෙන් දුකට පත්වන ආධ්‍යාත්මික සංචාරකයා උත්සාහ කරන්නේ කුමකටද? ඔවුනට අමරණීයත්වය ලබාගැනීමට හැකිවේද?

මේක වෙනස්ම ආකාරයෙ තේමාවක් ගත් විද්‍යා ප්‍රබන්ධ චිත්‍රපටයක්… 🙂 🙂

400 MB (BR) කොපිය මෙතනින් බාගන්න

900 MB (BR) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “ප්‍රබුද්ධ කේ්‍සර විතානගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.