The Incredibles (2004) Sinhala Subtitles | වීරයන් නොමැති ලෝකයක්..[සිංහල උපසිරැසි සමඟ]

ඔන්න එහෙනම් හාහාපුරා කියල මගේ පළවෙනි සිංහල සබ් එක දෙන්නයි යන්නෙ. හැමදාම films බාල විතරක් මදි හින්ද ඔන්න සිංහල සබ් එකක් අරගෙන ආව. එහෙනම් අපි චිත්‍රපටිය දිහාට හැරෙමුකෝ. මේක 2004 තිරගත උන සුපිරිම Animation බයිස්කෝප් එකක්. ටිකක් පරණ එකක් කියල හිතුනට Graphic & Animation සුපිරියි. පට්ටම බයිස්කෝප් එකක්. IMDB ratings 8ක් අරගෙන තියනවා. ඒ වගේම Oscar සම්මාන 2කටත් වග කියල තියනවා. මේක අධ්‍යක්ෂණය කරල තියෙන්නෙ Brad Bird. ඔහු Ratatouille, Up, The simpsons වගේ සුපිරිම බයිස්කෝප් හදන්න දායක වෙච්ච පොරක්. මේකට හඩ කැවීමෙන් Craig T. Nelson, Samuel L. Jackson, Holly Hunter වගේ සුපිරි සෙට් එකක් දායක වෙලා තියනවා. එතකොට ඉතින් film එක ගැන අමුතුවෙන් කියන්න ඕනි නැහැනේ. 🙂

මේකෙ කතාව කියනව නම්, සුපිරි වීරයෙකුගෙ පවුලක් වටා තමයි කතාව ගොඩනැගෙන්නෙ. මෙයා කරන සුපිරි ක්‍රියාවක් හින්ද රජය විසින් සියලුම සුපිරි වීරයන්ගේ වැඩ තහනම් කරනවා. ඔවුන්ටත් සිද්ද වෙනවා මහජනතාව අතරෙම ජීවත් වෙන්න. හැබැයි අපේ වීරයට නම් එහෙම ඉන්න අමාරුයි. ඒ හින්ද මෙයා අඵත් වැඩකට අත ගහනවා.. මොකද්ද මේ වැඩේ..? ඒක කරන්න ගිහිල්ලා මෙයාට මොකද වෙන්නෙ..? ඒ ගැන හොයාගන්න නම් බාලම බලන්න වෙනවා. මේක පවුලෙ ඔක්කොටම හොඳට හිනා වෙවී එකට බලන්න පුලුවන් බයිස්කෝප් එකක්.

අන්තිමට කියන්න ඕනි ගොඩාක් වැඩ රාජකාරි අතරෙ තමයි මේකෙ සබ් හැදුවෙ. ඒ හින්ද පුදුම කට්ටක් කෑවෙ. 🙂 ඒ හින්ද බාගෙන විතරක් යන්නෙ නැතුව පොඩි comment එකක් දාගෙන යන්න කියල ඉල්ලනවා. තව තවත් සබ් දෙන්න ඒක ලොකු හයියක් වෙයි. එහෙනම් තවත් සබ් එකක් එක්ක නැවතත් හමුවෙමු. ජය වේවා..!

මීට පෙර පළකල ලිපිය

මේ කියන්න යන්නෙ ඇනිමේශන් ෆිල්ම් එකක් ගැන.. මේක පික්සාර් ලාගෙ වැඩක්.. එයාලගෙ වැඩ ගැන දන්න අය නම් මේක කෙලින්ම බාගනියි.. තාම බාගන්න හිතුනෙ නැත්නම් මේ ටික කියවල බලන්නකො.. මේ ෆිල්ම් එක ඔස්කාර් සම්මාන දෙකක් හා තවත් සම්මාන 39ක් දිනාගෙන තිබෙනව.. තාම බලන්න හිතුනෙ නැද්ද? මේක තමයි ලෝකෙ හොදම ෆිල්ම් අතුරින් 188 වැනි ස්ථානයේ තියෙන්නෙ.. IMDB රෙටින්ග්ස් හි 8.1/10 ක් ලබාගෙන තියෙනව.. සෙල්ලම් නෑ නේද?
මේක වඩාත් ගැලපෙන්නෙ තරුණ ළමයින්ට.. ඒත් හැමෝටම ආසාවෙන් බලන්න පුලුවන් ඇක්ශන් ෆිල්ම් එකක්..

සුපුරුදු පරිදි මම කියන්නම්කො කතාවෙන් ටිකක්.. ඔන්න එක්තරා නගරයක සිදුවන අපරාධ මැඩලමින් ඉන්නව සුපිරි වීරයන් පිරිසක්.. Mr. Incredible මේ අය අතුරින් ප්‍රධාන කෙනෙක් (ඔහු අසාමාන්ය විදියට ශක්තිවන්තයෙක් ).. සොරෙක් අල්ලන්න යන ගමනකදි ඔහුට හම්බෙනව මේ වගේම වීර තරුණියක්.. ඇයට ඇඬෙන්න පුලුවන් ඕන තරම් දිගට මේ දෙන්න ආදරය කරන්න පටන් ගන්නව.. පසුව සම්බන්ධය විවාහයකට පෙරළෙනව.. නමුත් අවාසනාවට මේ නගරයේ මිනිසුන් කියනව ඔවුන්ට තවත් සුපිරි වීරයන්ගේ සේවය ඕන නැති බව.. මෙතනින් පස්සෙ ඔවුන්ගේ ජීවිත අවුල් වෙනව.. Mr. Incredible කාර්යාලයක වැඩ කරනව.. ඔහුගේ බිරිද ගෘහණියක් විදියට කටයුතු කරනව.. නමුත් ඔවුන්ගේ සිත්වල වැඩ කරන්නෙ පෙර ලෙසම මිනිසුන්ට උදව් කිරීමේ ආසාව තමයි.. කාලය එහෙම ඒකාකාරී විදියට ගත වෙනව.. Mr. Incredible ට මේ ජීවිතය එපා වෙනව.. ඉන් පස්සෙ මොකද වෙන්නෙ කියල බලන්න ඕන නම් බාගන්නකො.. හරිම ලස්සන ෆිල්ම් එකක්.. හැමෝම ආසාවෙන් රසවිදියි කියල හිතනව.. 🙂

Due to copyright issues, we no longer provide any torrent links.

ලබා දී ඇති උපසිරැසි BR / DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “හසින්ත රත්නායක (මැක්ස්)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2012/09/29